راني نبكي شكون تمسحلي دموعي

[أم براء]

السلام عليكم أخواتي الخياطات المبدعات
عندي عرس أختي في شهر ماي و اشتريت قماش معدس و خيطتهولي الخياطة قندورة عرب و معها جيلي و منت فرحانة بها :o:o:o:o:o:o:o
و لكن للأسف لي شافوها قالولي ماهيش مليحة
خصوصا عجوزتي قالتلي تباني طلابة بها

:mad::mad::mad::mad::mad:
هذه الصورة
http://www.djelfa.info/vb/attachment.php?attachmentid=100925&stc=1&d=1430425831
راني حابة ندير فيها تغييرات شكون تساعدني بأفكار باش تبهالي ربي يستركم

في الأخير لي تساعدني و لي مساعدنيش ربي يصلحلها ذريتها إن شاء الله
في انتظار ردكم و أتمنى أن تلبوا طلبي و لا تبخلو عليا

مثلا الاكمام نديرهم دانتيل واش رايكم

[abdelhamid33]

الفستان جميل ورائع وكذلك القماش مارايك لو نقصتي في عرضها اذا كنتي نحيفة كي تبرز لاتاي نتاعك ويمكنكي كذلك اضافة بعض الاحجار في حافة الصدر كي تبدو جميلة وتلبسيها بالصحة نشاء الله.

[stayfiya]

ماتبكي ماوالو باينه عجوزك غاضها لقماش
الدونتال هنا ماعندو حتى معنى هنا كي دخليه لانو القماش كامل حرج ممكن لمناشات الصغار تعاودي تركبيهم دي مونش و تنقصيلها في ليبانس. على قيسك

[أم براء]

ماتبكي ماوالو باينه عجوزك غاضها لقماش
الدونتال هنا ماعندو حتى معنى هنا كي دخليه لانو القماش كامل حرج ممكن لمناشات الصغار تعاودي تركبيهم دي مونش و تنقصيلها في ليبانس. على قيسك
عزيزتي السطايفية أشكركي كثيرا على الرد
فثقتي بكي كبيرة ولا تتصوريها
المهم أنا لست خياطة و لهذا لم أفهم حبيبتي قصدكي
الرجاء بسطي لي أكثر و ساعديني الله يعطيك صحتك عافيتك

بارك الله فيكي

[أم براء]

الفستان جميل ورائع وكذلك القماش مارايك لو نقصتي في عرضها اذا كنتي نحيفة كي تبرز لاتاي نتاعك ويمكنكي كذلك اضافة بعض الاحجار في حافة الصدر كي تبدو جميلة وتلبسيها بالصحة نشاء الله.
شكراااااااااااااااااااا
طلعتولي المورال
بارك الله فيك

[ام ورود]

سلام اختى فستان شباب....عجوزتك اما غارت ...والا معدهاش دوق خاصو شوي تحطي احجار او عقاش في الرقبة والاكمام....،يكون لونهم يوالم الفستان....وتبالي الارجونثي يجي اسورتي وتلبسيه بالصحة والهنا....

[تقوى 85]

انا من رايي انو عجوزتك تحبك على هذا حريصة تكوني شابة، في بالي تعاديها كامل ملفوق ،ممكن ادخلي عليها دونتال اسود استيكي،....ربي يوفقك وتهلاي في عجوزتك

[أم براء]

انا من رايي انو عجوزتك تحبك على هذا حريصة تكوني شابة، في بالي تعاديها كامل ملفوق ،ممكن ادخلي عليها دونتال اسود استيكي،....ربي يوفقك وتهلاي في عجوزتك

إذا عندك موديل يشبه للفكرة تاعك حطيلي الصورة من فضلك

[amani32]

البسيه وعاودى صوريه هاكا ماراهش باينلي المودال

[الفرحوني الشاوي]

السلام عليكم اختي قماشك ماشاء الله فقط لو كان خيطيه ستيل قنادر عنابة يخرج هايل على فكرة شحال شريتي القماش

[باسم وبيسان]

اختى هل البليرووو لاصق لكان منتحت وحدو وبليرو وحدووو نحيلووو البليروووو اخمى واحد نوار سامبل او دنتالhttp://www.up.djelfa.info/uploads/143065077292221.jpg (http://www.up.djelfa.info/)

[جلفااوية]

ربي معاك اختي ومبروك على اختك ربي يتمم ليها على خير ان شاء الله لوكان لبستيه وصورتيه باش نقدرو نشوفوا ديفوواتوا وين

[أم براء]

خلاص ندبر محزمة و نصورو

[أم براء]

راني لبستها أرجو المساعدة

101064

[تقوى 85]

جاتك شابة يا اختي روحي للعرس وارفعي راسك،واذا كان يتنحا البوليرو انتاعها نحيه مع تزيديلها حزامة مليحة تجيك تحفة،ما تنسايش زغردي وانويها على روحك يا لعروسة
بالبركة على اختك.

[اسيل زمزم]

انا من راي اخت لقاتلك نحي البليرو ودريها دونتال من فوق تولي شابة
وربي يفرحكم باختك و يهنيها

[نسيبة2012]

البوليرو جا طويل ولاغوب جات عريضة ديريلها لي بانس (خياطة على الطول تجي عند الخصر 2 من امام و2 من الخلف باش ما تبانش عريضة عليك.)والبوليرو يبان ما عندو حتى لزوم غير الكمام ما فيهش وعلاش حتى زدتيه....................تلبسي بالصحة .....نشالله نكون افدتك..

[أم براء]

اختى هل البليرووو لاصق لكان منتحت وحدو وبليرو وحدووو نحيلووو البليروووو اخمى واحد نوار سامبل او دنتالhttp://www.up.djelfa.info/uploads/143065077292221.jpg (http://www.up.djelfa.info/)






واش رأيكم لو نبدلها زي هذي



شوفو كيفاش تولي
http://www.djelfa.info/vb/attachment.php?attachmentid=101220&stc=1&d=1430815248

[سلسبيل الجنه]

فستان مليح ضفي له بعض بعض لي ستراس تخر ج لكي مليحة

[tipone]

كتان هايل لبلوزة وهرانية لازملك تغيري بوليرو ملازمش يكون لونه متل لون لروب وكمام بلويرو يكون طوال وننصحك يكون تاع دونتال
وديري حزامة تكون عريظة من الاحسن تكون بالاستراس او حزامة لتجلب النظر وعند رقبة ديرله قالون خفيف علي خاطرش قماش معمر بزاف

[warda 07]

اختي مبروك عليكم العرس ربي يهني ويصلح و القندورة راهي جاتك مليحة تلبسي بالصحة.

[amor.chibout]

السلام عليكم ورحمة الله وبركاته
ياأختي عمرك ماتبكي لأجل قندورة
لقد ندمت كثيرا لأنني بكيت لأجل لباسوكل مرة ألدغ من نفس الجحر لكن كل مره خياطة أو خياط مختلف
والحمدلله القندورة تاعك ماهيش فاسدة فقط لازم تسنتريها وتحاولي تبيني لاطاي تاعك إما بالمحزمة أو Ceinture
قالون خفيف لازم في الرقبة باه تكون ظاهرة
تلبسيها بالصحة والهناء

[*ام يونس*]

البوليرو هو اللي مبشعها,,,نحيه و زيدي سنتري فيها فى لاطاي برك و ميروك عرسكم

[farawla01]

اختي كي لبستيها بانت مليح وتبانلي جات اعليك كيما قالت الاخت دبري حزامة واشطحي حتى تشبعي مبروك عليك الفستان ومبروك على اختك العرس تتهناو ان شاء الله

[amani32]

نحي البوليرو وعرضي لحزامة
444444

[latifa kera]

ياختي علاش ماتنحيش لبوليرو

[*عائشة*]

انا تبانلي سانتري فيها مليح و زيدي اشري بروش باهي ارجونتي و احكمي بيه البوليرو را يجيك هايل و زيد اللبسة تبان مع الذهب و الشعر و الماكياج و.. و.. عجوزتك شافاتك بلا هاذو كامل ...وانت ي ربي يبارك تبان لاتاي تاعك هايلة خاصة لقنادر الاعراس .... ربي يهنيك

[amor.chibout]

السلام عليكم ورحمة الله وبركاته
من فضلك لما تعملي التغييرات زيدي صوريلنا
شكرا مسبقا