رأيكم يهمني

[تقوى 85]

صباح الانوار، يا لبنات غير كيما شريت مشينة سنجر من القدم، والحقيقة تمشي ملييييييح، اما المشكل فيا ما نعرف والو غير الكف( ماشي الضرب بالكف
)هههههههه، حاولت نخيط لكنننننننننننننننننن، مزية ما ركمش بحذاية عندكم ما تضحكو، زعمة تابعت قناة سميرة قريب سمحتني في المشينة تقولشي عليها رايحة تخترع آلة زمن.
المشكل ما عندي حتى وحدة تعاوني، غيركم بعد ربي، بواش نبدا باش نتعلم بشكل بسيط، حابة برك نخيط جبة لماما
عاونوووووووووووووووووووووووووووووووووووووووووونييي يييييييي:sdf:

[أم أيوب 11]

شوفي أختي مانضحكو ما والو ران هنا باه نتعلمو ونعلمو الحاجة لي نعرفوها

انا ثاني عندي مشينة سانجر ولا واحد علمني الخياطة بشوية شوية راني نتعلم والمنتدى ماشاء الله راه عامر بالشاطرات أكيد ما يبخلوش عليك

ننصحك تبداي تتعلمي بصوالح الكوزينة الطابلية والناب للطاولة والقفاز راهم ساهلين

ربي يعينك ويوفقك

[جلفااوية]

شوفي يا اختي ما عليك غير تبعي ورشات الاخت سطايفية و راح تتعلمي ان شاء الله
انا كنت مانعرف والوا و كي تبعتها الحمدلله راني وليت نخيط لروحي و خيطت لماما و الحمدلله

[منى ام]

اول خطوة تعلمي التفصيل لكن في الملابس القديمة افتحيها كامل فصلي قدها حاولي ترجعي تركبيها كما كانت بعدها جربي في القماش الجديد ربي معاك