الكنة بين الماضي والحاضر

[*باسم*]

السلام1
في القديم كانت الكنة طيب تغسل تسيق تعمر الماء وإذا كانت عجوزتها طاعنة في السن تدوشلها تغسل ملابسها وتحطلها الماكلة بين يديها حتى وإن كانت هذي العجوزة واعرة ولا تعامل الكنة معاملة جيدة:(
أما اليوم من نهار الاول تطلب دار وحدها الا من رحم ربي وتظل 24/24مسكرة الشمبرة على روحها وإذا دارت مزية و طيبت العشا متغسلش الماعين :mad:
في رأيكم ماهي الأسباب التي جعلت الكنة تفعل ذلك نتمنى المشاركة من الجميع خصوصا المتزوجين:o
لا نعمم الكلام على الجميع هناك بنات الصيل:rolleyes:
الخاتمة1

[*سندوسة*]

وعليكم السلام

موضوع جميل اخي

انا نقولك السبب الرئيسي هو الزوج على خاطرش هو لي يعتبر اشارة مرور لزوجته اما ضو الاخضر او الاحمر

يعني الراجل يلا مد الضوء الاخضر لمرته راهي دير رايها وتتمرد
ويلا مدها الضو الاحمر تم تعرف حدودها وتسقم روحها

راني متابعة للموضوع ان شاء الله تكون عندنا تدخلات من لي رانا نسمعوه فالمحيط نتاعنا

[*باسم*]

صح أول سبب هو الزوج لاأن الكثير من الأزواج يسمع لمرتو بزاف حتى لو تكون غالطة يعني يسمع من طرف واحد

[*سندوسة*]

والسبب التاني هو قلة التربية الزوجة ماتكونش متربية على الاحترام الكبير وتوقيره

والسبب التالت المعاندة بين لكناين كاين لي تقولك هي ماطيبش انا تاني مانطيبش هى ماتديش عجوزتها للحمام انا تاني مانديهاش.......وهي رايحة

[ibtihal18]

هذا راجع الى امور عديدة منها الزوج منها قلة الترية و اكثر سبب يرجع لضمير هذي الكنة .الا راهي خايفة ربي رح تخدم لوجه ربي و الى قلبها ميت ما رحش تدير لحساب حتى لواحد
و حبيت نشير الى نقطة هي انو في بعض البيوت الناس ما يمدوش الحرية للكنة بش تخدم كيما تعرف و عجب العجاب ما يعجبهمش يعني ما تاخدش راحتها و تحس روحها ديما مقيدة و ما رحش تعرف تخدم حتى و ان كانت فحلة رح يتثبط النشاط تعها .................انا نظن من الاحسن الناس هذو يخليو الكناين يخدمو براحتهم لانو الدار دارهم و نقول للكناين اذا خدمو في دارهم حماتهم ما رح ينقص منهم والو فقط يخليوها لوجه ربي على الاقل يكونو ماجورين عليها
انا شخصيا مالقيتش مشكلة نهائيا لقيت راحتي كي نعود نخدم ديما يقولولي اخدمي كيما تعرفي احنا 3 كناين في نفس الدار و كل وحدة تفهم روحها وش تخدم و عندنا سلافاتنا كبار و مش متزوجين هوما يخدمو الشغل تع برا و احنا فالدار و عل 9 نكونو خلصنا كلشي و كل شي نورمال

[optimism]

السلام عليكم
زمانهم غير زماننا ,,,,,,,,المراة مرا ,,,,,,,,والرجل رجل ,,,,,,صعب ان تجد هذه المعادلة في هذا الزمن
الماضي ,,,,تقوم بكل الاعمال ان كانت راضية ام لا ,,,,,,,تحت اسم الخوف
اليوم ,,,,,,,تمردت ,,,,,,
سلام

[happy luck butterfly]

و علاه جابها خدامة لبيت اهلو؟؟؟؟؟؟؟؟
المراة كي تعود بنت اصل بلا ما تخاف من راجلها ولا يحطلها الخطوط هذا احمر وهذا اخضر وحدها تعرف وكتاه تدير هاذ الحاجة ولا ما تديرهاش
يعني العجوز وبناتها يرقدو ويريحو والكنة تبونش ؟ظ؟؟؟ اعتقد انه ليس من العدل

[*سندوسة*]

و علاه جابها خدامة لبيت اهلو؟؟؟؟؟؟؟؟
المراة كي تعود بنت اصل بلا ما تخاف من راجلها ولا يحطلها الخطوط هذا احمر وهذا اخضر وحدها تعرف وكتاه تدير هاذ الحاجة ولا ما تديرهاش
يعني العجوز وبناتها يرقدو ويريحو والكنة تبونش ؟ظ؟؟؟ اعتقد انه ليس من العدل

اسمحيلي ختي على الاقتباس لكن لي تكون باغية دير لخير وتتهلى في اهل زوجها ماتحاسبش اذا خدمو ولا لا تدير هاد الصوالح من جودها
علاه ولات عندنا عقلية وحدة بوحدة والمعاندة والله الوحدة كي تخدم اهل زوجها ماشي حقرة بالعكس هداك وين تزيد قيمتها وتكبر في عين زوجها
حنا ولينا ديما نستنو الناس تشكرنا علاه مانخلوش ربي سبحانو هو لي يجازينا

تقبلي ردي اختي بغيت غير نوضح فقط

[*باسم*]

و علاه جابها خدامة لبيت اهلو؟؟؟؟؟؟؟؟
المراة كي تعود بنت اصل بلا ما تخاف من راجلها ولا يحطلها الخطوط هذا احمر وهذا اخضر وحدها تعرف وكتاه تدير هاذ الحاجة ولا ما تديرهاش
يعني العجوز وبناتها يرقدو ويريحو والكنة تبونش ؟ظ؟؟؟ اعتقد انه ليس من العدل
حنا مقولنش جابها خادمة لكن يتعاونو في الخدمة ولنفرض أن هذي العجوز معدهش بنات أو جميعهم متزوجين

[ibtihal18]

هذي مفروغ منها انها مش فرض عليها تخدم لكن قلنا لوجه ربي و مادامها دخلت الدار هذيك راهي مولاتها

[عائشة07]

تخدم كيفها كيف اخوات زوجها مشي تخدم عليهم هدا ظلم
اما ادا كانت فقط هي ووالدي زوجها فيجب عليها خدمتهما وهو في الحقيقة تدخل في حسن المعاملة مع اهل الزوج وخاصتا الوالدين
����������������
وادا تتكلم على زمان كانت البنت محقورة ومظلومة و لاحقوق لها من الي تبدا تعقل تعرف بلي هي ليكيب ولخرين كامل شاف ديكيب
كان الدكور يدخلو للمدارس يتعلمو والبنات للشغل في البيت من الصغر هكدا باه ماتتعلمش وتولي تفهم وتطالب بحقها في العدل بينها وبين اخوانها وزوجها مستقبلا
اما الان فتعلمت وعرفت الي ليها والي عليها مثلا كاين امور مايفرضهاش عليها الدين الاسلامي لكن العرف يفرضها عليها ويطالبها بها
وموضوعك هدا خير دليل

[سحابة مسافرة]

صح الكنة تاع ضرك ماشي تاع بكري مي حتى العجايز تاع ضرك مش كيما تاع بكري
و الفاهم يفهم

[أريج لرجام]

الله يهدينا

[*باسم*]

المرأة عندما تتزوج تقول أن بيت زوجها هو بيتها صح أم لا
ولكن كي تروح لدار باباه تخدم نورمال وكي تجي لبيت شيخها تمتنع عن الخدمة
هل صحيح أم لا؟
لازم تنوي برك وربي يجيب الخير ويهدينا جميعا

[لحن الحياة.]

كل وحدة يجبدها أصلها ........

[حـــــــــــــــــوِيتَة]

[quote=سحابة مسافرة;3993360385]صح الكنة تاع ضرك ماشي تاع بكري مي حتى العجايز تاع ضرك مش كيما تاع بكري
و الفاهم يفهم[/quote




عندك الحق ........كامل تبدلو واحد مايصبر على الآخر

[خديجة إحسان]

السلام عليكم أخي تتحفنا دائما بمواضيعك الشيقة,أحب أن أبدأ بآخر جملة ختمت بها موضوعك وهي:لا نعمم كاين بنات الصيل,وأضيف إليها نقطة مهمة لا نعمم حالة معينة على كل الحالات المماثلة,ولا نعمم حالة معينة لها ظروف خاصة على كل الحالات التي تشبهها لكن تختلف ظروفها,فمثلا المفروض أن الكنة والعجوز والزوجة وأخوات الزوج يتعاملون بمبدأ الإحسان والتعامل مع الله سبحانه أولا,والناس عبيد الإحسان كما يقال,وهناك مبدأ أساسي في ديننا لا ضرر ولا ضرار,المفروض أن الكنة تتعامل بما يرضي الله بأخلاقها أن تحسن إلى أم زوجها,كما أن من المفروض أن أم الزوج تحسن إلى كنتها لأنه شرعا ليس مفروض على الكنة أن تخدم أهل زوجها لكن الإحسان يتطلب المعاملة الحسنة,والظلم والحقرة غير محبذ من كل الأطراف,أنا أعرف حالة الكنة في غاية الطيبة وتخدم على عجوزتها لكن عجوزتها ظلمتها ومارست عليها ضغوطا جبارة حتى دفعت الكنة أن تطلب سكنا خاصا بها.فالقضية أخي نسبية جدا جدا لا يمكن أن نحكم على حالة لا يظهر لنا منها إلا الظاهر وهناك أسباب غير معروفة.شكرا

[ibtihal18]

السلام عليكم أخي تتحفنا دائما بمواضيعك الشيقة,أحب أن أبدأ بآخر جملة ختمت بها موضوعك وهي:لا نعمم كاين بنات الصيل,وأضيف إليها نقطة مهمة لا نعمم حالة معينة على كل الحالات المماثلة,ولا نعمم حالة معينة لها ظروف خاصة على كل الحالات التي تشبهها لكن تختلف ظروفها,فمثلا المفروض أن الكنة والعجوز والزوجة وأخوات الزوج يتعاملون بمبدأ الإحسان والتعامل مع الله سبحانه أولا,والناس عبيد الإحسان كما يقال,وهناك مبدأ أساسي في ديننا لا ضرر ولا ضرار,المفروض أن الكنة تتعامل بما يرضي الله بأخلاقها أن تحسن إلى أم زوجها,كما أن من المفروض أن أم الزوج تحسن إلى كنتها لأنه شرعا ليس مفروض على الكنة أن تخدم أهل زوجها لكن الإحسان يتطلب المعاملة الحسنة,والظلم والحقرة غير محبذ من كل الأطراف,أنا أعرف حالة الكنة في غاية الطيبة وتخدم على عجوزتها لكن عجوزتها ظلمتها ومارست عليها ضغوطا جبارة حتى دفعت الكنة أن تطلب سكنا خاصا بها.فالقضية أخي نسبية جدا جدا لا يمكن أن نحكم على حالة لا يظهر لنا منها إلا الظاهر وهناك أسباب غير معروفة.شكرا

:19::19::19::19:
كلام صح

[chouchou w]

كاين لعزايج ادللو بناتهم على حياب لعرايس وكان الزوج ليدلل مرتو على حساب امه وهي رايحة سلام

[الألماسة]

اسمحيلي ختي على الاقتباس لكن لي تكون باغية دير لخير وتتهلى في اهل زوجها ماتحاسبش اذا خدمو ولا لا تدير هاد الصوالح من جودها
علاه ولات عندنا عقلية وحدة بوحدة والمعاندة والله الوحدة كي تخدم اهل زوجها ماشي حقرة بالعكس هداك وين تزيد قيمتها وتكبر في عين زوجها
حنا ولينا ديما نستنو الناس تشكرنا علاه مانخلوش ربي سبحانو هو لي يجازينا

تقبلي ردي اختي بغيت غير نوضح فقط

:dj_17: اختي سندوسة
حتى انا كي كنت عازبة كنت نحكي كيفك
لكن بعد الزواج تصطدمي مع الواقع المرير
اخوات الزوج الرقاد و التفنيين كي شافوك و لا يجروا برا
ام الزوج اللي تحب تسيطر عليك و تدخل في شؤونك صغيرة و كبيرة و تحبك تخدمي بلا ما تقولي لا و لا عييت عكس ما تعامل بناتها
يعني تشوفي روحك خدامة و فقط و كل شي عليك فقط لانكي كنة و زيد التعليقات من الفوق
الناس الكل مش كيف كيف و كل واحدة و ظروفها
كاين ناس ما شاء الله و عيب على الكنة اذا ما بادلتهمش الطيبة و حسن المعاشرة
و كاين ناس لا اله الا الله منهم اذا شعلتي اصايعك شموع ما يقدروا شي
نساء زمان كن اميات و ما يعرفوش حقوقهم و زيد كان الرجال يحكمو و حتى العجوز تكون قبيحة فقط حتى يكبر القدر و غرضها تعلم الكنة لكن نهار الكبير ما تفوتها و تتهلى فيها لكن
بنات اليوم اصبحن متحررات و قليلات صبر و حتى الرجال ماهم يحكمو و العجايز ظالمات و يسمعن فقط لكلام بناتهن او يحبو الكنة تحت الرجلين فقط لاذلالها الا من رحم ربي
يعني اذا كانو اهل زوجي ملاح نخدمهم بعينيا لكن توصل للاذلال لا و الف لا

[abderrahmane.b]

انا بالنسبة الي عمل المراة في البيت اي قيامها بمسؤوليات بيتها من طبخ تنظيف وووو ... واجب عليها وبلا مزيتها
لان دور الرجل في الخارج واما المراة داخل البيت
وهذا ليس اجحافا لها اي كما عليها واجبات لديها حقوق
اما في حالة وجود سلافات و كنااين اخرين يجب تقسيم المسؤوليات بينهن لتفادي النزاعات
ولكل ذي حق حقه
وعاش من عرف قدره

[كاميلا]

تطلب دارها وحدهاى ؟؟؟؟؟ او ليس ذلك من حقها يا عمي ؟ متعرفوا لا الحقوق لا الواجبات وتجيو هنا تتفلسفوا

[happy luck butterfly]

انا ما قصدتش بلي خدامة خدامة... بصح كاين شي ناس يعتبرو الكنة ما دامت جات نروحو نريحو وحنا رانا ضياف اقصد اخوات الزوج
ما عتيش راكم ضياف انا ملزوم عليا راجلي وكي نعود بنت اصل والديه اخوته البنات والذكور للالالالالالالالالالالالالالا
انا متزوجةو نسكن بعيد عليهم نشفى باللي وحد النهار رحت عندهم وانا بالحمل مع وصلت قالتلي لعجوز هيا للكوزينة ديرينا العشا فالها اخ راجلي
علاه المخلوقة هاذ وين وصلت قالتلو خليها تخدم علينا شوية
وكانت اخت زوجي المتزوجة هناك
ادات بناتها للبيت يحكيو وانا طايبة في الكوزينة وحدي
راجلي هبط راسو وسكت
لا حول ولا قوة الا بالله

[*باسم*]

تطلب دارها وحدهاى ؟؟؟؟؟ او ليس ذلك من حقها يا عمي ؟ متعرفوا لا الحقوق لا الواجبات وتجيو هنا تتفلسفوا
نعم من حقها ولكن حنا نهدروعلى الزوج يعني تجي لسع عروسة وتطلب دار وحدها والزوج المسكين معدوش دراهم التكاليف تع العرس والدين يسالو وتزيد تطلب دار وخصوصا هذا زمان السكنى غالية ومعظم الشباب نهار يخدم ونهار يعقد او مدخلو مش كفيه في رايك يروح يكري ويخلي دارهم
اذا شخص يخلص10ملايين ومش كافيين مبالك بغيره على الأقل تصبر 5أو 6سنين

[*باسم*]

انا ما قصدتش بلي خدامة خدامة... بصح كاين شي ناس يعتبرو الكنة ما دامت جات نروحو نريحو وحنا رانا ضياف اقصد اخوات الزوج
ما عتيش راكم ضياف انا ملزوم عليا راجلي وكي نعود بنت اصل والديه اخوته البنات والذكور للالالالالالالالالالالالالالا
انا متزوجةو نسكن بعيد عليهم نشفى باللي وحد النهار رحت عندهم وانا بالحمل مع وصلت قالتلي لعجوز هيا للكوزينة ديرينا العشا فالها اخ راجلي
علاه المخلوقة هاذ وين وصلت قالتلو خليها تخدم علينا شوية
وكانت اخت زوجي المتزوجة هناك
ادات بناتها للبيت يحكيو وانا طايبة في الكوزينة وحدي
راجلي هبط راسو وسكت
لا حول ولا قوة الا بالله
هذي حقرة هذون معدهمش دم
لازم يكونو متعاونين وكاين حالات وين تكون المراة مريضة سواء الكنة أو السلفة أو أخت الزوج وهنا لازم يعذروها ولكن وش تديري كاين ناس مش فاهمين رواحهم:confused:

[مواطنة جزائرية]

نحن في منطقتنا صارو العجايز يشرطو في اولادهم بعد الزواج يخرجوا الكناين عليهم لكي يبقى الاحترام و الله كاين حكايات تسمعوها تحدث بين الكنة والعجوزة تقولوا ياريت كان لكل واحدة بيت مستقل

والراجل اللي دار دارو من الاول ربح راحة بالو و رضا أمه و حب زوجته و احترام باقي اهله و اهل زوجته


و الاهم الاهم ربح الدنيا و الاخرة كاين محرمات لا يستطيع الزوج تفاديها الا اذا كان ببيت مستقل

و انا أعتب على كل من قال ان اللي تطلب دارها من الاول ماشي بنت اصل بالاك هذيك هي اللي بنت اصل من الاول خاطيها المشاكل ماشي كيما شي بنات يروحو متحلفين يديرو المشاكل باه يحصلو على بيت مستقل لانو في الاخير ما وجدنا ولاواحدة كملت مع بيت راجلها حتى ناس زمان و السلام ختام

[مواطنة جزائرية]

و ماشي كل واحدة طلبت سكن مستقل غرضها ما تخدمش على بيت زوجها لان الخدنة متنقص من عمر حد و لكن لها غايات اخرى

[ام ايمان16]

السلام1
في القديم كانت الكنة طيب تغسل تسيق تعمر الماء وإذا كانت عجوزتها طاعنة في السن تدوشلها تغسل ملابسها وتحطلها الماكلة بين يديها حتى وإن كانت هذي العجوزة واعرة ولا تعامل الكنة معاملة جيدة:(
أما اليوم من نهار الاول تطلب دار وحدها الا من رحم ربي وتظل 24/24مسكرة الشمبرة على روحها وإذا دارت مزية و طيبت العشا متغسلش الماعين :mad:
في رأيكم ماهي الأسباب التي جعلت الكنة تفعل ذلك نتمنى المشاركة من الجميع خصوصا المتزوجين:o
لا نعمم الكلام على الجميع هناك بنات الصيل:rolleyes:
الخاتمة1

عجبني سؤالك
نعطيلك قصة كنة في الحاضر موش في الماضي واحكم فيها وحدك


يحكى انه توجد عروس حاليا عندها ام مريضة والام هاذي عندها زوج عرايس فقط والام دايرا للعرايس هاذو كل مايحبو وتعاملهم اكثر من بناتها بالخير ويتصرفو في الداروكانهم في دارهم واكثر وهوما بطبيعة الحال يطيبو ويجيبولها الماكلة بينن يديها ومؤخخرا لمرض الام الشديد يسااعدوها في التدواش

ننرجعو للعروس لي عندها امها مريضة تزوجت وراحت عند ناسس لقات عجوزها بصحتها يعني موش مريضة لكن العروس حبت تدير كييما ولوو انها في مانة امها يعني على الاقل تطيبلها
لكن المفاجاة انو لعجوز تقول للعروس في شهرها الاول من العرس انو اهل البيت يحبو ماكلتها (اي لعجوز)) ومايكلوش ماكلة اي واحد؟
يعني هاذاي الهدرة خلات لعروس تحس بالذل وبطبيعة الحال جبدت روحها عليها وخلاتها تطيب كيما تحب يعني لعروس ماقاتش حرية التصرف عند اهل زوجها مما خالاها كيما قلت تجبد روحها عليهم وتحكم شامبرتها لانو اكتشفت انو عجوزها غيارة بزااف وحبت تجنبها

فماهو هو الحل بنضرك واين المذنب هنا

[ام ايمان16]

ملاحضة فقط


راي الغير المتزوجة يختلف كثيرا على المتزوجة

ولي مايجربش االدخول في المعركة مايقولش ساهلة
لانو المتفرج لن يكون بمقام المجاهد لي راه في المعركة

[ام ايمان16]

نعم من حقها ولكن حنا نهدروعلى الزوج يعني تجي لسع عروسة وتطلب دار وحدها والزوج المسكين معدوش دراهم التكاليف تع العرس والدين يسالو وتزيد تطلب دار وخصوصا هذا زمان السكنى غالية ومعظم الشباب نهار يخدم ونهار يعقد او مدخلو مش كفيه في رايك يروح يكري ويخلي دارهم
اذا شخص يخلص10ملايين ومش كافيين مبالك بغيره على الأقل تصبر 5أو 6سنين

عجبتني تاع الزوج المسكين؟؟؟؟؟؟؟؟؟؟؟؟؟؟؟

يعني كونك رجل حسيت بالرجل لي يكون مسكين معندوش

وماحسيتش لما تكون الزوج مسكينة اهل زوجها يذلوها والمصيبة كي يكون راجلها واقف مع اهلوو ماايواسيهاش بحتى كلمة وهوما يحقرو فيها

والوقت هاذاا بالسكن المستقل وما تفراش االمشااكل ببيين الكنة ولعروسة
ياوينك نحطوهم قدام بعضاهم كي الزيت والنار

[*باسم*]

عجبني سؤالك
نعطيلك قصة كنة في الحاضر موش في الماضي واحكم فيها وحدك


يحكى انه توجد عروس حاليا عندها ام مريضة والام هاذي عندها زوج عرايس فقط والام دايرا للعرايس هاذو كل مايحبو وتعاملهم اكثر من بناتها بالخير ويتصرفو في الداروكانهم في دارهم واكثر وهوما بطبيعة الحال يطيبو ويجيبولها الماكلة بينن يديها ومؤخخرا لمرض الام الشديد يسااعدوها في التدواش

ننرجعو للعروس لي عندها امها مريضة تزوجت وراحت عند ناسس لقات عجوزها بصحتها يعني موش مريضة لكن العروس حبت تدير كييما ولوو انها في مانة امها يعني على الاقل تطيبلها
لكن المفاجاة انو لعجوز تقول للعروس في شهرها الاول من العرس انو اهل البيت يحبو ماكلتها (اي لعجوز)) ومايكلوش ماكلة اي واحد؟
يعني هاذاي الهدرة خلات لعروس تحس بالذل وبطبيعة الحال جبدت روحها عليها وخلاتها تطيب كيما تحب يعني لعروس ماقاتش حرية التصرف عند اهل زوجها مما خالاها كيما قلت تجبد روحها عليهم وتحكم شامبرتها لانو اكتشفت انو عجوزها غيارة بزااف وحبت تجنبها

فماهو هو الحل بنضرك واين المذنب هنا
المذنب هنا هو ام الزوج هناك ناس مهما ديري فيهم الخير ميحترمكش اما بالنسبة للحل تحاول تكلخ للعجوز بشوية بشوية يعني اغرائها بالجانب المادي هذي روبة هذي ريحة هذي صابونة وممبعد تقولها يا امي حبيت نتعلم من طبخك الجميل علمني اذا تفاهمو الله يبارك:19:
واذا متفهموش تطلب سكن مستقل اذا كان الزوج قادرواقترح هذي آخر الحلول يعني هي تخرج تخرج ماذبيها تخلهيم هم يخرجوها يعني متفسدهش معهم

[*باسم*]

عجبتني تاع الزوج المسكين؟؟؟؟؟؟؟؟؟؟؟؟؟؟؟

يعني كونك رجل حسيت بالرجل لي يكون مسكين معندوش

وماحسيتش لما تكون الزوج مسكينة اهل زوجها يذلوها والمصيبة كي يكون راجلها واقف مع اهلوو ماايواسيهاش بحتى كلمة وهوما يحقرو فيها

والوقت هاذاا بالسكن المستقل وما تفراش االمشااكل ببيين الكنة ولعروسة
ياوينك نحطوهم قدام بعضاهم كي الزيت والنار
يعني الزوج يجي تعبان من من برا وكاره ويزيد ميلقاش الراحة في دارو من وين يروح:mad:
تصبر حتان يفرج ربي او تسلك روحها بلسانها الطويل:o

[صُبح الأندلس]

حين يصبح أو يعود رجل اليوم كما في الماضي تصبح الكنة كذلك

[*باسم*]

:dj_17:شكرا لكل من قرأ وعلق ومن لم يعلق:dj_17:

[الجواهر]

عمل المراة ليس واجبا دينيا فالرسول قدوتنا و حبيبنا كا يخيط ثوبه و يغسله و له من النساء 11 زوجة كلهن مستعدات لخدمته
توارثنا هذا حتى صار واجبا و المراة التي لا تعمل يقال لها ليست بنت اصل ؟ ما علاقة الاصل بالعمل؟
زمان كانت المراة مقهورة تخدم و دمعتها في عينيها و ماشي تخدم و فرحانة انا سمعت هذا من امي و من خالاتي و من عماتي و تقريبا لم اسمع امراة تاع بكري تقولك كنت نخدم فرحانة .. نساء زمان يحسدون بنات اليوم و الذي يكذب يذهب عند مسنة و يسالها
ان تقوم المراة بخدمة ام زوجها او حموها شيء اما ان تفرض عليها العمل و الغاشي راقد محااااااااااال و ليقولوا ليست بنت ........

[حبيبة زوجها]

انا سمعتها من سلفتي ربي يهديها كي روحت عروس جديدة وهي ماشافتنيش
جابلنا ربي لعرايس باش يخدمو علينا هي عمرها 22 سنة
يعني كي تسمع هك وش يجيك في البال

[روح مراد]

أصلا الموضوع هذا راهو متشعب بزاف
انا زوجي ما عطالي لا ضوء احمر و لا أخضر
نخدم لوجه الله تعالى و صراحة بيني و بين نفسي
نخدم و كأن العجوزة غير موجودة عمري إذا ستنيتها تخدم أو الدير أي حاجة كي ندخل العشية نتصرف و كأنها غير موجودة و لكن هي ثاني أعطاتلي حرية التصرف في الدار و نخدم و نطيب واش نحب
و لكن كاين عائلات نهار يتزوج وليدهم العروسة تكون مقيدة لازم تشاور و لازم ينتقدوها و ما يلزمش الدير هاذي و لا هاذي .... يخلولها غير بيتها و الباقي ممنوع اللمس من الطبيعي هاذي تفايا للمشاكل تحكم بيتها و ما تخرجش ماشي على خاطر ماشي حابة تخدم عليهم و لكن تفاديا لانتقاداتهم و تفاديا للمشاكل
و كاين عرايس يروحو من أول يوم ما يخدموش غير باش ناس دارهم ما يوالفوش يتكلو عليهم و يفهمو أنهم ما جابوهاش خدامة
و لكن كيما يقولو مول النية يربح
الوحدة لازم تدخل بنية مليحة لدارها و ناس الدار لازم يستقبلوها بنية مليحة

[أحلام مؤجلة]

كل وحدة وأصلها سواءا الكنة أو العجوزة, أنا متزوجة وعجوزتي كل عرايسها من أول ليلة وحدهم ماتحب حتى واحد وماتسقسي حتى على واحد, مهيش اجتماعية رغم أنها طيبة وناس ملاح, عرايسنا ثاني مستقلين كل وحدة وحدها بصح والله على ما أقول شهيد أمي دايما تسقسي وتقول لخواتي ارواحو وجيبو لولاد دايما يجيونا ونعقبو النهار كلمل ملمومين وفرحانين نتغداو ونتعشاو وكل واحد يروح لدارو فرحان هاذي هي صلة الرحم , أما أنو العبد يعيش وحدو ومايحب حتى واحد يجيه هاذي حاجة مش مليحة

[imenealg]

انا متزوجة. واقوم بالاعمال. المنزلية على قدر استطاعتي. لان ام زوجي. تطلب من ابنتها النوم و الراحة. و انا المراة الحامل. لا تسمح لي بالراحة لو اقم بعمل ما تتكلم عني في غيابي بسوء، فديننا الاسلامي لا يفرض على المراة خدمة اهل زوجها 0
ماشي بنات تخاف عليهم وانا نخدمهم ابداااااا

[Nadiamanal]

بارك الله فيك و الله خدمنا ما ربحنا غير وجه ربي مي العربي ما فيهش الخير

[rahma nour]

موضوع جميل اخي
الصراع بين العجوز و الكنة مستحيل ينتهي لان كلاهما لا يحب الاخر بنات هذا الوقت ما يحبوش يتنازلوا و العجايز باقيين في عقلية بكري بلي لازم الكنة تخدم على العجوزة و ما تقول والوا و الراجل باقي في الوسط بين رضا اموا و ارضاء الزوجة اموا يخاف من دعوة الشر منها و بالتالي يلجا للحل الساهل و هي الزوجة و يطلب منها تصبر
و الحل كل وحدة تقعد في دار باباها و لا تدي واحد يتيم و كل واحد يبقى مع اموا و يكسب دعوة الخير
و نزيد حاجة اخيرة البعد عن الوازع الديني من طرف الكنة و العجوز هو اللي خلا الامر يصل الى ما وصلنا اليه

[سيرين 5]

Quote=*باسم*;3993358521]حنا مقولنش جابها خادمة لكن يتعاونو في الخدمة ولنفرض أن هذي العجوز معدهش بنات أو جميعهم متزوجين[/quote]

طبعا هنا واجب عليها تخدم العجوزة و الشيخ إذا كانت عايشة معاهم و إذا ماكانتش عايشة معاهم كي تزورهم تخدم لكن فرضا ساكنة في طابق وحدها في نفس البيت لكن العجوزة ماشي ساكنة وحدها عندها عرش تاع بناتها و بنات بناتها و أطفالهم الصغار و حتى نسابها يعني ما راهيش وحدها العجوزة ، و زيد هاذ العروسة دخلت في وسطهم و خالطتهم و طيبت معاهم و كلات معاهم و خدمت معاهم ... لكن لقات الاساءة (عيناني و من التحت للتحت) من بعض بنات اللواسات (في سنها تقريبا) و من بعض اللوسات كبارات عليها و كانت تحشم العروسة ترجع كانت تسكت و تخلي في قلبها بما أنها جديدة في وسطهم و تحشم و حتى العجوزة كانت تقعد تقعد و تحكمها و تبداها بالأوامر ما تروحيش لداركم لازم يشتاقوك ، ما تلبسيش هكذا (في الدار قالتلها ما تلبسيش البونتاكوغ)، ألبسي هكذا في عرس بنت بنتها في البلاد داروه في الحوش تاعهم وين الخالوطة نساء و رجال قالتلها ألبسي لونسوبل جيب ميني و صدرو عريان و يديه طرونسبارون كي ما حبتش بقات تشنف عليها و تعطيها بالوذن كرهتلها حياتها)، ديري ماكياج كي تخرجي، ديري الذهب في الدار، ما تعرفيش طيبي، كي تفتح التاقة تهوي الدار علاش حليتيها الجيران يوقبو، كي تغلقها علاش راكي غالقتها هوي دارك، خلي التاقة تاع البيت محلولة كي تروحي تخدمي و اغلقي بابك مع العلم أنو البالكون تاع البيت و الكوزينة مشترك و الكوزينة ما فيهاش باب يعني كلي ما غلقناش الباب و من هب و دب يقدر يدخل للبيت من البالكون ....
هاذ العروسة عاشت في الستراس من النهار الأول شعرها طاح كامل و دارتلها كي شغل ايكزيما في ذراعيها و كل ما تداويها توليلها قالتلها الطبيبة تدير من التقلاق ....
المهم هاذ العروسة قررت تجبد روحها نهائيا و تعيش في دارها ، حاولت العجوزة تمنعها طيب العشاء قالتلها ما تزيديش طيبي اتعشاو معانا العروسة رفضت قالتلها لالا ندبر راسي نوالف نتحمل مسؤولية داري نطيب و نغسل وحدي بحكم يجي النهار و نستقلو في دارنا ان شاء الله كي توجد.
العروسة بشوية بشوية بدات تنظم وقتها بن دارها و خدمتها و خصصت الجمعة طيب فيها حاجة تقليدية (طعام، شخشوخة، رشتة، تليتلي ...و خطرات القاطو ، المسمن ، الكسرة ، و البريوش ، المطلوع ، البيتزا ... ) و تبعت طبعا للعجوزة و أحيانا تكون عندها الفاكهة تمدلها مرة على مرة تتفكرها بجبة ، بليغة ....
لكن العجوزة ما عجبهاش الحال نهائيا بقات تلوم فيها علاش جبدتي روحك علينا ؟؟؟ كنت تقعدي معانا و دركا جبدتي روحك علينا .... العروسة تحججت بكثرة الشغل في الدار و العمل ماكاش وقت طول الأسبوع خدامة و الويك آند الشغل تاع الدار ؟؟؟ ما تقبلتش العجوزة المبرر علاجال علابالها الأسباب المهم و كي العادة لما دخلت العروسة للدار من العمل طبعا لازم جوز عليهم تمسيهم بالخير لقاتهم مجمعين يطيبو في المحاجب قعدت تحكي معاهم شوية كي العادة قبل ما تطلع العجوزة رفدت حبات محاجب حطتهم في طبسي و قاتلها هاكي و بالسلامة المخلوقة باش ما جيهاش حريق قدامهم شدت الطبسي قالتلها صحة و دارت روحها ما فهمتش قالت تزيد دقيقة و تنوض باش ما تبانش تحاويزة زادت العجوزة قالتلها أدي لدارك و سقمي كيما تحبي ؟؟؟؟ العروسة خلاص اتبهدلت واش دير يا ترمي المحاجب في وجها ما تسحقش الزبل تاعها (حاشة النعمة) و تطلع لدارها يا تكتم الغضب تاعها و تستغفر و تقولها يكثر خيركم و تطلع و تخليها على ربي سبحانو ؟؟؟ العروسة تصرفت الصرف الثاني استغفرت قدامها بالصوت و قالت يعطيكم الصحة و طلعت لدارها دخلت لبيتها و طرطقت بالبكاء ، راحت توضات و صلات و بقات غير تدعي حسبي الله و نعم الوكيل مع العلم أنو العروسة كانت تتوحم و علابالهم.
زادت العروسة قررت ترمي السلام و ما تزيدش تدخل لعندهم بدون راجلها (علاجال المعاملة قدام راجلها و في غيابو مختلفة) ولات كل ما تجوز توقف في الباب و تقول صباح _ مساء الخير و تروح غير إذا كاش وحدة هدرت معاها ترجعلها ؟ زادو ولاو ما يرجعولهاش مثلا مرة الصباح هبطت لقات العجوزة و بنتها قصارين و الباب مطبعة نصف قالتلهم صباح الخير عليكم ما رجعولهاش زادت علات صوتها و قالتلهم صباح الخير ، زادو ما رجعولهاش ؟؟؟ خرجت العروسة رايحة للخدمة و طرطقت بالبكاء في الطريق ، قنطوها على صباح ربي حكات ليماها قالتلها والله ما نزيد نصبح و نمسي عليهم ما خلاتهاش يماها قالتلها لالا قوليلهم، يفرج ربي ان شاء الله و تروحي لدارك و تتهناي.
ولاو ناس دارها يطبعو الباب كي تكون هابطة رايحة لخدمتها و كي تدخل لعشيا للدار، و عادو يعطوها بالوذن و كي تهدر معاهم يرجعو كليمات و يتسرسبو، المهم ولات حرب نفسية للعروسة يالي جبدتي روحك علينا و صح العروسة تقنطت و ولات ما تحبش تدخل للدار قبل راجلها كون تصيب تدخل معاه بصح الله غالب هي تخرج قبلو ولات تروح لدارهم و هو يجوز كي يكمل خدمتو بصح شحال تعيا تروح لدارهم ؟؟؟؟ كرهت و تقنطت و هي بالحمل لحقت العجوزة هددتها قالتلها راكي تولدي و تقعدي وحدك ؟؟؟ و العروسة دركا مازال ما قررتش إذا كي تزيد تروح لدارهم يرفدوها ماليها و لا تجي لدارها و ماكاش كيفاه تجي وحدة من ماليها تقوم بيها لأنوا الطابق مفتوح و كأنو عايشين في دار وحدة برك قاسمينلها جيهة وحدها للعروسة ؟؟؟
رغم أنو العروسة شادة سابعها ما تدنا لحتى وحدة هكذاك و مازالت الاساءة متواصلة ، العروسة تحاول ترمي في الثقيل بصح الله غالب الانسان ماشي بيدو ما يزعفش و ما تغيضوش عمرو ؟؟؟ تبقى حسبي الله و نعم الوكيل هي مفتاح الفرج.
كتبت القليل فقط من الأمور لي صراولي مع ناس داري، إذا راني غالطة فكاش حاجة قولولي ؟؟؟

[smile with me]

السلام عليكم
طرح رائع و حساس، و اقول مباشرة ان السبب هو "ضعف النفس امام مغريات الحياة"
بناتنا سامحهن الله ، و عفا عنهن، وقعن ضحية اغراءات الحياة المادية التي يبدو انها لن تنقطع، فصارت كل بنت لديها حلم خاص ببيت زوجية خاص و غرفة خاصة و اشيك ملابس و اغلى حلي و افخم سيارة و و و و و و و ....
السبب الرئيسي "اغراء الإعلام" و هو سبب ليس جديد بل يتجدد ، كل شهر هنالك model جديد لملابس و حلي و احذية ، فقارن هذا بالماضي؟؟
لذلك طبيعي جدا ان نحصل على نتيجة كهذه، بنات و نساء ايضا كل همهن هو المتعة الشخصية و لو على حساب الوالدين، فما بالك بوالدي الزوج؟؟
و كما قلت اخي، لا نعمم، هنالك بنات بارك الله فيهن مازلن يردن انشاء أسرة، يعشن مع أهل الزوج و يراعين شؤون الأسرة الكبيرة، يحترمن والدات ازواجهن حتى و لو كن لئيمات، و يصبرن لأنهن يعلمن أن الصبر لا يأتي ألا بما هو محمود
اوجه نصيحة هنا للشباب ، لا تفقدوا الأمل و اكثروا من الدعاء بالزوجة الصالحة و الذرية الصالحة إن شاء الله تعالى

[سيرين 5]

وعليكم السلام

موضوع جميل اخي

انا نقولك السبب الرئيسي هو الزوج على خاطرش هو لي يعتبر اشارة مرور لزوجته اما ضو الاخضر او الاحمر

يعني الراجل يلا مد الضوء الاخضر لمرته راهي دير رايها وتتمرد
ويلا مدها الضو الاحمر تم تعرف حدودها وتسقم روحها

راني متابعة للموضوع ان شاء الله تكون عندنا تدخلات من لي رانا نسمعوه فالمحيط نتاعنا

نتمنالك زواج الدهر في بيت العايلة و ان شاء الله تكون كبيييييييييييييييييييييييييييييرة بزاااااااااااااااااااااااااااف العايلة و نتمنى نكونو مازالنا على اطلاع بمختلف مواضيع المنتدى و تقدري تخبرينا بجديدك مع ناس دارك بكل صدق :19:

صدق المثل لي يقول : ما يحس بالجمرة غير لي كوتو ;)