سؤال غيرلي طريقة تفكيري

[little dreamer]

السلام عليكم ورحمة الله تعالى وبركاته ....انا اليوم حبيت نكتب هذا الموضوع ....وحنكتبو بالعربية تاعنا لا اونجلي لا فرونسي ولا فصحى ولا هم يحزنون باه الهدرة توصل للقلب .......قبل يامات كنت نخمم تخمام والله انا درك نضحك على روحي كي نتفكر وش كنت نخمم هداك التخمام الي يقولي بلي مهما درتي ماكيش راح توصلي ....هداك التخمام الي مايخليكش تقدر تقرى وفي نفس الوقت ما يخليش ضميرك يرتاح كي تبغي دير حاجة ترفه بيها على نفسك ....لالا ماهوش مورال هابط بويسك لوكان جا مورال هابط عادي يوم يومين ماكسيموم يتريقل ....بصح لا لا كانت عقلية كنت عايشة بيها شاك جور ....نفرغ قلبي ؟؟؟؟؟ مهما توصف وتشرح ......مايحس بالجمرة غير الي كواتو ...ليسونسيال .....قبل يامات كنت ديما نتفرج دي فيديو الي يحفزو ....واقوال .....تجيني الارادة لتما ....مبعد بفففف كيشغل ماكين والو ... مي ديسديت بلي لا مانيش انا الي نخلي روحي تصرالي هكذا ...... دخلت لشومبرتي وقعدت نحاسب في روحي .....جاني سؤال في راسي والله غيرلي طريقة تفكيري ....تغييرا كاملا ......سييو مام نتوما تسقسيو رواحكم هاذ السؤال ......... هاذو الي راهم يديوالباك بمعدلات مليحة خير مني .....ادا جاوبت روحك وقلت هيه هوما خير مني انا نقولك زوج كلمات .....ماراكش حتوصل بعيد ....وهادو الي راهم يفرحو ويفرحو والديهم ....خير مني علاه انا والديا مايستاهلوش يفرحو ....انا مانستاهلش نفرح .......انا بدلت طريقة تفكيري .....وكلشي معاها بدا يتبدل ....هيه انا الي في شهر نقدر ندير الي مادارو حتى واحد فعام تغيضني روحي كي نتفكر الوقت الي ضيعتو مي الحمد لله الي عطاني القوة باش نكمل جيسبار تكونو استفدتو من حكايتي وتنودو حتى توما بويسك لا صحابك لا صحاباتك لا والديك حيقدرو يديرولك بلاصتك لوكان انتا ماديرهاش وحدك واذا طحت والله واحد ماراح ينوضك بلا ماتنوض وحدك

[شمۋځ أنٹـے »]

"علاه انا والديا مايستاهلوش يفرحو ....انا مانستاهلش نفرح"

الجملة هادي كافية باه توصلك لبعييييييييييييييد بعيييييييييييييييييد
عندك الحق اختي كلامك في محلّو
يعطيك الصحة فريمو أثرو فيا هاد الكلمات
بارك الله فيك

[تالية القرآن]

أحيانا يكون بعض الناسات سبب في احباطنا وفشلنا مي في وقت وحد اخر
يكونوا حافز بش تنوض وتقرى . سيغتوا كيما راك تحكي كي تشوف الناس ناجحة فارحة وتفرح والديها ...الخ
تعرف بلي هذاك ماشي خير منك ..

[أم سلوى]

الحمد لله كي كاينة استفاقة في الاخير
اصلا هذا الموضوع ليس الاول منه

بل التنمية البشرية هكذا تحفز
شوف التفكير الايجابي واش يدير
فيديوهات شهادات ناس غيروا تفكيرهم تغيرت حياتهم


واحدة انا افشلت محاولات باك كثيرة قلت اخلاص

لكن هذه سنة ستكون مشرفة ان شاء الله

[max8]

مبارك عليك أختي
لكنت بمكان قريب مني لمنحتك جائزة ووساما على هذا التفكير الجميل
فلتكن قصتك عبرة و ليجرب كل منا مثل ما فعلت الأخت
لن نخسر شيئا

[miss manar]

والله عندكـ الحق اختي التفكير الايجابي أهم من كل شي

كلامكـ أثر فيا بزآآآف

شكرًا يا غالــــية~~

[bac2015sin]

https://www.djelfa.info/watch?v=TG8MmYjizWI

[اماني 15]

[CENTER]هذي هي الارادة القوية والعزيمة الواحد مايرضاش بحالتو اللي مهيش عاجباتو ويحاول يبدلها للافضل عجبتيني وعجبني كلامك انشاء الله ربي يوفقك ويوصلك وين حبيتي وتدي الباك بالمعدل اللي تتمنايه
حبيت نحكيلكم تجربتي انا تاني لعل هناك من ياخد منها العبرة psq جوزت الباك ف 2011 ومرضت وماقريتش 1/2 البرنامج طاحلي مورال وقلت موحال ندي الباك malgré لوكان بلاك قريت شوية برك كونت نديه جبتو 9.54 وصحاباتي اللي كانو يتنافسو معايا دارو medecin وانا عاودت ف 2012 وديتو 13.64 ماجبتش اكثر على خاطر قنعت روحي بلي انا والحلم تاعي خطان متوازيان لايلتقيان راحتلي الثقة بالنفس وليت نحس روحي فاشلة. المهم درت انجليزية وليت نقرا حاجة اقل من مستواي بكثييير jamais حطيت في بالي نعاود الباك psq كرهت وليت pas de confiance في روحي وفالقدرات تاعي mais فالصيف كنت مع اليوتوب ولقيت قدامي فيديو تحفيزي https://www.djelfa.info/watch?v=mA6wTeq-7ms بديت نفيق مع روحي انا وين واحلامي وين واش ندير ف bloc de lettres ماهيش بلاصتي! المهم بلعقل بلعقل تبدل التفكير تاعي وقررت نعاود الباك ونكمل 3éme تاعي فنفس الوقت psq ضاعلي عام بزاف وراني حابة ندير حاجة medical على خاطر ان تصل متاخرا خير من ان لا تصل

[sozii]

يا ااختي نفس حكايتي بالضبط قبل يومين تفكيري كله كان يجب اكما ل الانجليزية يجب حل اكبر عدد من المواضيع في كل المواد و مازال لم اراجع الوحدات الاخيرة خاصة الميكانيك الخ . حتي وصلت بي الي عدم القدرة علي التركيز في المادة التي اراجعها مثلا اكون مع العلوم تفكيري مع الرياضيات اعداد مركبة متتاليات ............ ... لكن الحمد لله سلمت امري لله و اقنعت نفسي الا افكر ان كنت ساكمل كل شيء خللا ل شهر ام لاا ساحاول التركيز في المواد التي اراجعها و خاصة الفهم الجيد
المهم لي علينا نديروه و الباقي علي ربي
لكن لا تتهاونوا شدوا الحزام و انطلاقة سريعة لبلوغ خط النهاية
حظ موفق للجميع

[sozii]

[center]هذي هي الارادة القوية والعزيمة كي الواحد مايرضاش بحالتو اللي مهيش عاجباتو ويحاول يبدلها للافضل عجبتيني وعجبني كلامك انشاء الله ربي يوفقك ويوصلك وين حبيتي وتدي الباك بالمعدل اللي تتمنايه
حبيت نحكيلكم تجربتي انا تاني لعل هناك من ياخد منها العبرة psq جوزت الباك ف 2011 ومرضت وماقريتش 1/2 البرنامج طاحلي مورال وقلت موحال ندي الباك malgré لوكان بلاك قريت شوية برك كونت نديه جبتو 9.54 وصحاباتي اللي كانو يتنافسو معايا دارو medecin وانا عاودت ف 2012 وديتو 13.64 ماجبتش اكثر على خاطر قنعت روحي بلي انا والحلم تاعي خطان متوازيان لايلتقيان راحتلي الثقة بالنفس وليت نحس روحي فاشلة. المهم درت انجليزية وليت نقرا حاجة اقل من مستواي بكثييير jamais حطيت في بالي نعاود الباك psq كرهت وليت pas de confiance في روحي وفالقدرات تاعي mais فالصيف كنت مع اليوتوب ولقيت قدامي فيديو تحفيزي https://www.djelfa.info/watch?v=ma6wteq-7ms بديت نفيق مع روحي انا وين واحلامي وين واش ندير ف bloc de lettres ماهيش بلاصتي! المهم بلعقل بلعقل تبدل التفكير تاعي وقررت نعاود الباك ونكمل 3éme تاعي فنفس الوقت psq ضاعلي عام بزاف وراني حابة ندير حاجة medical على خاطر ان تصل متاخرا خير من ان لا تصل

موفقة ان شاء الله هذا العام يكون عامك
و ان شاء الله كامل ننفرجوا و نحققوا اهدافنا يا رب

[ibtissam2pm]

أهـــــــــــــــــــلا

أحييــــــــك على هــــــــــذا الموضـــــــوع القيم جـــــــــــــــا في وقتو

ت ســــي مام أنا كنـــــــــــــت ديفــــــــــــوا نشــــــوف دي فيديو الي يحفزو تجيني الارادة لتما من بعد نبــــــــــــــرد صح مانيش مفرطة مي مانيش نخدم تاع وحدة حابة تجيـــــــب 17

مي صـــــــــــح خيـــــــــــــتي أثرتي فيا " صنـــــــــاعة القرار" ,, :) سيغتو ب تاع " هاذو الي راهم يديوالباك بمعدلات مليحة خير مني " قعدت غيــــــر نكرر فيها

ربي يحفظـــــــــــك
موفقــــــــــــ ، ـــــــــــــة عـــــــــــزيزتي

تــــــــــــــم الرد : ibtissam2pm
" دعــــــــــــــــواتكم "

[little dreamer]

الحمد لله كي وصلكم الميساج بويسك وراو ربي شاهد عليا غير كل كلمة كنت نقولها خرجت من قلبي ..... بينولهم شكون نتوما صح .....من درك ماتخموش تخمام ماهوش تاعكم ولا تديرو حوايج قل من مستواكم .....هذا الحلم الي ربي عطاهولك في قلبك ما جاش هكاك برك ....ربي سبحانو عطانا حلم وعطانا حتا القدرة على تحقيقو مي القرار قرارنا ادا نحققوه ولا لا .........

[ماريا للنجاح]

النجاح تصنعه عدة محاولات فاشلة بالتوفيييييق للجمييييع انشاءالله نديو الباك كامل وةنفرحو والدينا~اميييييييييين

[oum walili]

IL n'est jamais trop tard pour bien faire ,cela fait déja 25 ans ke j'ai eu mon Bac avec mention trés bien mathéleme et ma fille passe son bac cette année rabi yefekoum inchallah

[little dreamer]

IL n'est jamais trop tard pour bien faire ,cela fait déja 25 ans ke j'ai eu mon Bac avec mention trés bien mathéleme et ma fille passe son bac cette année rabi yefekoum inchallah

Wéé c sur qu'il est jamais trop tard pour réaliser nos réves

[أَحمــد]

الكتابة باللغة العربية الفصحى
-----
يُغلق الموضوع