الى الاخت ..تم الرد...Lotus flowerl

[ام حمزة22]

السلام عليكم ورحمة الله تعالى وبركاته

اختي الفضيلة لوتوس هاقد لبيت طلبك الخاص بالبدرون والجيلي وهاهو الباترون والابعاد الخاص ببناتك الكبرىوالصغرى ربي يحفضهملك
http://store1.up-00.com/2015-05/1430853460911.jpg
http://store2.up-00.com/2015-05/1430907357972.jpg
http://store2.up-00.com/2015-05/1430907357891.jpg
اتمنى ان يكون الباترون مفهوم واي سؤال انا بالخدمة
ونصيحتي فيما يخص خياطة الساتان انك تتبتيه مليح بالدبابيز بعد ما تحطي عليه الباترون وما تنسايش قبل ما تقطعي القماش تخلي حق الخياطة 4سم في الجانبين وفي دائرة الكم والرقبة خلي 1سم
وهاد الرابط يبينلك كيف تحطي القماش الوجه للوجه باه تحطي الباترون وغيره من التفاصيل
http://www.djelfa.info/vb/showthread.php?t=1598939&page=2



وهدا الرابط يبينلك كيف ديري لوغلي في الشلقة واسفل البدرون
http://www.djelfa.info/vb/showthread.php?t=1775084


اما عن الجيلي والسؤال لي طرحتيه هو ان الفتحة لي خليتها باه ننقلب او نخرج الجيلي من الدوبلوغ اي بعد ما نكمل طرز الجيلي نخيط فوقو الدوبلوغ الوجه للوجه ونخلي فتحة باه نقلب الجيلي للخارج والرابط يبينلك دالك

ونصيحة انك تفوفيلي بعد ما تفصلي قم تقيسي على بنتك وتشوفي الا كل تمام بعد دالك خيطي بالمشينة

ان شاء الله قدرت نوصلك الفكرة
تحياتي

[ام حمزة22]

اختي نسيت نقلك ان الرشام لي طلبتيه مني انا فالحقيقة اخترع رسم من راسي اقتبس جزء من الرشام ثم اكبره او اصغره كيف ما اريد

اتمنى لك التوفيق من كل اعماق قلبي

[stayfiya]

الف شكر ام حمزه في تعبك يا ريت دخلت مولات الطلب. باش طمنك بلي تعبك فادها هي مانغلقش الموضوع في انتظار الاخت تدخل هذا لا يمنع ان بزاف لي ستفادو منو حتى و ما تركوش كلمة شكر

[ام حمزة22]

اهلين بالغالية سطايفية مرورك اسعدني
اما عن العضوة لي طلبت مني هاد العمل كانت تردلي في موضوعي لي في قسم المسابقات والورشات
انا باش ما نخالفش القوانين حطيتو في قسم الطلبات
هي شافتو لاكن كانت دايما ديرلي ردو في الموضوع الاخر
وان شاء الله يفيدها ويفيد الجميع
مشكورة على الاهتمام اللدي يزيدني تشجيعا بارك الله فيك وجزاك الجنة

[ام حمزة22]

اختي ام حمزة ربي يحفظك من كل سوء
انا لم اكن اعلم انو الموضوع في قسم الطلبات و كنت حاطة في بالي انو الرابط فقط راهو في رسائلك اللي بعثتيهالي
و اعتذر الاخت السطايفية ان اثقلت عليكم و شكرا لاهتمامك و طيبة قلبك


اذا استغنيت عن البنسات هل نقص قيمة عرضهم من الباترون ولا لا
جزاك الله بكل خير و ربي يحفظلك وليداتك و زوجك و يجمعك معهم في الجنة
اللهم صل وسلم على سيدنا محمد

و اعتذر منك اذا تعبتك و ربي يكتبلك تعبك في ميزان الحسنات


عليه الصلاة والسلام

لا داعي للاعتدار اختي تعبك راحة ومشكورة على الدعاء لك بالمثل
اما عن البانسات تقدري تستغناي عليهم لان بناتك صغار ربي يحفضهم ومثل ما قلتي نقسي من العرض
تحياتي اختي الكريمة

[ام حمزة22]

السلام عليكم
جمعة مباركة للجميع و ربي يتقبل منا صالح الاعمال
عندي استفسار و سامحني بزاف تعبتك معايا

اولا قياس الشقة من الاسفل كم مقدارها هل اقيس الى الركبة ام فوق الركبة لكل بنت و نرسم

ثانيا :رسم الظهر واضح جدا وبارك الله فيك و رسمتو
رسم الصدر حبيت نسال في جهة الي نقصو 2سم راح يكون الطول 83 سم مطابق لطول الخلف
بصح من الجهة اللي نقصو 4 سم ما فهمتش كيفاش تكون هي كذلك 83سم لانو اذا نقصنا 4سم راح تكون 81سم يعني ناقصة على الخلف و لا ينطبقان

ثالثا :الخطوط العرضية الاول الي من فوق هو خط الصدر
و الثاني اللي فيه البنس هو خط الخصر
و الثالث هو خط الورك
حبيت نعرف اذا كيفاش نرسم الانحناءة من الورك و نهبط مباشرة للاسفل
و لا نهبط بمسافة حتى نوصل لبداية الشقة لكل باترون و نرسم خط مستقيم

اعلم اكثرت لكني اريد ان ارسم رسم دقيق خاصة انو راني مبتدئة

و شكرا و ربي يجازيك كل خير على صدرك الرحب و ربي يرضى عليك و يجازيك الجنة يا رب




وعليكم السلام ورحمة الله تعاﻻى وبركاته

اختي الكريمة انا بالخدمة وراني معاك حتى تكملي خياطة البدرون وما تزيديش تقولي تعبتك وسامحيني
شوفي حبيبتي الطول الكلي نتاع الضهر للبدرون 83 وام نزيدو ما نقصو منهم وقلتي جاك ساهل
وحتى الصدر ساهل اختي ركزي برك شوية الطول الكلي نتاع الامام هو يختلف عن الضهر راه يبان مليح فالصورة
طول الخط من الاعلى الى الاسفل 87 هدوك 4سم نقسناهم باه نحرف تحت الابط اما 2سم نقسناهم باه نحرف وسط الصدر باه يجيك على شكل قلب وادا ماحبيتيش هداك الشكل تقدري ما تحرفيش زديريه قبالة
اما عن الشلقة انت وما تحبي توصليها لركبة او فوق الركبة
ان شاء الله قدرت نوصلك الفكرة واي سؤال انا بالخدمة لا تترددين اختي المريمة

[ramoula]

jazaki alaho kol keir okhti waja3alak mn ahl ljana anti wastayfia 3ala ta3abkom m3ana

[ام حمزة22]

جزاك الله خيرا وربي يحفظلك اولادك من كل سوء و كل اولاد المؤمنين
لا تنسينا من دعواتك من قلبك الطيب يا طيوبة ربي يحفظك
اللهم صل و سلم على سيدنا محمد


عليه ازك الصلاة والسلام

مشكورة اختي على الدعاء لك بالمثل ويعطيك كل ما راكي متمنيا
jazaki alaho kol keir okhti waja3alak mn ahl ljana anti wastayfia 3ala ta3abkom m3ana

ويجازيك ربي بالمثل اختي الكريمة
شكرا عللى المرور بارك الله فيك

[warda 07]

اختي الغالية لو تتكرمي علي في باترون البدرون قطعة واحدة و لك الف الف شكر .

[ام حمزة22]

اختي الغالية لو تتكرمي علي في باترون البدرون قطعة واحدة و لك الف الف شكر .

ان شاء الله عن قريب اختي
كنت رايحة نديرو هاد اليومين لي فاتو كانت طلباتو مني عضوة عزيزة عليا وما لقيتش باه نصور
ترقبي الموضوع عن قريب ان شاء الله

[warda 07]

والله لك الف الف شكر على مرورك ربي يحفظك ويحميك ويجازيك كل خير.

[ام حمزة22]

والله لك الف الف شكر على مرورك ربي يحفظك ويحميك ويجازيك كل خير.

العفو اختي شكرا على الدعاء لك بالمثل