المساعد الشخصي الرقمي

مشاهدة النسخة كاملة : درت بقلاوة ام انس وبقالتلي ...قولو لي واش انديربيها

ام الاحباب
2015-04-24, 16:36
درت بقلاوة ام انس وبقالتلي ...قولو لي واش انديربيها
أم امتنان
2015-04-24, 17:20
ابعثيهالي حنونة ولا يهمك ههههههههههههههههههههههههههههههههههههههههههه
ام خليل §
2015-04-24, 17:50
ساهلة














































































كوليها هههههههه
ام فروحة
2015-04-24, 18:08
ام انس راها دايرا على بقايا البقلاوة كسرت وخلطتها مع الشكولا ذايبة وقاطوا بيموا وزبدة وكوكاو وعملتها في صينية وقطعتها مربعات روعة وفور ديري عنوان درتي بقلاوة وحرتي في الحواش
ام فروحة
2015-04-24, 18:20
السلام عليكم
إن شاء الله تكونو ملاح و متهنيين و بصحة جيدة
دائما كي نخدمو البقلاوة يصادفنا مشكل الحواشي .... و نقولو واش نديرو بيهم واش نديرووووو بيههههههم هههه هذي المرة أمي لقاتلهم الحل ربي يحفظها أدعيولها راهي مريضة ....
أمالا قاتلي أنا نقلك واش ديري بيهم .... المسكينة راحت شرات 2 علب بيمو و شوية حلوة الترك وجات هههه قاتلي ديري بيهم قاطو واحد آخر
أمالا نقلكم واش درت : رحيت 2 علب بيمو و زدت رحيت بقايا البقلاوة و زدت رحيت حلوة الترك و حطيتهم في وعاء كبير زدت شوية زبدة قيس ملعقة أكل و لميت بشوية معجون حتان تحصلت على عجينة
ممبعد جبت بلاطو مربع و فرشتو بالبلاستيك و دهنته بشوية زيت لتسهيل نزع الحلة من البلاطو ممبعد طرحت العجينة و سويتها جيدا و ذوبت شوية شيكولا و زينت بشوية قلاصاج و خليتها نشفت ممبعد قطعتها مربعات و خرج قاطو فور كأنه بنيون تاع الصح و دارلي كمية لاباس بيها شوفو


الصور ماقدرتش نرفعهم حجمهم كبير انشاء الله نكون افدتك
ام الاحباب
2015-04-25, 04:52
شكرا لكن اخواتي .........اللي بقالي اماشي الحواشي .لكن اقصد بقيت لي العجينة اوحرت واش نديربيها
oum anas 69
2015-04-25, 08:54
خبيها في المجمد و مرة أخرى ديري بيها بلاطو صغير مثلا في رمضان راهي تقعد هي هي
و إذا قعدتك طبقات فوق بعضاهم ماتعجنيهاش خبيها في كيس في المجمد كيما راهي مرة أخرى تلقايها واجدة

ماقولتيناش كيفاش جاتك البقلاوة؟؟؟؟؟
ام الاحباب
2015-04-25, 10:43
خبيها في المجمد و مرة أخرى ديري بيها بلاطو صغير مثلا في رمضان راهي تقعد هي هي
و إذا قعدتك طبقات فوق بعضاهم ماتعجنيهاش خبيها في كيس في المجمد كيما راهي مرة أخرى تلقايها واجدة

ماقولتيناش كيفاش جاتك البقلاوة؟؟؟؟؟

يعطيك الصحة ام انس ...جاتني هايلة ومقرمشة بصح ما بانوش الطبقات خاصة قي الجزء السفلي ...في رايك في واش غلطت ...
أم الحبايب 26
2015-04-25, 13:56
يام الاحباب رلبي يخاليلك احباباك انا عجينا لتقعدلي من باقلاوا نديرها صمصا او مسمن الواردا هذاك ليانتحل بلماشينا وانديروه اشريطا ونلاويواه بلفرشيطا واناقليواه وتعاسليه راهو يجي هايل وبصاحتك