حقرنا المدير حسبنا الله ونعم الوكييييييييل

[bipasha]

سلااااااااااااام خاوتي وخواتاتي
انا وزميلاتي في متوسطة في المسيلة رانا نعانيو من ظلم كبيييير حنا بنات العقود وكانن جواري وعبيدات :mad:
المدير والمراقب العام يشتمونا ويهدو فينا بالفصل كشغل رانا نخدمو في رزقهم الخدمة من الاحد للخميس يوميا وقالولنا لي مش عاجبها الحال تتبدل :eek: والاساتذة والعمال لي معانا كامل يشهدو بللي خدامات وعلى اكمل وجه
مفهمناش علاش حابين يتلفونا من المؤسسة كي سمعو بالادماج باه يجيبو صحابهم وحبابهم :confused:
المهم شيخو علينا وش نديرو نقدرو نشكو لمدير التربية اسكو عندنا الحق ولا لا

[أبو عبيده الغزاوي]

شتم ؟ ينعل الراسا تع لي رباوه ........عندك خوك ولا ابوك يروح يكسرلو راسو عند الباب و يربيه احسن تربية ؟

[الدنيا]

نعم اختي اكتبو فيه لمديرية التربية حتى واحد ماتاع باباه من حقكم تتعاملو معاملة حسنة

[amine eco]

اشكي بيه اضرييه روديلو هدرة ................سوف تعاملون بطريقة حسنة

[hussam19]

الصبر حتى يرزقكم ربي زوج صالح يهنيكم من التبهديل

[أحمد زابانة]

أختي الكريمة أكتبوا تقريرا مفصلا عن جميع التصرفات الغير قانونية و التعسفية و تقوم جميع زميلاتك بالإمضاء عليه و أرسلوا نسخة إلى مديرية التربية و نسخة إلى الوظيف العمومي و نسخة إلى مفتشية العمل و نسخة إلى مديرية التشغيل ........ فإن لم يحصل تحرك عليكم بالغرفة الإدارية في الإستعجالي لكن من الأفضل أن تقفوا جميعا يد واحدة و كلما كان العدد كبير كلما تتهلك عليهم خاصة مسألة الشتم .

[mouhaned]

المشكلة يا اخوتي ليس في اجراءات رد الفعل لهذه البنات و لكن المشكل هو اتنهاء عقدهن قبل التجديد الذي هو من صلاحيات المدير وحده الذي يقصد ذلك و عندها ستذهب شقاء و جهد البنات ادراج الرياح و عند الحديث عن الشكوى تقولونها و كانكم في فلوريدا انتم في الجزائر كلش يمشي و تاكدي ان هناك ادماج فاصبري و رابطي ولك الفرج باذن الله

[كايزاك]

شتم ؟ ينعل الراسا تع لي رباوه ........عندك خوك ولا ابوك يروح يكسرلو راسو عند الباب و يربيه احسن تربية ؟

لأنه لا يوجد حل ... أنصحك بما يقول أبو عبيدة
خلي خوك يعطيلو طريحة البرا في الشارع ... و الله مايزيد يتنفس معاك

[حمزة الجنوبي]

ننصحك ديري ركعتين من قلبك وادعي عليهم ان يجمدالله في عروقه حتى يتمنى الموت فلا يجده
.... انا حقرني المدير دعيت عليه راهوفي حاله خطيرة جدا

[said-113]

اتوضاي و صلي ركعتين و ادعي دعوة لربي .. يصرف عليكم هدا البلا .. و ادا لم يهده الله بعد ايام .. م عليلك الا بنصيحة الاخ زبانة * اختي الكريمة أكتبوا تقريرا مفصلا عن جميع التصرفات الغير قانونية و التعسفية و تقوم جميع زميلاتك بالإمضاء عليه و أرسلوا نسخة إلى مديرية التربية و نسخة إلى الوظيف العمومي و نسخة إلى مفتشية العمل و نسخة إلى مديرية التشغيل ........ فإن لم يحصل تحرك عليكم بالغرفة الإدارية في الإستعجالي لكن من الأفضل أن تقفوا جميعا يد واحدة و كلما كان العدد كبير كلما تتهلك عليهم خاصة مسألة الشتم . .. صدقيني الامر محسوم كله في يد المدير و يمكنه ان يقصيك من العقد

انا من جنوب المسيلة .. كاين بنات مسجلين عقود في كامل مؤسسات تربوية تاوعنا و هم من اللبلديات المجاورة و الله يجونا غير مرة في كل شهر من اجل البوانتاج فقط و تروَحِ لدارهم .. و حتى بنات بلديتي يخدمو بالنفحة برك .. راقدة و تمونجي ...... الصبر ثم الصبر يا خواتاتي

[ararmed]

الصبر حتى يرزقكم ربي زوج صالح يهنيكم من التبهديل

أميـــــــــــــــــــــــــــــــــــــــــــــــ ـــــــــــــــــــــــن

[hicham bahi]

انا في راي ما تشكي بيه ما ولو وما ترديلو الحديث لانه لوكان اديركم بين عينيه رايح يفسخلكم العقد في رايي اخدمو كيما حاب هو كيما يقول المثل حب الكلب من فوم تقضي صالحتك منو واحسن شيء في هذيي الدنيا انك تدعي ربي في الثلث الاخير من الليل لانه من يتقي الله يجعل له مخرجا ويرزقه من حيث لا يحتسب امشوا كيما هو راه حاب الى ان تقوض صوالحكم منو ممكن اجي اندماج ولا كونكورد وتتهناو منو وتعودو تفتكروا في هذه الايام ربي يفرج عليكم وعلينا امين اجمعين.

[tito.b]

ارفعي شكوى للدرك الوطني بسبب الشتم و التحرش و تشوفي كيفاش يتبهدل و نتي تضحكي

[جمال بيك]

ارفعي شكوى للدرك الوطني بسبب الشتم و التحرش و تشوفي كيفاش يتبهدل و نتي تضحكي

عندك الحق لازم المعاملة بالمثل من اجل رد الاعتبار

[ghostmadridf]

يا اخي اصبري
لكن احذري و الشكوى لدي مديرية التربية لانه هناك تسلسل لازم تشتكي لمسولك و بعدها المدير و من ثم مدير التربية نصيحة غير خطيك قاع متفاهمين

[bknani]

ختي حقك في التحويل و متذلوش رواححكم بزاف انا من مسيلة و منخدمش نخدم يوم في السمانة نروح نشوف ....وش اسمها المتوسطة!!!

[اربعاء]

سلااااااااااااام خاوتي وخواتاتي
انا وزميلاتي في متوسطة في المسيلة رانا نعانيو من ظلم كبيييير حنا بنات العقود وكانن جواري وعبيدات :mad:
المدير والمراقب العام يشتمونا ويهدو فينا بالفصل كشغل رانا نخدمو في رزقهم الخدمة من الاحد للخميس يوميا وقالولنا لي مش عاجبها الحال تتبدل :eek: والاساتذة والعمال لي معانا كامل يشهدو بللي خدامات وعلى اكمل وجه
مفهمناش علاش حابين يتلفونا من المؤسسة كي سمعو بالادماج باه يجيبو صحابهم وحبابهم :confused:
المهم شيخو علينا وش نديرو نقدرو نشكو لمدير التربية اسكو عندنا الحق ولا لا





السلام عليكم
قرات موضوعك. اختي الكريمة. انا ايضا موظفة في عقود ماقبل التشغيل وصراحة حصلي موقف ياربي قولي عندو 20 يوم. وهو في مساعدة المديرة اهنتني .بشدة لكن صراحة كتبت عليها شكوى الى المفتش الاداري.وصراحة حطها في حدها. مالزمش تسكتو. وحقكم مايضعش.ماتخافوش .

[fouad87]

انتم اردتم العهدة الرابعة فذوقو ومازال القدام

[jijotorino]

مشكور اخي على المجهودات

[jijotorino]

فيما يخص بطاقة الحرفي