سؤال يحبسلك راسك ؟

[**خليصة **]

السلام عليكم
اريد ان تجاوبوني على هذا السؤال
و هو كيف نراجعو مادة الفلسفه
حاليا انا نقوم بكتابت مقاله و استعين بالنات بالكتاب بال بال بال
لكن ماظنيتش هذي الطريقه تفيدني لازم نحفظ ولا
باه نهار الباك نشفا
قولولي انتوما كيش دايرين معاها

[lazher djamel]

...........................لمـــــ أفهم لهذه ألمـــــآدة بتآتآ

[floura]

صدقيني ما طليت عليها لحد الان...........

[**خليصة **]

انا كنت نكتب مقالات مي دوك راني عاطيتها بكوتبي
باقيا غير في القلب تحرق

[sidra77]

انا كــــــذلك احـــــترت كيفاش ندير معاها
ساقوم بحفظ الاقوال الفلاسفة ومراجعة المنهجيات مع فهم دروس ربما
بالــــــــــتوفيق للجمـــــــــيع

[سماح 2]

بشوية أيْ ســآهلـة ,,,أقراوهــآ وافهموهــآ اعطيوهــآ حقهــآ كيمــآ الموادْ الاخرى ْ ,,,
_ افهموا الدرس وأقراو مقالآتْ عليــهْ و C tt ..
that's all ..

Gd luck ;)

[asma butterfly]

انصحكم بعدم الحفظ افهموااا هاد المادة و حاولوا تهضموها
اقراو الكراس وعاودوا ادربوا على طرق الكتابة اجمعوا اكبر عدد من المقولات في كل موضوع حلو مخكم وعبروا بحرية و بلغة سليمة والفاظ محكمة صدقوني هاد المادة لازمها عبد متكمن في اللغة وذو فكر واسع ويعرف يعبر وفاهم الدرس بلا ما يحفظ قادر يكتب مقالة في المستوى
بالتوفيق لنا جميعا ان شاء الله

[floura]

ايه مام انا خممت نفهمها لانو منحبش نحفظ بتاااااتا ماعدا شريعة تجيني حلوة

[**خليصة **]

ايه
كيما انا كي تحلالي نكتب نكتب و نبذل جهد كبير او كي نروح لكلاسا يشكرني الاستاذ
مي سعات نحس عقلي تبلوكا عقلو

[جندلي نسرين]

عليكم بحفظ الاقوال
والتعريفا مثل تعريف الرياضيات والعلوم والعلوم الانسانية والمنطق ....
ثم معرفة طريقة المقالة جدلية او مقارنة او دفاع
وبعدها كلشي ساهل تعرفي الطريقة وعندك الاقوال والتعريفات
بقا غير تحطيهم وتكوني كتبتي مقالة :)

[ASMA PINK]

شوفي هذي الطريقة ساعدتني بزااف..المنهجية لازم تكوني عارفتها)الطرقة الجدلية.الاستقصاء بنوعيه والمقارنة(
نفهم المقالة مليح مليح)الحجج والبراهين( ونحفظ 2اقوال فلسفية و3مؤيدين
بهذه الطريقة التي تعتمدعلى الفهم اساسا تستطيعين ان تكتبي اي مقالة وتكيفيها باي طريقة شئت باذن الله
موفقين جميعا ان شاء الله
المقالة المتوقعة هي البيولوجيا(المادة الحية)

[الملآذ]

السلام عليكم اختي
بصراحة بما اني معيدة نقدر نفيدك في طريقة المراحعة لهذه المادة السهلة جدا جدا بالرغم من اني تحصلة على نقطة سيئة فيها لعام الماضي 11.5
اختاه الفلسفة اول حاجة لازم تعرفيها لازم تعرفي كيفاش تقدري تلمدي النقاط بأعلى قدر ممكن
شوفي قليل من الافكار +المنهجية نتع المقالات يعني كل مقالة ووحدها وانا نوصيك كي تكوني تقراي في مقالة اقراي بالطريقة الجدلية لانها الاعم ومن بعد اذا طاحتلك استقصاء بنوعيه او مقارنة تجيك سااااهلة مااااااااااااااا هلة وكل مقال وكيفاش
وايضا شوفي احفظي الامثلة ثم الامثلة تم الامثلة حاولي في كل جزء من المقال حطي 2 امثلة والمقولات حطي غير واحدة ياسر وماشي شرط تحفظي اسم صاحبها فقط قولي قال الفيلسوف او احد الفلاسفة ومثلا ديما كي يكون عندك مثلا في المقال الجدلي حطي في كل موقف نهاية جزئية بسيطة وفي التركيب ديريلوا مقدمة بسيطة هاذوا راه عليهم نقاط والخاتمة مثلا توسعي فيها بأمثلة لازم متكتتبيش سطرين برك ومتكونش كبيرة ياسر المهم تكون ملمة بالموضوع
نظن بلي هذي هي اغلب العناصر بتالتوفيق

[القمارية]

000000000 فيها انا

[lilia bra]

انا احفظ اقوال الفاسفة التعريفات و ملخص للمواقف الذي تزودنا به الاستاذ ة كما اني ادون كل الامثلة التي تعطيها لنا الاستاذ ةاثناء الشرح اضافة للفهم الجيد للموضوع و قراءة المقالة مع فهما ليس حفظها لاني لا احب الحفظ كثيرا و التمكن من المنهجية و انشاء الله تحصلين على علامة جيدة انا عن نفسي اتبعت هذه الطريقة و الحمد لله حصلت على علامة في الاختبار و التي اعتبرها جيدة بالنسبة لي وانشاء الله نوفق في هذه المادة في البكالوريا لا تخافي الفلسفة و سوف تتغلبين عليها باذن الله انها مادة رائعة خصوصا اننا اول مرة نكتشفها عيبها فقط انها طويلة نوعا ما

[@عثمان02@]

أحكم المنهاجيات مليح وحفضهم وبعد راجع الدروس واحفض الأقاويل
وحاول تكتب مقالة وحدك من الدروس

[baghdad madrid]

شكرااااااااااااااااااااااااااااااا