توقعاااتي لبكالوريا 2015 جميع المواد .... ا

[فريال العلمية]

سلام عليكم
انا مترشحة حرة و على حساب ما درت دراسة للبكالوريات من 2008 الى 2014 خرجت بتوقعات ان شاء الله تكون هيا
العلوم ادا مطاحتش الجيولوجيا اتوقع انها تكون ساهلة شوية على العام الي فات و تكون تمارين مناعة خلطية او خلوية او تعاون
و بالنسبة للمشابك تكون تمرين على مشبك منبه او متبط و ميطيحش الادماج
البروتينات رح تكون ان شاء الله الاستنساخ
الانزيمات رح تكون البنيات الفراغية
التنفس المرحلة الكيموضوئيةة و لا الكيمو حيوية اي منفصلين ماشي في تمرين واحد
الفيزياء
ادا مطاحتش الاهتزازات
رح تكون اسهل من العام لي فات لانها جد صعبة 2014 و المضوع التاني كانت فيه غلطات كلفتي اعادة البكالوريا و قدر الله و ماشاء فعل
اتوقع ان يكون تمرين ميكانيك سقوط شاقولي و الاسترة تركيب متساوي المولات
الرياضيات
اتوقع دالة ex او دالة مركبة ln ex

المواد الادبية
الادب اتوقع محمود درويش او اليا ابو ماضي و النثر ابن خلدون
الفرنسيا نفس المواضيع هي و الانجليزية
التاريخ و الحغرافيا
اتوقع الوحدة الاخيرة حركات التحرر
الفلسفة المنطق الصوري و العلوم البيولوجية
العلوم شرعية نفس المواضيع


ههههههههه و اخير انا لست عالمة بلغيب او اضرب خط الرمل ههه انا درست المواضيع فقط
و نصيحتي اليكم اخوتي اخواتي حضرو كل شي اتوكلو على ربي و على رواحكم متضيعوش الوقت فالباك بالتكلم مع اللي جالسين ورائكم او امامكم
ما تستعملوش الايفاسور رح يكلفكم غااالي
ربي يوفقنا و يعطي كل واحد ما تمنا

اختكم فريال
اي سوال انا هنااا

[imi rabah]

baraka allaho fik bitawfi9 ya rab

[أنامـل العفاف]

يعطيك الصحة اختي مليح واحد يدرس الاحتمالات لي كاينين لكن مش لازم واحد يبني عليهم كلش :1::1: سؤال فقط وعلاه الافاسور يكلفنا ؟؟؟؟ و حتى انا حرة :34:

[شمۋځ أنٹـے »]

بآرك الله فيك اختي

[ميرا97]

يعطيك الصحة وبارك الله فيك

[mimi-2014]

فريالووو يا عمري شحال توحشتك
مرسي نفس لي كانو في راسي

[فريال العلمية]

يعطيك الصحة اختي مليح واحد يدرس الاحتمالات لي كاينين لكن مش لازم واحد يبني عليهم كلش :1::1: سؤال فقط وعلاه الافاسور يكلفنا ؟؟؟؟ و حتى انا حرة :34:

السلام عليكم الايفاسور انا ستعملتو العام الي فات و على حساب واش كنت متوقعا نقاط اكتر ملي اخدتها و سالت استادتي قالتلي راكي مليحة كي ملغاولكش الورقة من الايفاسور لانو يعتبر محاولة غش انا حبيت نفيدكم و مدابيا متغلطوش كيما غلطت انا و ربي يوفقنا هدا العام

[فريال العلمية]

فريالووو يا عمري شحال توحشتك
مرسي نفس لي كانو في راسي

مييييمييييي. اختي لعزيزة انا تاني توحشتك راني فتحت فيس جديد مي مصبتش اسمك
علابالي نخمو كيف كيف. هههه

[mimi-2014]

اه مديهولي مام انا نفتح وحد اخر راه كثر فيه النش لووول و الله توحشتك

[Daizy]

إن شاء الله تكون توقعآتك صح
و هآ رآنآ في 19 أفريل ، 12 جوآن نتلاٌقآو و نشوفو إذآ صح:d:d

[فريال العلمية]

اه مديهولي مام انا نفتح وحد اخر راه كثر فيه النش لووول و الله توحشتك

صباح النور اسمي kinda kinda فوتو تع بيبي صغيرة

[فريال العلمية]

إن شاء الله تكون توقعآتك صح
و هآ رآنآ في 19 أفريل ، 12 جوآن نتلاٌقآو و نشوفو إذآ صح:d:d

ان شاء الله حنونة ههه يكونو صح المهم نديرو لي علينا و الحاجة المليحة هي لي مكتوبة عند ربي

[mimi-2014]

ملقيتكش فريال

[فريال العلمية]

ملقيتكش فريال

زيدي حوسي بالاك تصيبيني و لا مديلي اسمك انا نحوس عليك

[أنامـل العفاف]

السلام عليكم الايفاسور انا ستعملتو العام الي فات و على حساب واش كنت متوقعا نقاط اكتر ملي اخدتها و سالت استادتي قالتلي راكي مليحة كي ملغاولكش الورقة من الايفاسور لانو يعتبر محاولة غش انا حبيت نفيدكم و مدابيا متغلطوش كيما غلطت انا و ربي يوفقنا هدا العام

بارك الله فيك اختي و الله مام انا هكاك صرالي العام لي فات استعملتو و ماديتش وش كنت متوقعة مي كيعاد قالولي نورمال تستعمليه ما درتش في بالي .. شكرا على النصيحة و خطأ لن يتكرر باذن الله ... بالتوفيق :mh31:

[فريال العلمية]

بارك الله فيك اختي و الله مام انا هكاك صرالي العام لي فات استعملتو و ماديتش وش كنت متوقعة مي كيعاد قالولي نورمال تستعمليه ما درتش في بالي .. شكرا على النصيحة و خطأ لن يتكرر باذن الله ... بالتوفيق :mh31:

ان شاء الله اختي المهم كي عرفنا الغلطات لي درناهم و منعاودوهمش مام انا قالولي نورمال استعمليه و مادام ربي كتبلنا هادا شي ن شاء الله و فيها خير
لربي يوفقنا

[mimi-2014]

fariel ana mimi mimi nsitini hh

[فريال العلمية]

fariel ana mimi mimi nsitini hh


ميمي راني بعتتلك افتحي و اقبليني

[mimi-2014]

c bon kbaltek

[°المتفائلة خيرا°]

كي منستعملش ليفاسور كي نغلط كيفاه ندير ? العام ليفات عمرتها باليفاسور ههه شكرااا على النصيحة
نسقسيك واين الغلطات في الموضوع 2 في الفيزياء ? حتا انا خيرت الموضوع 2 بصح ملقيتش فيه غلطات !!