تهديد علني 2

[مشكلتي]

السلام عليكم
حبيت نوضح الحكايو اكثر
اولا انا مانيش من هاديك المنطقة هي عبارة عن قرية و انا من قلب المدينة الي تبعد ب 130 كم علا هاذي القرية
بسبب ظروف عملي و عمل زوجي انتقلنا الا اقرب مدينة لهاذي القريو الي تبعد ب 20 كم
الاساتذة كامل ماهمش من القرية كل واحد منين جاي
لانو هاذي القرية مافيها حتا واحد متعلم و الي تعلم فيهم يوصل للاكمالي و يحبس
الطفلة تتزوج و الطفل يرجع راعي و لا خماس
المدير مش حاب يدخل نفسو و حتا الاساتذة لانهم خايفين منهم
جايين كيما الصعايدة و قادرين يضربوهم بالعصي
انا مش حابة نسكت على حقي
و انا عارفة انو مجلس تاديبي و لا فصل مش راح ياثر فيه لانو كبير في السن ثانيا مش من طموحه يروح للثانوي
كي حابيت نبلغ الشرطة واحد ماحب يشهد معايا
لا التلاميذ و لا الاساتذة
شكرا

[* الحلم سكر *]

اختارو واحد كبير في المنطقة يكون حقاني و كلمتو مسموعة و احكيولو واش كاين و خليوه يتدخل او حتى واحد من اهل الطفل او ليس من اهلو المهم يكون عندو كلمة
و ربي معاك

[ام عبدو و ملاك]

يا اختي حتى انا راني نعاني كيفك بصح المشكل مع بنتي ماشي معايا بحكم انو حنا من منطقة بعيدة و خدمة زوجي تحتم علينا نسكنو في هاذي المنطقة واش نقلك بنتي تعقدت يعيطولها غير البرانية بحكم الدوار اللي نعيشو فيه كلو عرش واحد كي هدرنا مع المدير مادار والو خاطر يخاف منهم و احنا ما قدرنا نديرو والو غير نصبر في بنتي و الله رايحة نهبل و المشكل ما عنديش حل ربي يجيب الخير واش نقلك يا اختي اذا شفتيهم واعرين غير احكميها في قلبك ووكلي ربي خاط ممكن ترجعلك مشاكل انت في غنى عنها و اطلبي ربي يهديهم و هاذ التلميذ ديريه كلي ماكانش درك يستحقر روحو و ان شاء الله تفرى على الخير

[naamane3]

اذكار الصباح والمساء تحفضك من كل سوء
اما الباقي الله يسهل عليهم

[nasser26]

حاجة ساهلة اختي ما تحتاجي شهادة حتى واحد لا اساتذة ولا تلاميذ

سجليه بالهاتف النقال تاعك صوت ولا فيديو كما تحبي وتقدمي بشكوى للشرطة وهذا دليل لاغبار عليه

[اريج الامومة]

انا لوكان جييت منك نصبر ونحتسب هذا االنوع تتاااع لعباد ليكوننو عايشين في قرية ويكوون راجل ويقرى في متوسط يتخاف منو قادر لوكان تشكاي بيه يحقد عليك ومن بعد يخلفها منك
انت وماكي دايرة والو يسب فيك ويشتم فيك مالا لوكان تشكاي ببيه واش يدير والشرطة ماعندها ماديرلو اضعف الايمان يضربووه ومن بعد يطلقوه
ننصحك اصبري اصبرري اصبري واحتسبي

[خالد عنابي2]

هذا شيئ لا يسكت عنه الامر تكرر عدة مرات وليس مرة عابرة او مرتين السيد مدايرها قضية كل خطرة يحل النافذة ويشتم !!!

الحل الاول هو محاولة التكلم مع المدير والناظر والمراقب العام اذا لم ينفع ذلك مراسلة الاكاديمية والتوجه الى الشرطة او الدرك

لان الحكومة الجزائرية والقضاء الجزائري منافقون اذا حتى دافعتي عن نفسك يقولون لكي لماذا لم تلجاي لمصالح الامن والعدالة ولكن لما تقومين بذلك الاجراء يتم اخراس المدعي العام ووضع السلطات في موقف العاجز مما استدعى منكي الدفاع عن النفس لعجز سلطات القانون عن تقديم الحماية

اذا لم ينفع كل ذلك

بطلي الخدمة وبعد مدة ارسلي زوجك لكي يترصد له ويعطيه طريحة على ان يدخله المستشفى ويسبب له كسور وعاهات مستديمة دون ان يتعرف عليه


مثل هذه الميكروبات لا تستحق العيش

[غير هام]

السلام عليكم

ادعي ربي يبعده عليك