اريد خطبة فتاة و لكن ...

[مشكلتي]

السلام عليكم
لكي نكون صرحاء مع انفسنا، سواء المرأة او الرجل، كلنا نتمنى ان يكون شريك حياتنا جميل جدا و ذكي و ذو أخلاق، و لكن في وقتنا الحالي صعب جدا ان نجد كل هذه المواصفات، فلو خيرتم بين الاخلاق و الجمال ماذا تختارون ؟

ساحكي مشكلتي الان
تعمل معي فتاة، اعجبني فيها اخلاقها، انها انسانة بسيطة و عاقلة و ذكية، كما اننا نتوافق في الكثير من الامور
انها مقبولة الشكل و لكنها ليست جمبلة جدا
و لكن عائلتي لم يعجبهم شكلها، فهم يبحثون عن الجمال، لم يرفضوها بشكل مطلق و لكن لم يفرحوا كثيرا
أنا قبل هذا كنت مثلهم ابحث عن الجمال، و لكني مع الوقت و خاصة بعد تجربة مؤلمة خدعت فيها و تألمت كثيرا تغيرت افكاري و أصبحت ابحت عن الأخلاق و بنت عائلة، ابحث عن امراة تحترمني و تسعدني و تحافض على و اعيش معها في هناء، اما الشكل فيأتي بعد هذا
استطعت اقناع عائلتي بهذا, و هم موافقون على خطبتها، و لكن في نفس الوقت حزين لأني لم افرحهم
ماذا تفعلون لو كنتم في مكاني ؟

[bravo1]

السلام عليكم و رحمة الله تعالى و بركاته
لازم تتكلم مع اهلك و تفههم بالامر و تحاول تقنعهم بالامر و خصوصا ادا عندك اخوة او اخوات افتح معاهم
الموضوع يقدرو يعاونوك في هدا مدام هدفك نبيل و شكرا اخي الفاضل و ستصل الى هدفك ان شاء الله

و الله المستعان و الله يقدرك و يعاونك

[مراد سابقا]

حط في بالك مليح

حاجة مهمة

لازم تجيب لي تصونك

ولا تاتي بواحدة كانت بين احضان مدمني المخدرات والشواذ

نقطة ارجع للسطر

[لحن الحياة.]

ربي يجيب الخير
بصح اذا صح راك مقتنع بيها تقدر تقنع اهلك بالشوية

[الصديق قروف]

اضن اختيارك صائب
‏ فافي بعض الاحيان نصادف نساء قمة في الجمال لاكن تصرفها عكس جمالها
وهاد اصنف عندما تراه تشماز وتنفر نفسك منه
‏ كيما قلتي مكانش مراة كاملة
وعلى حسب وصفك قد اخترت امراة شبه كاملة لان الجمال يزول مع الوقت ولن ينفعك

[الأرض المقدسة]

السلام عليكم وبعد :
إذا كانت على خلق ودين - كما أخبرتنا - فلا تقلق - ستفرح أهلك عاجلا أم أجلا - فقد تربت يداك .

[mounyabiskra]

الزين زين لفعال ، و انت قلت راهي ذات اخلاق و مقبولة واش تحوس كثر من هكذا؟؟ المهم تكون فحلة و تصونك ،صلي الاستخارة و اتكل على ربي ، بلاك فيها خير كبير و بنات الفاميليا في وقتنا راهم قلال يا خويا رانا نسمعو لعجب علابيها الرجال كل عادو يخافو من الزواج . انا من راي متخسرهاش و يجي نهار وين يفرحو داركم كييشوفوك نتا فرحان و مهني معاها غير متكسرش راسك. ربي يسخر نشآلله.

[ملاك الامل]

يعني لي ماهيش زينة ماتتزوجش

[zahra souf]

خويا نقلك دير اللي انت مقتنع بيه .. راني شفت ياسر من عايلتنا يختاروا على حسب الزين مي في الاخير يا يطلقوا يا مايعيشوش مهنين وديما مشاكل لانهم مش نتاع زواج

مي اللي ختاروا على حسب الاخلاق والعقلية هم اللي ربحو صح الزين مهم بصح مش لازم فاتنة

[ابتسام smile &hope]

فكرتني في واحد 4سنين وهو يخطب اللي يشوفها مواليه ماتعجبهمش كان كل سمانة يروحو يشوفو وحدة ومنين ذاك زوج
كي كره حياتو راح سقسا على وحدة وراح غير مع يماه وفالتبق معواليه معجبتهمش
بصح اليوم ولاو يموتو عليها علي شاطرة ورزينة وهدرتها حلوة وطيابها ماينشبعش وثاني لبستها مستورة وكل ماتخلص تفرح عجوزتها بحاجة
حبيت نقولك العقلية هي الصح

[****AMIRAK****]

السلام عليكم

انت قلت : كما اننا نتوافق في الكثير من الامور

و في وقتنا هذا قليل وين تلقى هذا التوافق

دير استخارة و توكل على الله و امشي في الحكاية

[ايمان نور الجزائر]

لمهم تعجبك نتا ماشي ماليك
يعني ماشي ما تعحبهمش قغ لكن شوية كيما قلت
وماداك راهي عجباتك نتا وقانع بيها توكل على ربي واخطبها
واهلك كي يشوفوك مهني وفرحان راح يفرحو معاك
وزيد كي بعاشروها ويعرفو عقليتها راخ تعجبهم وينساو الشكل
وتاني هادو الاهل نتاعك كيفاش دايرين كي راهم يشرطو

[boba.kool]

يا اخي ننصحك تتزوجها لانو على حسب مواصفاتها راهي ماشاء الله وان شاء الله رايحة تصون دارك وتكون ام ولادك الزين زين لفعايل صدقني ووفقك الله لما يحبه و يرضاه

[زبدة ذايبة]

يحزنو اليوم ويفرحو غدوة كي يعرفوها صالحة

خير من اللي يفرحو اليوم ومن بعد يصيبوها تشلطلهم

كل يوم تقابح فيهم

متتعرف قدر للكبير ولا للصغير ؟؟؟؟؟؟؟؟؟؟

وانت معاها ........................... ربي يجيب

ومن بعد


تروح وتعاود تحوس على المرأة اللي تبني معاها الدار

استخير وسقسي على الطفلة وأهلها

رب يوفقك

[غير هام]

السلام عليكم

المهم انت تكون مقتانع بيها وبشكلها لانك نت راح تتزوجها اهلك يوالفوها مع الوقت بصح اذا انت ما راكش مقتانع بيها هنا المصيبة

[سفير الأيام]

عجبتي في هدا الكلمات ربي يحفظك

و خاصة بعد تجربة مؤلمة خدعت فيها و تألمت كثيرا تغيرت افكاري و أصبحت ابحت عن الأخلاق و بنت عائلة، ابحث عن امراة تحترمني و تسعدني و تحافض على و اعيش معها في هناء، اما الشكل فيأتي بعد هذا


شوف خويا الوقت صعيب دي اللي تبني معاها الدار توقف معاك

ما حبوهاش والديك خرج روك كري بيت اخرتهم كي يشوفوها مليحة يعيوا ويستعرفووااااااااااا بصح ديما ابقى تعر والديك وتهلى فيهم

[adam1990]

اخي لتعلم اننا كجزائريين سطحيون نحب الامور السطحية فليس كل جميل الوجه جميل الروح
اذا انت وجدت من تصونك وتربي اولادك خير تربية ولبسها محتشم اكيد سيتقبلها اهلك مع الوقت

[بشرى ثواب]

فاظفر بذات الدين تربت يداك ..صدق رسول الله

[سهيلة2013]

يا اخي لازم في الاول ان تقتنع بها انت
فالجمال بدون اخلاق لا يساوي شيء
هناك الكثير من تزوج بفتاة جميلة لكن لم يدم هذا الزواج لاسباب عدة منها الاخلاق و الكسل

[سهيلة2013]

عجبتي في هدا الكلمات ربي يحفظك

و خاصة بعد تجربة مؤلمة خدعت فيها و تألمت كثيرا تغيرت افكاري و أصبحت ابحت عن الأخلاق و بنت عائلة، ابحث عن امراة تحترمني و تسعدني و تحافض على و اعيش معها في هناء، اما الشكل فيأتي بعد هذا


شوف خويا الوقت صعيب دي اللي تبني معاها الدار توقف معاك

ما حبوهاش والديك خرج روك كري بيت اخرتهم كي يشوفوها مليحة يعيوا ويستعرفووااااااااااا بصح ديما ابقى تعر والديك وتهلى فيهم



دورك راهم يحوسو غي على الزين

[عائشة 88]

السلام عليكم. اخي المهم الاخلاق لانها هي الصح انت استخروربي يوفقك