أنا بحاجة لوصفة ناجحة للقرانطيطا

[asmanour19]

السلام عليكم أخواتي فالمنتدى ، أنا عمري ما طيبت قرانطيطا و راجلي يموت عليها و قالي طيبيهالي . ما لقيت غيركم يساعدني بوصفة ناجحة و شكرا لكم

[imanaz]

ناخذ 01 لتر ماء دافئ + ملح + كمون + ربع كأس زيت + 04 ملاعق كبيرة حليب + 03 بيضات
نضرب كل هذه المكونات جيدا و نضيف 200غ الفرينة تاع الحمص .فرغي الخليط في سينية مدهونة بالزيت
تكوني سخنتي الكوشة نتاعك و اشعليلها من الفوق اولا يعني نحمروها قبل و كي تتحمر اشعليلها من التحت باش تطيب.

المدة نتاع الطياب بين الفوق و التحت هو ساعة واحدة
ان شاء الله تجربيها ماراحاش تندمي و راني نستنى في الرد :mh31::mh31::mh31::mh31:

[asmanour19]

يعطيك الصحة أختي ربي يحفضلك ولادك و مولا بيتك. انشاءالله نجربها و نرجعلك لخبر . برك قوليلي تعيشي شحال تكون السنيوة فالعرض و الطول تقريبا . و شكرا

[fati oran]

شوفي اختي انا رايحة نعطيك وصفة ناجحة و ساهلة انا نديرها مند اعوام وكل من اكلها يحسبها مشرية

المقادير 250غ حمص مطحون اسمو على الغلاف رومانسيا هدا نوع رائع

1.35ل ماء عادي // نصف كاس نتاع اتاي زيت// 1 بيضة كاملة //قليل من الملح

طريقة التحضير اولا ضعي الزيت + حبة البيض ضربيهم +نصف كمية الماء + الصاشي تاع الحمص خلطي راح تكون عندك شغل عجينة تقيلة زيدي كمية الماء الباقية+ الملح قياس دوقي تعرفي و تكوني شعلتي الفرن يسخن دهني بلا بشوية زيت و هنا سر الوصفة قبل ما تحطيها في الفرن اعملي 2 ماعون كبار و قلبي فيها الخليط حتى 10 مرات تم افرغيها في البلا و الى الفرن في الوسط على نار جد هادية و لما تشوفيها في الجانب دوري اشعلي الفرن من الفوق فقط على نار قوية و فتحي باب الفرن شوية حتى تعمل القشرة السوداء جربيها و رجعيلي الخبر وعند التقديم شوية هريسة او كمون

[حياتي نبع امل]

جربي تاع ياراسمين 26. Yarasmine 26وعمرك ماراح تبدليها ،متاكدة من كلامى ،يعطيها الف صحة
ادا لقيت الرابط نحطهولك

[sinner]

شكرا على الموضوع رانا استفدنا كامل انا تاني راجلي يموت عليها
يعطيكم الصحة

[asmanour19]

شوفي اختي انا رايحة نعطيك وصفة ناجحة و ساهلة انا نديرها مند اعوام وكل من اكلها يحسبها مشرية

المقادير 250غ حمص مطحون اسمو على الغلاف رومانسيا هدا نوع رائع

1.35ل ماء عادي // نصف كاس نتاع اتاي زيت// 1 بيضة كاملة //قليل من الملح

طريقة التحضير اولا ضعي الزيت + حبة البيض ضربيهم +نصف كمية الماء + الصاشي تاع الحمص خلطي راح تكون عندك شغل عجينة تقيلة زيدي كمية الماء الباقية+ الملح قياس دوقي تعرفي و تكوني شعلتي الفرن يسخن دهني بلا بشوية زيت و هنا سر الوصفة قبل ما تحطيها في الفرن اعملي 2 ماعون كبار و قلبي فيها الخليط حتى 10 مرات تم افرغيها في البلا و الى الفرن في الوسط على نار جد هادية و لما تشوفيها في الجانب دوري اشعلي الفرن من الفوق فقط على نار قوية و فتحي باب الفرن شوية حتى تعمل القشرة السوداء جربيها و رجعيلي الخبر وعند التقديم شوية هريسة او كمون
بارك الله فيكي أختي على الوصفة . قوليلي برك البلا اللي نحط فيه فالفرن كيفاش داير . يعطيك الصحة أختي

[asmanour19]

جربي تاع ياراسمين 26. Yarasmine 26وعمرك ماراح تبدليها ،متاكدة من كلامى ،يعطيها الف صحة
ادا لقيت الرابط نحطهولك
نشاء الله اختي و شكرا على الإهتمام:)

[asmanour19]

شكرا على الموضوع رانا استفدنا كامل انا تاني راجلي يموت عليها
يعطيكم الصحة
بلا مزية أختي ربي يقدرنا انشاءالله باش نفرحوا ديما رجالنا و يكونوا سبب لينا باش ندخلوا للجنة ، شكرا لكل من ساهم و سيساهم بحول الله في هذا الموضوع :mh31:

[.ام زكرياء.]

شوفي اختي انا نديرها بهادي اطريقة ندي السنيوة ليحبيت ندير فيها ونعمرها بالماء العبار ليحبيت اومبعد نفرغ هاداك الماء في باسينة امهم حاجة غامقة وندر عليها حبة بيض وهكاك 4مغارف كبار زيت وادا كانت كبيرة بزاف السنيوة زيدي الزيت وكمون كثري الكمون هيا تخرج شابة بالكمون وفلفل لحكل شويا وملح وخلطي مليح وزيدي عليها دقيق تع الحمص وديري عينك ميزانك المهم الخليط يجي ثقيل كيما انا راجلي يحبها ثقيلة ندير بزاف وفي دار بابا يحبوها خفيفة متكرش يما الدقيق ودخليها الطيب وهاهي صورة تع القرنطيطة اتاعي راهي في الطبسي مع البطاطا مقلية وشوفي السنيوة اتاعيhttp://store1.up-00.com/2015-04/1430213993451.jpg

[.ام زكرياء.]

وكاش سؤال راني هنا

[fati oran]

اختي الكريمةالبلا نتاع اليمينيوم عادي تحبيه مدور او مربع على حسب ما عندك لكن بالمقادير لي دونتهالك قطر البلا المدور 30سم باش ما تجيكش هابطة بزاف و احنا في وهران معروفين بالكران

[imanaz]

يعطيك الصحة أختي ربي يحفضلك ولادك و مولا بيتك. انشاءالله نجربها و نرجعلك لخبر . برك قوليلي تعيشي شحال تكون السنيوة فالعرض و الطول تقريبا . و شكرا

أختي نستعمل سنيوة مستطيلة 20/ 30 سم
معذرة على التأخر في الرد ;)

[fati oran]

انا رايحة نعطيك حل سهل كي تفرغي الكران في البلا لازم تخلي 1.5سم من البلا باش ما تسيحش كي تطيب او جربي البلا نتاعك او ما تخافيش حت و ان جات شوية طالعة على1.5سم ما يهمش لانها رايحة طيب على نار جد هادية رايحة تولي chef في الكران صدقيني ما ريحاش تندمي

[asmanour19]

شوفي اختي انا نديرها بهادي اطريقة ندي السنيوة ليحبيت ندير فيها ونعمرها بالماء العبار ليحبيت اومبعد نفرغ هاداك الماء في باسينة امهم حاجة غامقة وندر عليها حبة بيض وهكاك 4مغارف كبار زيت وادا كانت كبيرة بزاف السنيوة زيدي الزيت وكمون كثري الكمون هيا تخرج شابة بالكمون وفلفل لحكل شويا وملح وخلطي مليح وزيدي عليها دقيق تع الحمص وديري عينك ميزانك المهم الخليط يجي ثقيل كيما انا راجلي يحبها ثقيلة ندير بزاف وفي دار بابا يحبوها خفيفة متكرش يما الدقيق ودخليها الطيب وهاهي صورة تع القرنطيطة اتاعي راهي في الطبسي مع البطاطا مقلية وشوفي السنيوة اتاعي
امممممممم باينة تشهي أختي أم كرياء تسلم الأيادي:19: يعطيك الصحة

[asmanour19]

اختي الكريمةالبلا نتاع اليمينيوم عادي تحبيه مدور او مربع على حسب ما عندك لكن بالمقادير لي دونتهالك قطر البلا المدور 30سم باش ما تجيكش هابطة بزاف و احنا في وهران معروفين بالكران
يعطيك الصحة أختي صح ناس وهران معروفين بالكرانطيطة هكذا قالي راجلي . حنا في تيز ي وزو ماهيش شائعة بزاف كيما قي وهران و العاصمة و مناطق أخرى من الوطن :mh31:

[asmanour19]

أختي نستعمل سنيوة مستطيلة 20/ 30 سم
معذرة على التأخر في الرد ;)
ربي يعطيك ما تتمناي أختي . :mh31:

[asmanour19]

انا رايحة نعطيك حل سهل كي تفرغي الكران في البلا لازم تخلي 1.5سم من البلا باش ما تسيحش كي تطيب او جربي البلا نتاعك او ما تخافيش حت و ان جات شوية طالعة على1.5سم ما يهمش لانها رايحة طيب على نار جد هادية رايحة تولي chef في الكران صدقيني ما ريحاش تندمي
شكرا على التفاصيل أختي كي نقدر نجربها و نردلك الخبر انشاءالله

[ضفاف الإبداع]

بارك الله فيكم راكم عرفتونا على وصفات وطرق عديدة

[hab12456]

يعطيك الصحة

[أم أمة الله الجزائرية]

جزاكن الله خيرا على الوصفات والنصائح

[أم امتنان]

يعطيكم الصحة

[ivaoran]

السلام عليكم
احسن كارانتيكا تتباع برا هي تاع مغنية
و غادي نعطيك الوصفة

بول حمص مرحي (كاران) ثلاثة بول ماء كاس شاي زيت و كاس كبير حليب و حبة بيض
كمون و ملح

سخني الفور تاعك
صبيها في السني ماتدهنيه ماوالو
و دخليها تطيب نصف ساعة مالتحت و ربع ساعة مالفوق
تقدم ساخنه مع الكمون

بالصحة و الهنا

[حياتي نبع امل]

http://www.djelfa.info/vb/showthread.php?t=1511969

[assil2012]

اسهل كرنتيكة بالكلة
3كلات ماء
كلة طحين الحمص
2بيض
ملح
نصف كاس شاي زيت
نخلط كل المقادير ما عدا البيض واتركيهم يرتاحو من الصباح الى الليل او من الليل الى الصباح وعند وقت الطياب نضيف البيض ونخلط غير بالشوية ادهني السنيوى فرغي الخليط كي تنشف وتطيب ذرذري الكمون من فوق
شهية طيبة
ملاحظة الكلة هي كاس الحليب المتوسط نقدر نستعمل 3بيض باه تجي خفيفة