ســـاعدوني الله يحفظكم أنا فــي ورطة..

[Djihad BVB]

السلام عليكم

خوتي أنا نقرى السنة الثانية علوم تجريبية و كانت عندي مشاكل في الفترة الماضية جبت المعدل الأول 8 و الثاني 9 و ضروك تنقصني 13 باه نطلع العام

و أنا درت طعن بداية السنة بارسك كنت حايب ندير تسيير و اقتصاد على خاطر أنا خاطيني الفيزياء و الرياضيات و مليح في مواد الحفاظة

أعطوني نصيحة و لا طريقة باه نقدر نجيب 13 في الثلاثي هذا لي بقاتلو غير 3 أسابيع و أنا و الله ماني حايب نعاود العام على خاطر عاودة مرة من قبل ..

المشكل هو أنا نجيب المعدل في كامل المواد و منجيبش غير في 3 اللي هوما الرياضيات و العلوم و الفيزياء و يطيحلي المعدل 8 و لا 9

و نتمنى تفيديوني على خاطر راني حاير كيفاش نديير و اللي يعاوني جامي ننسالوا خيروا

[مدللة أبـــي]

السلام عليكم
اولا خويا انت وشمن سنة تقرا ؟
و ثانيا يا اخي جامي تفقد الامل لانه ماكانش حاجة مستحيلة , حط في بالك بلي تقدر تنجح مهما كانت الظروف تقدر تنجح
اعطي لنفسك فرصة حاول تقرا الدرس بتمعن و تفهمو مليح و استعين بالكتب الخارجية لانو تكون تمارينها محلولة و هكدا تقدر تشوف الحل و تعرف منهجية الاجابة
حل التمارين بزااااااف خاصة لفيزيا و رياضيات و إن شاء الله ربي يوفقك و تنجح
بالتوفيق

[salim 97]

من جد وجد ******* ولكل مجتهد نصيب

[ino sweet]

برأيي اخي حاول هل مواضيع محلولة اولا ,, في المواد الثلاثة ثم ارجع الى الحل و شوف اخطاءك و طريقة الحل ,, و المنهجية في الاجابة

المواد الادبية حاول التحصل على نقاط ممتازة و ماشي فوق المعدل برك باش تقدر تعوض

و الاهم لازم الارادة ,,, خمم بلي العام لجاي لباك و صحابي كامل طالعين و يفوتو الباك و يدخلو للجامعة ,, و انا علاش ما ننجحش ماكاش واحد خير من واحد

في النهاية اخي كلش ســـــــاااااااااهـــــــــل و بــــــــعد على الانترنت و لفايس بوك

ربي يوفقك و يوفقنا كااامل

[Blanca]

السلام عليكم ورحمة الله وبركاته
اهلا اخي
لا يوجد شيء اسمه مستحيل ، فبالارادة و العزيمة يتحقق كل شيئ بإذن الله

اما فيما يخص المواد الاساسية عليك بمراجعتها يوميا
مثلا : درست في الصباح في مادة الرياضيات : درس الجداء السلمي ......
في االمساء لما تعود من الثانوية او ليكور استرح نصف ساعة (30د)
وافتح اولا الكراس و الكتاب و ابدأ بحل النشاط ثم اذهب للدرس و راجعه لما تفهمه
احمل ورقة واكتب عليها قوانين الدرس (حساب المسافة ؛ الطويلة .........)
و من ثم اذهب للتمارين و ابدأ بحلها و كل ما تجد تمرين يشبه قبله حله شفوي ......
واذا كان عندك كتب خارجية فيها تمارين مع الحل او اختبارات سابقة احسن

المهم الشيئ الذي كنت اود ان اقوله انا المواد الاساسية ليست للفهم فقط بل بحفظ قوانينها و تطبيقها

الفيزياء + الرياضيات : اكتب قوانين في ورقة و ابدأ بحل التمارين
العلوم قم بفتح الكراس الخاص بالمادة و راجع الدرس و احمل ورقة و اكتب عليها ملخص و افتح كتاب خارجي او اختبارات سابقة و ابدأ بحلها واذا وجدت صعوبة نحن هنا او استاذ حفص حفظه الله


و افضل استاذ للفيزياء اظن انك تستطيع ان تستوعب الدرس معه :
استاذ مولاي عمار (يوتوب)


او استاذ قزوري (موقع اسمه Guezouri )
استاذ فرقاني (موقع اسمه فارس فارس فرقاني )
رياضيات :
استاذ نور الدين



المهم لا تستسلم بإذن الله تنجح

اقرأ و توكل على الله
و لا تنسى الدعاء في صلاتك
اذا لم تفهم شيء (درس ......) اسأل و سنجيبك بإذن الله
بالتوفيق��

[الساعي للمجد1]

ربي يوفقك و يوفقنا كااامل