فأر في السيارة ما العمل؟

[mariana1]

السلام1

لي سؤال غريب نوعا ما غِبتُ عن الوطن وأضطررت أن أترك سيارتي في مرآب ( قاراج) جاري لكن المفاجأة عندما استرجعتها وجدت بقايا وفضلات فأر فقمت بتنظيفها شخصيا لكن في الغد وجدت البقايا والفضلات مرة أخرى فعلمت أن الفأر في السيارة علما أنه أكل أجزاء من فراش لامال .
مــــــــــــــــــــــاذا أعــــــــــــــــــــــــــــــــــــــــــــــــ ـمـــــــــــــــــــــــــــــــل؟:sdf::sdf::sdf:
لكم مني جزيل الشكر

[bfares13]

السلام عليكم ورحمة الله وبركاته
من الأرجح أنه فأر صغير
ولذلك عليك إستعمال الغراء اللاصق الخاص بالفأران وذلك فوق قطعة من الخشب

[سميرة3940]

اشري لصقة الفار و ديرلو كمين كيف ذلك ؟
ساقول لك و هذه عن تجربة دير لصقة في قطعة كرطون ومن الاحسن قطعة ياجور و ضع بها اللصق مع حبات من الكاوكاو تكون طايب مليح
هذك الريحة تع الكاوكاو تجذب الفار

[halouma tita]

أنا أنصحك بان ترش الفلفل الأحمر الحار
في كل مكان من السيارة الى أن يختفي أثار الفأر

[smahi_hb]

واعر الحال ...
الحقيقة واش نقولك ..ربي وزهرك..... اذااااااا كان فار تاع الهيه، بالاك مايفسدش بزاف(ترانكيل) ،واذا كان فار تاع هنا؟؟ ...ياو رايح ادير زبايل كبار..ياكل كلش (لخيوط تع تريسيتي،ليكوسان،ليطابي...مايخليلك والو)...فالحالة هذي تقدري تتاصلي بمسيو طوم اجيبلك لكيب تاعو وحطيهم داخل لامال ...بالاك ينفعو.

[mariana1]

السلام عليكم ورحمة الله وبركاته
من الأرجح أنه فأر صغير
ولذلك عليك إستعمال الغراء اللاصق الخاص بالفأران وذلك فوق قطعة من الخشب

بارك الله فيك وجزاك الله خيرا على الاجابة

[mariana1]

اشري لصقة الفار و ديرلو كمين كيف ذلك ؟
ساقول لك و هذه عن تجربة دير لصقة في قطعة كرطون ومن الاحسن قطعة ياجور و ضع بها اللصق مع حبات من الكاوكاو تكون طايب مليح
هذك الريحة تع الكاوكاو تجذب الفار
جزاك الله خيرا فكرة رائعة لكن زوجي أحضر قمحا لكن لم أنتبه ووضعته وبعدها إنتبهت أنه يمكن أن يموت في أي مكان ويفوح الله يستر وبعدها
سأشتري هذه اللصقة هل هي مخصصة لقتل الفئران أو أي لصقة؟

[mariana1]

واعر الحال ...
الحقيقة واش نقولك ..ربي وزهرك..... اذااااااا كان فار تاع الهيه، بالاك مايفسدش بزاف(ترانكيل) ،واذا كان فار تاع هنا؟؟ ...ياو رايح ادير زبايل كبار..ياكل كلش (لخيوط تع تريسيتي،ليكوسان،ليطابي...مايخليلك والو)...فالحالة هذي تقدري تتاصلي بمسيو طوم اجيبلك لكيب تاعو وحطيهم داخل لامال ...بالاك ينفعو.
والله ضحكتني راني رايحة نبعث أنفيتاسيون لتوم وأصحابو حتى نشوف واش يديرو فيها ، اللي خايفة منو الماكلة أنتاع الخيوط
شكرا للإجابة

[mariana1]

أنا أنصحك بان ترش الفلفل الأحمر الحار
في كل مكان من السيارة الى أن يختفي أثار الفأر

جزاك الله خيرا وبارك الله فيك على الاجابة والفلفل الحار مرحي ولا روس؟

[الطائر1]

ضع كمية من النعناع داخل المكان الذي تشك أنه موجود فيه فرائحة النعناع تطرده من مكان إقامته .

[ياسين 05]

اول مرة نسمع بعفايس جدد لطرد الفار منكم نتعلم
هههه وخاصة حكاية الفلفل والنعناع

[عبدالقادرب]

[QUOTE=smahi_hb;3993250449][size=5]واعر الحال ...
الحقيقة واش نقولك ..ربي وزهرك..... اذااااااا كان فار تاع الهيه، بالاك مايفسدش بزاف(ترانكيل) ،واذا كان فار تاع هنا؟؟ ...ياو رايح ادير زبايل كبار..ياكل كلش (لخيوط تع تريسيتي،ليكوسان،ليطابي...مايخليلك والو)...فالحالة هذي تقدري تتاصلي بمسيو طوم اجيبلك لكيب تاعو وحطيهم داخل لامال ...بالاك ينفعو.[
ههههههههههههههههههههههههههههههههههههههههههههههههه

[staifia]

هههههههههههههههه

[بوسماحة 31]

عليك بأخد السيارة الى محطة غسل السيارات lavage واعادة غسلها وتنظيفها جيدا ............
أو عند ميكانيكي سيارات فهو يعرف أين يمكن للفأر أن يختبئ .........................؟؟؟

[المكارم]

السلام عليكم ورحمة الله وبركاته

اغلقي باب المرآب وجميع منافذ التّهوية + افتحي جميع أبواب السيارة

بما فيها الباب الخلفي وغطاء المحرك ثم رشّي قارورة كاملة من مبيد

حشري داخل السيارة ، في الصباح ستجدين الفأر ميتا في زاوية من زويايا المرآب

ملاحظة .. السيارة لن تكون صالحة للإستعمال قبل 3 أيام على الأقل

تحيتي

[anfale 86]

السلام عليكم في رأيي أن انسب طريقة و انجعها لطرد الفئران هي باحضار قط (توم كيما قالولك)ضعيه في السيارة و اغلقي كل المنافذ لكي لا يخرج و الفار عندما يشم رائحة القط يهرب و ان شاء الله تتحل مشكلتك لأن الفأر لا يترك شيئا إلا أكله

[ام البنتين]

افضل و اسهل طريقة للقضاء على الفار في هذه الحالة هي الغراء او اللصقة روحي عند الكانكايري و قوليلو اعطيني اللصقة تاع الفار راهي دير 11 الف فقط حطيها فوق كارتون خشين و حطي بحذاها قطعة فرماج او كاشير و اغلقي السيارة . ذرك تشوفي النتيجة في الغد تلقايه لاصق مسكين و عينيه مفتوحين و ما يقدرش يتحرك والله راح يغيضك خاصة اذا كان فار صغير. جربي و رديلنا الاخبار

[mouhaned]

ساهلة جيب قط و لا قطة و خليه يبات الداخل

[mariana1]

بارك الله فيكم جميعا أخذت السيارة لى المنظف وقال مافيها والو , أما نغلق المرآب ونفتح أبواب السارة ماعنديش مرآب، أما السيد توم فالشارع معمر بقبيلة توم جميعا ولاد توم ومرتو وولاد ولادو راني شريت اللصقة ونجربها وردلكم لخبر وجزاكم الله خيرا جميعا

[mouhaned]

الله يبارك ماريانا لديك حس فكاهي رائع

[mariana1]

الله يبارك ماريانا لديك حس فكاهي رائع
شكرا لك أخ محند والله الفار خلني نعبر

[mariana1]

شكرا لكم جميعا ووعدتكم باش نرجعلكم خبر ودرت الفكرة أنتاع الأخت سميرة وخرجت صواب وهذي صورتو مسكين http://store1.up-00.com/2015-04/1429704833551.jpg

[smahi_hb]

شكرا لكم جميعا ووعدتكم باش نرجعلكم خبر ودرت الفكرة أنتاع الأخت سميرة وخرجت صواب وهذي صورتو مسكين http://store1.up-00.com/2015-04/1429704833551.jpg




صفي هذا هو لاكتور تاع هذا المسلسل كامل؟ معلابالوش مسكين بلي الزاير كامل كانت اتحوس عليه .... نهاية مأساوية لمحارب