رد لصاحبة موضوع كرهت زوجي

[مشكلتي]

السلام عليكم

هاذا رد لصاحبة موضوع كرهت زوجي

اختي اسمحيلي نقولك بللي راكي نية بزااف لانك عنذك
عام زواج فقط وتنازلتي على كل حقوقك
اولها مسافة 200كغ موش بعيدة انا مثلك نفس المسافة لكن نروح لدارنا نقعد 20 يوم واكثر ونروح 4 الى 5مرات في العام
مالا عاودي حساباتك

وثانيا انك تخدي ودراهمك يديهم راجلك ويقولك ماتديري والو ليك مالااقعدي في دارك خير وقولو دراهمي ندير بيهم واش نحب وكي راكي تعطيلو النص بزاف عليه ولااصر باش يدي دراهمك غير عاودي حساباتك مليح مع هاذاالراجل مادامكم بلاولاد

وثالثا حكاية الطوموبيل لي تشروها وتكتبوها باسم باباه حلوة هاذي؟
وماتضنيش بللي راجلك راح يرضى عليك بالعكس راه يقول جابلي ربي كنز مفتوح ولي نقولهالو يقبلها وزيد يذلك من فوق

لانو باين هو من النوعية لي يقبل ياكل عرق مرتو وزيد يحل فمو
مالا عاودي حساباتك مليح في حياتك

وياريت تدخلي لغرفة الدردشة للمتزوجات ثما وتشاركي ثما نفهمك مليح لاني ماعرفتكش باش نراسلك على الخاص؟

لانو مليح المرا تعاون راجلها بما يرضي الله
لكن لما يكون الراجل هكا هنا لازم تصرفات اخرى معاه


وربي يجيبلك الخير

[ايمان نور الجزائر]

يا ريت الاخت تتواصل مع اخواتها باش ينصحوها كثر في هذا المجال
انا مانيش متزوجة يا ختي لكن نقولها مالغري الراجل قيمتو على العين والراس
ومليح الواحدة توفرلو ما يحتاج لكن بلا ما تقرعها بزاااااف
ماشي تولفو صوالح ما تقدرش عليهم والا تسمح بزاف من حقوقها وتعيش بدون كرامة
لااا ابدااا ومن الافضل تحط النقاط على الحروف من دوك لانو الراجل هذا استغلالي نوعا مااااا
ربي يهديه وممكن يتمادى اكثر

[غير هام]

اسلام عليكم

بالسياسة وتحل مشاكلها مع راجلها لانو لو تبداها بالهدرة راح يقوللها حرشوك عليا ويدورلها وخها وتبقى غير هي المشكلة

[عين الصقر]

اذا كانت تحبو تصبر عليه وتستحمل مكتوبها مثل البقية واذا كرهت حياتها وبدات تحس بالغمة فمن الأفضل تطلب الطلاق قبل ما جيب دراري معاه
ربي يعوضها بواحد أحسن منو
رجال اخر زمن . مرتو يقبلها تخدم وتصرف عليه وتشريلو السيارة ولكن مايقبلهاش تروح لدار والديها يومين ولا ثلاثة

[التـــــــــــــــــــائهة]

ارواحي لعدنا للغرفة مرحبا بيك .....ثم تلقاي متزوجات ينصحوك اختي

[sawsanafleur]

اسمحولي قرات المشكلة واحسست بالدماء تفور في عروقي ....لم ارى في حياتي رجلا مستغلا وانتهازيا الى هذه الدرجة وكانه وقع على كنز يجب استغلاله كما ينبغي متناسيا ان زوجته انسان ....كائن بشري يحس ويتالم ....يمنعها من الذهاب الى بيت والديها اللذان ربياها لسنين طويلة حتى اصبحت امراة متعلمة مثقفة ......هذا جحود في حق الوالدين الذين لهم علينا حق الزيارة والسؤال عنهم ....لكنه في المقابل بار بوالده الى درجة كبيرة ....فالسيارة التي يريدان شراءها ستكتب باسمه ....عيش تسمع .

[رَكان]

يا جماعة بهدوء في النصح ..
ماذا لو كان هاذ الرجل من النوع الذي يشع لها العقدة في المنشار ..إما الخضوع وإما الطلاق ؟؟؟
حاولوا كيف توجهونها الى ممارسة اساليب لن تعدمها في عملية تطوير وتحسين سلوك الزوج في معاملتها لها مشكورين .

[سهام الجزائر]

ننالله يكون في العون

[sawsanafleur]

يا جماعة بهدوء في النصح ..
ماذا لو كان هاذ الرجل من النوع الذي يشع لها العقدة في المنشار ..إما الخضوع وإما الطلاق ؟؟؟
حاولوا كيف توجهونها الى ممارسة اساليب لن تعدمها في عملية تطوير وتحسين سلوك الزوج في معاملتها لها مشكورين .
شكرا لك اخي ونحن اسفون ان كنا تحمسنا قليلا ...
نحن لا ننصح الاخت بالطلاق حتى ولو لم يكن لها اولاد معه .....
فالتجرب مايلي ....اولا لا يجب ان تضع كل اموالها في يده....يكفي ان تساهم في مصروف البيت......تعوده ان تشتري لنفسها ماتريد ...ملابس ..ذهب ....ففي النهاية المال مالها....تحاول بشتى الطرق اقناعه بزيارة اهلها والبقاء عندهم لايام .....وان لم يستجب تحاول ان تستعين بوالدها عله يخجل منه ويتراجع عن قراره ...

[*أم جابر*]

الله المستعان

[LINA26]

صاحبتي صرالها هاك دالها دراهمها شرا. لوطو وعاود دارهم مليح وتنقى غايا وكل عيد هي تشري الكبش ويجو خواتاتو وهياكلوه ومبعد ما جابت تلات بنات قالها مقدرتش نتفاهم معاك يليق نعاود ابزواج وطلقها
لازم تكون شخصيتك شوية قوية. ربي يفرجها عليك ويهدي. راجلك