المساعد الشخصي الرقمي

مشاهدة النسخة كاملة : معاناة مع الجينــــــــواااز...الى أن قررت الاعتزال


ريان صويلح
2015-04-28, 15:43
سلام أخواااتي .. انا مبتدئة في الباتيسري جربت الجينواز لاول مرة وصلحت ماشاء الله ولكن للاسف ضاعت مني الوصفة :( ومن هاذيك وانا نجرب لغاية الان نطبق الوصفات بحذافيرها لكنها ما إن توصل للفرن ونخليها حوالي 15 دقيقة نطل عليها نلقاها طالعة الله يبارك لكن كي نطل المرة الثانية نلقاها فالوسط تهبببط يااااو تغيييض والله مليييت وكل مرة نقول c bon المرة هاذي الاخيرة والله مالقيت كيفاااه ارجوكن ليعندها وصفة مضمونة 100 بال 100 غير تعمل فيا مزية وجزاكن الله اللللف خير .

أم ريمة*
2015-04-28, 16:07
مساء الخير ما لزمش تفشلى خلاص جربى هذا الوصفة انتاع فلة هايلة ديما نديرها فقط نصيحة الفرن يكون 180درجة ومالزمش تحلى عليها حتى بعد 25دقيقة
http://www.djelfa.info/vb/showthread.php?t=1116647وباذن الله رايحة تنجحى فيها وتدعيلنا وكاش استفسار رانى فالخدمة

سامية بالولي
2015-04-28, 20:19
الجينواز يدير الدمار صح قلال اللي يصلح معاهم

سماح 88
2015-04-28, 21:58
حتى انا صلحلي بعد معاناة وجربت اغلب الوصفات ولما نجحت في صنعه مزدتش عاودتة ان شاء الله راهي ما ضاعتلي الوصفة

فايزة1207
2015-04-29, 00:01
جربت نتاع ام كوثر ونتاع الهام صح يهبطو شوية بصح ملاح عجبوني

nora rosa
2015-04-29, 13:55
انا مانيش محترفة في الطبخ بصح الجينواز اسهل حاجة عندي المهم كي تحطيها تطيب مالازمش تفتحي عليها حتى تعدي نصف ساعة والا رايحة تهبطلك

kameld1982
2016-02-19, 13:02
شكرا لكم جميعا

fatima 31
2016-02-19, 13:52
مساء الخير أختي أنا عندي الوصفة و دائما نخدم بيها و إنشاء الله تنجح معاكي
المقادير:
4 حبات بيض
150غ سكر
150غ فرينة
كيس لفاني
طريقة التحضير:
في وعاء نخلط البيض و السكر و كيس لفاني و قرصة ملح بخلاط كهربائي حتى يتضاعف الحجم مدة الخلط حوالي 10 دقائق
ثم نضيف الفرينة لكن بدون خلطها بالخلاط الكهربائي يجب بواسطة ملعقة خشبية تدريجيا لكن غي بشوية باش الخليط ميهبطش
نفرغ الخليط في صينية مفروشة بالورق الكبريتي ثم نضعها في الفرن لمدة 20 دقيقة و درجة الحرارة 180
إنشاء الله تنجح معاكي أختي

nanoua7
2016-02-19, 16:30
صراتلي من قبل وكان السبب انو السكر لي استعملتوا حبييبات تاعوا خشان كي استعملت سكر رفيع لسيفيتال نجحت لي و ممكن تاني راكي تحلي عليها باب الفرن