حذار!

[nour elimane]

السلام عليكم
كيف حالكم ؟
حذار من الغيابات فقد بدأ تطبيق المعلومة **من تغيب اكثر من 15 يوم ** يقصى من البكالوريا اي يجتاز مع الاحرار حتى وان اعاد السنة يعيد مع الاحرار

[orama]

الفصل الثالث مش روح و اصلا نضيع وقتي برك

[la floule]

حنا قالونا في اليسي لي يتغيب اكثر من 15 يوم يقصى من البكالوريا تجريبي فقط و الله اعلم

[**خليصة **]

مام حنا قالونا يقصى من البكالوريا التجريبي
و اذا عاود يعاود مع الاحرار و يمنع من استخراج شهاده مدرسيه

[nour elimane]

احنا قالولنا يحذف من القائمة نهائيا ويمنع من اجتياز البكالوريا
اما البكالوريا البيضاء امر مفروغ منو باينة مكانش

[crazy miracle]

وي مام حنا قالونا الامتحان التجريبي فقط~~ مانيش غايبة مازلت مي معولة نغيب من نهار الاحد يعني نغيب قل من 15 يوم ++ باك التجريبي في 9 ماي يعني واحد 14 يوم كي نحيو الجمعة + السبت~يولو قل من 15 يوم
++++
هكذا قالو العام لي فات و ماطبقووش ~يعني غابو الفصل كاامل و جوزو الباك التجريبي عااااادي~~
و الله اعلم

[nour elimane]

حنا قالولنا يجوزوه مع الاحرار واليوم خبرونا

[**خليصة **]

او غير يحدرونا في المورال
كل خطره يخرجو بخرجه جديده انا العلوم الي حاكمتي لا خاطر روطار بزاف
كي نكملو مانزيدش بروح و اعلى مابخيلهم يركبوه

[رميسة الجزائرية]

اييييييييييييييييييييييييه ربي واش الوزيرة هدي نهار طول وهي تلعبلنا على المورال واش زاه فينا نغيبو ولا مانغيبوش ياخي حنا الي نقراو ماشي هي اووووووووف معولا مانزيدش نروح خاتر غير نتمسخرو ونريحو في الوقت

[crazy miracle]

و +++ كون زعمة ندير برايهم و مانغيبش باه نجوز باك التجريبي ~~و نكمل نضيع وقتي كيما راني ندير ~~افضل ليا مانروحش نجوز باك الرسمي~~بيسك ماانيش محضرة ~~
+++ و راني نقرا وحدي في القسم غير انا و 4 عباد ~~الوور كون يطبقووه شكون يجوز الباك المراقبين و المدير مثلا.؟؟؟

[nour elimane]

بالااااااااااااااااااااااااااك

[Aicha.saghira]

انا عندي اقل من 15 يوم لكن كاينة حاجة متأكدة منها هي انو واحد مايجي يحضر من القسم تاعي الا قلة حد قليلة يحضرو علوم مي تاع العلوم دير مسابقات بين الاقسام اما المواد الاخرى قلة فقط من يحضر لان ثانويتنا مسخرة جات مديرة التربية ضربوها جا الامام باش يتوبوا داروها مسخرة بيناتهم

[**خليصة **]

و الله المسؤولين هاذو تقولي ماقراو ما يعرفو و ضع التلميذ بالاك كون تولى المنصب هذا واحد امي دون ساعفنا خير

[nour elimane]

بلاد ميـــــــــــــــــكي

[crazy miracle]

المهم حنا نقرااو مانضيعوش وقتنا ~~كي تتاكد هاد القانون ~ساهلة ندو كاش واحد يدخلنا~~
+++
كل يوم يجي المدير عندنا و يضل قولنا جيبوه ولادي و ان شااء نتائج ممتازة~يعني كون جاو صح يقصيو الغايبين علاه ماقالناش هادو الغايبين مقصيين و لا كون جا حذرنا و لا..لا..

[**خليصة **]

بلاد تاع تيكي
بلاد كلش كلش فيها مفابريكي
بلاد الى مافهاش مشاكل مشها بلاد كيما قال

[crazy miracle]

ههههه ~~لكن الجزائر رووعة ♥ لعباد لي يحكمو لي ميكي مش هيا~~حشاااها

[شمۋځ أنٹـے »]

عندنـــــــــــآ مآ يهزوش آصصصلآآ آلغيآآب هههه

كل آلطرق تؤدي آلى آلهروب من آلدّرآسسهة

[nour elimane]

هذه عندكم حنا تتاخر بربع ساعة يعني غايب
الدعوة مزيرة

[ْفاطمــــ الزهراء ــــة]

نعم الي يتغيب 30 يوم يشطب من القائمة

[khadidjahiroi]

السلام عليكم انا عندي قريب 15 يوم و انا غايبة و حاطة تبرير
وزدت حطيت تبرير ل15 يوم القادمة

[أم سلوى]

والله عقلية التلميذ لليوم يمشي على هواه.... السنة الدراسية ملزم باتمامها.. يعني مفيهاش لعب.... إذا النظام اختل اعرف ان البلد سيختل.... حاولوا الاجتهاد في تطبيق القوانين أكثر من الخروج خارج الصرب والتغريدات لوحدك.... الدول المتحضرة هي التي تستطيع أن تحترم القانون مهما كان صغيرا.... فما بالك بالفوضى في المدارس... الله يهديكم....

[khadidjahiroi]

والله عقلية التلميذ لليوم يمشي على هواه.... السنة الدراسية ملزم باتمامها.. يعني مفيهاش لعب.... إذا النظام اختل اعرف ان البلد سيختل.... حاولوا الاجتهاد في تطبيق القوانين أكثر من الخروج خارج الصرب والتغريدات لوحدك.... الدول المتحضرة هي التي تستطيع أن تحترم القانون مهما كان صغيرا.... فما بالك بالفوضى في المدارس... الله يهديكم....

السلام عليكم يا اخي لكن ماذا يفعل التلميذ عندما يذهب و لا يجد الاستاذ الذي يدرسه
الاساتذة ولاو يقولولنا ماتجيوش و كي نجيو يقعدو يقصرو بينا نقعدو في الدار نقراو خيرمن تضياع الوقت في الذهاب للثانوية دون اي فائدة

[~~يسرى~~]

مام حنا المدير هبلنا ~ نهار الكر ساكن فالاقسام ~

ما فهمنا والو

[..DJOUMANA..]

مممممممممممممممممممممممم كفات العام بداو يقولوووووووووووووو يخي وزارة يخي


كن قالوها مع الاول خييييييييييييييييير

[بعيدة المنال]

حنا معندناش هدا المشكل psqالتلاميذ كامل حاضرين والاساتذة راهم يبروفيتيو باه يعوضولناpsq رانا روطار بزاااااف ألووووووووووور رانا عكسكم تماما
++++حنا مديسيديين نكملو لآخر لحظة
وربي يجيب الخير برك

[crazy miracle]

حنا معندناش هدا المشكل psqالتلاميذ كامل حاضرين والاساتذة راهم يبروفيتيو باه يعوضولناpsq رانا روطار بزاااااف ألووووووووووور رانا عكسكم تماما
++++حنا مديسيديين نكملو لآخر لحظة
وربي يجيب الخير برك

بصحتكم ~~ :1: تقدري تقوليلي وين راكم واصلين ْ~و شـــ♥ـــكراا
حنا مع بدا الفصل 3 ~~ بداو ينقصوو ~
لي يدي 17 الله يبارك عندو من الاسبوع 1 مازادش جا

[floura]

ماعندهم ما يديروا مستحيل يقدروا يقصيوك من البكالوريا وواحد ما عندو الحق يقصيك راهم غير يخلعوا فالناس



يخي رانا مسجلين كييييفاش يقصيوكككك


مكانش منهااااااا

[mohadtahar]

__________________________________________________ ______________________