بريوش تحفة من مطبخي انا لهلوبة

[إلهام07]

البسملة1




صباح الخير عليكم على بالي طولت عليكم بوصفة البريوش http://us.cdn4.123rf.com/168nwm/yayayoy/yayayoy1203/yayayoy120300016/12793106-motic-ne-shy.jpg





قبل مانبدى حبيت نقوللكم سر بصح ماتهدروش ششششش

http://us.cdn2.123rf.com/168nwm/yayayoy/yayayoy1009/yayayoy100900006/7699424-motic-ne-en-signe-de-silence.jpgأنا مانحبش البريوش خلاص ... لهذا منذ سنوات وأنا نحوس على الوصفة المميزة اللي ترضيني http://us.cdn1.123rf.com/168nwm/vectorshots/vectorshots1303/vectorshots130300059/18249823-smiley-illustration-vecteur--spy.jpg : تكون خفيفة + هشوشة كي القطن + مقرمشة شوية نحب القرمشة + ريحة الخميرة لا وجود لها + نكهة وريحة وطعم مميز ولذيذ مممممممم .
http://cache4.asset-cache.net/xt/165943674.jpg?v=1&g=fs1%7C0%7CSKP127%7C43%7C674&s=1http://cdn.xl.thumbs.canstockphoto.fr/canstock19608076.jpg





تلقاو من تحت 2 وصفات الأولى العجينة المعتمدة للبريوش عندي خفيفة تهبل وريحتها ريحة فواكه وطعمها ممممممم لكن طرية ماشي مقرمشة أما الوصفة الثانية فيها قرمشة خفيفة وهي الوصفة اللي أنا اعتمدتها بإذن الله ومانغيرهاش رائعة فعلا وأخيرا هذي هي الوصفة اللي كنت نبحث عليها طعم وريحة وقرمشة ولا أروع http://us.cdn3.123rf.com/168nwm/yayayoy/yayayoy1212/yayayoy121200003/16707413-emoticon-en-amour-avec-le-c-ur-battant.jpg







على بالي كاين بزاف وصفات بريوش في المنتدى وكلها ناجحة لكن حبيت نشارككم وصفتي لأنو شفت بزاف أخوات يشكيو من ريحة الخميرة في البريوش حبيت ننقللكم طريقتي في التخلص من ريحة الخميرة نهائيا ونتحدى وحدة تقولي جربتها و جاتني فيها ريحة الخميرة




بريوش رولي بالزبيب





نبداو بالبريوش نتاع الخايبات ههههههه اللي متكاسلين يورقو البريوش

http://us.cdn3.123rf.com/168nwm/yayayoy/yayayoy1203/yayayoy120300002/12496521-whistling-motic-ne.jpg







المقادير:



2 كيسان كبار ( كاس نتاع ربع لتر )



1 ملعقة كبيرة خميرة خبز



3 ملاعق كبيرة سكر



1 بيضة



2 علب ياوورت صومام نكهة فراولة ( طبعا إذا ماتوفرش ممكن تعوضو بأي ماركة أخرى أو نكهة أخرى لكن هذا هو أحسن ياوورت سواء للبريوش أو للعصائر )



1 ملعقة صغيرة فانيليا



1 ملعقة صغيرة ملح



2 ملعقة كبيرة زبدة أو مارغارين طرية



ربع ملعقة صغيرة خميرة حلويات ( اختياري )



للحشو : 2 ملعقة كبيرة زبدة او مارغارين طرية + 2-3 ملعقة كبيرة سكر + كمشة زبيب
هذي صورة الياوورت المستعمل في الوصفة ننصحكم بيه
http://echrily.com/image/data/produits%20laitiers/YAOURT%20FORT%20AROMATIISE%20MURES%20DE%20BOIS%20S OUMMAM%20100G15%20da.JPG

صورة الكاس اللي عبرت بيه الفرينة
http://cdn.top4top.net/i_5e43c838141.jpg



الطريقة :




1- نحط كاسرول صغيرة على النار فيها كاس ماء كبير حتى يغلي الماء نطفي ونحط الزبيب ونخليه ينقع حتى ينتفخ .
2- نغربل الفرينة .
3- في إناء نحط نصف كمية الفرينة مع السكر والخميرة والياوورت والبيضة والفاني ونخلط بواسطة مضرب يدوي حتى نتحصل على خليط متجانس وجاري .







http://cdn.top4top.net/i_a05b33f8921.jpghttp://cdn.top4top.net/i_a05b33f8922.jpg 4- نغطي الصحن ونخلي الخليط يخمر ...لازم نصبر عليه حتى يخمر مليح ويتضاعف حجم الخليط 2-3 مرات ... هذه المرحلة أهم مرحلة إذا ماخمرش مليح مايجيش البريوش خفيف ... ممكن تستغرق حوالي 1 ساعة... رايحين تلاحظو أنو الخليط ريحتو مليحة ومافيهش ريحة الخميرة نهائيا بالعكس ريحتو ريحة فواكه وفانيليا روعة.


5- بعد مايخمر الخليط نضيف باقي كمية الفرينة + الملح ( نكون غربلتو أيضا ) ونجمع العجينة .
6- الآن الخليط جاري ويلصق طريقة العجن نتاع البريوش نتاعنا مختلفة عن المعتاد شوية : نعجنها بحركات كأنو راني نجمع في العجينة من الحواف إلى وسط الصحن ونحاول نهز العجينة الفوق باش يدخلها الهواء ( كيما مالفين تشوفو المصريين في الافلام يعجنو الخبز نتاعهم ) .... هذه العملية تتطلب حوالي 5د.
نحي الغش والدمار اللي نتاجاتك راهو يحوسو بيهم رجالهم وانت محشورة في الكوزينة تعجني في البريوش وكل ماتقوليلو أشريلي بيتران يطيشك مايعطيك لاحق لا باطل .http://us.cdn2.123rf.com/168nwm/yayayoy/yayayoy1207/yayayoy120700009/14531740-motic-ne-bored.jpg
7- لازم كي نهز العجينة بيدي كيما الصورة ماتتقطعش لازم كي تهزي العجينة الفوق تحسيها مطاطية وماتتقطعش تحسي العجن أصبح صعب لانو العجينة تقاومك بالمطاطية اللي فيها ... معناها خلاص راهي واجدة ومعجونة مليح.... العجينة صح جارية شوية لكن هذا ضروري باش البريوش نتاعكم يجي خفيف وطري.



http://cdn.top4top.net/i_a05b33f8923.jpg 8- الآن ناخذ مقدار 2 م ك زبدة طرية وكل مرة ناخذ شوية من هذي الكمية نطريها مليح بين يديا وننقل العجينة إلى طاولة العمل ونبدى نعجن باش تدخل الزبدة في العجين... ثم نزيد قطعة اخرى ندهن بيها يديا ونعجن ... حتى نكمل كمية الزبدة نتاعي ... رايحين تتحصلو على عجينة مخملية .







9- نرش الصحن نتاعي بشوية فرينة ونرجع العجينة ترتاح 15د باش نطرحها بسهولة.
10- ندهن طاولة العمل ( الرخام ) بشوية زيت ونطرح العجينة نتاعي على شكل مستطيل وتكون العجينة شوية رقيقة مثل الصورة.
http://cdn.top4top.net/i_a05b33f8924.jpg

11- نأخذ مقدار 2 ملاعق كبار زبدة طرية ونطريها مليح بين يديا وندهن بيها مليح سطح العجينة بدون ماندخلها في العجين يعني مجرد دهن.
12- نرش مقدار 2-3 ملاعق كبيرة سكر ونوزع كمية الزبيب نتاعي (بعد مانقطرو مليح من الماء ) على كامل العجينة.
13- نلف العجينة نتاعي برفق ولكن لازم نرخف يدي لازم نخلي فراغ شوية مانزيرش اللفات باش العجينة تلقى الفراغ وين تخمر والبريوش يجي خفيف ماشي معجن.
14- نغلق مليح الحربوش بيدي ونقطع بقطاعة العجين والعرض نتاع الحبات مثل الصورة مانعرضش بزاف .
http://cdn.top4top.net/i_a05b33f8925.jpg

15- ندهن صينية الفرن بالزبدة ( يفضل زبدة ماشي زيت ) ونحط حبات البريوش وحاولو تخليو فراغ كبير بين الحبات لأنو من بعد يلصقو في بعض ( انا بعض الحبات تنفخو بزاف لصقولي مع بعض ) .





http://cdn.top4top.net/i_051c20b99b6.jpg 16- نخلي الحبات يخمرو مليح مليح حتى يتضاعف الحجم نتاعهم ( هذا ايضا ضروري جدا جدا باش البريوش يجي خفيف وماشي معجن ).... لضيق الوقت انا جربت كيما الأخت زينب : حطيت شوية ماء يغلي في البرمة كي غلى الماء نقصت النار خلااااااص وحطيت الكسكاس وحطيت البلاطو فوق الكسكاس ... حذاري هنا لازم النار تكون ناقصة خلاص باش العجينة تدفى برك ماشي طيب على البخار ههههههههه ..... مرحلة التخمير هذي مالفة تستغرقلي شوية وقت لكن بهذي الطريقة في نصف ساعة فقط تنفخو الحبات ماشاء الله .







http://cdn.top4top.net/i_051c20b99b7.jpg

17- نشعل الفرن يسخن على 180°.
18- ندهن البريوش برفق باش مايهبطش : بصفار بيض معاه رشة فاني وشوية برك بياض باش مايجيش الخليط ثقيل ويمشي بسهولة ونرش شوية جلجلانية من فوق ..... أنا نستعمل بانسو نتاع سيليكون للدهن مايهبطش الحبات بعد ماخمرو وماتحاولوش تحركو الحبات من مكانهم بعد ماخمرو تفسدولهم الطلعة ... مايهمش إذا رايحين يلصقو في بعض المهم البريوش يكون خفيف .
19- لما يسخن الفرن ندخل البريوش للرف الوسطاني في الفرن .... حذاري راهو يحمار بسرعة من تحت ماتتحركوش من قدام الفرن يحتاج حوالي 10د فقط ..... مانحكيلكمش على الريحة كي يكون يطيب روووووووووعة أحسن من أي معطر جو منزلي هههههههه.
20- نهبط الصينية للرف السفلي ونشعل من فوق باش يتحمر البريوش وعسوه مليح .
21- بمجرد ما نخرج الصينية من الفرن ننزع الحبت من الصينية باش مايعرقش ونحطهم فوق شباك باش يبردو .
22- ندهن البريوش بلاجولي ... طبعا ممكن تعضو لاجولي بعسل أو معجون لكن صراحة طعم لاجولي وحدو ننصحكم تستعملوه .
23- يقدم فورا مع القهوة والحليب http://us.cdn4.123rf.com/168nwm/yayayoy/yayayoy1103/yayayoy110300033/9217662-motic-ne-boire-du-caf.jpg والله العظيم روعة يابنات ريحتو وطعمو والخفة ماشاء الله .

http://cdn.top4top.net/i_051c20b99b8.jpg

شوفو من داخل كيفاش طري وهشوش كي القطن والريحة ممممم http://us.cdn2.123rf.com/168nwm/yayayoy/yayayoy1204/yayayoy120400009/13172924-applaudissements-emoticon.jpg

http://cdn.top4top.net/i_051c20b99b9.jpg






بريوش رولي بالشكلاطة






ضرك نجيو لبريوش الفحلات ..... بريوش مقرمش كأنو PAIN AU CHOCOLATرائع يابنات جربوه تحححححححححححفة





ريحتو وطعمو مممممممم معاه تزيدي 10كغ في شهر





الآن الوصفة المعدلة :





المقادير:





250غ فرينة أي مايعادل 2 كيسان كبار+ 2-3 ملعقة كبيرة معمرة مليح فرينة





1 ملعقة كبيرة خميرة خبز





3 ملاعق كبيرة سكر





1 بيضة





2 علب ياوورت صومام نكهة فراولة نطهة الفانيليا وإذا ماتوفرش ممكن أي نكهة أخرى





1 ملعقة صغيرة فانيليا





1 ملعقة صغيرة ملح





1 ملعقة كبيرة زيت





ربع ملعقة صغيرة خميرة حلويات ( اختياري )






للتوريق : 150غ زبدة توريق





للحشو : 2 علب شكلاطة MINA مرابية ( مبشورة ) المهم تكون شوكولا بنينة


http://up.djelfa.info/uploads/13546919221.jpg الصورة من موضوع ام كوثر






الطريقة :





1-نغربل الفرينة .

2-في إناء نحط نصف كمية الفرينة مع السكر والخميرة والياوورت والبيضة والفاني ونخلط بواسطة مضرب يدوي حتى نتحصل على خليط متجانس وجاري .










http://cdn.top4top.net/i_a05b33f8921.jpghttp://cdn.top4top.net/i_a05b33f8922.jpg3-نغطي الصحن ونخلي الخليط يخمر ...لازم نصبر عليه حتى يخمر مليح ويتضاعف حجم الخليط 2-3 مرات ... هذه المرحلة أهم مرحلة إذا ماخمرش مليح مايجيش البريوش خفيف ... ممكن تستغرق حوالي 1 ساعة... رايحين تلاحظو أنو الخليط ريحتو مليحة ومافيهش ريحة الخميرة نهائيا بالعكس ريحتو ريحة فواكه وفانيليا روعة . 4-بعد مايخمر الخليط نضيف باقي كمية الفرينة + الملح ( نكون غربلتو أيضا ) ونجمع العجينة .




5-الآن الخليط جاري ويلصق طريقة العجن نتاع البريوش نتاعنا مختلفة عن المعتاد شوية : نعجنها بحركات كانو راني نجمع في العجينة من الحواف إلى وسط الصحن ونحاول نهز العجينة الفوق باش يدخلها الهواء .... هذه العملية تتطلب حوالي 5د.



لازم كي نهز العجينة بيدي كيما الصورة ماتتقطعش لازم كي تهزي العجينة الفوق تحسيها مطاطية وماتتقطعش ... معناها خلاص راهي واجدة ومعجونة مليح.... العجينة صح جارية شوية لكن هذا ضروري باش البريوش نتاعكم يجي خفيف وطري.







http://cdn.top4top.net/i_a05b33f8923.jpg 6-نضيف 1 م ك زيت ونعجن حتى يدخل الزيت في العجينة.







7-نضيف 2 م ك فرينة ونجمع العجينة باش ماتكونش العجينة جارية بزاف ونقدرو نورقوها بسهولة فيما بعد .

8-الآن نرش طاولة العمل بشوية فرينة ونحط فوقها العجينة باش نغبرها مليح بالفرينة من كل الجهات باش ماتلصقش ونحطها في منديل قماش ثم في كيس وإلى المجمد لمدة 20د نخلي العجينة تبرد وترتاح .... أنا نستعمل قطاعة العجين تساعدني في العمل بزاف.



http://cdn.top4top.net/i_8d66c183fb1.jpghttp://cdn.top4top.net/i_8d66c183fb2.jpg 9-نطرح زبدة التوريق فوق قطعة بلاستيك ونحطها في المجمد.







10-بعد 20د نرش طاولة العمل بالفرينة بسخاء ونطرح العجينة نتاعي بالطول.

11-نرش الزبدة على الوجهين مليح بالنشاء ونحطها على العجين ونطوي العجينة على 3 وندور العجينة 90° ونرجع نطرحها بالطول ونطويها على 4 مثل الصورة.... ماتنساوش في كل مرة باستعمال الفرشاة تتخلصو من الفرينة الزايدة وحذار ي رشو مليح الفرينة مالازمش تلصق العجينة في الرخام نتاعنا باش ماتخرجش الزبدة ... العجينة راهي طرية وجارية شوية.

http://cdn.top4top.net/i_8d66c183fb3.jpghttp://cdn.top4top.net/i_e3868c9ded4.jpg


12-نرجع نطرح العجينة ونطويها على 4 ونرجعها للمجمد 20د أخرى.

http://cdn.top4top.net/i_e3868c9ded5.jpg




13-نرش طاولة العمل بسخاء بالفرينة ونطرح العجينة على شكل مستطيل ونوزع عليها كمية الشكلاطة المبشورة .http://cdn.top4top.net/i_e3868c9ded6.jpg 14-نلف العجينة على شكل حربوش مع ترك فراغ يعني مانزيرش وأنا نلف في العجينة.







15-نقطع الحربوش وماتكبروش القطع يعني نخلي 4سم ونقص .








http://cdn.top4top.net/i_e3868c9ded7.jpg 16-ندهن صينية الفرن بالزبدة ( يفضل زبدة ماشي زيت ) ونحط حبات البريوش وحاولو تخليو فراغ كبير بين الحبات لأنو من بعد يلصقو في بعض ( أنا بعض الحبات تنفخو بزاف لصقولي مع بعض ) .














http://cdn.top4top.net/i_e3868c9ded8.jpg 17-نخلي الحبات يخمرو مليح مليح حتى يتضاعف الحجم نتاعهم ( هذا ايضا ضروري جدا جدا باش البريوش يجي خفيف وماشي معجن ).... لضيق الوقت انا جربت كيما الأخت زينب : حطيت شوية ماء يغلي في البرمة كي غلى الماء نقصت النار خلااااااص وحطيت الكسكاس وحطيت البلاطو فوق الكسكاس ... حذاري هنا لازم النار تكون ناقصة خلاص باش العجينة تدفى برك ماشي طيب على البخار ههههههههه ..... مرحلة التخمير هذي مالفة تستغرقلي شوية وقت لكن بهذي الطريقة في نصف ساعة فقط تنفخو الحبات ماشاء الله .







http://cdn.top4top.net/i_e3868c9ded9.jpg






18-نشعل الفرن يسخن على 180°.



19- ندهن البريوش برفق باش مايهبطش : بصفار بيض معاه رشة فاني وشوية برك بياض باش مايجيش الخليط ثقيل ويمشي بسهولة..... أنا نستعمل بانسو نتاع سيليكون للدهن مايهبطش الحبات بعد ماخمرو وماتحاولوش تحركو الحبات من مكانهم بعد ماخمرو تفسدولهم الطلعة ... مايهمش إذا رايحين يلصقو في بعض المهم البريوش يكون خفيف .




20-لما يسخن الفرن ندخل البريوش للرف الوسطاني في الفرن .... حذاري راهو يحمار بسرعة من تحت ماتتحركوش من قدام الفرن يحتاج حوالي 10د فقط ..... مانحكيلكمش على الريحة كي يكون يطيب روووووووووعة أحسن من أي معطر جو منزلي هههههههه.




21- نهبط الصينية للرف السفلي ونشعل من فوق باش يتحمر البريوش وعسوه مليح .




22-بمجرد ما نخرج الصينية من الفرن ننزع الحبت من الصينية باش مايعرقش ويبقى مقرمش ونحطهم فوق شباك باش يبردو .











http://cdn.top4top.net/i_e3868c9ded10.jpg 23-ندهن البريوش بلاجولي ... طبعا ممكن تعوضو لاجولي بعسل أو معجون لكن صراحة طعم لاجولي وحدو ننصحكم تستعملوه .








24-يقدم فورا مع القهوة والحليب http://us.cdn4.123rf.com/168nwm/yayayoy/yayayoy1103/yayayoy110300033/9217662-motic-ne-boire-du-caf.jpg







طعم الشكلاطة الذايبة وقرمشة البريوش فعلا رووووووووووعة .... أخيرا وصلت للوصفة اللي كنت حابتها . http://cdn.top4top.net/i_40beff7abb1.jpg







http://cdn.top4top.net/i_40beff7abb2.jpg





وهذي من داخل كيفاش طرية وخفيفة وهشوشة صدقوني رووووووعة http://us.cdn3.123rf.com/168nwm/yayayoy/yayayoy1106/yayayoy110600018/9735561-clin-d-oeil-emoticon-montrant-signe-ok.jpg









http://cdn.top4top.net/i_40beff7abb3.jpghttp://cdn.top4top.net/i_40beff7abb4.jpghttp://cdn.top4top.net/i_40beff7abb5.jpg




بريوش بحشوة التفاح كاراميليزي

بعد توريق العجينة طرحتها وحشيتها تفاح كاراميليزي ( كاراميليزيتو في المقلاة مع السكر والزبدة والفاني والقرفة )
http://www.up.djelfa.info/uploads/146628508554041.jpg
http://www.up.djelfa.info/uploads/146628508559033.jpg
http://www.up.djelfa.info/uploads/14662848673081.jpg


وهذي من داخل

http://www.up.djelfa.info/uploads/146628486733582.jpg

بريوش مورق محشي بجوز الهند والنيستلي

رووعة لعشاق جوز الهند

http://www.up.djelfa.info/uploads/146628530818861.jpg
http://www.up.djelfa.info/uploads/146628535072311.jpg

http://www.up.djelfa.info/uploads/146628486735863.jpg







وصدقوني ماتندموش إذا جربتوه ..... فقط نصيحتي إذا حابين ديروه لقهوة العشية أبداو فيه الصباح باش يخمر في راحتو وحتى تقدرو توجدوه من قبل وتورقوه وتحطوه في الثلاجة وفي الغد أو حتى بعد 2-3 أيام تخرجوه من الثلاجة وتشكلوه وتخمروه وطيبوه .








* ملاحظة : أنا نفضل ديما نعمل بريوش رولي بحشوة معينة باش يجي بنين يعني يجي طبقة عجينة ثم طبقة حشو ثم طبقة عجينة وهكذا أفضل من كي نعمل البريوش كرات يجيني سامط تاكلي غير في العجينة .







* هذا ماشي كرواسون لهذا ماورقتش البريوش كيما يلزم لأنو الكرواسون عندو طريقة التوريق الخاصة بيه ولكن فقط حبيت البريوش نتاعي يجي مقرمش شوية .










أتمنى نشوفكم طبقتو كامل بريوش الفحلات ماشي نتاع الخايبات هههههههههههه







http://us.cdn3.123rf.com/168nwm/yayayoy/yayayoy1203/yayayoy120300002/12496521-whistling-motic-ne.jpg















تحياتي ............. لهومة http://us.cdn4.123rf.com/168nwm/yayayoy/yayayoy1304/yayayoy130400011/19320250-motic-ne-de-cils-mignon.jpg

[*أم كوثر*]

ممممممممممممممممم يشهوا يعطيك الف صحة لهوبة

[فايزة1207]

ما شاء الله يافنانة دا ئما مبدعةابداع لا متناهي
الف شكر لك

[أم همام 2015]

ما شاء الله رووعة جزاك الله خيرا و ربي يحفظك و يعطيك ما تتمني

[دائمة الشكر]

يعطيك الصحة الهام والله غير يشهي امممم اطباقك كلها روعة سلمت يداكي

[حياتي نبع امل]

وااااااااااااو ،تحفة
كالعادة متالقة بوصفاتك ،ربي يجازيك

[*سيرين نور عيني *]

ما شاء الله رووعة جزاك الله خيرا و ربي يحفظك و يعطيك ما تتمني

[وردة زمن]

يشهي يعطيك الصحة يا رائعة

[omaymen]

ماشاء الله الهام دمت مبدعة ومتالقة دائما

[rofia.sarah]

روععة كعادتك جاري التطبيق لكن تاع الخايبات الله غالب ماعنديش الوقت ألف شكر و جازاك الله كل خير

[oum lina]

ماشاء الله روعة يعطيك الصحة وشكرا على الوصفة

[أم ياسين الزهراء]

هايل يعطيك الصحة يالهلوبة

[fleur de lili]

milles bravo ya fahlla et milles remercis et milles bisous sur votre front
vous meritez da3ouette khir ya notre grand chef

[أم بلوكة]

يهبل نموووت عالبريوش يعطيك الصحة انشاء الله نجربو

[saja hamed]

رووووووووووووووووووعة بريوش يهبل

[oumraja]

دائماً مواضيعك مميزة واجد متعة في المتابعة والتطبيق الف شكر لك اختي على كل ما تقدمينه لمنتدى الطبخ دمت دوما سخية

[mosta*limoges]

ممممممممممممممممم يشهوا يعطيك الف صحة

[sandibal]

hhhhhhhhhhhhhhhhhhhhhh
rawwwww3a ki l3ada
mes anz m3a 2 enfans nfathal ta3 el kaybat
444444444444444444444444
*********************

[زخة مطر]

ما ظنيت نجرب بريوش الفحلات راني بالحمل وغير حالة حاجة نتاع سانك يتمم ههههه
يعطيك الصحة اختي الهام
وصفاتك كامل تحفة
نجربهم وعينيا مغمضين
ربي يفتح عليك

[ندى خليل]

الله الله عليك يا أختنا هاااااااااااايل ربي يدوملك صحتك

[انتصار فاطنة]

ماشاء الله دمت مبدعة ومتالقة دائما

[~أمة الله~]

السلام عليكم ورحمة الله وبركاته
الله يبااااااااارك ماشاء الله ، ماشاء الله واشنو هاد الابداع
بارك الله فيكِ أختي إلهام
والله عندي تجربة مريرة مع البريوش مرة جانا ضيف ودرتو ، تقدري تضربي بيه واحد يتفجّر عادي هههه ....
بإذن الله للتجريب في أقرب وقت
ربي يحفظك ياربّ ويرزقكِ من حيث لا تحتسبين

[omsalah]

كل كلام الشكر والعرفان قليل فى حقك دمت ورزقك الله الزوج الصالح الذى يخاف الله فيك بوركت

[oum islem]

سلمت يداك
وسلمت من كل سوء
بارك الله فيك

[mimimouni]

واو يشهيو
يعطيك الصحة
وكيما قلتي بلا جولي من فوق اروع

[fif1984]

ماشاء الله دائما مبدعة ربي يعطيك ماتتمناي

[om islah]

w3lah dirili haka rani netwaham w chahitini bzf lah ybarek fik y ilham 3andi 3 ans ntaba3 fikom ga3 nhes rohi na3rafkom malgri rani bb3333ida bzf rabi yahafdak lwaldik merci

[jojo dj]

واوووو لهلوبة روعة يعطيك الف صحة على الشرح يهبل يهبل. دايما مواضيعك روووعة كيما انت. ربي يخليك لينا ويعطيك ماتتمناي يا ملكة المعجنات

[روضة 88]

الهام عاش من شاف اطباقك و فنك يا ملكة المعجنات.

البريوش خرجلك تحففففففففففففففففففففة.

[اسمهان79]

يا عمري يا روحي يا حنونتي
يا لهوي يا خرابي يا انفجاراتي
قتلتيني دوختيني جوعتيني قرقشتيني ما خليتي فيا والو حراااااااام حرااااااااام
يهبل يهبل يهبل وطريقت شرحك يمااااااامي عليها تحفةةةةةة ما شاء الله ما نيش فاهما الرجال عماو باه يخلو واحدة كيما انتي بلا زواج وآلله لو كنتُ رجلاً لخطفتكي على حصانيا الأبيض ههههههه وليت نشعرررررررر
احلى تقييم لأحلى لهلوبة
ميغسيييييي ميغسيييييي حنونة كلش من يدك وااااااااااو عليه
بوساااااااتي ليكي

[ام سهام 02]

ماشاء الله حبيبتي الهام كلشي من عندك يشهي وراااااااااقي يسلمووووووووو ربي يعطيك عاى حساب نيتك الطيبة اااااااامين

[أم عبد الكريم]

وااااااااااااو يعطيك الف الف صحة يا لهلوبة

[عازفة الناي]

ماشاء الله رووووووووووووووووووووعة
دائما مبدعة

[tokio hotel]

مشاء الله عليك روعة

[samsouma70]

روعة يعطيك الصحة يا لفحلة ربي يخليك

[louli2007]

mmmmmmmmmmmmmm
ya3tik sahha
ychahhi

[ام رضوان]

الله الله عليك يا الفحلة ربي يعطيك ما تتمناي

[بصيرة2]

الله يبارك عليك وخمسة وخموس وربي يبقي عليك الستر
لهلوبة وحلوة وكريمة بوصفاتك

[أم شيماءْ]

هذا وين شفت الوصفة يشهي راني رايحة نديروضك :mh31::D

[leila-alger55]

44444444444444444444444444444444444444444444444444 44444444444444444444444444444444444444444444444444 44444444444444444444444444444444444444444444444444 44444444444444444444444444444444444444444444444444 44444444444444444444444444444444444444444444444444 4444444444

[zola70]

شكله يشهي شكرا لك وصفاتك مضمونة جربت عدة وصفات شكرا مرة ثانية

[ام نور الهدى 2014]

امممم ماشاء الله عليكي رووعة يسلمو ايديك
تحياتي ^_"

[samsouma70]

معليش عندي سؤال: في الوصفة الثانية قلتي 2 ياؤورت نديروهم في زوج نكهة الفراولة أو وحدة بلفانيليا و وحدة بالفراولة واش تقصدي بالضبط معناها ويناها الطريقة اللي درتيها
وشكرا مرة أخرى و ربي يحققلك اللي في بالك و يحبب خلقو فيك يا لعزيزة

[idron0]

ماشاء الله يعطيك الصحة

[nina.imy]

ممممممم شهيتي وانا نتوحم واش تساليني .يعطيك الصحة على البريوش وربي يعطيك ماتتمناي ودائما في انتظار ابداعاتك

[أم تيم الله]

رووووووووووووووووووعة بريوش يهبل

[om zayd]

Ma chaae ellah yaetik elsaha

[أم شيماءْ]

جربت البريوش وخرج اكثر من رائع والنتيجة ابهرتني نتمنى تجربوه يا البنات راهو هايل هايل
يعطيك الصحة الهامو يا كشرودتي الزينة :d:d:d:d:d

[رنيم مهدي]

بريوش يهبل يعطيك الصحة نموت عليه جزاك الله كل خير و إن شاء يشريولك واش تحبي

[أم امتنان]

هايل لوكان عندي زبدة راني ندت درتو درك وميش تع الخايبات تع الفحلات ههههههههههههههههههه

[amani38]

جاري تطبيق بريوش الخايبات
تخيلي راني مازال مدرتوش في داري على جال مكاش بيتران
روحي يا الهام الله يعطيك و يمنيك و يفرحك و يهنيك و و و و و

[ارزاق]

يعطيك الصحة وعلي قد نيتك الطيبة يرزقك راح نجربو لانو عندي ثقة في وصفاتك

[أم ريمة*]

ما شاء الله الوصفتين روعة ربى يعطيك ما تتمناى امين

[ام نجلاء]

ررررررررررررررررررررررررررررررررروعة يشهي
يعطيك الصحة

[sheherazed]

Y'a okhti 3awdi vérifié la re7 ta3ek pcq jarbteha dok w tebe3t Kamel les étapes w kharjtli catastrophe!la pâte jaria bzzzzzf ma tekederi diri biha walou!sûrement rki nassia knch étape Wells ghalta f mesure de farine!m sbah wna m3aha!chakwa batal

[madie]

http://nsa38.casimages.com/img/2015/04/24/150424024908814931.gif (http://www.casimages.com)

[anaris]

ملكة ملوك المعجنات شككككككككككككككرا عجبتنيطريقة التحمار يعني ممكن نستعملها مع باقي المعجنات

[أم نهال]

أنت أستاذة و ستبقين دائما أستاذة شكرا حببتي على الوصفة والشرح المفصل ربي يحفظك ويحفظلك صحتك آمين.

[fleur de lili]

merci beucoup ma fille illhem rabi yahfdek ya3tik ma tatmani
les recettes nta3ek kamel najhin bissifatti tres vieille dans la cuizine
les tkoule la recette mahiche najha defaut fiha mahiche fi illhem
illhemmmmmm je t aime tres fort

[sheherazed]

merci beucoup ma fille illhem rabi yahfdek ya3tik ma tatmani
les recettes nta3ek kamel najhin bissifatti tres vieille dans la cuizine
les tkoule la recette mahiche najha defaut fiha mahiche fi illhem
illhemmmmmm je t aime tres fort

Qui t'as donné la parole hbiba?!!!

[زينب 83]

الهام يا فنانة يعطيك الصحة يا لفحلة كي نشوف موضوع جديد ليك نموووووووت بالفرحة ، علابالي جبتي الجديد ، وصفاتك كلها ناجحة بدون استثناء ، لانك تمدي من قلبك ، الله يعطيك ماتتمناي حنونة ، راك موهوبة بكل المقاييس ، و انا وحدة من الناس نطبق وصفاتك من دون تخمام او تحريف لآني علابالي قبل ما توصل الوصفة لينا راك عدلتيها حتى تكون ناجحة 100 بالمئة ، واش نقولك و الله انك كنز كبييييييير في المنتدى ربي يخليك لينا و يفرحك على ديما

[فايزة1207]

وصفاتك نطبقوهم وعنينا مغمضين حبيبتي
الف شكر وربي يححفظ والديك اللي رباوك على العطاء

[ام فضيلة]

صدقا اختي الهام خانني التعبير ومالقيتش الكلمات المناسبة الي الي تليق بيك الا هذه الدعوة الصادقة من صميم قلبي الله يجازيك ويعطيك على قد نيتك الطيبة وقلبك الابيض وبالك الواسع على كل حرف تكتبيه وكل مجهود تبذليه في ايصال المعلومة بشكل مبسط الى اقصى حد ويرزقك من حيث لا تحتسبي ويحقق كل ما تتمنى ويحبب فيك خلقه اكثر واكثر اللهم امين اللهم امين اللهم امين يارب العالمين عللا بالي راكي تتعبي بزااف قبل ماتحطي اي موضوع ........اختي الرائعة انت في القمة والي يقول عكس ذلك ماهو الا حسود وغيور ...فلكي جزيل الشكر والامتنان والعرفان

[fleur de lili]

Ngoulek chkoune li madli la parole ya la vocate
le bon traveilles et la consiennce saine du chef illhem rabi yahfdha lina li yhabha bien surrrrrrrrrrrrrrr

[mimi souma]

الهام راني جربتو بصح ما خرجليش كيما ديالك جاتني العجينة جارية بواف ما قدرتش حتى نرفدها ودرت كيما قلتي 250 غ فرينة وكي طاب ما جانيش مقطن كيما ديالك

[*وردة الشرق*]

صباح الخيرات لهلوبة الحلوة امممممممم روعة رايحة نجرب الطريقة التانية مريحة واو انا نبقي نطرح في الطبقات ونحط بيناتهم زبدة لكن هكدا احسن كما نجربو نحطولك تشوفيه وقيميني يارب برك يخرجلي كما تاعك راهم ساحو لعابي عليه خاصة تاع الشكولا

دمت دائما متالقة يا لهلوبة الحلوة

[fafajomana]

شكرااااااااااااااااااااااااااااااااااااااااااااااا اااااااااااااااااااااااا

[نور اليقين 66]

اهلين الهام

كيما عودتينا دايما

رائع

رايحة نجربو بصح هكذا راكي حتمتينا نجربو الثانية لوكان خليتينا بالنية وخلاص وتقولي الاولى طرية كامل والثانية مقرمشة من برا

قلتي الفحلات امالا نجربو الثانية

نقعد برك ونجربها والحاجة المليحة انك تقدري تخبي العجينة حتى قبل ساعة ولا ساعتين وتطيبي
ربي يعطيك متتمناي يا الغالية كي نشوف وصفة ليك نفرح ونقول هاني زدت تعلمت حاجة اكيدة ومضمونة

[زهرة الريف*]

ربي يحقق كل امانيك يارب
اطباقك روعة ومتحوفة وبإذن الله نجربو

[hidayasoun]

ربي يبارك فحلة تاع الصح

[ome dadi]

سلام عليكم شكرا لكي اختي الهلم علي بريوش رني جربة وجني هايل وخفيف وجزكي الله خيرا

[imeny23]

شكرا على الوصفة اختي

[زينب 83]

هذا البريوش تاعك الهام راني طبقتو و الوصفة ناجحة و البريوش رائع و لذييييييييييييييذ فعلا حتى انو ابني قالي شميت ريحتو من برى

يعطيك الصحة الهام


http://www.m5zn.com/newuploads/2015/04/28/jpg//d0dca0f4f039b4d.jpg

http://www.m5zn.com/newuploads/2015/04/28/jpg//a6e062576b2fccd.jpg

http://www.m5zn.com/newuploads/2015/04/28/jpg//4dcf0c36dc32c7a.jpg

http://www.m5zn.com/newuploads/2015/04/28/jpg//f221048b2a61674.jpg

http://www.m5zn.com/newuploads/2015/04/28/jpg//736033d7d2a4f0f.jpg

http://www.m5zn.com/newuploads/2015/04/28/jpg//acd7638a156644b.jpg

http://www.m5zn.com/newuploads/2015/04/28/jpg//957fa47cd995f29.jpg



http://www.m5zn.com/newuploads/2015/04/28/jpg//d3824ba849adb68.jpg

[faty85]

انا نموت على البريوش وكنت كيفك بص درك الحمد لله صرت نطيبو كيما نتعاع يما يجي يفلق شكرااا على الموضوع اختي

[oum didou]

ما شاء الله رووعة جزاك الله خيرا 44444444444444444444444444444444444444444

[ام خالد اسلام]

اليوم برك لي شفت موضوعك حبيبتي يعطيك الصحة على كل المجهود لي تقومي بيه

[nadiatlemcenia]

الله يبارك رووووووعة
متالقة كالعادة لهومة
جزاك الله خيرا

[.1....2....1.]

ما شاااااااااااااااااااااااء الله عليييك دايما متالقة بوصفاتك الناجحو يا غالية
ربي يجازيك كل خير ياااااااااااااااااارب

[بثينة 2015]

جربتو وخرجلي هايل شكرا لكي على الوصفة

[koky 07]

رووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووعة

[افكار خياطة]

يعطيك الصحة

[دائمة الحمد]

هايل الهام يعطيك الصحة وصورتو مغرية

[oum didou]

جربت الوصفة الأولى جاني 444444444444444444444444444444444

[طالبة الجامعة]

ممممممممممممممممم الله يبارك تحفة يافنانة

[ام وائل فخر الدين]

جربت الوصفة الاولى و خرجت يمييييييييييييييييييييييييي و الله يعطيك ما تتمناي يا الهام

[gameshop]

ماشاء الله رائعة فعلا
بارك الله فيك على مجهودك

[OUM TAKIEDDINE]

ما شاء الله عليك ربي يباركلك في صحتك

[amel nadia]

اممم هايل يعطيك الصحة

[كاميلياس]

روعة كالعادة يعطيك الصحة

[Hànà2 Ben]

يعطييييك الصحة

[fati13]

ماشاء الله يعطيك الصحة

[soltanabelkiis]

yeslamouuuuuuuuuuuuuuuuuuuuuuuuuuuuu

[serine mouloudi]

ما شاء الله خرجلك روعة

شكرااااااااااااااااااااااااااا على الوصفة
دائمااااااااااااااااا متالقة

[khadidja hameurlaine]

يعطيك الصحة

[كاميلياس]

يعطيك الصحة جربت الوصفة الثانية جات روعة

[حسيبة2010]

ماشاء الله يعطيك الصحة يا إلهام دائما مبدعة
راني احتفظت بالوصفة للإعتماد أكيد ماشي للتجريب
وليدي يموت على البريوش نحضرها في أقرب فرصة ... و ربي يعطيك ما تتمناي

[amel62]

امممم شعال نحب البريوووووووووووشششش روعة اختي

[أم مبين]

هاااااايل تبارك الرحمن يعطيك الصحة

[kadery2085]

ربي يجازيك كل خير ان شاء الله

[REMIL INSTUM]

والله يااخت وفيت وبركت ربي يعطيك ماتتمناي

[om asma]

اممممممممممممممم هايل يعطيك ربي ماتتمناي

[tonia]

7777777777777777777777777777777

[1parisienne]

Je prends ça pour le petit déjeuner ils appellent pAin au raisin en France par contre vous vous n'avez pas mis le raisin sec

[oum kamel]

Emm Hayel nmout 3la les brioches yaatik essaya y'a lahloubat le mountada

[anais lily]

يعطيك الصحة

[ميار الرحمة]

شكرااااااااااااااااااااااااا لك اختي على هذه الوصفة

[شقراء]

يعطيك الصحة ياالشاطرة وربي ايفرحك
اسلوبك في كتابة المواضيع اشباب

[سائلة عفو ربها]

ماشاء الله ربي يبارك

لازم نجربوا

جزاك ربي كل خير

[lojain88]

رووووووعة ماشاء الله

[maya1913]

رووووووووووووعة يا اختي العزيزة بعطيك الصحة ضك نجربو

ربي يجازيك كل خير ان شاء الله

[rayen73]

Allah eybarek fik

[imy 26]

جزاك الله خيرا

[ام هبة العاصمية]

لهههههههههههههههههههههههههلووووووبة مبدددددددعة بامتياز

[رنيم مهدي]

روعة بريوش يبان بنين خاصة محشي يعطيك الصحة

[دموع تائبة]

يعطيك الصحة يا لهلوبة
حوايجك نديرهم وعينيا مغمضين

[أم إناس]

بسبوسة. يابسبوسة هذا. بريوش. امممممممممممممممممم
يعطيك الصحة. ياالبسبوس
اممممممممواح

[oumayoub19]

Yaatik saha ana nmout 3la les recettes ta3k mmmmmmmmmm tjr. topppppppppp

[سوسين]

ولا اروع يعطيك الصحة

[نعوم32]

هايلين يعطيك الصحة

[faryal zahira]

ما شاء الله رووعة جزاك الله خيرا و ربي يحفظك و يعطيك ما تتمني

[ام اليمان]

واشنو هذا يعطيك الصحة 444444

[نهلة25]

walh a3tik sa7a chahitini w finalement lguit les recettes li 7eba mrcccc

[ميمي مازوني]

ووووووووووووووووووووووووووووووووووووووووووواوووووو ووووووووووووووووو يبان شباب بزاف غدوة ان شاء الله نسيييه ونردلك لخبار

[oumfares]

شكرا على الوصفة مواضيعك تعجبني دائما

[دائمة الشكر]

اختي الهام جربت البريوش جاني روعة سلمت يداكي اختي بارك الله فيكي
عاودتو ثلاث مرات روعة ههههههه

[ام احمد اسامة]

امممم شهيتيني شكرًا لك

[أم رقية نسرين]

ربي يعطيك ما تتمنااي نمووووووووووووو ت على االبريوش

[zouzou99]

ما شاء الله رووعة جزاك الله خيرا و ربي يحفظك و يعطيك ما تتمني

[ندى الحياة69]

واااااااااااااااااااااااااااااااو الله يبارك ربي يخليك

[salwa78]

واو كي نلقى الهام 07 لازم ندخل خاطر اكيد كاينة وصفة هايلة في الاجواء و تعليقات و لا اروع شكرا يا لميمة

[messaoudiKanza]

ya3tik saha raw3a

[ام فائزة]

شكرا اختي الهام راني نحبك بزاف كل وصفاتك تعتبر صدقة عليك ربي يخليك حبيبتي

[zineb hadjira]

ya3tik sa7aa

[oum sidou]

جزاك الله خيرا روووووووووووووعة

[holitchi]

ما شاء الله رووعة جزاك الله خير

[oumefiras]

ابداع يا شاف كل مرة تفاجئينا بوصفات روعة تخلينا مانلقاو كلمة توفيك حقك غير ربي يعطيك ما تتمناي

[RIMA.87]

بارك الله فيك اختي الهام 07،
اممممممم يشهي

[روضة من رياض الجنة]

يعطيك الصحة على الوصفة والنصائح لي رهي تفيدنا بزاف بزاف شكرا لك

[توكل]

الله يعطيك الصحة

[mimo mimo]

merci bien

[هندة 74]

برافوووووووووا عليك الهام يالهلوبة مايتخافش عليك يشهوا وباذن الله نجربهم نعطيك تقيييمي لانهم الوصفتين يستاهلوا صح

[*أروى*]

يعطيك الصحة

[طبيبة سمية]

يعطيك الصحة يا الفحلة

[Black Tulipe]

ما شاء الله رووعة جزاك الله خيرا

[زهرة الريف*]

يعطيك الصحة يالفحلة كلش من عندك فور
روحي ياالهام ربي ينور دربك ويسرلك أمرك ويحقق امانيك

[tenereza]

جوعتيني منين راح نجيبو انا في هذ الوقت ههههه
يعطيك الصحة اختي

[fatisousou]

خموس عليك اهبل خرجولك ماشاء الله شكرا لك

[aminanona03]

يعطيك الف صحة لهوبة

[أمة المجيب]

بيناتنا نفضل الطريقة الأولى أسهل، يعطيك الصحة أختي على كل ما تقدمينه من وصفات

[zhour29]

ماشاء الله يعطيك الصحة والعافية

[samoura1973]

44444444444444444444444444444444444444444444444444 44

[fofa08.ss]

يعطيك الصحة

[manargaffour]

رايح نجربه وعينيا مغمضين لاني اثق في وصفاتك سبق وان جربت الملدلان وخرجلي روعععععععععععة

[fatisousou]

يعطيك الصحة خرجولك 444444444444444 شكرا لك

[حنين فتـاة]

شكرا لك اختي المبدعة الهام انا كنت ندير البريوش العادي ان شاء الله في اقرب وقت نجرب هاد الطريقة

[الجنة الجنة]

لي عودة للتطبيق ان شاء الله

[ام ملاك الصبور]

رووووووعة رائحة البريوش وصلت عندي امممم رلئع يعطيك 1000 و 1000 صحة يا لهومة الشطورة bravooo

[zozozahra]

مممممممممممممممممممممممممممممممممممممممم هايلة

[راجية عفو العفو]

ماشاء الله روعة يعطيك الصحة
اختي مافيهش السوائل من غير دانون يعني معمليش لا ماء ولا حليب ؟ وشكرا ارجوتجاوبيني لانو جاري التطبيق

[fatisousou]

ماشاء الله اخرجلك روعة

[جنة الفردوسْ]

مشاءالله تسلم يديك

[رزيقة16]

ياراك الله فيك راهم اشهو نجربوهم نشالله

[أ م ساجد وسيم]

ريحة لحقت حتى لعندي يعطيك الصحة هاااااااايل

[رحمةز]

امممممممممممم ياسلام شهيتيني يعطيك الربح

[الشيف توتي]

بريوش روعة يعطيك الصحة

[la dune dore]

جربتو في الحال جاني خفيف لكن رحة الخمارة باينة ممكن نسنبدل يغرت فرز بفانيلا يظهذلي احسن ويرضي الكل

[ماماخالد]

فنانة الله يعطيك الصحة

[milifati]

فحلة ونص والله لتعجبيني بزاف ربي يحفظك من العين

[sarah ab]

http://wow.mrkzy.com/smiles/funnys/7.gif (http://www.mrkzy.com/) يعطيك الصحة

[نور2011]

روعة يعطيك الصحة

[karima tati]

ممممممم روعة

[توام روحى]

فتحتى نفسى تسلم ايديك يا قمرايه

[fatisousou]

رووووووووووووووووعة ربي جازيك

[أم سدرة]

اممممم يسلمو ايديك شهيتيني

[سامية الاخلاق]

رائع جداا
جزاك الله خيرا

[idron0]

جزاك الله خيرا

[أم عبدو1]

يعطيك الصحة رائع غير شفتو سخفت عليه ورحت نجري نخدمو رررررررروعة

[maram 03]

شكرا اختي
البارح جربتها وجات ماشاء الله

[hibita]

ychahi ya3tik sahaaaa

[طالبة مساعدة]

يا اختي واش نقولك الله يعطيك على حسب وصفاتك تحفةجربت الطريقة الاولى وجاتني تحفة الله يعطيك ما تتمناي

[JINANE2012]

السلام عليكم يعطيت ألف ألف عافية أتحفتينا و الله شكرل لكي جزبل الشر رلئع

[oum kholoude]

شكر ا جزيل الشكر على الوصفة ربي يخليك دائما متالقة وفي القمة يا رب ويحفظلك لعزاز عليك يا رب

[حياة مليزي]

واش نقاك يا اختي بارك الله فيك روعة و مبدعة رابي يحفظك من العين

[إلهام07]

يا اختي واش نقولك الله يعطيك على حسب وصفاتك تحفةجربت الطريقة الاولى وجاتني تحفة الله يعطيك ما تتمناي

جربتو في الحال جاني خفيف لكن رحة الخمارة باينة ممكن نسنبدل يغرت فرز بفانيلا يظهذلي احسن ويرضي الكل

يعطيك الصحة رائع غير شفتو سخفت عليه ورحت نجري نخدمو رررررررروعة

شكرا اختي
البارح جربتها وجات ماشاء الله

ماشاء الله روعة يعطيك الصحة
اختي مافيهش السوائل من غير دانون يعني معمليش لا ماء ولا حليب ؟ وشكرا ارجوتجاوبيني لانو جاري التطبيق


رايح نجربه وعينيا مغمضين لاني اثق في وصفاتك سبق وان جربت الملدلان وخرجلي روعععععععععععة

اختي الهام جربت البريوش جاني روعة سلمت يداكي اختي بارك الله فيكي
عاودتو ثلاث مرات روعة ههههههه

يعطيك الصحة جربت الوصفة الثانية جات روعة

جربت الوصفة الاولى و خرجت يمييييييييييييييييييييييييي و الله يعطيك ما تتمناي يا الهام

جربت الوصفة الأولى جاني 444444444444444444444444444444444

جربتو وخرجلي هايل شكرا لكي على الوصفة

هذا البريوش تاعك الهام راني طبقتو و الوصفة ناجحة و البريوش رائع و لذييييييييييييييذ فعلا حتى انو ابني قالي شميت ريحتو من برى

يعطيك الصحة الهام


http://www.m5zn.com/newuploads/2015/04/28/jpg//d0dca0f4f039b4d.jpg

http://www.m5zn.com/newuploads/2015/04/28/jpg//a6e062576b2fccd.jpg

http://www.m5zn.com/newuploads/2015/04/28/jpg//4dcf0c36dc32c7a.jpg

http://www.m5zn.com/newuploads/2015/04/28/jpg//736033d7d2a4f0f.jpg


سلام عليكم شكرا لكي اختي الهلم علي بريوش رني جربة وجني هايل وخفيف وجزكي الله خيرا

الهام راني جربتو بصح ما خرجليش كيما ديالك جاتني العجينة جارية بواف ما قدرتش حتى نرفدها ودرت كيما قلتي 250 غ فرينة وكي طاب ما جانيش مقطن كيما ديالك

جربت البريوش وخرج اكثر من رائع والنتيجة ابهرتني نتمنى تجربوه يا البنات راهو هايل هايل
يعطيك الصحة الهامو يا كشرودتي الزينة :d:d:d:d:d


مشكورات حبيباتي على الثقة في وصفاتي وبصحتكم كامل البريوش
الاخت اللي قالت جاها البريوش جاري ممكن يكون الكيل نتاعك ماشي قدقد لو كان فقط زدتي شوية فرنية وانتهى المشكل
الاخت اللي حبت تغير نوع الياوورت نقولك ماكثرتيش الفاني فقط ولك الاختيار في النكهة اللي حبيتي

تحياتي للجميع وبصحتكم البريوش :mh31:

[ام نور الهدى 2014]

واااع الهامو رجعت و الله ليك وحشة و لسرقاتك و لوصفاتك طل القمر
^_"

[نسمة الورود]

بارك الله فيك لهلوبة ربي يخليك ويجازيك ياااارب

[amine2_2]

يشهوا يعطيك الف صحة

[سوريانا]

بطني الصغير لا يتحمل

[chermine]

جرتو زوج مرات و مصلحليش ة من فضلك الهام شوفيلي وين راه المشكل ة مرة الثانية خرجلي بريوش بصح كيما الخبز لااااااااااااااااااااا علاقة مع الصور دياك


الاخت زينب من فضلك ساعديني انت جربتيه

[سوسو المغتربة]

اممممممممم يشهيييييييييييييييييييييييييييييييييييييييي
رووووووووووووعة

[إلهام07]

جرتو زوج مرات و مصلحليش ة من فضلك الهام شوفيلي وين راه المشكل ة مرة الثانية خرجلي بريوش بصح كيما الخبز لااااااااااااااااااااا علاقة مع الصور دياك


الاخت زينب من فضلك ساعديني انت جربتيه
ماتفشلينيش كيفاش يخرج خبز يابنتي والله العظيم غير احسن وصفة بريوش ذقتيها في حياتك راهو روووووووعة
بالاك نشفتي العجين أو ماخمرتيهش مليح مانيش فاهمة واش درتي :confused::confused::confused::confused:
والله ومانكونش واثقة من الوصفة ألف في المية مانحطها وهذي الوصفة حطيتها في قروب في الفايس بووووك دارو بيها حالة وكامل قالولي عمرنا لا جربنا كيما هذي الوصفة الرائعة
مافهمتش راجعي روحك واش درتي حطيتلكم كل النصائح :confused:
وهنا راني درتو عندو أيام فقط والله لحسوه فيه طعم الكرواسون والبان سويس اللي يتباع بنين يهبل وريحتو مممممممممممم :
http://www.up.djelfa.info/uploads/146628562241061.jpg

[aom islam]

لهلوبة يالهلوبة هبلتينا معاك
يعطيك الف الف صحة راح انجربها ان شاء الله
بارك الله فيك

[ايمان نور الجزائر]

بارك الله فييييييييييييييييييييييييييييييييييييييييييييييييي يييك

[ام هند]

بارك الله فيك

[selma_24]

T3ichiiii Allah y3tiksa7a yalfahla :* :* :*

[الاريام]

يعطيك الصحة اخت الهام علىما تقدمينه عندي ملاحضة فقط على مارغرين التوريق او اي مرغرين متواجدة في السوق هي زيت النخيل مهدرج كان يستعمل في السابق لاطعام الدجاج لانه ارخس زيت في العالم و اخطره على الصحة لكن لوحض ان الدجاج بدا يصاب باورام و يموت بعد هدا صارو يصيفون عليه منكهات و عطور و ووجهوه الى الانسان ليصبح مرغرين تستعمل في الطبخ و سمن ووو نجدة في تقريبا 90بالمءة من الاطعمة انا احاول دايما ايجاد البديل لعايلتي توقفنا عن الاكل خارجا واحاول عمل كل شيء في البيت لهدا السبب و اكثر ولانكي قلتي انكي لا تستغني عن بريوش المورق في البيت اردت فقط النصيحة فعندما تضعين علبة مارغرين خارج الثلاجة لا تفسد و لا تحوم عليها الحشرات كدلك بعص الاجبان و هدة هي التي يجب الابتعاد عنها لانها ليست طبيعية فيمكن تشبيهها بايدابة ساشي او قطعة بلاستيكية و اكلها كدلك الدهن المهدرج لا يدوب في الجسم بل يجب شفطه نشالله نكون افدت ولو بالقليل تقبلي مروري

[ام غازي]

الله يسعدك يا الهام مثل ما تسعدينا بوصفاتك الطيبه . و جاري التطبيق بإذن الله

[إيزابيل]

مممممممم هايل حنونة ربي يبارك

[إيزابيل]

يعطيك الصحة اخت الهام علىما تقدمينه عندي ملاحضة فقط على مارغرين التوريق او اي مرغرين متواجدة في السوق هي زيت النخيل مهدرج كان يستعمل في السابق لاطعام الدجاج لانه ارخس زيت في العالم و اخطره على الصحة لكن لوحض ان الدجاج بدا يصاب باورام و يموت بعد هدا صارو يصيفون عليه منكهات و عطور و ووجهوه الى الانسان ليصبح مرغرين تستعمل في الطبخ و سمن ووو نجدة في تقريبا 90بالمءة من الاطعمة انا احاول دايما ايجاد البديل لعايلتي توقفنا عن الاكل خارجا واحاول عمل كل شيء في البيت لهدا السبب و اكثر ولانكي قلتي انكي لا تستغني عن بريوش المورق في البيت اردت فقط النصيحة فعندما تضعين علبة مارغرين خارج الثلاجة لا تفسد و لا تحوم عليها الحشرات كدلك بعص الاجبان و هدة هي التي يجب الابتعاد عنها لانها ليست طبيعية فيمكن تشبيهها بايدابة ساشي او قطعة بلاستيكية و اكلها كدلك الدهن المهدرج لا يدوب في الجسم بل يجب شفطه نشالله نكون افدت ولو بالقليل تقبلي مروري يعطيك الصحة اختي على النصائح القيمة

[ايمان ايمانو]

يعطيك الصحة حبيبتي

[فاصلة]

يعطيك الصحة بارك الله فيك

[سميرة1]

اليوم نجربه و نرد الخبر بإذن الله
من الوصفة باين ناجح
بارك الله فيك

[noriss]

يعطيك الصحة

[Issra Alger]

واااااو تحفة والله يعطيك الصحة تسلم ايديك

[amaniam]

ما شاء الله

[الجزائريه]

ماشاء_الله

[Svchost]

عطيك الصحة شكرا على الوصفه

[أميرة الورووود]

يعطيك الصحة
شكرا لك

[هناء 16]

الله يبارك يعيشك ربي ان شاء الله و تعلمينا كمان و كمااااااان

[aicha 22]

شكرا على الوصفة
يعطيك الصحة

[princesse18]

يشهي يعطيك الصحة

[همس الحروف]

يعطيك الصحة اختي نسقسيك لازم زبدة التوريق ولا اي زبدة تصلح

[ام وعود]

يعطيك الف 100 صحة والله روعة انا نخدم البريوش وجيني خفيف لاكن نتاعك احسن ربي يجعلها في ميزان حسناتك على الشرح المفصل اكيد راح النجربو

[mixicali]

ما شا ء الله الله يعطيك الصحة

[ikram08]

يعطيك الصحة

[JOURI 1981]

وااااااااااااااااو شهيتينا

[JOURI 1981]

:mh31::mh31::mh31::mh31::mh31:

[akram_zin]

jake hayel yaatik saha :mh31:

[princesse18]

ما شاء الله روعة

[hasna2016]

رووووووووووووووعة

[tafat]

baraka allaho fik

[manoulamarina]

يعطيك الصحة مشكوورة

[houdanet]

Comme un excellent travail jusqu'à ce que la salive a commencé à descendre

[sawan]

Rabi yahafdek lahoba

[sawan]

سلام ربي يحفظك .قوللي درت ملح مع يايوغت ومكونات غلطت باش نديره مع فرينة هل هاد ياثر علي بريوش راني نستن في رد تاعك

[naiissou89]

والله تنحيلي على بالي ربي يبارك فيك بصح انا ندير بريوش الخايبات لخطراكش نحب بريوش طري

[عبـد الحميد الجزائري]

بارك الله فيك

[ناديا93]

يعطيك الصحة اختي الهام حبيت نسقسيك لعندك فيس بوك وواش اسمو

[TOFNINE]

السلام عليكم درتو اليوم جاني تحفة يعطيك الصحة .

[شمس بريكة]

http://montada.rasoulallah.net/uploads/monthly_07_2011/post-25052-0-67290800-1311503393.gif

[الوتر الحزين]

بارك الله فيك

[معلمة03]

يعطييك الصحة راني جربتو عدة مرات ما صلحلي
ما عدا وصفة حورية المهم نجرب وصفتك و ان شاءاالله ننجح فيها

[شمس بريكة]

للمرة الثالثة نجربو ما يصلحليش يخرجلي ثقيل

[Mouna Amrani]

ooooooo hayal:19::19::):););)176310200.jep

[bara dalel]

واو يعطيك الصحة

[widada111]

متألقة كالعادة 44444444444444444444444444444444444444444444

[* ام زينب *]

merciiiiiiiiiiiiiiiiiiiiiiiiiiiiiiiiiii

[somaia1999]

تحححححححححححفة

[Lyne ramdani]

يشهي يا لهلوبة من فضلك اعطيني حسابك تع الفايسبوك

[نيفرتيتي.]

يعطيك الصحة وربي يبارك في صحتك

[~ ساندي بل ~]

ما شااء الله يعطيك الصحة

[amel62]

روعة يعطيك الصحة

[الاميرة سميرة]

الله الله على البريوش اللذيذ راه يشهي يا لهلوبة يعطيك الصحة اختي:mh31::19:

[افكار خياطة]

وصفاتك كلها في القمة ربي يحفظك

[نور لمين]

يعطيك الصحة

[اميرة باخلاقي 00]

بارك الله فيك اختي

[bienetresurterre]

:sdf::sdf::sdf::sdf::sdf:هايل يعطيك الصحة يالهلوبة

[ناني29]

بارك الله فيك

[انا هي رزيقة]

واو ...مشاء الله عليك الهام بريوش تحفة فعلا......

[سر البقاء]

يعطيك الصحة انت صح لهلوبة