تــــالقي...............العدد الثالث........الخميس الانطلاقة الرسمية

[صاحب الامل]

http://xm.tl/a1053700

اهلا وسهلا

ومرحبا بالجميع

جميع رواد قسم الخياطة والتفصيل


نعود من جديد الى سلسلة

تــــــــــألـــــقي



بعد التالق ف العدد الاول بالقفطان

والتالق ف العدد الثاني بفستان السهرة



التالق هاذ المرة راح يكون





http://xm.tl/a1053699





اكيد المسابقة ستكون مخصصة لكل المتميزات والمتالقات
ولكل محبات الخياطة والتفصيل

http://xm.tl/a1053701

المسابقة ستعتمد
على تفصيل وخياطة كاراكو

تقليدي او عصري

على حسب كل مشتركة وذوقها

http://xm.tl/a1053702

العدد سيكون محدود وهو 10 مشتركات

01*fatma1977
02*imi122009
03*mimimouni
04*rachaz
05*biba04
06*
07*
08*
09*
10*



واكيد على الراغبات
ف المشاركة معنا

يرجى كتابة

انا**** اريد المشاركة في مسابقة تالقي بالكاراكو


http://xm.tl/a1053703

[fatma1977]

السلام عليكم ورحمة الله وبركاته يشرفنى أن أكون أول واحدة ترد على التالق رانى من عشاق الكراكو عندى كراكو تلمسانى عندو 14 سنة ومتمنية نعمل كراكو عاصمى إن شاء الله نتوفق فى خياطتو

[fatma1977]

أنا fatma1977 أريد المشاركة فى مسابقة تألقى بالكراكو

[ام حمزة22]

بالتوفيق ليك فاطمة ولكل من سيلتحق بهده المسابقة

[*ام عبد الكريم*]

مسابقة هايلة للاسف ما نقدرش نزيد ندخل للمسابقات لظروف بالتوفيق لكل البنات الي يسجلو

[amel...]

بالتوفيق للجميع و ربي يوفقكم .... انا شخصيا المستوى نتاعي مزال ميوفقنيش باه نخدم كراكو
ان شاء الله ربي يعينكم و يبارك لمتكم

[ام ورود]

بالتوفيق للجميع و ربي يوفقكم .... انا شخصيا المستوى نتاعي مزال ميوفقنيش باه نخدم كراكو
ان شاء الله ربي يعينكم و يبارك لمتكم

انا نفس الشئ اختى امل......والله حلمي نرجع نخيط لروحي اي حاجة ......تعبوني الخياطات

[imi122009]

** انا imi122009 اريد المشاركة في مسابقة تالقي بالكاراكو

**

[جلفااوية]

مسابقة هايلة بالتوفيق للمشتركات انا ما نقدرش نشارك على خاطر مازال مالحقتش للمستوى الي يخليني نفصل او نخيط كراكوا و زيد احنا ما يقولوش بالكراكو وزيد راهي قربت امتحانات السيزيام لازم نتفرغ لبنتي ان شاء الله بالتوفيق للجميع سلااااااام

[mimimouni]

شكر كبير لاخي عمر على هذه المسابقة
انا mimimouni اريد المشاركة في مسابقة تألقي بالكراكو

[stayfiya]

انا متابعه وفيه كالعاده مشجعه و تحت الخدمه. في كل وقت ما تنساوش

[mimimouni]

اهلين اختي سطوف ليك وحشة
اكيد معولين على ربي وعليك هههههههه
حتى تكرهي منا

[fatma1977]

مسابقة هايلة بالتوفيق للمشتركات انا ما نقدرش نشارك على خاطر مازال مالحقتش للمستوى الي يخليني نفصل او نخيط كراكوا و زيد احنا ما يقولوش بالكراكو وزيد راهي قربت امتحانات السيزيام لازم نتفرغ لبنتي ان شاء الله بالتوفيق للجميع سلااااااام

صباح الخير الجلفاوية واش وقيلا راكى رايحة تعقبى السيزيام مع بنتك ما تهوللهاش الشىء راهى نفسيا راح تتاثر حاولى تخليها رايحة تعقب إمتحان عادى علاش راكى فرغتيلها الماء فى الركايب وين ندخل نلقاك تهدرى على الشهادة بالشوية حنونة راهو كل شىء بربى المكتوب ما منو مهروب هههههههههههههه:confused:

[fatma1977]

انا متابعه وفيه كالعاده مشجعه و تحت الخدمه. في كل وقت ما تنساوش

حنونةواش أحوالك راهى النت كانت مقطوعة اليوم وين جاتنى حتى المهمة هذا وين راح نبعثها بعد الغداء إسمحيلى إقبليه يا صاحبة القلب الكبير:1:

[rachaz]

انا rachaz اريد المشاركة في مسابقة تالقي بالكاركوا
يعطيك الصحة اخي عمر هذه المسابقة جات في وقتها

[rachaz]

علاه ياخت امال الارادة اساس النجاح لراكي صح حابة تتعلمي اكيييد راح تنجحي

[biba04]

انا biba04اريد المشاركة في مسابقة تالقي بالكاراكو

[صاحب الامل]

http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://xm.tl/a1053702

العدد سيكون محدود وهو 10 مشتركات

01*fatma1977
02*imi122009
03*mimimouni
04*rachaz
05*biba04
06*
07*
08*
09*
10*



واكيد على الراغبات
ف المشاركة معنا

يرجى كتابة

انا**** اريد المشاركة في مسابقة تالقي بالكاراكو

[fatma1977]

انا biba04اريد المشاركة في مسابقة تالقي بالكاراكو

مساء الخير واش أحوالك بيبا نورتى الموضوع نتمنى نقضو مع بعضانا أوقات طيبة بان الله واش أحوالك من مسابقة تجدي القديم ما بنتيش:confused: نتمنى تكونى بخير رانى جربت المسكوتشو المحشية بالكريمة ربى يجازيك هايلة ههههههههههههههههه:1:

[amel...]

علاه ياخت امال الارادة اساس النجاح لراكي صح حابة تتعلمي اكيييد راح تنجحي

يعطيك الصحة .... بصح مش في الكراكو ... صعيب بزاف انا حاجة صغيرة غير كيما بديت نخدمها مزال الحال بعيد على كراكو
درجة درجة خير :1::1:

[amel...]

بالتوفيق لكامل لي رايحين يشاركو

[fatma1977]

بالتوفيق لكامل لي رايحين يشاركو

صباح الخير أمولة أرواحى شاركى معانا والله البنات العم اللى فات شاركو معانا فى تالقى بالقفطان وتعلمو بالزاف حاجات راهى فيها تحديات فى التفصيل والخياطة والله على حد قولهم كانو يخافو من المقص بالصح تحدو انفسهم وبفضل صاحب الامل دارو أمل كبير وجابو حاجات شابين روحى للمسابقة وشفى الاعمال راح تغيرى فى رايك

[*ام عبد الكريم*]

صباح الخير أمولة أرواحى شاركى معانا والله البنات العم اللى فات شاركو معانا فى تالقى بالقفطان وتعلمو بالزاف حاجات راهى فيها تحديات فى التفصيل والخياطة والله على حد قولهم كانو يخافو من المقص بالصح تحدو انفسهم وبفضل صاحب الامل دارو أمل كبير وجابو حاجات شابين روحى للمسابقة وشفى الاعمال راح تغيرى فى رايك

عندك الحق فاطمة الواحد كي يتحدى روحو يصنع لعجب و الكاراكو ماهوش صعيب سورتو اذا كان بالباترون
تبعي الخطوات فقط و الاخت سطايفية قالت راني هنا و اياما عاونتنا و تعلمنى منها اشاء و اشياء جزاها الله كل الخير
عن نفسي ما نقدرش نشارك قربو امتحانات اولادي و عندي بيام و باك و راني بديت نتوتر و خايفة من الباك تقول انا الي رايحة نمتحن
المهم ربي يوفقكم

[ام ورود]

بالتوفيق فاطمة وكل لبنات......

[اسيل زمزم]

بالتوفيق للجميع و ربي يوفقكم .... انا شخصيا لا استطيع

[biba04]

مساء الخير واش أحوالك بيبا نورتى الموضوع نتمنى نقضو مع بعضانا أوقات طيبة بان الله واش أحوالك من مسابقة تجدي القديم ما بنتيش:confused: نتمنى تكونى بخير رانى جربت المسكوتشو المحشية بالكريمة ربى يجازيك هايلة ههههههههههههههههه:1:

:dj_17:مرحبا فاطمة هدا وين شفت الرد حبوبة والموضوع منورة بوجودك بصحتك البسبوسة هههههههه لحقتني هنا فالقسم الخياطة :1:

[fatma1977]

عندك الحق فاطمة الواحد كي يتحدى روحو يصنع لعجب و الكاراكو ماهوش صعيب سورتو اذا كان بالباترون
تبعي الخطوات فقط و الاخت سطايفية قالت راني هنا و اياما عاونتنا و تعلمنى منها اشاء و اشياء جزاها الله كل الخير
عن نفسي ما نقدرش نشارك قربو امتحانات اولادي و عندي بيام و باك و راني بديت نتوتر و خايفة من الباك تقول انا الي رايحة نمتحن
المهم ربي يوفقكم

مرحبا أم عبد الكريم ربى يكون معاهم الاولاد بالتوفيق والنجاح أنا عندى السانكيام هذ العام رانى من أول العام أنا من وراه وليدى هبلتو عن الشهادة هذ الايام رانى نحضر فيه نفسيا أعطيهم الزبيب واللوز على الريق يقولو مليحللذاكرة وينشط مليح إن شاء الله يجيبو أعلى المعدلات حبيبتى:19::1:

[فراشات العمر]

السلام عليكم
الظاهر رايحة ندخل فيها بكل جوارحي بصح الوفت لي مايساعدنيش باه نطرز اطا كان جاجة ساهلة نسجل معاكم والله يوفقنا كامل
سجلوني معاكم

[fatma1977]

السلام عليكم
الظاهر رايحة ندخل فيها بكل جوارحي بصح الوفت لي مايساعدنيش باه نطرز اطا كان جاجة ساهلة نسجل معاكم والله يوفقنا كامل
سجلوني معاكم

مرحبا بيك معانا فراشات العمر ماهوش مشروط الطرز على ما أعتقد ذرك راهى متوفرة القالونات والطرز الى يلصق بالحدادة وكذالك العقاقش نتاع البيسطولى ربى يوفقك أكتبى أنا فراشات العمر أريد المشاركة فى مسابقة الكراكو ربى يحفظك ويبارك فيك :1:

[فراشات العمر]

أنا فراشات العمر أريد المشاركة فى مسابقة الكراكو

[ام كوكو]

بالتوفيق البنات و انا راني متتبعة و مشجعة ليكم و ان شاء الله تمتعونا باحلى مودال كراكو

[latifa kera]

انا latifa kera اريد المشاركة في مسابقة تالقي بالكراكوا
انكان مسموح ان اشارك وشكرا

[fatma1977]

انا latifa kera اريد المشاركة في مسابقة تالقي بالكراكوا
انكان مسموح ان اشارك وشكرا

مسموح لطيفة ما دام ما لحقت العدد المطلوب رانا 5 مسجلين والعدد 10 المسموح :19:

[OM AYA]

انا om ayaاريد المشاركة في مسابقة تالقي بالكاراكو

[fatma1977]

انا om ayaاريد المشاركة في مسابقة تالقي بالكاراكو

واش احوالك حنونة واش راكى مليحة من المرض حنونة .فرحتينا بطلتك حبيبتى إن شاء الله نقضو اوقات رائعة مع بعض كيما ايام القفطان اللهم وفقنا فى جميع امورنا :1:

[OM AYA]

ربي يعيشك حنونة طووووم راني بخير في صحتي اللي كنت خايفة اولاش ولله الحمد فقط نتابع عند الطبيب برك ربي يدومها لمة ومحبة

[~ لؤلؤة مسلمة ~]

السلام عليكم و رحمة الله و بركاته
انا حابة نشارك لكن أولا عندي سؤال
هل استطيع ان اشارك بعمل كاراكو صغير لبنتي ؟
لاني مازال نتعلم فقط و حابة نجرب نفسي في حاجة صغيرة
ارجوكم ردي عليا بسرعة باش نسجل قبل فوات الاوان

[fatma1977]

ربي يعيشك حنونة طووووم راني بخير في صحتي اللي كنت خايفة اولاش ولله الحمد فقط نتابع عند الطبيب برك ربي يدومها لمة ومحبة

ربى يحفظك حنونة الحمد لله كى راكى لاباس صلى ركعتين وقبل السلام بعد التحية قولى ( حسبنا الله سيؤتينا الله من فضله إن إلى الله وإن لله راغبون ) وتدعى بما شئت بإذن الله يستجيب لك ربى الدعاء ربى يشافيك حبيبتى :19:

[~ لؤلؤة مسلمة ~]

ربي يعيشك حنونة طووووم راني بخير في صحتي اللي كنت خايفة اولاش ولله الحمد فقط نتابع عند الطبيب برك ربي يدومها لمة ومحبة

ربي يشافيك ام اية فقط أكثري من الاستغفار و الدعاء
فان الله قريب يجيب دعوة الداعي اذا دعاه

[حسناء القمر]

انا حسناء القمر اريد المشاركه في مسابقة تالقي بكاركو

[fatma1977]

وقيلا راهو إكتمل العدد نتمنى نبداو فى التنفيذ أخ عمر إن شاء الله تكون بخير عندك مدة ما طليتش

[rachaz]

صباح الخير عليكم
عندك الحق اختي فاطمة انشالله ﻻيطل علينا الاخ صاحب الامل ويبشرنا بالانطلاقة

[fatma1977]

نعم حبيبتى رشاز نتمناو بداية موفقة بإذن الله

[rachaz]

السلام عليكم
واقيلا الاخ عمر راه نسانا في هذه المسابقة

[stayfiya]

سلااام كيراكم جماعة الخير. نظن تلمو العضوات الله يبارك في انتظار بداية المسابقه بالتوفيق للجميع

[صاحب الامل]

http://xm.tl/a1053702

العدد سيكون محدود وهو 10 مشتركات

01*fatma1977
02*imi122009
03*mimimouni
04*rachaz
05*biba04
06*فراشات العمر
07*latifa kera
08*om aya
09*حسناء القمر
10*

[OM AYA]

مازال تخص وحدة هههه

[fatma1977]

مازال تخص وحدة هههه

صباح الخير أم آية راكى تشوفى فى الركود على سلعة الكراكو ههههههههههههه بالرغم راهو أفضل تصديرة عند العروسة والبنات بالتوفيق واش أحوال ولادك فى الامتحانات كملو ولا مازال وعندك الشهادة هذ العام ولا لا بالنجاح إن شاء الله :1:

[صاحب الامل]

الانطلاقة ستكون

ف

الاول من رمضان


كونوا ف الموعد

[stayfiya]

السلام عليكم كيف حوالكم. ان شاء الرحمان رانا معاكم

[حسناء القمر]

مساء الخيرات رانني نستنا انشاء الله يوفقنا

[yahyaybdj]

بالتوفيق لكل المشاركات نتمنى تكون المنافسه قويه والكراكو جميل

[صاحب الامل]

مساء الخير

ورمضان مبارك للجميع

لكل المشاركات معنا في مسابقة

تالقي بالكاراكو

يرجى تاكيد الاشتراك

لانطلاق المسابقة

[rachaz]

رمضان مبارك على كل الامة الاسلامية
انا rachaz ناكد مشاركتي

[biba04]

رمضان مبارك على الجميع
انا biba ناكد مشاركتي

[imi122009]

أنا imi122009 أشارك في هاته الدورة شهر رمضان كريم و مبارك علي الجميع

[صاحب الامل]

يرجى من جميع المتسابقات

تاكيد المشاركة في اقرب وقت

لننطلق

ف المسابقة

[fatma1977]

saha ftourkom takabala allah mena aljami3 ana fatma 1977 neaked mocharakati fi taalaki bi karakou saha shourkom

[polyma]

أناpolymaأشارك في هاته الدورة شهر رمضان كريم و مبارك علي الجميع

[stayfiya]

السلام عليكم صح رمضانكم تصوموه بالصحة و الهنا. و ربي يتقبل منا و منكم صالح الاعمال
رآنا متحمسين لبداية المسابقة بالتوفيق للجميع في انتظار الإبداعات

[فريولة ابتسام]

بالتوفيق للجميع

[stayfiya]

على سلامتك زارتنا بركه. رمضانك كريم. و يا رب يكتبلك فيه الشفاء ان شاء الله

[OM AYA]

سلااااام صح رمضانكم وصح فطوركم وش راكم وش حوالكم

[stayfiya]

أهلين ام ايووش واشراكي مع رمضان

[OM AYA]

انا ام اية ناكد مشاركتي في المسابقة

[OM AYA]

الحمد لله سطوووف راني هايلة اعمال شاقة ميناج طياب ترياب جاغديناج ديكور خياطة طياب ...وما كاش رقاد ربي يستر نهار نطيح راح تكون طيحتي شبنة هههه

وانتي وش راكي وش حوال واحوال فريولة كاش جديد كاش قديم ...راني كي لطرش في الزفة هههه

[فضيلة1212]

شكرا لك عاى هذه المودلات

[stayfiya]

شكرا لك عاى هذه المودلات

رَآه غالبك رمضان ختي فضيلة؟؟؟؟؟

[stayfiya]

الحمد لله سطوووف راني هايلة اعمال شاقة ميناج طياب ترياب جاغديناج ديكور خياطة طياب ...وما كاش رقاد ربي يستر نهار نطيح راح تكون طيحتي شبنة هههه

وانتي وش راكي وش حوال واحوال فريولة كاش جديد كاش قديم ...راني كي لطرش في الزفة هههه

رآنا في ألهوا سوا

[OM AYA]

هههه خلاص ما رانيش وحدي قوليلي وين راكم مجمعين نجي نجمع معاكم ولا راكم متشتين كل وحدة وين هههه

[amel...]

بالتوفيق للجميع

[صاحب الامل]

الخميس ( غدا) رسميا الانطلاقة

كونوا ف الموعد

رمضان يجمعنا

[ام حمزة22]

السلام عليكم
رمضان مبارك
بالتوفيق للجميع