الجزء129من واش طيبتي اليوم

[أم محمد تاج]

حبيبتي ارزاق الله يحفظك على الاستضافة الحلوة يا حلوة وكوزينتك رجعت الغايبين وكثرو فيها الحوامل لعقوبة نشالله تحلي كوزينة اخرى نكونو ولدنا كامل ههههههههه ويكونو لعزايز يتوحمووو خخخخخخخخخ

[دائمة الحمد]

صحة غداكم واش احوالكمام ياسو والله تامنيني ندمت لي ما زدتش على وليدي جبتلو خوه ولا اختو الضناية مليحة
وراني قتلك ام اماني هي لي بالحمل والله اعلم

[دائمة الحمد]

ام تاج ربي يعينك على الوحم ماجورة عزيزتي
ام اسلام الف سهلا ومرحبا ومبروك الحمل توحشنا طلتك واكيد اطباقك
ام صلاح يومك سعيد عزيزتي والله يخليك
رفيف صباح الانوار كيف الاحوال

[أم محمد تاج]

الله يخليك دائمة الحمد حنوووووونة
حبيباتي لي عندها خبر على السعيدة بربها سارة والله المخلوقة دايما في بالي نجي نسال عليها ننسى حبيباتي ارتاحت وخرجت من المستسفى?????

[دائمة الحمد]

وهيبة عرضتك كانت مميزة جدا ومشرفة الى حد كبيرة واثبتي لنفسك ولغيرك انك فحلة الفحلات

[rahma2014]

[size="5"][دائمة الحمد واش راكي ان شاء الله تكوني تحسنتي راني نخمم ف هدرتك قلت نزيد واخ لابني اواخت لبتي مايقعدوش وحدهم مع انو عندهم 2 اخوة من ابوهم والله غير درتيلي القلب

[سرور2]

السلام عليكم

حبيت نسقسي دايمةالحمد قاتلي كرام شانتي الي في الصورة 3كيلوب80الف انا زوجي لقا2كيلو ب85الف هل هي نفس لكرام شانتي غبرة الي تباع مفرعة بالمئة غرام ولالالا جاوبوني بسرعة قبل ليشريها باش نردلو بلخبر خير ميخسر دراهمو

[omomnia15]

سلام وصحة غداكم كامل
وهيبة كلش بالطبع والشان وربي يكبر شانك ويصلح ولادك كيما كبرت شان راجلك واصلحتي ذات البين وراكي تعرفي اجرها عند ربي سبحانو
ام ياسو الي راكي تدعي على العجايز بالحمل مقريتيش بلي ممكن الي داير ربط رحم تحمل راني خايف الدعوة تخرج فيك ردي بالك
ام اسلام اية مبروك الحمل وربي يعينكم:sdf::sdf::sdf:
جبتلكم فطوري البارح بنتي قاتلي نطيب جواز بطاطا بالجلبانة دارت كوكوطة تقول رايحة توكل جيش التحرير الي بقات درتهالهم سوب مع الافخاذ الكاذبة الي يشوفهم يجولي امممممم حمرتيلنا الجاج هههههه يعطيها الصحة مولات الوصفةhttp://up.harajgulf.com/uploads/gulfup7781edd88c1b1.jpg

[أم محمد تاج]

مممممم أم امنية الله يعطيك الصحة يالحبيبة وام ياسووو نهارها راه جاااااااي ههههههههههههههههه

[rahma2014]

اختي سرور اناشريت 2 كيلو ب 80 الف ولقيت كيلو ونصف ب 75 الف كي سقسيت البائع قالي لي مارك ماشي كيفكيف لكن الغبرة كيف كيف مالا شريت 2كيلو درت منها هايلة وتطلع بالخف

[سرور2]

شكرا ليك اله يحفك ويعطيك وش في قلبك انانحوس عليها المهم غبرة متكونش سائلة

[رفيف رانية]

صح غداكم

دائمة واش راهي ميمتي وااش راهي اميرة رتاحت شوي

[ام طيري الجنة]

السلام عليكم
يعطيك الربح ام ياسو قتلتيني بالضحك بكلامك العسل يا عسل بصح مين قاع العزايز عل قولك يحملو و يقعدو يتعيفو بالوحم شكون يعمرلنا الكوزينات ههههه
دائمة الحمد مساء الانوار كيف الاحوال حبيبتي و خاصة كي راها الام و بنت خوك ان شاء الله يكونو احسن و اسينات الام و البنت ان شاء الله يكونو غاية و ربي يفرحك يا حنونة
ام امنية واش راكي يا الحبيبة بصحتك و مطرح ما يسري يمري حبيبتي
عازفة ربي معاك و يشفيك يا الفحلة الله يكثر من مثيلاتك
رفيف رانية و ليال مساااااااء الانوار واش احولكم يا الزينات

[om wassim]

مساء الخير عليكم
ارزاق كوزينتك كانت هايله و مربوحه ربي يبارك فيك و يعطيك الصحه على حسن الاستضافه

[ام سهام 02]

حبيبتي ام ياسين اعقلي فيها

ههههه بابا راه مقابلني وقال لي اعداوك اولادك كشافني
قاعدة قدام البيسي

الثوم كيكون اخضر اضفريه ولا اربطيه وعلقيه ييبس امنبعد كييبس امليح احكمي الريسان تع الثوم فكيهم سنينات سنينات بلا ما تقشريه وديريهم في الاكياس والى المجمد راني دايرة يبسس كانجي انخبيه انصور لك المراحل


ام امينة بصحتكم الافخاذ الكاذبة امممممم


ام نسرين الحبيبة انت الطيب والحنان كلو تسلمي

ام تاجو ربي يعينك هذي طفلة الوحم اتاحا اجي هكذا ربي يطلعك على خير وام صهيب راهي لاباس

[ام سهام 02]

اهلا داءمة الحمد صح فطورك حبيبتي

ارزاق شكرا على الاستضافة الطيبة ربي يجازيك كا خير

[ام طيري الجنة]

عرفت شكون راهي تتوحم هي


































































ام ياسووووووووووووووووووووووووو

[بشرى2008]

[،،،،،،،،،،،،،،،،،،،،،،،،،،،،،،،،،،،،،،،،،ن

[بشرى2008]

روضة أنا علبالي شكون اللي راهي حامل مي منقوووووووووووووووولش هههههههههههههههههههههههههههه

لوكان تعرفوها علابالي تفرحووووووووووووووووووولها قد الدنيا ولا اكثر

[latifa kera]

يعطيكم الصحة شهيتيني اختي بهذه الحلويات

[بشرى2008]

أغسلو بيه الحيوط باش تخلو الكوزينة امممممممممممممممممممممممممممممممممممممممممم

http://im53.gulfup.com/Hkr9wU.jpg

[ام الهضاب]

مساء الخير البنات
يعطيك الصحة أرزاق على الكوزينة فاتت اتهبل و ربي يحفظلك اوليدلتك
هذا وين درت القراوش امممممممم
ام طيري الجنة نسرييين ماشاء الله اعليها بقووووسة اتهبل و ربي ينجحهالك و تتحصل على المعدل الي راكي متمنياتو ان شاء الله
راه اقتلني التقرعيج اخاه قولو شكون الي راهي بالحمل عيييييشششششككككككمممممم





بنات عيشكم في كل مرة نضطر اندخل البيانات لأنهم في كل مرة أجدهم تمحاو ماذا افعل ؟

[ام الهضاب]

http://imagizer.imageshack.com/img661/4462/keqx5b.jpg

[ام الهضاب]

روضة نعم راني نحفظ في البيانات لكن بعد قليل ايروح

[omomnia15]

على سلامتك ام الهضاب وبصحتك القراوش

[ام سهام 02]

هذا لنظف به الكوزيناير موش غالي وينظف امليح
http://www.foxpic.com/VKxsJd4X.jpg

ام الهضاب يعطيك الصحة على القراوش امممممممم

[قمر 77]

سلامو حبوباتي وش راكم راني مالصباح برا غير كيما دخلت عظامي راهم يولولو
يعطيكم الصحة ما زال ما راجعتش نحاول نحطلهم كاش ما ياكلو ونجي سلام حبوباتي

[lyzzabel]

صح فطووووركم حبييبااااتي و مأكوول الهنااا
ام الهضاااب على سلاااامتك وييين هااد الغييبة توحشناااااك بزاااااف ،، يعطييك الصصصحححة على القرييوش ممممم كل خطرة نقوول ندييره و نعععجززز خخخخخ

بشووووورتيي رااسلييني على الخاااص و بيعييي هههه قتلووووناا بالتخمااام و انا نبييع لسكرتي الحلللوة هي مش نااااقصة كليووم تزييد تشييبلها شعرة ههههههه

ليااال ربي ينجحك و يغرحك وويوفقك فالترسييم حبييبتيي

ام يااسو حمبووك دييني معااااك خخخخخ بصح ما نجييبش البزااوز نخرجو كييما العزبااات بااش نستغلو الخرجة قدقد هههههه :1::1:

ام امنية بصحتكم الجوااز و لااسووبرو الأفخااد الكاادبة ممممم بقييت غي انا ما جربتهمش نخااااف مالتعلييقاات تااع ن ع ما يبغييش الجدييييد خخخخخ دقة قدييييمة هههه

[lyzzabel]

هههههه ام نسرييين قالتلنتا ام يااسوو خاااااطييييينييي تسمى نزييدو نخممووو ،، انا نقووول صبريييييينتييي :d:d

ارزاااق حبيييبتي كووزيينتك فاات روووووعة الله يبااارك فييها الأطبااق و الوصفاات الجدييدة و الألغااااااز ههههه ،، ربي يحفظك حبييبتي و يعطيييك على قد قلبك الطييييب مواااااااح

[lyzzabel]

قموووورة ويين كنت مالصباااح ما كلييتو واالو هيا قريي هههه ،، قلي البيض و ديري طبسي سلااطة هاادو يوجدوو بلخف خخخخ

بشووورتي ما تخلينييييش نقاارع بزاااف ولاا نشقاالك لبااب الزوااار هههه يا سلاااااااام مادا بياا هههه

[badr75]

الحامل الاولى هههههههههههههيييييييييييييييييييي






انا نطن اسمهان 79

[badr75]

الحامل الاولى هههههههههههههيييييييييييييييييييي






انا نطن اسمهان 79

[rahma2014]

ام ياسين شفتي حتى الذكور حابين يعرفو شكون الحامل ربي يهديهم علاش يدخلو معاناهذا الجزء مخصص للحراير فقط ونزيد برررررررررك

[بشرى2008]

نخمو على كامل البنات اللي يبدا بأسمها بأم راهي هكدا قالت أم ياسين الزهراء الحكيمة وقالتلكم اللي تحل اللغز تحل الكوزينة الجديدة خخخخخخخخخخخخخخخخخخخخخخخ هادي من راسي خخخخخخخخخخخخخخخخ ام ياسين متزعفيش مني خخخخخخخخخخخخ

ليزا العزيزة بقيت انا وانت مجربناش الأفخاذ الكذابة انا نخاف نكذب يضربووووووني خخخخخخخخخخخ

[ام طيري الجنة]

مساء الانوار ليكم كااامل
امواااااح ام الهضاب و بصحتك القراوش يا الزينة
ليزا مساء النور شفت الوصفة راني حطيتهالك
او مبعد ان شاء الله راني رايحة انا و زوجي ح ق نتمشاو على الشاطئ شكون تجي معانا باي باي من بعد ان شاء الله شا تبغو نجيبلكم معايا ما تحشموش هههه سلام

[omomnia15]

ليزا وبشرى راهم روعة غير خفوا جربوهم

[lyzzabel]

رححححمة كي رااااكيي ريحتي شوية ،، رااكي غاالطة بدر75 مشيي رااجل و تلقييها بزاااااف في قسم الطبخ و المأكولااات و دخلت للكوزيينة شحاال من خطرة بااش تحط استفسااار ههه

ويي بشوورتي نهاار لي نديير شووربة ولا حرييرة نتفكرهم و ندييرهم بادن الله خااطرش يبانو مممممممم

[badr75]

اختي انا مانيش راجل زمن المتتبعات القدامى للكوزينة ونظن كاين اخوات الي سمعو بيا من قبل لكن الظروف لا تسمح لي بالمشاركة العضوية حبيت نغير الجنس ولم استطيع

[أم محمد تاج]

صح قهيوتكم يا سمينااااااااااااااااااااااااااااااااااااااااااات
أم سهامووو حنووووونة البرودوي لي حطيتيه ينحي بسهولة ولا ﻻزم الحكان خخخخخخخخخخخخخخخخ????????

[lyzzabel]

وييي ام نسرييين كنت نشووف فييها غيير درروك روووووعة شكرااا يا الحبييييبة ربي يحفظك مواااااااح ،، قولييلي وااش من شااطئ رااكم راييينله بصراااحة حرموولنا قاااع الشواااطئ ما تقدرييش ترووحي en famille ربي يهدي الولييداات و خااااااااصة البنيااااات

ان شااء الله ام امنية عنديي اليووم شوية كفتة بقااتلي مالباارح بصح لاازم معااهم حساااء و ن ع يبغي غيير الحرييرة ،، حتى كااش نهاار بادن الله

[lyzzabel]

الشيراات شكوون تجي تجمع فالصالووون داازماان ما حكينااش

العشاا قلت بالااك نديير بورااك و معااه القرنااع سلااطة و السلاااام و الحمد لله على النعم

[rahma2014]

اختي انا مانيش راجل زمن المتتبعات القدامى للكوزينة ونظن كاين اخوات الي سمعو بيا من قبل لكن الظروف لا تسمح لي بالمشاركة العضوية حبيت نغير الجنس ولم استطيع

سامحيني حبيبتي والله ماعلابالي اسفة على واش قلت لان نحسبك صح راجل واحنا رانا نهدرو هنا ف كل المجالات لي تخص المراة عليها انزعجت واكرر اسفي مرة اخرى:mh92::mh92:

[rahma2014]

ليزا الحبيبة السوال عليك راني الحمد لله ولكن المورال هابط بيناتنا كون تسمعني ام اسلام ولاوهيبة يجيوليا يقطشوني

[ليال 22]

ليزاتي الحلوة السكرة شكرا لك على الدعاء ربي يسمع منك ولكن عاد راح نفوت المسابقة مازال حتى نربح ونترسم خخخخ ربي يخليك ويفرحك وينجحلك وليداتك.وماذا بيك تشقي عند بشورة باه تديني معاااك ههه .سلام لكل الموجودات و الغايبات يعطيكم الصحة على الخيرات اللي حطيتوهم. وانا نقول بالاك ام سااجد اللي حاملة .هههه دوختينا يا ام ياسين.

[badr75]

لا مشكل حبيبتي انا راني متونسة بيكم لكن العمل والتربية مع شغل الدار ورغم كل هذا مانخطيش الكوزينة شكرا حبيبة الجماهير ليزا لانك تذكرتيني

[فرح العمر]

السلام عليكم و رحمة الله و بركاته
ارزاق الكزينة تاعك فاتت هااااايلة بكل خيراتها و برجوع كل الغاليات يعطيك الصحة
ليزا الافخاذ الكاذبة حتى انا كنت خايفة منهم بصح خرجولي روعة و يليقو مع شربة و لا اي سوب

[ام حسناء05]

مساء الخير عليكن حابة نسال سؤال وما تضحكوش عليا اختي ليزا واش هو القرناع

[lyzzabel]

رحححمة عليييك بالأذكااار و قرااءة القرآن حبيييبتي و بادن الله الموراال يطلع up up up up up هههه

ليااال ماعلييش فولتلك ديري الفاال هههه

رحت للصالوون ما جاات حتى وحدة خخخخخخ

هياا شيراات قولوولنا وااش عشااااكم :1::1::1:

[lyzzabel]

حسنااااء ما نضحكش علييك حبييبتي ،، القرنااع هو القرنووون و كااين لي يقولووله القرنوون تااني فالغرب :d::d8

[ليال 22]

واه ليزا رني استفاليت على كلامك الحلو كيفك راني دخلت نجري موراك للصلون .

[ام حسناء05]

حسنااااء ما نضحكش علييك حبييبتي ،، القرنااع هو القرنووون و كااين لي يقولووله القرنوون تااني فالغرب :d::d8
شكرا عزيززتي ربي يحفظك

[أم محمد تاج]

عسلايتي روحي راني جاية هذا وين شفت لانفيتاسيون تاعك خخخخخخخخخخخخخ

[أم ماجد]

الله يخليك دائمة الحمد حنوووووونة
حبيباتي لي عندها خبر على السعيدة بربها سارة والله المخلوقة دايما في بالي نجي نسال عليها ننسى حبيباتي ارتاحت وخرجت من المستسفى?????
راهي بخير وصهيب ماشاء الله عليه تلقايها في الفايس روحي طلي تشبع فرح :1::1:

[أم محمد تاج]

أم الجووود حنووووونة ياخي عمبالك ماعنديش فايس والله سلميلي عليها بزاف وفرحت كي راهي بخير ووليدها والله المخلوقة عندها مافوتت

[Amel 2015]

ممكن رابط وصفة افخاذ االدجاج الكاذبة
مالقيتش الوصفة بسررعة راني محناجتها

[ام سراج وملاك]

مساء الخير عليكم كامل
ليزا انا ناوية ندير روز سلاطة مع الجيلابانة وزرودية مفورين وبيض مشرشم وميوناز وطون وفرماج وكاشير نسكرفجو فيها وحبة بطاطا مشرشمة ومسكرفجة وطبعا لاصوص نتاع سلاطة مالفة نديرها تجي هايلة لتحب تعاندني تجربها وبقاتلي شوي شربة من نتاع الصباح

[أم محمد تاج]

ممكن رابط وصفة افخاذ االدجاج الكاذبة
مالقيتش الوصفة بسررعة راني محناجتها

أمولة هاي ليك

http://www.djelfa.info/vb/showthread.php?t=1752297

[Amel 2015]

شكرا شكرااا شكرااا

[أم محمد تاج]

سلامو بنت خالي ليك وحشة وينك ماتبانيش بزاااااف وتعيشي حطيلي وصفة الصوص تاعك شهيتيني بلا مانشوفوها ونذوقها خخخخخخخخخخخخخخخ

[soussou sihem]

شكرااااااااااااااااااااااااااا الف مبروك

[ام سراج وملاك]

ارزاق كوزينتك فاتت ثمثم ويعطيك الصحة على حسن الضيلفة

[ام سراج وملاك]

سلامو بنت خالي ليك وحشة وينك ماتبانيش بزاااااف وتعيشي حطيلي وصفة الصوص تاعك شهيتيني بلا مانشوفوها ونذوقها خخخخخخخخخخخخخخخ

اهلا حبيبتي ليك وحشة ونظل نسقسي عليك ام ياسو في الكوزينة وكل يوم ندخل للبروفايل نتاعك نقول بلاكش دخلت طلت علينا ونطمن عليك الكوزينة كانت سامطة بلا بيك حبيبتي حقا خي فتي لوحم برك
حنونة لاصوص نتاع سلاطة نتاعي شوي خل وشوي زيت الكمية لي حبيتيها ونسكرفج فيه راس ثوم ونصف حبة طماطم الحب وشوي ملح وندير شوي مايوناز ونخلطهم مليح واذا تحبي ديري زيت زيتون لي تحب وندير لاصوص في روز وروز ندير لمفور ونغليه في الماء ونصفيه كي يطيب وندير فيه مغرف زبدة والملح حسب الرغبة

[أم أيوب 11]

سلاااااااااااااااااااام لبنات راني نحاول نحمل صور بصح ما حبوش يفوتو واااااااااااااع

[wahibaazel]

وهيبة عرضتك كانت مميزة جدا ومشرفة الى حد كبيرة واثبتي لنفسك ولغيرك انك فحلة الفحلات

ربي يجازيك خير اختي دائمة وهذا يرجع لتشجيعاتكم ووقفتكم مع كل وحدة حابة تتعلم ،ان شاء الله في ميزان حسناتكم .

[أم ياسين الزهراء]

خرجت زنقت وقضيت للبنات طبعا كيعوايدي وجيت لقيتكم مافتحتو كوزينا ماعرفتو الحوامل يااسفاه عليكم حابسات صح ههههههههههههههه

امونية هههههههههههههههههههه نجيك وتشوفي قالك 1 في المليون تصرالها واكيد ماشي انا هههههههههههههههه

ليزا لكان دريت نديك معايا انا عمري لانخرج بليزاباش انتاعي نخرج وحدي ونتقلش حطى في الزنق انا جني وجنوني النساء اللي يخرجو ولادهم راهي السخانة تقتل وزيد يبهدلو ويعطلو

بدر اهلا بيك انا نعرفك

عشايا سلاطة ونقلي ليسكالوب والحمد لله

ام محمد ربي يعينك مازال الخير للقدام ورمضان ربي يقدرك عليه وراهو يجوزلك تفطري ادا ماقدرتيش ربي يعينك انت وكل الحوامل وخاصة اللي نعرفهم بيني وبينهم ههههههههههههه

ارزاق كوزينتك عامرة بالخيرات والحبيبات والزهوات الله يزقك من ابوابه السبعة اللهم امين

[أم أيوب 11]

أختي أرزاق كوزينتك فاتت رووووووووووعة و الاخوات ما بخلوش علينا بجديدهم قلت لازم نديهم تحويسة

مع هاذ السخانة ما يليق غير البحر

http://www.qqq4.com/u/010905151431191870841.jpg (http://www.qqq4.com/)

http://www.qqq4.com/u/010905151431191870912.jpg (http://www.qqq4.com/)

http://www.qqq4.com/u/010905151431191870963.jpg (http://www.qqq4.com/)

[أم محمد تاج]

الله يخليك ام سراجوووووووو
بصحتكم بنياتك ام ياسووووووو حبوووووووبة كاش ماعن???? كاش صولد????? بصح اخخخخخخخخخصصصصصصصصص

[wahibaazel]

ليال ربي يحفظك .
ام طيري امممممم يعطيك الصحة انت مثال للمرأة العاملة الفحلة (ماشاء الله)في العمل والبيت.
ام حمدي مشكوووورة اختي .
ام امنية ربي يحفظك والافخاذ يسهو بصحتكم .
عازفة اهلا واشراك ،بلعقل شوية عليك وشوية على خياتك .
ام رحمة واش احوالك ،ان شاء الله لاباس ،زيدي بيبي وشغلي روحك .
البنات صح قهوتكم كامل. اختي ام ياسين هذا كامل صبر هيا قولينا شكون لي حامل اكيد ليزا ههه.

[عازفة الناي]

وهيبة الله يبارك العرضة 444444444444444444 بصحتكم
ام ايوب صور البحر ياااااااه ترد الروح وريحته هايلة هههههههههههههههه
زينب 66 مابانتش ؟؟؟؟؟؟؟؟؟؟؟؟؟؟؟
لبنات واش عشاكم ههههههه

[ليال 22]

اه يا ام ايوب شكرا ليك على صور البحر والله توحشت نشوفه ونغطس رجليا برك ما نعومش ههههههه ربي يخليك.وهيبة شكرا لك يا فحلة وصحة قهوتك وقهوة الجميع ام ياسوو شفتي جوابييي الا صح قوليلي وما نبييعش .

[أم محمد تاج]

رووووعة ام ايوب روووووعة سبحان الخالق حييييه وصلتني النسمة

[hab12456]

صحة قهوتكم

ام ياسيييين عرفتها....... كاوكا ههههه

[أم ياسين الزهراء]

وهيبة نسيت نوصيك اهم حاججة قبل العرضة وهي تحطي الميزان توزني الضياف قبل العرضة وكيجو يخرجو عاودي اوزنيهم باش تعرفي نجحتي هههههههههههههههههه والله فرحتلك من قلبي ونصيحة ماكانش كيما تخدمي وحدك انا هك حتى يكبر البنات ويعاونوك بصح انت الشاف انا هك ربي يصلحهم

ام ايوب والله شتقت تشبليقة واش من بلاج هدي

ام سراج صوص انتاعك كيما انتاعي انا نخدم غير بزيت الزيتون

ام محمد شريت ليكورني ماعنديش والصولد بوه علي عمري لا انتبهتلو نشري ونروح راهم ليجيب مدايرين حالى البنات اللي شراو انا دبة مانلبسهمش هههههههه

[أم ياسين الزهراء]

جوهرة وليال خطا بوه عليكم

شكون راح تفتح الكوزينا اللي في خاطرها تبعث لام كوثر يالله ماتخلوناش في الزنق والسخانة

ام محمد وليد السعيدة يهبل بسلامتو

[أم أيوب 11]

عازفة ليال أم محمد تاج أم ياسين أرواحو نديكم للبحر و الله ما خسارة

أم ياسين هاذ لا بلاج نتاع عين تموشنت

[أم محمد تاج]

ياعمري ام ياسوووو سلميلي عليها بزاف والله طمنتوني عليها وبصحتك لي كورني
ام ياسوووو واش عشاك????

[ليال 22]

ام ايوب ماراكيش بعيدة عليا يا مرحبا راني غي حداك في س بلعباس ابعتيلي شوية هبوب ههه

[أم ياسين الزهراء]

يالحابسة تاع ام محمد قلت نقلي ليسكالوب وسلاطة ومازال العدس والسردينة بصح ماضنيتش يعاودوهم والحمد لله

[أم محمد تاج]

هههههه ام ياسووو ماتلومونيش تضربت في نفوخي خخخخخخخخخخخخخ

[أم أيوب 11]

حبيبتي ليال مرحبا بيك ماراكيش بعيدة هاذ الصيف نقارعك

[ارزاق]

مساء الخير قلت ندخل نلقاكم عند ام اسلام .بصح راني فرحانة زيدي شويا عندي مزال الحال هههههه

[ليال 22]

ان شاء الله حبيبتي ام ايوب مشكووورة على الترحيب وحتى انت اذا جيتي لهنا غير قوليلي نستناك على العين و الراس.

[أم ياسين الزهراء]

لبنات غدوة على بركة الله نبداو الحفظ الجديد للحزب الجديد ان شاء الله نكمل مع رمضان الله يكملنا راني فرحانة والحمد لله

راح نخليكم في امان الله واتهلاو في الكوزينا

ام محمد وكل البنات صحى عشاكم والله يحفظكم

[ارزاق]

ام ياسين حراااااااااااااااااااام عليك قليلنا وهنينا خلينا نختمو الكوزينة بالفرحة
اسمهان وين راكي مينتيش

[ارزاق]

حبيبتي ارزاق الله يحفظك على الاستضافة الحلوة يا حلوة وكوزينتك رجعت الغايبين وكثرو فيها الحوامل لعقوبة نشالله تحلي كوزينة اخرى نكونو ولدنا كامل ههههههههه ويكونو لعزايز يتوحمووو خخخخخخخخخ

كنت نبارك لوحدة جابت طفلة الله يبارك العم هذا عام بنات لعقوبة ليك ام تاج وتخرج فحلة لامها

[ارزاق]

انا عشايا جبتو معايا دجاجة روطي زنزيد حميس حااااار و الحمدلله

[lyzzabel]

يا سلاااااااام ام ايووووب نظرة تفتح النفس الله يباااارك بصحتكم حبييبتي

بنااات بصحتكم قاااع وااش رااكم تطييبوو و مأكووول الهنااا ياارب

ام سرااااج يعطييك الصحة يا الحبييبة شهيتييني و الصلصة عجبتنيييي ،، تديريها فووق السلااطة يااك ،، انا تااني نخدم غيير بزييت الزيتوون حتى الطيااب نطيب بييه

أم سهااااام كي تدخلي اعطييني وصفة الغرييبية لي حطييتيها ياامس و كلييتيها وحدك هههه شهتنيي و نموووت علييهاا

زينوبااات في زوووج ما بانوووش و ام وسيييم و ام الااء و فرح ووووو ان شاء الله الماانع خييير

تحيااااتي حبييبااااتيي :mh31::mh31::mh31:

[lyzzabel]

حقاا الحمد لله طمنتوونا على حبييبتنا سااارة ام صهييب والله كل خطرة نقوول نسقسيي بشووورتي علييها و ننسى

ارزاااق بصحتك التحماااد حبييبتي و حنووونتيي

[أم أيوب 11]

حبيبتي ليزابيل أرواحي ونديك للبحر مراكيش بعيدة نتشرف بيك

[ارزاق]

شكرا ليزا شدي الهما وجيبي طفلة عسل كما انت يا عسل

[أم محمد تاج]

اللهم آمين حنونتي ارزاق ولك بالمثل

[lyzzabel]

ام ياااسوو ربي يقدركم و يثبتكم العقوبا ليينا ياااارب و بصحتكم ليسكالووووب و السلااطة

ام ايوووب يا عمريي ربي يخلييييك موااااااح

قررت نديير الحرشة المحشية تااع عزوووفتيي نحشييها بالفرمااج و الكفتة نشوييهاا للأولااد هدااك ما يبغوو و الحمد لله على نعمه حمدا كثييراا طيباا مبااركا فييه

[ام سراج وملاك]

ليزا لاصوص تخلطيها داخل السلاطة ومن فوق تزيني بالميوناز

[ارزاق]

ام سراج حبيت نشكرك لانك شجعتيني نفتح الكوزينة وكل منحتاجك تعاونيني ربي يفتحلك ابواب الخير و الرزق ويرحم والديك

[*وردة الشرق*]

السلام عليكم ورحمة الله وبركاته حبيباتي كيف الاحوال ان شاء الله بخير اسفة لم اراجع شئ لكن اكيد انتن مبدعات حبيباتي اليوم جات عجوزتي وسلافاتي ودرك واين روحو قلت نجي نطل مسي عليكم ونروح نخمل الكوزينة للاسف ما قدرتش نصور لانو كانو بجانبي المهم جوزنا نهار جميل الحمد لله
ام ياسو قالتلكم شكون الحوامل ولا لا راهي دارتنا السوسبانس تاع الصح
لييييييييييييييييييييزا العسلاية مبروك العضو البرونزي خارج عليك يهبل يا عمري
نروح وفي المساء نرجع بادن الله

[ام سراج وملاك]

ام سراج حبيت نشكرك لانك شجعتيني نفتح الكوزينة وكل منحتاجك تعاونيني ربي يفتحلك ابواب الخير و الرزق ويرحم والديك

امين حنونة شكرااااااااااااااااااااااااا على الدعاء ربي يخليك لينا حبيبتي بلامزية ارزاق رانا هنا كامل خواتات لازم نعاونو بعضانا والله ربي لي عالم قدش نحبكم كامل وكاني نعرفكم من بكري

[عازفة الناي]

ليزا العزيزة راني ننتظر فرد اولادك اسكو تعجبهم والا لاء و اكيد تعجبهم هههههههههههههههههههههههه
زينوبة اهلا وسهلا و بصحتكم اللمة
ارزاق كوزينتك فاتت هاااايلة يعطيك الصحة
حبيت نحمل الصور ماحبش الميكرو فيه خلل ننتظر يجيب اخي تاعه ونحمل منه

[ام سهام 02]

السلام عليكم حبيباتي

عشايا وجد والحمد الله


http://www.foxpic.com/Vr7N3I2h.jpg

http://www.foxpic.com/V1q539wb.jpg

[rahma2014]

ارزاق ربي يرزقك الجنة راني درت التارت نتاع التفاح وجات روعةمشكورة حبيبتي
البنات ربي يهنيكم وين نلقى كوبي وكولي ف التابلات كنت ننقل الوصفات ضرك راني نخدم بالتابلات ما عرفتش غير لا حليت الميكرو

[rahma2014]

ام سها م مبدعة ورائعة دوما ما شاء الله

[أم ماجد]

السلام عليكم حبيباتي

عشايا وجد والحمد الله


http://www.foxpic.com/vr7n3i2h.jpg

http://www.foxpic.com/v1q539wb.jpg
امممممممممممم هات نتعشى معاك خخخخخخخخخخخ:1::1:

[ام لؤي سوسو]

ربي يشفيك اختي ويعافيك يارب

[ام طيري الجنة]

السلام عليكم هذا وين جيت من البحر ليزا رحت لشاطئ كريشتل هو الاقرب و عائلي اما العيون او ليزوندالوس المقطع او بروبول يا خرابي لا لا لا ليست للعائلات نروحو لكريشتل من العشي للعشي كي يروحو الغاشي او لمستغانم كاين شاطئ محترم يسموه شاطئ شلف او نكونبيو في بورساي على الاقل ما تسمعيش فيه الكلام البذيء و فيه لاسيكيريتي
الفحلات بصحتكم واش درتو عشا انا راح ندير البوراك و نشوف واش نزيد معاه سلام راني رووووووتار

[oum islem]

السلام عليكم
بنات مازال ما راجعت والو
كنت زيارة عند الوالدة لقيتكم مازال في كوزينة ارزاق
اذا نقدر نفتح كوزينة جديدة الان او لا؟
مشكورين اخواتي

[wahibaazel]

عازفة ربي يحفظك حنونة ومشكورة على المجهودات لي تقومي بيها .
ام ياسين ههههههههههه ،عندك الحق الضياف لي جاوني نصهم عندهم السكر ولي تريقليسيريد مساكن عادو يقولو لزوجي تحوسنا نروحو لسبيطار ،لكن الحمد لله عجبهم الحال بزاف.
سلفي الكبير عندو السكر قال لزوجي دارتها بالعاني اليوم نبات في السبيطار .يحب الماكلة ومايصبرش .

[ام سراج وملاك]

السلام عليكم
بنات مازال ما راجعت والو
كنت زيارة عند الوالدة لقيتكم مازال في كوزينة ارزاق
اذا نقدر نفتح كوزينة جديدة الان او لا؟
مشكورين اخواتي

حليها حنونة واش راكي تستناي طولتي قريب يزعكونة من كوزينة ارزاق هههههههههه

[ام سراج وملاك]

ام سهام ربي يبارك طيابك ما شاء الله كنت سقسيتك من قبل على طبق لي حطيتيه كيفاه طيبتيه نتاع لجلبانة والبطاطا جاني طيبتيه في الكوشة بلاكش مشفتيش سؤالي

[*وردة الشرق*]

ارزاق لحبيبة الف شكر على حسن الضيافة يا جميلة انت الباتيسري ما كانش اللي ينافسك فيه ماشاء الله والله اكبر وعيني عليك باردة هههههه
نتمنى ننجح وندير الميلفاي كما تاعك راني مخبية الوصفة ربي يعيشك حبيبتي ويرزقك الجنة ان شاء الله

[ام سهام 02]

رحمة شكرااااااربي يخاليك هذا من لطفك

ام ماجد مرحبا بيك تنوريني

ام سراج وملاك بارك الله فيك لم انتبه والطبق موش طايب في الفرن زوجي يحب المراقي ما يحبش ليبلا نا شفين غدا باذن الله نكتب لك الوصفة انت والحبيبة ليزا نكتب لها وصفة الغربيية

[ارزاق]

السلام عليكم حبيباتي

عشايا وجد والحمد الله


http://www.foxpic.com/vr7n3i2h.jpg

http://www.foxpic.com/v1q539wb.jpg


يعطيك الصحة ام سهام وصح عشاك

[ارزاق]

زينب كشما تحتاجي راني هنا احم احم زعما بديت نشكر في روحي و راح تخرجي الملفاي احسن مني

[وردة الشمس]

صح عشاكم جميعاا نهار كامل مفتحتش المكرو وكي فتحتو جيت نجري طول للكوزينة باه نطل عليكم الله يبارك كلش واش حطيتوه مشاء الله

[أم شيماءْ]

سلام لبنات وشراكمد
ام ياسووووووووو ياخاه قوليلي شكون الحامل راني شكيت في روحي :sdf::sdf::sdf::sdf:

[omomnia15]

سلام وصح عشاكم
ام ياسو كنت رايحة ندير ربط رحم بصح كي قريت احتمال الحمل قلت انا هي الاحتمال راني ارنووووووووووووووووبة في الذراري ههههههههههه
مزالكم هنا بصحتكم واش تعشيتوا وتصبحوا بخير راهو راسي يوجع
بشرى هاي فيك نحكمك ناكلك والمازة في الصيف نفرجها زعما اختي اخص احص على الاخوة ولات تتباع هههههههه راني قريب نديرلكم نشيد تع حزن سلام