الطفل الكثير ابكاء

[ام محمدْ ومريمْ]

سلام مشكلتي مع ابني انو دايما يبكي عندو 3سنوات وساعات نتعصب :mad:منو ونضربو علابالي مزال صغير بصح منيش عالرفة كيفاه نتعامل معاه:confused:

[happy luck butterfly]

كي يعود يبكي سمطيه وانساي باللي راه يبكي خمي في اي حاجة ولا غني في قلبك باه ما تقلقيش كي يغلب من البكا يسكت وحدو ولا يرقد

[محبة رسول الله]

حاولي تشغليه بألعاب تخليه يفكر العاب تركيب ولا رسم
وشوفي من واه يشتكي
وان شاء الله الاخوات يفيدوك

[أم ياسين الزهراء]

بوه علي انا بنتي اهي قريب 4 سنوات ومازالها تبكي الحل انك تنسايه وخليه حتى يوجع راسو ماينفع لا ضرب ولا حب

[oum islem]

حاولي اختي تفهمي علاه يبكي
اما اذا كان يبكي بلا سبب هواية كما اولادي
انساي بلي يبكي تتقلقي من الصداع في الاول ومن بعد تتعودي
انا اولادي نحطهم في غرفة فيها التلفاز فيه الرسوم المتحركة يبكي ومن بعد نلقاه سكت ويتفرج
نقولك صح ما يجي يكبرو حتى نشيبو
ربي يصلحهم ويكبرهم على الدين والطاعة
وسعي خاطرك

[fadi02]

الحل عندي كي اولي يبكي روحي عنده بلعقل و شدي اعصابك مليح اقعدي قدام و سقسيه راك مريض اقولك لا راك جيعان اقعدي سقسي فيه و هو اجاوبك مع الاخير قولي له كنت حاب نعطيك حاجة مليحة و راك تبكي كي تسكت ارواح نعطيها لك صدقيني بعد شوية تلقايه قدامك يدي حاجته لكن على شرط اكون عندك حاجة احبها انا كان وليدي احب العلك انتاع الدلاع و كان دايما عندي في الدار بلعقل اقل من البكا حتى احبس ولادي بين 4 ربيتهم هكدا ماكنتش نضربهم