زوار بيت الله الحرام معنيون

["أحمد المحمدي"]

السلام عليكم ورحمة الله و بركاته

اللي راحو لمكة من قبل... خاوتي بغيت نسقسيكم...

قالولي كي تروح لمكة لازم تدي معاك الماكلة والصوالح باش طيب وكامل

علاش... مكانش الماكلة في مكة؟

الإنسان اللي ما يبغيش يثقل روحو واش يدي معاه؟

[jelland]

je vais partir cette annee et je prend rien et je survivrais

[بوسماحة 31]

السلام عليكم ورحمة الله و بركاته



علاش... مكانش الماكلة في مكة؟

الإنسان اللي ما يبغيش يثقل روحو واش يدي معاه؟

الماكلة في مكة غالية وسماطة
دي معك بعض الماكلات الشعبية التي لا تفسد (كسكس ) وتمر من النوع الذي لا يفسد ...... و كاين من يأخد معه من أجل الطبخ الة كهربائية ريستونز من أجل فنجان قهوة أو شاي ......................

[همسات ايمانية]

السلام عليكم

اخي الاسعار هناك غالية جدا ،ونوع الاكل الذي يقدموه يعني لا يلائم اذواقنا
يعني في الفنادق موجود الاكل المفتوح ,,,,,,, مقابل 30 ريال للوجبة الواحدة ,,,لكن تبقى الاسعار غالية جدا و حتى وان اردت شراء ادنى الامور من حليب او فاكهة اوخضر
وزد ان الاورو انخفض جدا مقابل الريال ف100 اورو اصبحت تساوي "390 ريال ,,,,,,,,,مثلا مثلا علبة ياؤورت ب 3 ريال
لتر ونصف حليب 7 ريال ,,,,,,,,,,,,,,3 حبات طماطم 4 ريال واحسب انت كم تساوي بالدينار

من جهة في عدم اخذ الكثير من الاشياء معك حق ، لكن ان كنت تريد فعلا التخفيف هناك بعض الوكالات تضيف لهم مبلغا قد يكون 3 ملاين وكل الاكل سيكون من تجهيزهم ,,,,,,,,,,,,,,,وهذا احسن
ويجعلكم ترتاحون من عناء التسوق او الطيخ

[ام البنوتة]

الاكل في السعودية 95 بالمئة ارز و مع كاش حاجة و ما يناسبش الذوق الجزائري..نعرف لي راحو عمرة داو معاهم قهوة و لحظة و كسرة تاع التمر لانها تطول ما تفسدش..و الطعام
(الكسكس) و طبعا موقد كهربائي صغير

[mariana1]

اخي كاينة الماكلة لكن أدي معاك الأوروبزاف ربما تأكل برة وتجيب هدايا للأهل،حدثت معي مؤخرا صرّفت 100000 سنتيم أي 1000 دج أعطاوني 20 ريال رحت نشري العشاء روز ودجاج لشخص واحد قالي ما جيبش زيدي الدراهم ترحمت على بلادي اللي مئة ألف تعشي شخص وتفضل يعني إذا مقتدرة ماليا أدي الاورو بزاف وخفف على روحك وفي الروستورون الخبز بالدراهم والماء بالدراهم مشي كي بلادنا

[جزائرية بافتخار]

خويا روح سجل ي اي وكالة تكون الماكلة من شروط العقد اللى بيناتكم
ماما راحت في عمرة المولد اخر مرة سجلت في وكالة كانت الماكلة عليهم تروح غير باه تعبد ربي وتصلي ماشي وقتك كامل يروح في الطياب وزيد الماكلة تاعهم ماكان ماكان
دورك نعاود نرجع نقول لك واش تدي معاك بالاك نفيدك بحاجة تكون ناسيها

[mariana1]

حتى الوكالة اللي تطيبلك دير في حسابك رايح دير لاشان باش تدي الأكل وأحسب الوقت الضائع في لاشان شوف أنا وأعوذ بالله من كلمة أنا رحت مرتين مرة طيبت وحدي الأولى ومرة تعاقدنا مع وكالة تطيبلنا والله الاولى كانت أرحم لأن الثانية مش كل مرة تتلاءم الماكلة وذوقك وزيد لاشان في الفطور في الغداء وفي العشاء والوقت مثلا مابين الظهر والعصر يروح في لاشان والغداء.وربي يكتبهالك وركز أكثر على العبادة في حد ذاتها أما الأكل يوم من هنا ويوم من جهة أخرى وتفوت بإذن الله المهم العبادة وقوة الايمان والخشوع وتجنب الرفث والفسوق والجدال

[غزلانْ]

السلام عليكم

الجواب عندك أخي ادا قررت أن تأخد بعض المستلزمات الغدائية فهدا تكون قد اقتصدت بعض المال لأن هناك غلاء بالأسعار

و ادا فضلت الاستغناء عن المواد الغدائية فهنا عليك أن تأخد مال اضافي و هدا سيكلفك انفاق كبير . بالتالي هي مسألة توفير لاغير و لك الاختيار بين التقشف و الاسراف

وفقك الله أخي و الله يسهل

["أحمد المحمدي"]

شكرا لكم إخواني جميعا، بارك الله فيكم وربي يحفظحكم إنشاء الله.

لقد انرتم طريقي وأفدتوني كثيرا بخبرتكم، جزاكم الله عنا ألف خير.

[abdouzi]

عليك بماء زمزم فهو طعام طعم و شفاء سقم كما قال النبي صلى الله عليه وسلم

[fadi02]

ما تدي والو كاين كلش تم يتباع و باسعار معقولة و تحب اطيب كاين كل ايتاج في الفندق عند مطبخ واحد للنساء و اخر للرجال حنا كنا ناكل واجد كاين الحوت واجد مليح و ماشي غلي و كاين الجاج ما تدي والو مام الا حبيت اطيب اشري من تم كلش موجود

[victoire_alger]

اخي انا سبق و رحت و ديت معي الوالدة اخذت معي سوا بن القهوة مع براس سغير فقط لم أشأ اخذ الأكل معي أخذت المال الكافي 1000 اورو كفتني انا و والدتي و جبنا معانا الهدايا . اخي كاين الماكلة كاين مطاعم خاصة اكلاتهم مثل لي عندنا تبحث عنهم تجدهم و هناك الكثير من باعة الأرز بالدجاج انت واش تحب تاكل و دير في بالك هناك تجوع خاطر راك تتعب . بالتوفيق