الجزء 128 من واش طيبتي اليوم..مرحبا بابداعاتكم [الأرشيف] - الصفحة 7

natacabell

2015-05-03, 08:16

صباح النور كلكم مراجعتش دروسي و لكن اكيد و بدون شك راكو مزهيين الحالة الله يبارك
اليوم قلت ندير عدس قالولي كوليه وحدك هي في الحقيقة السخانة اليوم بزاف ماشي تاع عدس بصح وش ندير!!! سؤال يبقى مطروح بإلحاح واش طيبتي اليوم؟؟
ام ماجد بصحتهم التحويسة وبصحتو حفوضي التشبيكا هههه واكيد تخصي انتي يازينة القعدات بصحتكم البغرير و قاطو الطبقات ممم

rahma2014

2015-05-03, 08:16

صباح الخير للجميع ونهار موفق ان شاء الله
اصبحنا واصبح الملك لله رب العالمين

*وردة الشرق*

2015-05-03, 08:18

صباح الانوار على احلى حلوين اممير بطابيط
ام ماجد ما شاء الله وربي يحيه حفيدك ويعيشهولكم والغرايف 44444 انا نبغي قاطوالطبقات اممممم
اختي دائمة الحمد صباح الانوار كيف الاحوال
مريم الحمد لله صباحك زين
طالبة الجامعة صباحك معطر بالمسك
عازفة صباح الورد الجوري راني رتحت شوية البارح يعني ديت جرعة نشاط الحمد لله
ام اسلام صباح الفل والياسمين امممم على الحرشة بصحتكم تبان بنينة اعطيوني الوصفة نجربها حبيبتي
غدايا مودر ما نيش عارفة واش ندير ما زال نخممم

*وردة الشرق*

2015-05-03, 08:20

صباح الخير رحمة يوم موفق
نتكبل صباح الفل نفس الاشكال درك لازم تنويع في الاكل من كل حاجة شوية يعني نوع سلاطة واكلة خفيفة وديسار وهي ماشية انا هدا واين قاعدة ندير في البرنامج تاع شهر ماي والادواق تختلف وتخلطت الحالة ربي يعين

عازفة الناي

2015-05-03, 08:24

نتكابل صباحك زين ... ضحكت على العدس هه عندهم حق
رحمة صباح الورد واش راكي
زينوبة تفضلي رابط الحرشة
http://www.djelfa.info/vb/showthread.php?t=1796932
حقا الصابلي كلاوه في يومين هههههههههه وراهم يطالبوا في الزيادة :1::1::1::1::1:

oum islem

2015-05-03, 08:25

صباح الخير رحمة
نتاكابال عندهم حق انا اولادي قالو الحلقة الاخيرة في افريل
زينب الحرشة هايلة وخفيفة
بصح معاها شربة احسن
ليزا حبيبتي بصحتك المشتريات تستعمليهم بالصحة والهناء

ارزاق

2015-05-03, 08:35

صباح الخير علي المتواجدات والغايبات يا رب تكونو كاااامل بخير

الجمان

2015-05-03, 08:38

صباح الخير على وجوه الخير
ام ماجد صحتهم الاولاد التحويسة وقاطو الطبقلت امممممممممممممممم
ام اسلام الحرشة جاتك روعة شجعتيني باش نخدمها
ليزا بصحتك المشتريات تستعمليهم فالافراح
اللهم صل على محمد وعلى ال محمد

natacabell

2015-05-03, 08:38

صباح النور زنوبة بروبلام كبير الاكل هاذا انا ولادي يحبو جاج في الكوشة لي قراتان فريكاسي خبز عربي بيزا لي سالاد فاريي و اشياءٌ من هاذ القبيل بصح يا حنونتي هاد الاكل لازملوا بوجي budget سبيسيال
عازفة و ام اسلام يسمى نتوما من المؤيدين اللي يخربو لبلاد هههه في عوض الطلعولي المورال دوك نجي ليكم
http://cdn.top4top.net/i_bca28061881.jpg

دائمة الحمد

2015-05-03, 08:40

صباح الخيرات لكن زينب ام اسلام عازفة نتقبل رحمة مريم طالبة الجامعة ارزاق والجمان
ام اسلام بصحتك الحرشة جاتك 44444444444
احنا نعملوها بلا حشو ونسموها حرشاية اكيد عزوفة تعرفها
عندي ميناج كبير وما حبش يفض راني كي نتعب نجي ريح شوي عندكم
غدايا فلفل محشي وفريت واكيد سلاطة فاريي

دائمة الحمد

2015-05-03, 08:42

نتقبل انا السمانة لي فاتت عمل عدس ولادي لاباس كلو منو شوي
سي السيد هو لي قالي ما لقيتي ماطيبي في هذي السخانة وكلا كسرة وعصير باش يعاقبني

ام سهام 02

2015-05-03, 08:44

صباح الخير عليكم
لبنات جاو البارح متاخرين جيت نحطلكم بعض الصور ليلا صرا مشكل في الميكرو
المهم احكموا بيديكم ببعض الصو ر حتى المساء كي نرجع من العمل:1::1:
http://www.foxpic.com/ViYbQvo2.jpg

http://www.foxpic.com/V0YJ1zqP.jpg

http://www.foxpic.com/V0wPG5ju.jpg

هاذو البارح في جيجل جاو فرحانين قالولي رحلة رائعة خصيت غير انت :o:o:o:o:):):)
غرايف درتو نهار الجمعة وحلوة الطبقات خرجتها الان من الثلاجة تحفة اممممممممممممم ماشاء الله عليها :1::1:خايفة نجي لعشية مانلقاهاش خخخخخخخ
http://www.foxpic.com/VEqW0oVS.jpg

http://www.foxpic.com/V1s3K7uH.jpg

الصور حملتهم الان رغم انه راح عليا الحال على العمل لكن في خاطر ام سهام خص نص حطيتهم لعيونها تتمتع بيهم ;););)

رووووووووووووعة وبصحتهم تحويسة وعليها الكلام وحفوظي بوقوص راه يغير بذيك الحطة ربي يحفظو بسلامت باباه و البغرير كليتو البارح بصح شهتني بغريرك وحلوة الطبقات ما نحكيش امممممممم يسلمووووووووووووو

الف الف حبيبتي ام ماجد تعبتي على جالي مناظر تشرح القلب مع الصباح ربي يخاليك ويحفظ لك كل عزيز اااااااااامين يارب :mh31::mh31:

rahma2014

2015-05-03, 08:48

ارزاق صباح النور مين كنتي كل يوم نسقسي عليك
دائمة الحمد اسعد الله صباحك
نتاكابل واش راكي حنونة
عازفة صباح الخير درت بنصيحتك البارح ودرت بيض مقلي كون جاء ولقاه كون قتلني وانت السبةهههههههه
ام اسلام دائما رائعة ما شاء الله

ام سهام 02

2015-05-03, 08:49

http://www.foxpic.com/v07axxuk.jpg (http://www.foxpic.com/)

اللهم صلي وسلم وبارك على رسول الله

احلى صباح لاحلى اخت عندنا مدة ما تلاقيناش مع الصباح مواااااااااااااااااااااااااااااااااااااااح تع الوحش

ام سهام 02

2015-05-03, 08:53

صباح الخيرات والانوار حبيباتي ويوم موفق وجميل

ما عنديش فكرة واش انطيب جانا الما اليوم المشينة تغسل في الحوايج وانا حاطة ليكوات نغسل فيهم قلت نطل وانزيد فنجان قهوة كحلة واروح انكمل

natacabell

2015-05-03, 09:02

بصحتهم دائمة الحمد بصح كي مايكولش مولا بيتك كلي مطيبتيش و كيما قلتي دارلك عقوبة باكل الكسرة و العصير بصح تحسي روحك كلي مدرتيش الواجب مع انو كان نصيبو نحطولهم لعجب٠٠٠ ربي اللي يعلم
ربي يعينك على شغل الدار اللي مابينتهي روحي غير بلعقل برك
رحمة راني لاباس يسقسي عليك الخيركي تبداي نيتواياج تع الكوزينة:o قوليلي ديريلي و نديرلك كوراج هههه
ارزاق صباحك زين
ام سهام صباحك فل و الله يكون في عونك
انا نروح و مين داك نطل عليكم سلام

دائمة الحمد

2015-05-03, 09:02

الله يصبحك بالخير الهناء حبيبتي ام سهام
وربي يعينك يالغالية

دائمة الحمد

2015-05-03, 09:03

ربي يقدرنا نتقبل باش نرضو جميع الاطراف

مياسم75

2015-05-03, 09:10

صباح الخير على احلى لمة
حبيت نطل عليكم توحشت الكوزينة بزاااااااف كوزينة الجلفة ماشي كوزينتي :1: نتاعي راني عييت منها:cool:
شكرااااا للبنات الي راسلوني والله فرحت من قلبي للأسف الظروف هي الي تمنع الواحد من المشاركة حتى بالتقرعييج فاتني بزاف بصح علابالي بفحلات بلادي ما شاء الله عليكم
دخلت على صور ام ماجد بصحتهم الأولاد ربي يعيشك ليهم ويعيشلهم باباهم فكرتيني في جيجل:19: حنا نروحو للعوانة العشية نوريلو الصور باش يدينا نهار الجمعة:rolleyes: ان شاء الله
مولات العدس راني ميتة بالضحك حتى انا صبحت نخمم فيه بصح خايفة من السلطات العليا لا يفرغوه على راسي:D
عازفة الناي كيف الاحوال حبيبتي راكي قايمة بيها:19:
ام وسيم الف مبروك اختي على الكوزينة جئتك بلا باروك ان شاء الله يرزقك ربي بدار وتمتعينا من كوزينتك ونفرحو معاك يا رب
البنات كاااااامل ربي يباركلم في صحتكم وفي اولادكم وربي يفرج على كل مؤمن
راني نطلع ونهبط في راسي بين الغرايف وبين الشربة والحميس
والعدس نخبيه للخريف لا عدنا من الحيين:rolleyes:

almazalina22

2015-05-03, 09:25

حبيباتي صبااااااح الانوار مازلتو في كوزينة ام وسيم خخخخ

الي حطو اطباقهم يعطيكم الصحة قاااااااع

اللي شفيت عليهم
ام مااااجد بصحهم الاولاد التحويسة روووووعة انا كل صيف في جيجل وواشمن قاطو نتاع الطبقات معرفتوش

ام سهاااااام صور العرس حطة وشهاتني الكفتة وغدا الصبوحي هاااايل شحال نحب الجفنة يعطيك الصحة

عااااازفة الحرشة هااااايلة حنا نديروها بلا حشو والبريووووش والمعجناااات روووعة والبقلاوة رووووعة راني نتخيل في ذوقها كي حطيتيها ماعلقتش
نتاسا خخخخ انا اليوم حمص ياك وليد عم العدس راجلي كي شافني شمختو خزر فيا قوتلو كاين الكليماتيزور نحطو في 18 يولي الثلج وياكلووووه خخخخخخخخ كرهنا من التخمااااام

زينب 66 نفرح كي نلقاااك وبصحتك انوااااع الخبز ههههه مزية عجبو الحكووومة ههههه
ام اسلااام بصحتك الحرشة والكيكة مممم روووووعة

ام ياسين بصحتك النظافة وصور بورتابلك هاااايلة والتحلية اسالت لعااابي وشكرا على فكرة الشانتي والفلان

وسلامي لام تااااج

ايااات سرمدية مرحبا بيك في لمة الاحباااب وشكرا على النصائح والدونات ممممممم ومنين ما تكوني قااااعدة اتفضلي الدار دارك

دائمة الحمد الحمد لله على شفاء بنت خوك وبصحتها الوالدة الحجات والعمرات ربي يبارك والعقوبة لينا ومبرووووك على صحبتك الحمل ههههههههه انا ابنب البارح مس كرشي وقالي بيبي قتلو ياااااويلي نندب اللي قدامك ماشفتوش هههههه

زينب ٨٣ بصحتك التحويسة والبريوووووش روووووووعة وبصحتك المشترياااات

طبعا درت التارت لابني وداها للمدرسة وكلاني قلبي وتبعتها بصح غاضتني كيفاش دارولها خخخخ نحمل الصور ونرجع

مياسم75

2015-05-03, 09:25

رحمة ناتكابال استاذتنا الغالية داءمة الحمد ام سهام وكل الملتحقات يوم موفق ربي يقدرنا على الاعمال الشاااقة سلااااااام

rahma2014

2015-05-03, 09:28

نتاكابل راني خلصتها البارح الكوزينة اليوم صبحت تقولها عروس تهبل لعقوبة ليك حبيبتي بصح بديتها على 9 نتاع الصباح خلصت على 4 نتاع العشية بصح نتواياج عميييييييييق ربي يعينكحبيبتي
غدايا اليوم بطاطا شوارما نتاع البارح درتها ف العشاء نزيد شوية سلاطة و الحمد للله

almazalina22

2015-05-03, 09:28

شوية كواليس ولقطات من الحفلة

http://up.1sw1r.com/upfiles2/qts40922.jpg

http://up.1sw1r.com/upfiles2/ihs40922.jpg

http://up.1sw1r.com/upfiles2/ijl40922.jpg

http://up.1sw1r.com/upfiles2/hqy40922.jpg

http://up.1sw1r.com/upfiles2/qzw40922.jpg

http://up.1sw1r.com/upfiles2/0we40922.jpg

مياسم75

2015-05-03, 09:30

http:///www.foxpic.com/V0E3o3vY.jpg

rahma2014

2015-05-03, 09:31

المازة الحلوة واش راكي حنونة
مياسم ربي يعينك ويعينا كامل وصباحك منور ومعطر حبيبتي

almazalina22

2015-05-03, 09:32

مياسم حبيبتي عاش من شااافك واش احوااالك

قمر طلي علينا مواااااح

بشرى البارح شفتك دوري المقيرط نتاعك هبلني بيه زوجي

درت البارح الرفيس صبرتو بيه خخخخخ

ام امنية راكي مبكرة اليوم

الامنياااات شفتها سقسات البارح علينا ربي يخليك بصح انت راكي طولي الغيبة

ام عبودة دخلت البارح الحمد لله طمنا عليك

ام يسرا القاورية المحااااجب قتلتيني بيهم وزدتي عليا باللوبيا انت وام مااااجد يعطيكم الصحة

ام يسرا العربية هههههه وين راك خخخخ

مياسم75

2015-05-03, 09:33

المازة بصحتهم الأولاد يسخفو
يعطيك الصحة:19: فرحتي وليدك ربي يحفظهولك من كل شر يارب

مياسم75

2015-05-03, 09:37

رحمة حبيبتي شكرااا على كلامك الحلو
المازة راني في داري :) للأسف كلشي سامطلي من الي مرض الوالد والحمد لله على كل حال هاذي هي الدنيا
البنات انا رايحا وعذاي باْذن الله شربة لسان العصفور وحميس والحمد لله
اللهم صل وسلم على الحبيب المصطفى

دائمة الحمد

2015-05-03, 09:38

المازة على سلامتك والحفلة روعة يهبلو الوليدات الصغار
مياسم على سلامتك عزيزتي ومرحبا بيك توحشناك
رحمة بصحتك نتوياج الكوزينة كون غير صورتيهالنا نموت على الكوزينة كي تتنفظ انا معاها بالشوي كل يوم بلاصة

fadila34

2015-05-03, 09:41

صباح الخير احل صباح لاحل عائلة
زينب صباح الفل انا شاء الله ركي بخير
مريم رهام الجمان ام سهام ام اسلام يا احل صباح
دائمة الحمد ما شاء الله على هذيك القهوة مع اني منشربهاش بصح تعجبمي
ام ماجد بصحتهم الاولد التحويسة وهذك الغريف وحلوة الطبقات 44444444444444444444
كيفك عازفة ويعطيك الصحة على الحرشة تتتتتتتتوب
ارزاق هذي غيبة انا شاء الله تكوني بخير
نتاكابال يسعد صباحك وانما لعدسهذه عقوبة كسر ولبن ولا لعدس مممممممممممممممممح عليك
ولي نستهم يسمحولى رني اول مرو نكتب هكضا
غدية سباقتى وكسرة:1::1::1:

أم ياسين الزهراء

2015-05-03, 09:48

صباح الانوار
غدايا كفتة وحميص والحمد لله

وهيبة ماننصحكش باللحم في الشربة البيضاء ديري الجاجوليبولات تاع الفينداشي تجيك امممممممممممممممممم

ام ماجد بصحتهم الاولاد ويعطيك الصحة على القاطو سخفتيني

لبنات مازال ماكملتش المراجعة ندير الغداء ونوليللكم

lyzzabel

2015-05-03, 09:50

صبااح الخيييير يا حباايبي الغالييين و نهااركم طييب
دخلت على كييزة الماازة روووعة تسلم الاياادي حبييبتي و بصحتهم الاوﻻاد ماشااء الله يهبلوو ربي يحمييهم و يحفظلنا وليدااتنا قاااع
ميااااسم كي رااكي يا الحبيييبة ان شااء الله ﻻاباااس لييك وحححشة كبييييرة موااااااح
ام الجووود بصحتهم التحوييسة و بصحته حفوووظي يا عمري الله يباارك راه غيير يزيد يزييان هههه و بصحتكم القااتو
نوااال انا تااني نكككره العدسسس هاد العاام درته باﻻاك زووج خطراات وﻻ ثﻻاثة هههه
ام اسﻻاام حبييبتي الغاالية بصحتكم الحرشة ممممممم تشهيييي يعطييك الصحححة و هي فعﻻا ﻻازم معاها شوربة وﻻ حرييرة بااش تجوزي بيها

عااازفة الباارح وجدت الجشو هو الاول درت تااع الكفتة و تااع الفرمااج قلت مين نكمل العجيينة يكون برد .. سااعة لقييت السمييد بقاالي غيير شوية وااااااع دورتهاا بورااك هههههه

ارزااق و رحمة و داائمة الحمد و زيينب بصحتكم وااش طييبتو و ربي يعااونكم غاالياااتي

زينووووبة ماعلييش حبييبتي ما تجييش كااملة و انا تااني جربتهاا نهاار لي نديير راايي ما يخرجلييش الحسااب نيشاان كيما خططتله فتعلمت نسااااااااعف ههه

فطوورنا سردييين و خضر صووتي و سﻻاطة و الحمد لله على نعمه
مازاال راني نكتب رد بصعووووبة عرفت بلي مشي النت و مشي التابﻻات خخخخخخ
ان شااء الله يدخلو الغايباات و يطمنونا راهم بزاف

اللهم ﻻ تزغ قلوبنا بعد إذ هديتنا إنك أنت الوهاب

almazalina22

2015-05-03, 09:52

http://up.1sw1r.com/upfiles2/3uw42840.jpg

خدمت هريسة

http://up.1sw1r.com/upfiles2/yod42840.jpg

حقا الرفيس نتاع حبيبتي اسمهان ربي يشفيها جا هاااايل

http://up.1sw1r.com/upfiles2/yty42840.jpg

lyzzabel

2015-05-03, 09:56

ام سهااام و ام يااسو و فضييلة صبااح النووور و السروووور حبيبااتي
الماازة بصحتكم الرفييس ممممم نموت عليييه

almazalina22

2015-05-03, 09:58

مياسم ربي يشفي الولد ويخليه تاج فوق روسكم

فضيلة مرحبا بيك يعطيك الصحة

جوهرة الجنةاطباقك مممم والخبز يشهي

ام زكرياء شفتك مابنتيش قلت معجباتكش اللمة خخخخخ

دائمة ليزا مياسم تسلمو عينيكم الشابين موااااح

سلااام نكمل شغلي ونرجع

lyzzabel

2015-05-03, 10:04

الماااازة ممممممم شهيتييني بالتلييتلي خساارة ما بغووهش يبانلهم كيما المقاروون ههههه
مياااسم حبوووبة ربي يشفي الواالد و يعاافييه و يطول في عمره اللهم آميين
انا تااني نخليييكم .. من بعد حبيبااتي .. احلى سﻻاام للي يدخلو من بعديي

saja hamed

2015-05-03, 10:49

نقي الجلبانة وديري الماء يغلي كا تشوفيه يغلي بزاف ارمي الجلبانة واحسبي 5دقائق وصفيها وحطيها في ماء ماء بااااااااارد امنبعد قطريها مليح ودريها في اكياس والى المجمد هذي طريقتي اكثر من 20سنة تعلمتها من عند السيدة رزقي ككنت ندرس في السنة التاسعة اساسي
مشكورة اختي ويعطيك الصحة علي النصيحة نجربها ونقلك

fadila34

2015-05-03, 11:02

صباحكي فل المازة
ليزا كيف الاحوال انا شاء الله ركي بخير وريحتي

Simassim

2015-05-03, 11:06

السلام عليكم والرحمة نهاركم مبروك ان شاء الله
ام ماجد غيّرتوني بالبحر حنا رانا مبحرين بالما تاع الأمطار ماحبستش من تلات ايام. بدوووووووون انقطاع والبرد يقطع

وهيبة راني رجعتلك بالصالون
اليوم غدايا جلبانة راني درت قنطااااااااار راكو كامل معروضين ولدي كان يدرو معايا جيت ندر نص ساشي مشا يطيح رميته بيه بالساشي وسط كيكوط ورحت نجيرلو

ام اسماعيل2009

2015-05-03, 11:10

اختي ليزابل راني شريت ليسبادو وحبا وصفة مليحة راني شفتك حطيتيه تعيشي كون تحطيلي الرابط غدايا كفة تاع الحوت و مطلوع وسلاطة

عازفة الناي

2015-05-03, 11:28

السلام عليكم
مياسم حبيبتي اهلا وسهلا وفرحت بطلتك بزززززززززززززاف و ربي يشفي الوالد
المازة 4444444444444444 والله هايلة رجعتيني للطفولة هههههههههه
رحمة بصحتك الميناج
ليزا هههههههه حتى البوراك ماعندي مانقول فيه اممممممممم

زينب 83

2015-05-03, 11:28

احلى صباح على احلى شلة

ام ماجد هايلة جيجل انا نحبها بزااااف بزااااف خاصة للعوانة ، بصحتهم لولاد ربي يهنئهم يا رب

مياسم منورة حنونة توحشناك ربي يشفي الوالد

المازة يعطيك الصحة كلش هايل ربي يخليك لويليداتك ،

صباح الخير لي كامل وحدة وحدة بدون استثناء

لبنات شكون عندها فرن كهربائي lg

غدايا سباقيتي ، و رحيت الثوم اليابس جا هايل و رايحة نيبس قشور القارس و نصبر الطماطم

هذا وين خلصت الخدمة راح ندير شوي سبور

fadila34

2015-05-03, 11:32

احل صباح على احل زينبببببببب كيفها ركي ريحتي شوية من يدك
وبصحتك السباقتى رنا كيف كيف فى الغداء

آيات سرمدية

2015-05-03, 11:36

السلام عليكم ورحمة الله وبركاته..........كيف حال اخواتي سكان الكوزينة:1::1::1:[/COLO]

دخلت طليت على الهمزة لقيتها مازالت فارغة كملت قريت واش فاتني ثلاث او اربع ردود فقط:1::1: .........هيا تفكرت الكوزينة وتفكرت الاخوات الي رحبوا بي واستقبلوني عندهم بصدر رحب وهادي من شيم الكرام.........قلت نضرب طلة..........ماشاء الله ماشاء الله الصفحات عندكم راهي TGV....يايما كيفاش تقدروا تقراوهم كامل اذا تغيبتوا:sdf::sdf::sdf:.....انا في الهمزة اذا فاتوني صفحتين نعود هازتلهم .........مزقوووووم........فهمتوها:D:D.......ونخمم وقتاش نقراهم.......
آيات سرمدية مرحبا بيك معانا
لبنات كلش فووووووووووووووووووووووووور يعطيكم الصحة :19:

حياك الله........اختي ام آية.....الشهيرة بالكشرودة:1:...حتى نتي ساكنة هنا...:dj_17:.....يالها من صدفة......ربي يحفظك حبيبتي......ويخليلك صحيحتك وشدلك في ولادك وزوجك......

سامحوني اخواتي مقريتش كل الصفحات.........قريت غير((( زوز ورا ردي التاني الي سلمت فيه عالوالا......الي ستقبلوني.....وقريت زوز الصفحات لخرين .......)))لقيت فيهم.....الاخوات [COLOR="purple"]

ام وسيم........وام اسلام.........اسمهان......والاخت المازة لينة.......يسلموا عليا.....واذا كاين اخوات اخرين.......نقولهم ااااااسفة ربي يحفظكم كاااااااامل.......

حسيت روحي نعرفكم من قبل و كي شغل اني في وسط عائلتي........ربي يدوم عليكم لمحبة......ان شاء الله.......سلامي للجميع دون استثناء مع اني منعرفكمش كامل بصح دخلتوا القلب بطيبتكم.......

كل مانلقى فرصة ......كي اليوم اني نطل عليكم ........ربي يسرلكم اموركم ويطمن بالكم والي عنودوا هم ربي يفرجوا عليه.......احكموا في ربي برك وماهوش راح يخيبكم.......مهما طالت الحالة لا تياسووووا من رحمته........
حكمته وقدرته وسعت كل شيء .......انه حنين كريم .......والي ولادهم عندهم شهادات نقولهم بالتوفيق وربي ينجحهم كامل بمعدلات مشرفة ........ان شاء الله.......في آمااااااااااان الله.....

تحياتي وودي للجميع..........سلااااااااااام

عازفة الناي

2015-05-03, 11:39

سيما اشرقت الانوار بدا العد التنازلي ههههههههههه باه تجي للبلاد مرحبا بيك
فضيلة يسقسي عليك الخير حبيبتي كملت الفتيل ؟؟؟؟؟؟؟؟؟؟؟؟؟
زينوبة 83 صباح الانوار امممممممممممممممممم شميت ريحة الثوم هههههههههههه و بصحتك السبور
ايات سرمدية كلامك رائع وراقي تبارك الله
غدانا قرنون محشي اممممممممممممممممم وعندي القارص بلاك ندير تارت الليمون :rolleyes::rolleyes::rolleyes::rolleyes:

fadila34

2015-05-03, 11:52

um alaa

2015-05-03, 11:59

صباح الانوار على احلى حلوات وحشتوني وحشتوووووووووووني موت
نسيتوني ماكانش اللي سقسات عليا: :confused::confused::confused: راني نتمسخر:1::1::1::1:mad::mad::mad::mad::mad:
الف مبروك الكوزينة ام وسيم
عازفة حبيبتي اسمحيلي ماشاركتش فالكوزينة ديالك الله غالب ظروف
كاش جديد فالكوزينة لبنات. راني رجعت قرعاجة ههههههههههههه:1::1::1:
نحمل الباروك و نرجع

idron0

2015-05-03, 12:04

اختي ليزابل راني شريت ليسبادو وحبا وصفة مليحة راني شفتك حطيتيه تعيشي كون تحطيلي الرابط غدايا كفة تاع الحوت و مطلوع وسلاطة

http://www.djelfa.info/vb/showthread.php?t=1712996&page=36
رقم المشاركة : 537

um alaa

2015-05-03, 12:07

http://cdn.top4top.net/i_6e8a28cc200.jpg (http://up.top4top.net/)

om wassim

2015-05-03, 12:08

صباح الخير على حبايب قلبي
سامحوني البارح النت راحت حتى الصبح باش رجعت
لي حوسو بصحتهم التحواس و لي حطو اطباقهم يعطيكم الصحه
مياسم فرحت كي دخلتي ربي يشفي الوالد عاجلا يا رب
مرحبا بكل الملتحقات
حبيت نشكر كل من شارك فكوزينتي و ربي يرزقني بسكنة و نعرضكم عندي فكوزينتي يا رب
فرحتوني بمشاركاتكم و كلامكم الطيب
ربي يجمعنا فالفردوس امييين يا رب

om wassim

2015-05-03, 12:30

http://cdn.top4top.net/i_6e8a28cc200.jpg (http://up.top4top.net/)
احلى باروك من ام الاء واش راهي البنوته بوسيهالي

زينب 83

2015-05-03, 12:42

سلام حبوبات صح غداكم كامل

آيات حبوبة كل مرة نقول نخليلك رد و ننسى ، كلامك يعجبني بزاف و نحس ان صادقة لأبعد الحدود نتمنى تبقاي وفيه للكوزينة

فضيلة حبوبة تسلميلي يا صاحبة القلب الطيب

عازفة الحبوبة بصحتك المحاشي امممممممممم ، بصح تارت الليمون مانحبهاش ههههههههه

سيما واش أحوالك مع الباقاج

ام آلاء واش هذي الغيبة وين كنت مخبية توحشناك و توحشنا طيابك

انا درت سباغيتي لكن زوجي عيطلي قالي ماتتغداوش يا درى :confused:

wahibaazel

2015-05-03, 12:43

اهلا بام علاء هذي غيبة واش احوالك اختي .
ام ماجد بصحتهم الاولاد ،جيجل روعة كنت متحلفة هذا العام قلت باذن الله افريل وماي نعقبهم في البحر كل جمعة ،لكن تجري الرياح بما لاتشتهي السفن زوجي نحاولو البارمي ،لاني مانحبش نروح في الصيف ،نحب نروح وحدي تحسي روحك ملكة البحر .قدر الله وماشاء فعل.
المازة يعطيك الصحة فرحتي الاولاد كامل ،ماشاء الله .
مياسيم 75 اهلا بيك وربي يشفي الوالد .امين
اهلا بيك ايات سرمدية .
البنات صح غداكم كامل ،انا عملت حميس الفول وغراتان بطاطا .وخبز

زينب 83

2015-05-03, 12:44

حبيبتي ام وسيم شكرًا ليك على استقبالكم لينا ربي يحفظ وسيم و سلمى و يرزقك بسكن في اقرب وقت يا رب

wahibaazel

2015-05-03, 12:45

راني بليت المقروط وربي يستر ،قلت لازم نصحح الخطأ انتاع المرة لي فاتت .العشية نعملو بإذن الله .

om wassim

2015-05-03, 13:07

حبيبتي ام وسيم شكرًا ليك على استقبالكم لينا ربي يحفظ وسيم و سلمى و يرزقك بسكن في اقرب وقت يا رب

اميييين يارب ربي يخليك و شكرا على مشاركاتك الرائعة و ربي يعطيك ما تتمناي حبيبتي

om wassim

2015-05-03, 13:14

https://m.********.com/photo.php?fbid=10152518124409720&id=609064719&set=p.10152518124409720&source=47&refid=13&notif_t=group_activity

زينب 83

2015-05-03, 13:26

وهيبة بصحتك المقروط اكيد هذي المرة راح يخرج هايل بإذن الله

زينب 83

2015-05-03, 13:32

لبنات واش هذا السبات لي راكم فيه ، واقيلا قتلتكم السخانة

om wassim

2015-05-03, 13:33

شكون تحل الكوزينة الجديدة خير من نقعدو برا هههه

عازفة الناي

2015-05-03, 13:38

fadila34

2015-05-03, 13:40

صحة غداكم ياحراير الكوزينة
اختي زينب وقيلة تغدو وعطوها بقيلولة
ام وسيم كوزينتك كانت رائعة كا روعتة ما شاء الله:19::19:

زينب 83

2015-05-03, 13:43

هههههههه لبنات قالي البسي قشك و لبسي لولاد ، يعني القصة فيها خرجة ، لا قيلولة لا والو و انا ميتة بالعياء غسلت الفريجيدار و الكويزينيار و درت ساعتين سبور يعني كاااااااااااو

fadila34

2015-05-03, 13:47

هههههههه لبنات قالي البسي قشك و لبسي لولاد ، يعني القصة فيها خرجة ، لا قيلولة لا والو و انا ميتة بالعياء غسلت الفريجيدار و الكويزينيار و درت ساعتين سبور يعني كاااااااااااو

يعطيك الصحة يا الفحلة ومدقوليش لالا البسي وروحي التعب ره يروح ام الخرج متتعوضش هكظ كنت انا نقولو رني لاتيا
وظك كي نقولو هى خرجنا يقلي يخي ركي لاتية حتي وليت عجوز هههههههههههههههههههه

عازفة الناي

2015-05-03, 13:52

زينوبة اكيد راح يعوضلكم الخرجة تاع امس
فضيلة صحى غداك

fadila34

2015-05-03, 13:55

زينوبة اكيد راح يعوضلكم الخرجة تاع امس
فضيلة صحى غداك

الله يسلامك عازفة كشما حاجة حلوة يا حلو انتي:mh31:

ارزاق

2015-05-03, 14:09

صح غداكم ومساء الخيرعليكم .حابة نفتح الكوزينة الجاية .لكن معنديش الجديد نحطو راني غير من الارشيف وشرايكم

عازفة الناي

2015-05-03, 14:15

ارزاق توكلي على ربي و افتحيها و اكيد راح تتعمر بالخيرات

*وردة الشرق*

2015-05-03, 14:25

مساء الانوار صحا غداواتكم كامل حبوباتي الحلوين ما زال مارجعتش تغدينا زبتون بالجاج وسفيرية في الفرن .وسلاطة وديسبر والحمد لله وللعشا بادن الله راني ناوية على بيتزا كوفار لا سهل ربي
عازفة بصحتكم لغدا حبيبتي .فضيلة الفحلة مساء الانوار .زينب بصحتك التحويسة مسبقا
حبيبت ليوم ندير الحرشة تاع عازفة لكن مع بعض التحريفات غير في الحشو نخليها لغدوة ان شاء الله راهي تبان امممم والفكرة راهي في مخموخي غدا بادن الله نطبقها

عندي ربع ساعة وانا نكتب في الرد ياربي يلحق نخلص ونروح نراجع من الكمبيوتر

*وردة الشرق*

2015-05-03, 14:26

لبنات وراس حباباتي ما تخليوناش نقعدو برا افتحو كوزبنة جديدة بليييييز

om wassim

2015-05-03, 14:26

صحى غاواتكم كاااااامل
زينوبة راني نستنى واش راح يجيب زوجك خبيلي شوي هههههههههههههههه
ام وسيم ربي يخليك على الاستظافة الطيبة و ربي تفتحيها فدارك قريبا و تمتعينا باطباقك الهايلة
وهيبة بصحتك المقروط
تغديت ونسيت نصور هههههههههههههههه قتلني الجوع :1::1::1::1::1:
راني مع السعرات الحرارية :19::19::19::19::19:
ربي يحفظك يا رب و يرزقك بوليد لحلال لي يستاهلك يا اطيب اخت
صحة غداكم ياحراير الكوزينة
اختي زينب وقيلة تغدو وعطوها بقيلولة
ام وسيم كوزينتك كانت رائعة كا روعتة ما شاء الله:19::19:
انت الاروع اختي فضيلة و ربي يحفظك على مشاركتك معانا
هههههههه لبنات قالي البسي قشك و لبسي لولاد ، يعني القصة فيها خرجة ، لا قيلولة لا والو و انا ميتة بالعياء غسلت الفريجيدار و الكويزينيار و درت ساعتين سبور يعني كاااااااااااو
بصحتك الخرجة تمتعي و ماتنسايش صوريلنا نقرعجو ههههه
يعطيك الصحة يا الفحلة ومدقوليش لالا البسي وروحي التعب ره يروح ام الخرج متتعوضش هكظ كنت انا نقولو رني لاتيا
وظك كي نقولو هى خرجنا يقلي يخي ركي لاتية حتي وليت عجوز هههههههههههههههههههه

اختي فضيلة علاش شحال فعمرك كي راكي تقولي عجوز انا عمبالي صغيرة؟؟؟

fadila34

2015-05-03, 14:29

بصحتك زينب 66الزيتون بلجاج والسفرية تستهلى كثرمن هاذا :1::1:

ارزاق

2015-05-03, 14:30

لبنات نظن راني فتحت الجزء 129 من واش طيبتي اليوم استناو نحط الرابط

ارزاق

2015-05-03, 14:32

http://www.foxpic.com/V0CSJMc1.jpg

fadila34

2015-05-03, 14:35

اسمحلي اختي ام وسيم شركت غير بلهدرة عمري 40 سنة مني صغير ما ولو وانما نموت على الطبخ والحلويات
ومن عشاق الكوزينة انتم لصغار مممممممممممممممممممح عليكم كامل:1::1::1::1::1::1::1::1::1::1:

ارزاق

2015-05-03, 14:35

http://www.djelfa.info/vb/showthread.php?t=1797294

ارزاق

2015-05-03, 14:37

ام وسيم شكرا لي مخليتناش بري للسخانة .وظك ارواحو وهاتو الخير والخمير راهي اول مرة نفتح كوزينة فرحوني

lyzzabel

2015-05-03, 14:37

صح فطووووركم حبيبااتي و مأكوول الهنااا
حبييبتي الطيبة ام وسيييم فرحتيينا في كوزيينتك و قمتي بينا شكراا غاليتيي على حسن الاستضاافة و طييبة قلبك و العقوبا لنهاار تحلييلنا كوزيينة جدييدة من داارك يااااااارب .. موااااااااح لييك و بوووسة للكتاكييت الحلويين ربي يخليهملك

ام اسمااعييل حبيبتي وييييين غادي نلقى الوصفة ههههه اصبري شوية نكتبهاالك في كوزيينة ارزااق بادن الله

ﻻ إله إﻻ الله وحده ﻻ شرييك له له الملك و له الحمد و هو على كل شيء قدير