بين الترسيم و الخدمة الوطنية ما هو الحل

[Recteur31]

السلام عليكم

عامل في شركة فرع سوناطراك بعقد لمدة سنة ينتهي في شهر جوان . الترسيم سيكون مباشرة بعد امضاء العقد الثاني و لكن و لمؤامرة داخلية ...لن يجددو عقدي الا بتوضع وضعيتي اتجاه الخدمة الوطنية .

انا في وضعية غير قانونية ...فقد تلقيت امر بالاستدعاء الاول في هدا الشهر ....كفيل عائلة و لكن لم يقبلوا علي الملف لكوني لم اجتاز الفحص .

فساعدوني بحيلة لاجتاز هده الوضعية و اتمكن من الامضاء على القد الثاني

مع العلم اخر تاجيل كان لي في 2013 بسبب الدراسة و لم يقبل مني اي ملف للتاجيل

[سطايفي19]

اي نوع من العقود الدي يربطك بالشركة

[Recteur31]

اي نوع من العقود الدي يربطك بالشركة


cdd عقد لمدة محددة ....الترسيم يكون بعد الامضاء على العقد الثاني

[سطايفي19]

نصيحتي لك
ان كانت عندك معريفة باه جيب سورسي لكي تستعمله في ملفك الاداري الخاص بالترسيم جيب سورسي
ثانيا يمكنك الذهاب لاداء الخدمة الوطنية قبل انتهاء مدة عقدك لعل تخرج فائض او متخرجش وتكمل العسكر وتولي
مادام العقد تاعك محدد المدة والمدة مزالت ما انتاهتش وكي تروح للخدمة الوطنية قبل انتهاءه يكون انقطاع يعني مدة عقد العمل تاعك تحبس ماتمشيش مي كي تولي من العسكر تلقى مكانك مزال بقوة القانون وعندك السند في يدك هو عقد العمل مزال مخلاصش
هدي تجربة من عندي راني في مؤسسة عمومية اقتصادية وعندنا علاقات مع لانام كبيرة والمؤسسات راهي تحتفظ بمناصب العمل لاصحابها الموجودين في الخدمة العسكرية
ننصحك تحب ترةح روح قبل انتهاء العقد وربي صبحانو هو الرزاق متخافش

[Recteur31]

هدا هو الحل الوحيد يا اخي ......انا لا استطيع الاتحاق ...اعيش مع الوالدة و حيدا و لا استطيع المغامرة و الدهاب للخدمة .....مع امكانية تركها وحده لمدة طويلة


ساعدني يا اخي

[سهيلة2013]

لازم قبل ما ينتهي العقد تلقى الحل

[سهيلة2013]

هدا هو الحل الوحيد يا اخي ......انا لا استطيع الاتحاق ...اعيش مع الوالدة و حيدا و لا استطيع المغامرة و الدهاب للخدمة .....مع امكانية تركها وحده لمدة طويلة


ساعدني يا اخي

هذا سبب يخليك ما تروحش

[Recteur31]

هذا سبب يخليك ما تروحش


نعم لا استطيع ......فانا انتظر ان اصبح عاصي حتى اتوجه بملفي الى المحكمة العسكرية

و لكن للعمل لا استطيع ان اجد الحل

[cheb kadirou]

نعم لا استطيع ......فانا انتظر ان اصبح عاصي حتى اتوجه بملفي الى المحكمة العسكرية

و لكن للعمل لا استطيع ان اجد الحل

خويا الحل هو شوف كي دير وجيب سورسي ولا روح فوتها ماعندك مادير خويا الخدمة قبل كل شيء واش من عام أنت ؟؟

[سطايفي19]

في الادارة التي تعمل فيها روح الى ميرية الموارد البشرية وسقسي الى يقدرو يمدولك بعد انتهاء العقد وبداية تجديد عقد الترسيم يمدولك محضر التنصيب لعل تقدر دير بيه تاجيل في مكتب الخدمة لكن لا اظن ان الطريقة ستنجح لانو في المؤسسات العمومية ميمدوش محضر التنصيب دير بيه تاجيل بالعكس في مسابقات التوظيف في الوظيف العمومي يمدورقة ورقة ادارية دير بيها تاجيل
خويا وش نقولك دير حاجة في بالك الوالدة الله يعيشهالك ان شاء الله لاننا في نفس الحالة
خمم مع روحك مليح وكل خطوة راح ديرها احسب وديرلها احتمالات وش راح يكون معاها
لكن دير في بالك ربي هو الرزاق ادعي ربي بزاف هو لي يحب يجيبلك الرزق من حيث لا تدري
المهم بطاقة الاعفاء كيتكون في الجيب عقبة ما جيك في طريق
ربي يسهل

[Recteur31]

الله يعطيكم الصحة

[سفيان31]

يااخي خد نسخة من العقد الجديد او محضر تنصيب سيعطوك سورسي 6 اشهر


عندي جيراني نجحوا فى سونطراك و فعلوا مثل ماقلت لك


والبعض حصل على تاجيل بشهادة عمل



بالتوفيق