مشكلة مع تلاميذي

[مشكلتي]

السلام عليكم و رحمة الله و بركاته
أنا أستاذة بالمتوسط- سنة 2 متوسط - اقامو حفلة عيد العلم و لم احضر لاسباب خاصة بي
حز في نفسي و حبيت نكرم تلاميذي اشتريت لهم هدا لكن للاسف ؟؟؟؟؟؟؟
انا عندي تلميذة واحدة بمعدل 18 و الباقي 16 و اقل
اشتريت للاولى هدية مختلفة و أغلى الاخرين شريتلهم cd الموسوعة الشاملة للسنة الثالثة + حصن المسلم + مذكرة صغيرة + صورة دعوية تعلق على الحائط و غلفتهم و عطيتهالهم في القسم امام التلاميذ و هنأتهم
لكن حسيت انو ما عججبتهمش او هل انا هكذا حسيت و بصراحة ندمت و قلت يا ليت كانت الهدية شيئ اخر افضل ربما خاصة التلميذة الثانية بالقسم رغم معدلها 16 و الاولى 18
هل قصرت بنوع الهدية ؟؟ صراحة و دون مجاملة ؟؟؟ لو كنتم انتم تلاميذ او اولياء هل راح تحسو اني نقصت من قيمة معدل تلاميذي ام العكس ؟؟ ارجوكم الصراحة
حبيت نفرحهم حسيت اني احبطتهم ؟؟؟؟
هل من اقتراحات نعملها الان ؟؟؟؟؟؟؟؟؟؟؟؟؟؟؟؟؟؟؟؟؟

[زبدة ذايبة]

الدراهم من عندك ولا من عندهم ؟

إذا من عندك بارك الله فيك

إذا من عندهم على حسب المبلغ اللي دفعوه تشريلهم

[amoros]

انت اجتهدتي ووفيتي لكنك لم تختاري الهديه لان السيده الوزيره عقدت المجتع بcd

[ابراهيم داود]

السلام عليكم و رحمة الله و بركاته
أنا أستاذة بالمتوسط- سنة 2 متوسط - اقامو حفلة عيد العلم و لم احضر لاسباب خاصة بي
حز في نفسي و حبيت نكرم تلاميذي اشتريت لهم هدا لكن للاسف ؟؟؟؟؟؟؟
انا عندي تلميذة واحدة بمعدل 18 و الباقي 16 و اقل
اشتريت للاولى هدية مختلفة و أغلى الاخرين شريتلهم cd الموسوعة الشاملة للسنة الثالثة + حصن المسلم + مذكرة صغيرة + صورة دعوية تعلق على الحائط و غلفتهم و عطيتهالهم في القسم امام التلاميذ و هنأتهم
لكن حسيت انو ما عججبتهمش او هل انا هكذا حسيت و بصراحة ندمت و قلت يا ليت كانت الهدية شيئ اخر افضل ربما خاصة التلميذة الثانية بالقسم رغم معدلها 16 و الاولى 18
هل قصرت بنوع الهدية ؟؟ صراحة و دون مجاملة ؟؟؟ لو كنتم انتم تلاميذ او اولياء هل راح تحسو اني نقصت من قيمة معدل تلاميذي ام العكس ؟؟ ارجوكم الصراحة
حبيت نفرحهم حسيت اني احبطتهم ؟؟؟؟
هل من اقتراحات نعملها الان ؟؟؟؟؟؟؟؟؟؟؟؟؟؟؟؟؟؟؟؟؟



السلام عليكم. بارك الله فيك يا استاذة على عملك الطيب... و المهم في طريقة تقديم الهدية اذ الافضل ان تظهري محبتك لتلاميذك و انت تمنحينها لهم... و انا متأكد ان فعلا كهذا لن ينسوه ما داموا احياء...

[Hillin]

لا لا ختي درتي لعليك وزيادة
ديجا كوراج درتي للقسم كامل دي كادو
أنا نكرم أمام جميع تلاميذتي غير الممتاز بأعلى معدل هاك روح المنافسة تزيد والغيرة مفعولها يسري والنتيجة تكون رائعة
لا تحمل ضميرك مالا يقدر على حمله
تحياتي

[أَحمــد]

قيمة الهدية في رمزيتها أولا ثم قد يأتي قيمتها المادية

لقد أحسنت العمل وأحسنت اختيار الهدايا
-------
التلاميذ يريدون دائما أدوات الكترونية كالتابلت مثلا ... وهذا لا أنصح ولا يُنصح به

[بيلسان91]

والله هم يبكي وهم يضحك
انا نهار كنت فالمتوسط كون يقلي الاستاد صباح الخير ولا يبتسم معايا برك نموووت بالفرحة
ونتي شاريتلم الكادو وومحنة روحك ومش عاجبهم الحال
شوفي الجيل اللي وصلنالو اصلا كي فكرتي تكرميهم ديجا هادي تفرحهم

[الراغبة فى رضا الرحمن‎]

والله يا استادة بارك الله فيكي
باينا فيك حنينة
مقصرتيش
وعرفتي تعطيهم لفادوا ماعندك ماتزيدي
غير لوكان قريتي أنا
أنا فالسنة الأولى ضربتني أستادة ضربا مبرحا حتة قعدولي لامارات وكي روحت لدار شافوهم بابا كان رايح يشارعها بصح كلقا ديجا راجلها فالحبس تنازل
المهم هههههه أنا معنديش زهر فالأساتذة
بارك الله فيكي

[عين الصقر]

انت انسانة طيبة وقليل من عندهم ضمير
لا تفكري في الموضوع كثيرا
السنة الثانية متوسط داخلين في مرحلة المراهقة وانت تعلمين ان المراهقين مايعجبهم والو وهذا الجيل يحب غير الالكترونيات
مثلما ذكرت الاخت بيلسان حنا في وقتنا اذا قالك المعلم امسحي الصبورة تموتي بالفرحة هه

[الصديق قروف]

بارك الله فيك
‏ بلاكي يحسابوهم من عند الادارة
‏ درتي حاجة عمرك ماتندمي عليها

[/زهرة عصفور الجنة/]

السلام عليكم
مبادرة طيب من شخصك
والظاهر انك انسانة طيبة وربي يجازيك كل خير على عملك الصالح
قيمة الهدية لا تكون في ثمنها صدقيني
فمجرد التفكير في التلميذ واعطاءه أهمية فهذا بالشيء الكبير
وفقك الله لما يحبه ويرضى

[*باسم*]

بالعكس لازموا يفرحوا لأن عمل جميل قدمتيه والهدايا بالنسبة لي كانت رائعة
ربما هم فرحوا بالهدايا وأنت تخيلت فقط أنهم معجبهمش الحال
المهم ديتري لعليك وشكرا

[sarl02]

مبادرة طيبة منك وانت غير ملزمة بها وهذا دليل على معدنك الاصيل وتفكيرك الراقي...لا تفكري بجوانب الموضوع لكي لا تفقدي لبه....وان كانت هناك نواقص المرات القادمة كفيلة باستدراكها ...وفقك الله.

[seridz]

ممكن كان الاجدر ان تكرمي الثلاثة الاوئل فقط لكن انتي درتي الواجب و زيادة متخمميش بزااف اختي انا نعقل على روحي لما كنا نديرو حفلة نهاية السنة و يكرمو فيها الاوائل على مستوى المؤسسة كنت نغير و نقول في نفسي خصني حتى انا نولي كيفهم لهذا انا نظن نفس الاحساس يكون عند تلاميذتك صح ممكن معجبتهمش لكن راكي ابعتيلهم ميساج بطريقة غير مباشرة مفادها لكل مجتهد نصيب و بارك الله فيك على المبادرة نحتاجو اساتذة مثلك في ضل هذا الازمة نتاع التعليم اللي رانا نعانيو فيها

[ايناس ايناس]

السلام عليكم بالعكس اختي انا اری انه حافز لكي يعمل اصحاب معدلات 16 اكثر حتی يتحصلو علی معدل اكبر وبالتالي هديه افضل هاكذا يحسون انو معدلاتهم جيدة لكن بامكانهم العمل اكثر وجازاك الله خيرا علی المبادرة

[الحزين المبتسم]

السلام عليكم

موقفك أختي ذكرني في يوم العيد العادة اقتضت نعطي للأطفال بعض النقود بمتوسط 50 دج أو 100 دج حسب الأعمار تتصوري ردة فعل هؤلاء الأطفال لم يعجبهم الحال كحال تلاميذك ..

ربما الجماعة ينتظروا في كمبيوتر أو آيباد أو ..

المهم أختي أنت ربي يجازيك لكن للأسف أرى كثير من الأمور انتزعت بركتها فلا العلم ولا المال وهكذا ...

ربي يوفقك

[knives66]

رانا في وقت دير تندم مديرش تندم

[happy luck butterfly]

بكل روح رياضية

[الطيب الجزائري34]

انت انسانة ذات قلب طيب و حنون . . . ربي يحفظك

[غير هام]

السلام عليكم

انت كرمتي تلاميذك ودرتي شيء جميل كاين شي اساتذة ما يقيمش حتى تلميذه يستنى غير وقتاش الشهر يجي