الفقر

[مشكلتي]

السلام عليكم
إخواني أخواتي
ما أتيت إلى هنا وما سأطره إلى لتخفيف أعلم أني أفضل من بعض الناس لكن ضاقت بي الأحوال.........

الموضوع وما فيه أني كرهت الفقر كرهت الذل كرهت كل شيء كرهت الضيق لي رانا عايشين فيه
بابا كبر وهنا مازلنا صغار خويا لكبير ربي مسكين باش يشوف حياتوا كيما كامل درايري ويزوج نو قاعد يخدم علينا هي لحكاية بابا وخويا يخدموا في نفس الحانوت صودور بابا يروح يدور ويرجع مام يخدم خدمة خفيفة خلاص كبر وخويا نهار كاما وهو يخدم ومام بابا ميخلصوش ديما والله راني مقهورة في يد بزاااف صنعات وهو مغبون حاصل بين نارين ميقدرش يخلي بابا وحدوا ومايقدرش يقعد هكذا طول لعمر مام داح على الخدمة فالصحرة وملقاش وديما يضار ب معاه بابا على أتفه شيء الله غالب منقدرش نلوم حتى هو دار بيه زمان
والله أني مغمومة وكرهت حياتي
ضيق بزاااااااااااااف منقدر نقرا منقدر نقعد مايقدروا ناس يجوا عندنا ...............
والله ماني قادرة نكمل وخلي خلي خلي
دعواتك لانا بالفرج والعمل لأخي

[رميسة الجزائرية]

صبرا صبرااا اخوكي فليصبر لانه مهما عمل فلن يرجع فضل ابيكي
صبرا فرضاء ابيك يعني الفوز والنجاة
صبرا سيرزقكم الله بالافضل ان حمدتم ولم تسخطووو
انت واخوكي تحملا فسياتي الفرج هكدا قال ربنا فالصابرين يفرج عنهم مهما طال الزمن
عشت الفقر لكن حين فرج ربي فانا اليوم في رغد
اياكم والسخط عليكم بالدعاء تيقني انه لن يطول الزمان وستفرج

[peaceful spirit]

ربي يفرج عليكم و يسهلكم الرزق و يرزق خوك بخدمة مليحة يااااااااااااااا رب

[نور الرحمة]

متتقلقيش لخطرش جيبها غير في صحتك وقراي قرايتك وان شاء الله يفرجها عليكم ربي

[" أمة الله فاطمة "]

السلام عليكم

فصبر جميل كما قال الرحمان عز وجل..
يا اختي لا تقنطي من رحمة الله بل هذا ابتلاء من الله عز وجل يختبركم في الدنيا لتُجزون في الآخرة،،،افرحي يا طيبة،لان الله يحبكم.....فالله يريد ان يرفع قدركم ويجعلكم بدرجات اعلى وعُلى...
الم تسمعي قول رسولنا الكريم صلى الله عليه وسلم:ان عظم الجزاء مع عظم البلاء ،وان الله اذا احب قوما ابتلاهم ،فمن رضي فله الرضاء ومن سخط فله السخط"
فاصبروا ايتها الفاضلة وادعوا الله وتوكلو عليه واحسنو الظن به....فما هذه الدنيا الى مدرسة تعلمنا وتمتحننا وبعدها يكون جزاؤنا ....
اسأل الله العظيم ان يرفع عنكم البلاء ويفرج همكم ويسعدكم في الدارين ويزيدكم صبرا ونورا ... واساله اللهم ان يدفع عنكم الفقر ويعوضكم بما هو خير واحسن من رزق حلال طيب..
بوركتم.....^^

[first first]

اختي ماتخمميش ................اخوك ربي شايفو وبجي النهار لي يعوضو ويفتح عليه
قرايتك اتهلاي فيها ...............مناه اهمالها لن يحل المشاكل التي تشغل بالك
منين ضيق بيك ارفعي يدك للسماء وادعي وماتبخليش روحك .........................يجي النهار ويفرج ربي ............قد تنسين دعاءك لكن الله لاينسى
ربي يزقكم من بابه الواسع ..................بعد الضيق ياتي الفرج باذن الله

[NIGHTINGALE]

سيدنا محمد صلى الله عليه وسلم قال :

(( اطلعت في الجنة فرأيت أكثر أهلها الفقراء ))

ذلك أن الفقر بالنسبة للمؤمن الذي يعرف ربه حصن من فتن الحياة

وإليك قصة صغيرة عن الصحابي الجليل أبي الدرداء

حيث زاره أمير المؤمنين عمر بن الخطاب في بيته

فلم ير فيه غير فراش من جلد، وكساء رقيق لا يحميه من برد دمشق

فقال له: رحمك الله، ألم أوسع عليك؟

فقال له أبو الدرداء: أتذكر حديثًا حدثناه رسول الله ؟

قال عمر: أي حديث؟

قال: (ليكن بلاغ أحدكم من الدنيا كزاد الراكب) الترمذي.

قال: نعم

قال أبو الدرداء: فماذا فعلنا بعده يا عمر؟

[عبد الله 22]

السلام عليكم الفقر من ظواهر الحياة التي قد يبتلى بها الانسان وما عليه أولا سوء ال صبر أولا ثم مكافحته عن طريق العمل دون الوقع في الحرام او مايعرف بالغاية تبرر الوسيلة التي أصبحت سائدة في هذا الوقت ، الله يغنيكم بحلاله عن حرامه
تعجبني هذه القصة
في بيتنا باب

في حجرة صغيرة فوق سطح أحد المنازل... عاشت الأرملة الفقيرة مع طفلها الصغير، حياة متواضعة في ظروف صعبة إلا أن هذه الأسرة الصغيرة كانت تتميز بنعمة ال...رضا و تملك القناعة التي هي كنز لا يفنى.
لكن أكثر ما كان يزعج الأم هو سقوط الأمطار في فصل الشتاء، فالغرفة عبارة عن أربعة جدران ، و بها باب خشبي غير أنه ليس لها سقف.
وكان قد مر على الطفل أربعة سنوات منذ ولادته، لم تتعرض المدينة خلالها إلا لزخات قليلة و ضعيفة إلا أنه ذات يوم تجمعت الغيوم وامتلأت سماء المدينة بالسحب الداكنة.
ومع ساعات الليل الأولى هطل المطر بغزارة على المدينة كلها، فاحتمى الجميع في منازلهم ، أما الأرملة و الطفل فكان عليهم مواجهة،
نظر الطفل إلى أمه نظرة حائرة و اندسّ في أحضانها لكن جسد الأم مع ثيابها كان غارقًا في البلل أسرعت الأم إلى باب الغرفة فخلعته و وضعته مائلاً على أحد الجدران.
وخبأت طفلها خلف الباب لتحجب عنه سيل المطر المنهمر فنظر الطفل إلى أمه في سعادة بريئة و قد علت على وجهه ابتسامة الرضا وقال لأمه:
ماذا يا ترى يفعل الناس الفقراء الذين ليس عندهم باب حين يسقط عليهم المطر؟ !!!
لقد أحس الصغير في هذه اللحظة أنه ينتمي إلى طبقة الأثرياء ففي بيتهم باب! منقولة من الفايس

[عواطف8]

ربي يفرج عليكم

[الجواهر]

ربي يفرج عليكم اختي الصبر الصبر الصبر مفتاح الفرج

[Ayad3]

"اللهم يا من أنزلت من سماءك مـــــطرا
وأخرجت من أرضك شـــــــجرا
افتح باب رزقك وتوفيقك لهذه العائلة وكل محتاج من المسلمين
واجعل من نور وجهك الـــكريم
مصباحا يضيء لهم دربهم "
اللهم امــــــــــــــــــــــين

[عبد الله 34]

ربي يفرج عليكم اختي الصبر الصبر الصبر مفتاح الفرج

[*نـــور*]

ربي يفرجها عليكم و يفرج على كل مهموم

[كلنا راحلون]

ازمة وتمر ان شاء الله .............ادا تقدري وفنانة في صناعة حلويات حاولي صناعة حلويات ومديها اصحاب محلات او بقال ومع مرور تتحسن حالة

و الله يسهل

[naamane3]

فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا

يُرْسِلِ السَّمَاء عَلَيْكُم مِّدْرَارًا

وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا

[أناييس الربيع]

كثرة الاستغفار

وقراءة سورة الواقعة

[كنزة88]

والله وجعتيلي قلبي ربي يكون معاكم والله ربي يحبكم صدقيني لانو بتلاكم هاكدا ولا كتر صدقيني كي تشوفي لحالت لمرضا تشكري ربي على لفقر ربي يغني من يشا ويفقر من يشا المهم الصبر وكثرة الاستغفار ونتي لازم تقراي بلاك انتي تفرجي عليهم ماتدريش منين يجي الخير ربي حنين كريم واحسان الضن بالله يخرجك من هاد الضيق لي راكي حاسة بيه وسعي خاطرك وقراي

[rachid9ramdi]

[الفقر و الله ماهو عيب لأنوا إبتلاء من عند مولانا
العيب هو كي نقطعو رحمة ربي و ننساو بان كل واحد فينا عندو رزقوا قد كتبه له الله لاكن بأسباب
مشكلتك أنت هي أنك راكي تحتكي كثير بالناس اللي عايشة مليح و هدا لي خلاك تتساءلي علاش أنا مشي كيما هما
هدا واحد مجرب راه يكي معاك لأني معشتش طفولة تاعي كيما دراري من الميزرية مي الحمد لله حتي حاجة ما الدوم
في لخر نقولك قولي الحمد حتي و أنتي تموتي

[lachiche]

كامل رانا هكذا أخني
قولي الحمد لله

[الوجہ البَشوش]

ربي يفرجها عليكم

[زبدة ذايبة]

إن الله لايغير مابقوم حتى يغيروا ما بأنفسهم

هذا تغيير بتغيير

الرزق على الرزاق سبحانه وتعالى

والرزق قدر قسمو رب العالمين على العباد

قال رسول الله صلى الله عليه وسلم : من أصبح منكم آمناً في سربه ، معافى في جسده ، عنده قوت يومه ، فكأنما حيزت له الدنيا بأسرها

شوفي الناس اللي راهم مراض في المستشفيات

شوفي الناس اللي خرجوهم من المستشفيات وقالولهم ماعندنا مانديرولكم

شوفي نعمة الصحة ونعمة الدين ونعمة الوالدين

راكي في أكبر نعمة احمدي رب عليها

صحتك والديك خاوتك

احمدي رب ماشي كل يوم تجي لابوليس لداركم يدقدقوا يحوسوا على باباك وخوك

احمدي رب مايجيش خوك وبابك يطايحو من سكرة الخمور

هذي كامل نعم مايعرفها غير اللي فقدها

لوكان جا عندنا مكبرات تكبر الصور اللي في بيوت الأغنياء واش راه صاير فيها تحمدي رب على الرزق اللي قسمهولك

واش معناتو دار كبيرة ولبسة ماركة وماكلة تاع بنان وكيوي

ياك هذ اللبسة باش يستر الإنسان العورة انتاعو

والماكلة باش مايموتش ومايمرضش

الآن الأطباء يحرمو على الناس نوع من الأكل لأنهم مراض بالسكر والكولسترول و الضغط

يعني لالحم لاحلوى لاقاطو والو وهو قادر يشريها

صحتك وراحة بالك مايساويهاش مال الدنيا كامل

سقسي الناس اللي مرضو بالأمراض المزمنة مانقولكش الخبيثة شافاهم الله وعافاهم

شحال يمد دراهم باش يبرا

راح يقول نعطي مالي كامل ويبرالي وليدي ولا راجلي ولا بابا ولا......

النعم عظيمة اللي رانا فيها وماشي حاسين

الإنسان يشوف لعلاقتو وصلتو مع رب العالمين

لوكان جات الآخرة شاغلتنا ونفكرو إذا نروحو للجنة ولا للنار

والله مايبقا فرق عندنا إذا كنا مرفهين ولا فقراء

لكن الدنيا سكنت في قلوبنا ولينا نشوفوها هي كلش

وكأننا رايحين نخلدو فيها وكل يوم الجنازات نشوفوها ونسمعو بيها واحنا ماشي جايبين خبر

هذا الكلام لينفسي أولا قبل مايكون ليك ولا اللي يقرا الرد انتاعي

ومافيها والو تحسنوا من حياتكم المادية ماشي عيب وماشي حرام

في بعض الأحيان الطريقة اللي يفكرو بيها أعضاء الأسرة في تحسين الجانب الاقتصادي للبيت هي اللي يكون فيها الخطأ

أنا مارانيش عارفة ظروفكم بالضبط كيفاش

لكن حاولي مع أسرتك تشوفو كيفاش تغيروا من أسلوبكم


وكيما قال الله عزوجل : "إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ" [الرعد:11]