تركيا استفسار لأصحاب الخبرة

[sunshine2013]

السلام عليكم
لقد حجزت في فندقين بماسترد كارد جديدة لم تفعل بعد ، أحد الفندقين بعث لي رسالة تفيد أن البطاقة غير مفعلة و سلغى الحجز أما الفندقالثاني لحد الآن لم تصلني رسالة بأن البطاقة غير مفعلة ، فهل الحجز أكيد أم لا؟؟؟
افيدوني ربي يحفظكم

[sunshine2013]

و لا رد...............

[aissa-mosta]

شكرا لكم جميعا صراحة بعد هذه التدخلات لم أعد أفهم شيء

[sunshine2013]

و ﻻ حتى أنا..... لهده الدرجة أصبحت المساعدة صعبة

[jonjak]

بخصوص مشكلتك اخي الله اعلم
لكن هذا الموضوع سيساعدك بكل تأكيد هنـــــــــــــــا (http://www.djelfa.info/vb/showthread.php?t=1786311)
اي استفسار انا هنا :)

[أم عبير]

يا اختى عدم التدخل و الاجابة لا يعنى ان المشاركين لا يريدون المساعدة فالذي لديه الاجابة عن مشكلتك سيجيبك اما الذي ليس له دراية به يكتفي بالمشاهدة فقط اما عن سؤالك لازم توصلك رساله فيها تاكيد الحجز و بالتوفيق

[sunshine2013]

شكرا لكم على الرد

[أدهم]

ان لم تصلك الرسال فان الفندق لا يقوم بخصم السعر مباشرة
أي ان الدفع يكون عند المبيت
اما اذا كان الفندق يتطلب الدفع مباشرة يجب ان تكون البطاقة فيها حد ادنى من النقود

[sunshine2013]

شكرا اخي انا وصلتني الرسالة votre réservation est confirmée و انا حجزت ببطاقة ماسترد كارد جديدة غير مفعلة لكن لم يرسلو لي أي رسالة اخرى غير رسالة تاكيد الحجز فهل الحجز مؤكد ام ﻻ خفت نتكل على الفندق و في الاخير يرفضو و في شروط الفندق يقولو انهم يقدرو يطلبو المبلغ في اي وقت

[mrmilano1984]

يااخيت سان شاين ربي يهديك اني قتلك اني هنا للمساعدة انا موالف نحجز ببطاقة والله مفعلة ومؤكدة وحجزت بها لناس طبعا في ملفات فيزا اني قتلك اما ادا ماكيش متاكدة مفعلة راح تضيعي روحك احيانا لايبعثون رسالة الالغاء وهي مرفوضة كي تحطيها في الملف بعد ربما تلغي وتضيعي فيزا او تضيعي سيجور تاعك في الفندق توصلي لثم يقلك حجزك ملغي وغرفتك غير محجوزة لانه راقبو الكارت والغو الحجز اضيفني في الفايس بوك من فضلك نفهمك shevshenco milano

[sunshine2013]

اخي رجاءا راني في المطار و دوك شوية رايحة نركب لاسطنبول و راني نكوناكتي من التلفون و رايح يخﻻصلي الكريدي و إدا كﻻمك صح رايحة نضيع في اسطنبول راني تاكلة على هدا الحجز و ﻻ مجال للتراجع
كيفاش ندير

[mrmilano1984]

والله مافهمتك كفاه توصلي للمطار ونتي مازال ماحجزتيش ياو من قبل تحجزي الاخت والله مافهمت واش راكي دري تروحي بلا حجز مؤكد اكيد مشكل شوفي راكي في مطار هواري بومدين والرحلة عقداش تنطلق فهمني مليح

[sunshine2013]

على 21:30 تنطلق الرخلة

[mrmilano1984]

اوك واش تحبي نحجزلك بالضبط فهمني باش نعاونك مليح ون المكان نسيي نحوس عليه الان وندر مجهودي

[sunshine2013]

انا حجزت بالبطاقة غير مفعلة و وصلتني رسالة تاكيد الحجز و على هدا الاساس راني داية معايا الحجز بعدما طبعتو

[sunshine2013]

الفندق اسمar ho و هو موجود بمنطقة ﻻلي و حجزت من غدوا إلى غاية 25 افريل

[mrmilano1984]

اوك تحبي نحجزلك علي اساس يكون الحجز مؤكد ومفعل هكا الاخت شوفي تاعي مفعلة كونك هانية 100/100 نتلر اوك دك نحجزلك بصح يطلبو معلومات الاسم واللقب واش نعمل

[sunshine2013]

و حجزت لشخصين انا و امي بحوالي 200 اورو

[mrmilano1984]

مش جاي في مرمرة لقيتو مكتوب في مرمرة واش من اشخاص موجودين معاك باش نعرف شعال نحجز العدد ووو جاي في فاتيح اضن 3 نجوم

[sunshine2013]

اخي ﻻزم تدخل للححز نتاعي السابق و تغير فقط رقم البطاقة بصح كيفاش نبعثلك حسابي في bookingباش تدخل و تغير رقم البطاقة فقط؟؟؟

[sunshine2013]

نعم هداك هو اخي ادا لقيت غرفة لشخصين مع الإفطار ب200 اورو offre de reveا احجزلي تحت و الايميل
Hot mail .fr

[mrmilano1984]

لقيت انتضري اليوم رانا الثلاثاء زائد نتي كي نحجزلك علي اساس وقتاش تضمنو بلاصتكم بالضبط ياك الفنادق يبداو يدخلو من 13 او 14 وصعد باه يدخلو

[sunshine2013]

من غدوا 21 إلى 25 اي 4 ليالي و الصباح نبقاو ندورو حتى وقت الدخول اي 13h

[mrmilano1984]

لم افهم قال لي الحجز غير موجود في هاته الفترة اي من 22/04/2015 الي 25/04/2015 اضن الفندق او الغرفة حجزت فيها صح الغاء مجاني مادا نفعل

[mrmilano1984]

اضن الغرفة محجوزة الاخت ننجم نحجزلك اخر في فاتح قريب منه او مادا

[sunshine2013]

كيف ابعثلك حسابي في بوكينج حتى تغير فقط رقم البطاقة ؟؟؟؟؟مشاركاتي قليلةو راني قريب نركب
يا ربي سلكها على خير

[mrmilano1984]

لقيتلك اختي فندق بدون كارت ماتقاقيش راني لقيت قريب جدا من فندق سمير اوتال هدا اوك المهم نحجزلك لايطلب بطاقة بنكية كي توصلي تدفعي الاموال اسمه Hotel Sur 1 مكتوب قريب 0.6 كلم من فندق سمير اوتاللللللللللللللل نحجزلك فيه الان قبل ماتروحي بقاو فيه اربع غرف شلغرة وكاين تاع شامبر دوبل

[sunshine2013]

طلبو منا نطفو الهاتف
ادعولي معاكم
ربي يحفظك أخي تعبتك معايا
ربي يعطيك ما تتمنا
نتكلو على ربي و إن شاء الله يطلبو الدفع عند المبيت و الحجز غير ملغا
غدوا نطمنكم و نقولكم واش يصرا

[mrmilano1984]

اني حجزتلك في الفندق هدا باسمك طبعا والا رفضولك الحجز الاول روحي لهدا لي حجزتو ليكم اوك ومن بعد نعطك الحجز عبر الانترنت او ايمايل نبعثهولك

[mrmilano1984]

اني بعثتلك حجز لفندق ل 4 ليال قريب بزاف منو هدا فندق سمير اوك المهم بعقتلك في ايمايلك حاولي تفتحيه وتلقاي الحجز مؤكد اوك اهطلهم الورقة برك فيها اسمك ولقبك فقط ودوبل المهم ايمايلك هو zineb2008@hotmail.fr هل هدا هو اتمني هو ووصلك

[sunshine2013]

شوفلي فندق فيه الإفطار و بعقلي الحجز في ايميلي بالهوتميل
ربي يعطيك ما تتمنا اخي
الإقﻻع بعد 10 دقائق
واش توصي نجيبلك معايا

[mrmilano1984]

لا ماتجيبلي والو يعطك الصحة روحو وولو بخير برك المهم تقصدي الافطار قهوة تاع الصبتح او مادا فندق لي فيه هدا الشروط

[mrmilano1984]

المكان دايمن في فاتح هكدا واعطلي بسرعة الثمن ل 4 ليال بالتقريب كاقصي تقدير باه ماتخلصوش زيادة

[sunshine2013]

نعم إفطار الصباح فقط و المبلغ ما يتعداش 21000 دج و 500

[mrmilano1984]

للاسف حتي ايمايلك تخبي ههه راني حصلت ياك فيه زينب 2008 هكدا بلا فراغ اي لاصقة

[sunshine2013]

إلى الملتقى
ربي يجازيك كل خير أخي

[sunshine2013]

ايميلي k i m e n 2008
hot mail .fr
اسم الحجز زينب

[mrmilano1984]

والله اشكال اختي كبير كلها لاتقبل الغاء وكاين لي محجوزة تعرفي الوقت ضيق جدا جدا غدوا 21 افريل وراكي تعرفي لول

[mrmilano1984]

بعثتلك حجز في داك الفندق الاول عاودي راقبي مليح الحجز ان وصلك هداك لي لقيتلك والله من الصباح راني نقلب لول هل وصلك حجز من عندي في بدياف

[mrmilano1984]

السلام المهم عاودي راقبي الايمايل مليح تاعك لي غطتهولي اوك اني بعثت حجز البارح في الليل كانت عندي حجوزات بزاف المهم شوفي مليح الا وصلك حجز البل بحث امبرميه وديه للفندق دخلت فيه لسمك ولقبط طبعا وحجز لشخصين

[sunshine2013]

السلام عليكم
يعطيك الصحة أخي تعبتك معايا ربي يجازيك كل خير
ما وصلني حتى حجز في الإيميل اللي عطيتهولك
المهم الآن راني في الفندق اللي حجزت فيه أول مرة بماسترد كارد غير مفعلة (samiirhotel) و الحمد لله قبلو الحجز نتاعنا و خلاونا ندخلو للغرفة من الآن الشي اللي كنت خايفة منو قلت يا ربي وين نروحو رانا تعبانين و المبلغ 200 أورو لا زيادة و لا نقصان كيما حجزنا المرة الأولى و الفندق هايل تماما كيما في الصورة و الحمد لله
رايحين نرقدو شوية راهي الشتا تطيح بصح خفيفة و مبعد نوافيكم بكل الأخبار و المعلومات الممكنة
أشكرك كل الشكر أخي mrmilano1984 ربي يسترك

[mrmilano1984]

اوك ماعليش مش مشكل انا قلت لقدر الله مايقبلوش نديبانيك صدقني البارح كانو عندي حجوزات للناس مي كي قلتلي راني حاصلة لتيت بيك مي درتي غلطة لو حجزتي من قبل وتاكدتي من الكارت انا قتلك الكارت موالف نحجز بها ومفعلة 100/100 تروحو مهنيين خصوصا الام تاعك باش ماتتعبش مي قدر الله ماشاء فعل وراكي حرة دبري راسك علي كل حال اي حاجة تحثلي لهيه في الفندق راسلينا هنا

[sunshine2013]

يعطيك الصحة أخي الحمد لله الفندق لم يتأكد من البطاقة إذا مفعلة أو لا المهم كي أكدولي الحجز أول مرة أمبريميتو و جبتو معايا علاخطرش كي تحجزك يبعثولك رسالة تقول أن الحجز مؤكد ما لم تصلك رسالة الإلغاء و الحمد لله على كل حال بصح ما لحقني حتى حجز من طرفك في إيميلي المذكور أعلاه
مشكور أخي ربي يجازيك

[mrmilano1984]

مانعرف علاه والله مانعرف المهم ياك ايمايلك هداك هو ربما فيه مشكل فيه بلاك فراغ ايمايل تاعك ياك 2008 لاصقة مع كيمان ولاكفاه ويخلاص hotmai.fr

[aissa-mosta]

إلى الاخ rmilano تحية لك على مساعدتك للاخرين

[mrmilano1984]

يااخي بدون مزية لعلمك انا نعمل حجوزات مؤكدة وطبعا بمقابل لكن كي قالت كنت في ورطة حبيت نساعدها هدا مافي الامر يعني كي شفتها في حرج مع امها ساعدتها قدر مااستطيع

[islamprof]

جزاك الله خيرا على الموضوع

[-رودينا-]

لما حجزت الفندق لي رحت ليه في تركيا استعملت بطاقتي ماستردكارت ولم يكن فيها ولا مليم وتم قبول الحجز تم اتصلت باصاحب الفندق قال لي لا يوجد اي مشكل وكي وصلنا تم وبعد فترة من الراحة تم دفع المبلغ
والا حبيتي كاين اخ هنا الاستاذ رمزي ممكن يساعدك لان ساعدنا من قبل وحجزنا فندق في فرنسا

[mrmilano1984]

المهم ياك سلامات نتي والام هدا واش نحوسو ماخلاوكمش برا تباتو هداك هو الصح لانهم هم مايستعرفوش عقليتهم مش كما هنا وقت الشدة نتعاونو اوك وكاش جديد اتصلي بنا

[sunshine2013]

السﻻم عليكم
نعم اخي ميﻻنو إيميلي هو ﻻصق دون فراغ
و صح كيما قلت معاملة الاتراك في اغلبهم معاملة جافة بصح الحمد لله مابتناش برا و انا كنت رايحة مع امي متكلين على ربي و على الحجز بصح نتا خوفتني و قتلي ﻻزم البطاقة تكون مفعلة
الحمد لله على كل حال
مساعدتك كانت قيمة و قتلك إدا في بالك حاجة من اسطنبول نجيبهالك إن شاء الله باش نردلك الجميل و محاوﻻتك لمساعدتي انا و امي
يعطيك الصحة و مبعد نخبركم باي جديد و اللي عندو استفسار نعاونو حسب معرفتي
بصح اليوم طاحت الشتا و انا مانحبش الشتا إن شاء الله غدوا شميسة
سﻻم

[sunshine2013]

شكرا اختي رودينا على المشاركة
حبيت نسقسيكم على الماكلة جاتني شوية غالية مانيش عارفة إدا كامل هاك و ﻻ كاين أماكن مليحة للاكل و تكون في المتناول
إدا عندكم فكرة
شكرا

[mrmilano1984]

نعم اخت والله هم يطلبو كروت طبعا مفعلة اكيد ومؤكدة مش مبلوكية او غير مفعلة اوك شوفي انا موالف نحجز حجوزات ماليعثوليش رسائل اللغاء لانو متاكد كارتي مفعلة صح مافيهاش نقود بزاف لعبت بيهم وعمرت كارت تاعي بشوية دولارات مي المهم مفعلة نتي لي خلتي روحك تحصلي حتي البارح لو كما قتلك من قبل نحجزلك مؤكد تروحي مرتاحة البال ومانيش لي يحجز ومن بعد نتلاعب بيك حاشا ماعنديش الطبيعة هادك صحيح ماتعرفنيش مي راني قتلك مرة تحبي تحجزي راني هنا كان مفروض ان تحجزي ايضا في وكالة سياحية معتمدة ومعروفة طبعا نعمل حجوزات مؤكدة صدقني ماتستنايش ناس درلك حجز هكدا تكوني ضمنتي حجزك 100/100 هدا درس ليك باه ماتعاوديش تحجزي في اخر لحضة لازم من قبل كما قتلك

[sunshine2013]

شكرا اخي على النصائح

[mrmilano1984]

ماعليش زينب تروحو وتولو علي خير في الدنيا هادي لهنا والصحة مش حاجة اخري

[hamzahunter]

السلام عليكم
الى الاخت sunshine2013
فقط اريد منك خدمة اذا كان بالامكان ان شاء الله
اريد السفر الى تركيا مع زوجتي ان شاء الله في شهر نوفمبر او ديسمبر واريد منك ان تستطلعي ان كان هناك فنادق حلال اي لا تقدم مشروبات كحولية او فنادق لملاك عرب وتكون أسعار جيدة حبدا لو كانت تحتوي على مطبخ وسعرها لا يتعدى 5000 دج علما ايضا اني مسافر الى منطقة الفاتح اين توجد اول جامعة اسلامية باسطمبول تدرس باللغة العربية وتسمى جامعة فاتح سلطان وبارك الله فيك واي معلومة تفيدينني بها واجرك على الله اخيتي
واعذريني على طلبي

[sunshine2013]

السلام عليكم
موافقة على كلامك أخي ميلانو الصحة و الهنا حاجة وحدوخرا تجي و تروح
راني قعدت نريح شوية مع أمي في كافيتيريا فيها ويفي
صراحة الحالة جاتني شوية غالية و ممكن نرجع غدا أو بعد غد المهم شفت و ديت نظرة و أمي تعبت شوية
الأخ حمزة هنا باش نسقسو ماكاش مساعدة بزاف و الأتراك يتشنفو غير وحدهم الحمد لله ديت معايا خريطة النقل و المواصلات و الأماكن الهامة و راني تاكلة على روحي
بالنسبة لطلبك أظن أغلب الفنادق فيها مشروبات لأنها ليست مخصصة فقط للمسلمين و طلبك بخصوص المطبخ ، عند البحث في موقع Booking، اختار appartement أو شقق و رايح تلقا شقق نظيفة بها مطابخ و السعر جيد جدا خاصة و أن الحجز نتاعك بعيد و كلما تحجز من الآن يكون السعر أفضل إذا كنت متأكد أنك رايح تزور اسطنبول
أي استفسار آخر أنا في الخدمة و إذا لقيت فرصة نسقسيلك نزيد نسقسيلك
ادعولي ربي يوفقني

[sunshine2013]

الأخ حمزة ممكن تطلع على هذا الموقع و إن شاء الله تلقا واش راك تحوس
halalbooking.com
ادعيلي ربي يسهل أموري

[-رودينا-]

شكرا اختي رودينا على المشاركة
حبيت نسقسيكم على الماكلة جاتني شوية غالية مانيش عارفة إدا كامل هاك و ﻻ كاين أماكن مليحة للاكل و تكون في المتناول
إدا عندكم فكرة
شكرا

جاني كلش غالي ختيتي خاصة الالبسة
صراحة الماكلة ماكناش ناكلو بزاف هههههههههه تقدري تقولي نهار كامل 2سميت خيز تركي +جبار
http://www.yasmina.com/sites/default/files/imagecache/652x456/article_main_images/2013/10/08/101167-1381236661.jpg
قرعة ماء
لاخطرش التحواس نساني في الماكلة :D:19:
والعشا نشرو شوية فاكهةومرة شرينا دجاجة محمرة 5 ليرة مي كنا نشرو شوارما بزاف
يعني ذقت واش يبعو شوية شوية حلقوما... بقلاوة ...
وكنا نفطرو مليح الصباح كنت نطيب في الفندق تضحكي عليا ديت معايا منا السكر نسكافي والحلوى :D:1:نقصنا شوية مصروف
ونشرب فيتامين سي كل يوم والله ماحسيت بالتعب الحمد الله
استغلي كل دقيقة تركيا سكنتلي في الدم حابا نعاود نروح :)

[sunshine2013]

شكرا أختي
الله غالب دراهمنا طايحين بزاف وين نروحو مانسواوش ماناكلو مليح ما نشرو واش حابين
بلاك غدوا نرجع الحالة غالية

[mrmilano1984]

ماعليش الاخت ينب المهم خلاوكم تدخلو لوتال لول ارجعو بخير وبحر علي كارت ماستر لول

[أم عبير]

السلام عليكم
الى الاخت sunshine2013
فقط اريد منك خدمة اذا كان بالامكان ان شاء الله
اريد السفر الى تركيا مع زوجتي ان شاء الله في شهر نوفمبر او ديسمبر واريد منك ان تستطلعي ان كان هناك فنادق حلال اي لا تقدم مشروبات كحولية او فنادق لملاك عرب وتكون أسعار جيدة حبدا لو كانت تحتوي على مطبخ وسعرها لا يتعدى 5000 دج علما ايضا اني مسافر الى منطقة الفاتح اين توجد اول جامعة اسلامية باسطمبول تدرس باللغة العربية وتسمى جامعة فاتح سلطان وبارك الله فيك واي معلومة تفيدينني بها واجرك على الله اخيتي
واعذريني على طلبي


السلام عليكم اخي طبعا هناك فنادق حلال و عرفت في منطقة السلطان سليمان اي بجوار المسجد الازرق فندق رائع نظيف و هو عبارة عن شقة للليلة الواحدة 35اورو اسمه marti ; بالنسبة للمشتريات فكلش غالي من الاحسن شراء بعض الهدايا فقط اما الملابس من الجزائر ارخص من هناك ربي يسهل ان شاء الله اي سؤال انا في الخدمة

[أم عبير]

شكرا اختي رودينا على المشاركة
حبيت نسقسيكم على الماكلة جاتني شوية غالية مانيش عارفة إدا كامل هاك و ﻻ كاين أماكن مليحة للاكل و تكون في المتناول
إدا عندكم فكرة
شكرا

رحلة موفقة اختى نعم كلش غالي هناك ارخص حاجة هي الكباب ب 6 ليرة اي 360دج

[sunshine2013]

شكرا للتفاعل اختي ام عبير و الله كلش غالي

[xpuser2014]

sunshine

اريد ان اسألك عن حجز في فندق بسعر معقول لعائلتي باسطنبول لشهر اوت

[hamzahunter]

الأخ حمزة ممكن تطلع على هذا الموقع و إن شاء الله تلقا واش راك تحوس
halalbooking.com
ادعيلي ربي يسهل أموري

السلام عليكم ورحمة الله
بارك الله فيك أخت sunshine2013 على المساعدة
اسال الله لك التوفيق في الدارين لك ولامك ولجميع المسلمين
واتمنى ان تفيديني باي معلومة ترينها تفيدني من قريب او من بعيد
في الحقيقة انا ذاهب للجامعة التي ذكرتها لك لمدة 10 ايام
لهذا انا ابحث عن فندق يكون قريب نوعا ما منها
بارك الله فيك مرة اخرى
اسال الله ان يعيدك بالسلامة

[hamzahunter]

sunshine2013
الأخ حمزة ممكن تطلع على هذا الموقع و إن شاء الله تلقا واش راك تحوس
halalbooking.com
ادعيلي ربي يسهل أموري
+
أم عبير
السلام عليكم اخي طبعا هناك فنادق حلال و عرفت في منطقة السلطان سليمان اي بجوار المسجد الازرق فندق رائع نظيف و هو عبارة عن شقة للليلة الواحدة 35اورو اسمه marti ; بالنسبة للمشتريات فكلش غالي من الاحسن شراء بعض الهدايا فقط اما الملابس من الجزائر ارخص من هناك ربي يسهل ان شاء الله اي سؤال انا في الخدمة
=

بارك الله فيكما وجزاكم عني كل خير ولكل من ساهم وقدم بشكل او بآخر
بالنسبة للموقع الذي ارسلتيه لي فيه فنادق لكنها بعيدة وغالية الثمن

بارك الله فيكم اجميع واتمنى ان تنصحوني بما ترونه مهم لي خاصة واني مسافر مع زوجتي وهي متنقبة طبعا بحمد الله
وفقكم الله

[hamzahunter]

الى الاخت ام عبير
لقد قمت بتفقد الفندق الذي ذكرته لي على النت وتبين انه غالي الثمن جدا
لا ادري هل هو نفس الفندق ام هناك فندق آخر يشبهه في الاسم لهذا ارجوا ان تزودني برابط الفندق لو تكرمت
وان كنت تعلمين عن فنادق اخرى منخفضة الثمن وتكون في منطقة السلطان احمد وحبدا لو كانت تشمل مطبخ
وبارك الله فيك مسبقا

[ghostmadridf]

بخصوص مشكلتك اخي الله اعلم

[xpuser2014]

هل من مساعدة اختنا زينب sunshine
لقد ارسلت لك رسالة على بريدك

[sunshine2013]

أخي لم أتلق أي رسالة في بريدي هنا بالمنتدى
واش راك تبحث بالضبط يعني مكان الحجز المبلغ الأقصى عدد الاشخاص مع الاكل أو لا؟؟؟ حدد من فضلك
الأخ حمزة الموقع اللي مديتهولك باش تعرف باللي تركيا راهي تتوجه نحو السياحة الإسلامية و يمكن مستقبلا تكون الاسعار مناسبة
بالنسبة لطلبك شوف هاد الرابط و غدا لقيت حاجة تساعدك خبرني

مثلا serdivan apartments
beyazithan suites
amida house
imc fatih apartments
new season house
serra suites
دخل ليهم و خير التواريخ و شوف الخريطة و شوف اللي يناسبك و اي استفسار آخر أنا في الخدمة

اليوم ندخل للجزائر ، تركيا فيها الاكل غالي اللبس غالي و حتى المكالمات الهاتفية ، بالنسبة لي و هذا رأيي من خلال تجربتي
ادعولي ربي يسر أموري و يشفي والدتي و اخي

[xpuser2014]

يا زينب sunshine لقد راسلتك عبر الايمايل ﻻنه ﻻ يمكنني مراسلتك عبر المنتدى
انا اسأل عن فندق samir و diyar و reydel باسطنبول
ايهم مناسب لعائلة و شكر
4 بالغين + طفل 4سنوات مع اﻻفطار

[xpuser2014]

[QUOTE=xpuser2014;3993284661]يا زينب sunshine لقد راسلتك عبر الايمايل ﻻنه ﻻ يمكنني مراسلتك عبر المنتدى
انا اسأل عن فندق samir و diyar و reydel باسطنبول
ايهم مناسب لعائلة و شكر
4 بالغين + طفل 4سنوات مع اﻻفطار
راسلتك على kimen2008

[sunshine2013]

أوك أخي راني شفت الرسالة لكن نفسها اللي كتبتهالي لهنا
أنا سبقت و حجزت في reydel hotel و samir hotel، الفندق الأول لم يقبلوا الحجز لأن بطاقة الماستر كارد غير مفعلة أما سمير أوتال تم الحجز بنفس البطاقة و هو الفندق الذي أقمت به في هاد الفترة يعني نقدر نفيدك بخصوص هذا الفندق فقط و هذا أول خروج لي إلى تركيا
و ماعنديش مشكل نفيدكم من خلال تجربتي
أفضل المناطق المناسبة للعائلات هي السلطان أحمد ، منطقة لالي تاني مليحة و هي المنطقة اللي حجزت فيها
4 بالغين تقصد غرفتين؟؟؟
المساء أو غدا نجاوبك بتفاصيل أكثر عن الفندق
سأقوم ببعض المشتريات البسيطة و نتوجه إلى مطار أتاتورك إن شاء الله

[xpuser2014]

شكرا يا زينب.
انا في انتظار نصيحتك خاصة من ناحية القرب و الملائمة لعائلتي

[sunshine2013]

بلا مزية أخي

[imano13]

السلام عليكم انا زرت اسطنبول مرتين، يوجد فنادق رخيصةوحلال في بيازيد ولاليلي وحتى الاكل رخيص جدا لمن اراد ان يستفسر:dj_17:

[xpuser2014]

هل لديك اسماء محددة يا ايمانو13 imano13

[imano13]

نعم،انا اقمت في فندقاسمه ozbekler ب30 اورو لشخصين مع الافطار:D

[xpuser2014]

لم اجده على بوكينغ

[sunshine2013]

السلام عليكم
أعتذر عن عدم الرد على استفسارات بعض الأعضاء
كان من المفروض نكونو في الجزائر الآن لكن مازلنا في اسطنبول بسبب الاحتجاج اللي قام به عمال مطار هواري بومدين
و الله مشكل كبير جمعونا كامل في مكان واحد و رانا نستناو و أمي عندها أدوية لازم تديها و المصروف خلاص
فهموني ربي يجازيكم واش راهو صاري و شحال يدوم هذا الاحتجاج
الأخت imano13 وين الاكل رخيص كيما ذكرتي أفيدينا ربي يحفظك
الأخ Xpuser أنا عجبتني منطقة لالي و عجبني الفندق إذا عندك وقت زيد حوس علاخطرش أنا حوست و اخترت على الزهر و إذا ماعندكش وقت اتكل على ربي

[imano13]

السلام غليكم، ابحثي على فندق ozbekler n الجميع يعرفه في المنطقةالسفلية من بيازيد، ثم. انزلي قليلا ودوري يسارا ستجدينه ان شاء الله، هو مطعم مليئ بالجزائريين وتجدين بقربه عدة مطاعم ، يبيع الاكل بmenu مفتوح ، اكله لذيذ وممتاز االوبيا ب 1 ليرة، كبدة الدجاج ب 3ليرة، الحريرة ب2 ليرة ، المهم كل الاكل فيه لا يتعدى ثمن الطبق الواحد 6ليرة، والله كي تمشي لهديك المنطقة تحسبي راكي في الجزائر قاع يهدرو بالدزيربة ،بالتوفيق و اي استفسار راني في الخدمة

[imano13]

بالنسبة للأخ xpuser هذا الفندق غير موجود في بوكينغ، هو فندق نضيف ويوجد به جزايريين من أساتذة وتجار ومغاربة، حتى أننا وجدنا أستاذات جزائريات يقمن وحدهن فالفندق يتسم بالآمان، مالك الفندق يتحدث بالعربية ويحب الجزائريين، الفندق يحوي خمس طوابق كل الغرف فيه تحتوي على ثلاجة و تلفاز وclimat،و دوش زيدم افطارا كل صباح ، على ما أذكر أنتم أربع أشخاص في الطابق الخامس يوجد غرفة بها أربع أسرة و اسعة بعكس الغرف الأخرى التي تتسم بالضيق نوعا ما، أنا أقمت أنا وزوجي وابني وكانا مريحا جدا لنا، اذا كنت مهتما أنا أملك la carte visite أزودك العنوان و إيميل والهاتف . ويوجد بجانبه عدة فنادق مماثلة ولكن بعضها ب35 أو 40 أورو

[xpuser2014]

بريدك اﻻلكتروني لو تكرمتي

[d12ahm]

بالنسبة للأخ xpuser هذا الفندق غير موجود في بوكينغ، هو فندق نضيف ويوجد به جزايريين من أساتذة وتجار ومغاربة، حتى أننا وجدنا أستاذات جزائريات يقمن وحدهن فالفندق يتسم بالآمان، مالك الفندق يتحدث بالعربية ويحب الجزائريين، الفندق يحوي خمس طوابق كل الغرف فيه تحتوي على ثلاجة و تلفاز وclimat،و دوش زيدم افطارا كل صباح ، على ما أذكر أنتم أربع أشخاص في الطابق الخامس يوجد غرفة بها أربع أسرة و اسعة بعكس الغرف الأخرى التي تتسم بالضيق نوعا ما، أنا أقمت أنا وزوجي وابني وكانا مريحا جدا لنا، اذا كنت مهتما أنا أملك la carte visite أزودك العنوان و إيميل والهاتف . ويوجد بجانبه عدة فنادق مماثلة ولكن بعضها ب35 أو 40 أورو

ممكن طريقة للاتصال بهدا الفندق

[sunshine2013]

الحمد لله رانا في الجزائر

[imano13]

على سلامتك، هل هل وجدت. المطعم الذي ذكرته لك

[imano13]

لاخت سان شين لماذ ا لا تجيلين. ؟

[sunshine2013]

ﻻ ما رحتش ليه عﻻخطرش البارح كنا محتجزين في فندق قريب من المطار ووكنا نستناو في أي رحلة ممكنة و الحمد لله وصلنا للجزائر بخير بصح تعبنا و رانا غير كيما وصلنا للدار
نريحو
شكرا اختي بﻻك مرة أخرى نروح ليه يا ريت كان ردك يومين قبل لكنت رحت ليه
تحياتي

[hamzahunter]

الى الاخت imano13
السلام عليكم ورحمة الله بارك الله فيك ارجو ان تزودينا برابط الفندق او رقم هاتف مالك الفندق


الى الاخت sunshine2013
بارك الله فيك على المعلومات لقد تفقدت الفنادق اعجبني بعضها

[imano13]

السلام عليكم، للاخ حمزة. و. Xpuser الفندق موجود في الناحية السفلية لبيازييد، ورقم هاتفه : 21 57 518 (0212) و العنوان : tiyatro cas. Kumakpihan si. Ni: 23 beyazit.

[loganess]

السلام عليكم. اريد الاستفسار الله يبارك فيكم. كم هو سعر سيارة الاجرة من مطار اتاتورك الي غاية فندق يوجد في منطقة سيسيل او ساحة الاستقلال؟؟؟؟؟ -ماهو الفندق المنخفظ الثمن قليلا و نظيف و كم سعر الليلة.
- وماهيا الاماكن المطاعم المنخفظة التمن قليلا.
_ ماهو سعر الباخرة اللي تروح زيارة للبسفور.
وبارك الله فيكم

[xpuser2014]

شكرا imano13 حجزت في فندق اخر

[loganess]

ارجو الرد بارك الله فيكم
و الي الاخ xpuser هل ممكن اسم الفندق...

[sirinatchikita]

بالنسبة للأخ xpuser هذا الفندق غير موجود في بوكينغ، هو فندق نضيف ويوجد به جزايريين من أساتذة وتجار ومغاربة، حتى أننا وجدنا أستاذات جزائريات يقمن وحدهن فالفندق يتسم بالآمان، مالك الفندق يتحدث بالعربية ويحب الجزائريين، الفندق يحوي خمس طوابق كل الغرف فيه تحتوي على ثلاجة و تلفاز وclimat،و دوش زيدم افطارا كل صباح ، على ما أذكر أنتم أربع أشخاص في الطابق الخامس يوجد غرفة بها أربع أسرة و اسعة بعكس الغرف الأخرى التي تتسم بالضيق نوعا ما، أنا أقمت أنا وزوجي وابني وكانا مريحا جدا لنا، اذا كنت مهتما أنا أملك la carte visite أزودك العنوان و إيميل والهاتف . ويوجد بجانبه عدة فنادق مماثلة ولكن بعضها ب35 أو 40 أورو

السلام عليكم أختي الكريمة ممكن العنوان و الهاتف جازاك الله خيرا

[imano13]

السلام عليكم، للاخ حمزة. و. Xpuser الفندق موجود في الناحية السفلية لبيازييد، ورقم هاتفه : 21 57 518 (0212) و العنوان : tiyatro cad. Kumakpihan si. No: 23 beyazit.[/QUOTE]

[jongar]

ممكن طريقة للاتصال بهدا الفندق


السلام عليكم ورحمة الله وبركاته


ها هو موقع الفندق للمساعدة اخي فقط وادعو لي بالخير

http://www.hotelozbek.com/reservation.html

[sunshine2013]

السلام عليكم. اريد الاستفسار الله يبارك فيكم. كم هو سعر سيارة الاجرة من مطار اتاتورك الي غاية فندق يوجد في منطقة سيسيل او ساحة الاستقلال؟؟؟؟؟ -ماهو الفندق المنخفظ الثمن قليلا و نظيف و كم سعر الليلة.
- وماهيا الاماكن المطاعم المنخفظة التمن قليلا.
_ ماهو سعر الباخرة اللي تروح زيارة للبسفور.
وبارك الله فيكم
السلام عليكم
أخي نفيدك من خلال تجربتي علاخطرش حتى أنا و أمي رحنا لأول مرة و معرفناش مليح و أخطأنا في عدة أمور
المهم
أنا شريت كارطة في المطار ب20 ليرة و استعملتها في الميترو و نزلت خطأ قبل لالي و عاودت حكمت طاكسي حتى الفندق اللي حجزت فيه بلالي ب10 ليرة بصح لتقسيم و الله ما علابالي الطاكسي نظن يكون أكثر من 40 ليرة إدا ماعندكمش الحقائب بزاف من الأفضل في الميترو و الترام

بالنسبة للأكل جانا غالي المهم شرينا جاجة ب6 ليرة معاها بطاطا ، الما ديفوا ب2 ليرة و ديفوا ب2 ليرة و نص قالونا طلعو الأسعار علاجال أزمة البترول ، شوارما ب6ليرة و هي رايحة ، هادي أول تجربة لينا و الأخت اللي ذكرتنا فندق أوزبكلر و المطعم رخيص السعر أفادتني بصح متأخر كنا راجعين
جولة البوسفور مادرناهاش، رحنا لجزيرة الاميرات ب6 ليرة للشخص ذهابا فقط يعني 12 ليرة ذهابا و إيابا للشخص الواحد ، و ماركبناش في الكاليش، 70 ليرة غالي تمشينا و فطرنا و ننصحكم ماديروش على اللي يقولكم أرواحو تفطرو في المطعم و فيه تخفيضات و مبعد كي تاكلو و تطفر الشخص يختفي و يقولكم صاحب المطعم ماكانش تخفيضات شكون قالكم

الفندق منخفض الثمن يعني شحال بالتقريب ؟؟؟ و عدد الأشخاص؟؟؟
حنا رحنا فندق 3 نجوم 4 ليالي ب 3 ملايين أنا و أمي، الفندق فيه الإفطار و القهوة نتاع العشية مجان ، نظيف ، مريح ، الاستقبال كان جيد و التركي اللي استقبلنا يعرف كلمات عربي و ساعدنا قليلا و الموقع جيد خاصة بالنسبة للمواصلات و هذا المكان هو لالي
إن شاء الله أفدتك و لو بالقليل

[sunshine2013]

يا زينب sunshine لقد راسلتك عبر الايمايل ﻻنه ﻻ يمكنني مراسلتك عبر المنتدى
انا اسأل عن فندق samir و diyar و reydel باسطنبول
ايهم مناسب لعائلة و شكر
4 بالغين + طفل 4سنوات مع اﻻفطار
السلام عليكم
أخي أعتذر عن التأخير
صراحة عجبني سمير أوتال ، و هو الوحد اللي حجزت فيه و شفتو ، ممكن كاين خير بصح ماعنديش تجربة
المهم الفندق شامل الإفطار و قهوة المساء مجانية، نظيف، فيه الراحة ماكانش الفوضى و الحس و غيرها، قريب من المواصلات العامة، عون الاستقبال معاملتو حسنة و يعرف شوية كلمات عربية
حنا حجزنا 4 ليالي و 5 ايام ب3ملايين و200 لشخصين يعني تقريبا 25 أورو للواحد و الحمد لله و كي كنا راجعين في المطار قالونا جزايريين كاين فنادق أرخص منو بصح بلاك أقل جودة الله اعلم
إن شاء الله نكون أفدتك و حتى أنا و أمي هذا أول خروج لينا و ماكناش نعرفو مليح

[xpuser2014]

شكرا sunshine حجزت في فندق آخر. اﻻسعار في ارتفاع. لو تأخرت لليوم كانت زيادة 100 اورو

[sunshine2013]

شكرا sunshine حجزت في فندق آخر. اﻻسعار في ارتفاع. لو تأخرت لليوم كانت زيادة 100 اورو

كﻻمك صح أخي
بالتوفيق

[d12ahm]

السلام عليكم ورحمة الله وبركاته


ها هو موقع الفندق للمساعدة اخي فقط وادعو لي بالخير

http://www.hotelozbek.com/reservation.html


الله يحفظك و يسترك و يعطيك كل ما تتمنى

[loganess]

السلام عليكم
أخي نفيدك من خلال تجربتي علاخطرش حتى أنا و أمي رحنا لأول مرة و معرفناش مليح و أخطأنا في عدة أمور
المهم
أنا شريت كارطة في المطار ب20 ليرة و استعملتها في الميترو و نزلت خطأ قبل لالي و عاودت حكمت طاكسي حتى الفندق اللي حجزت فيه بلالي ب10 ليرة بصح لتقسيم و الله ما علابالي الطاكسي نظن يكون أكثر من 40 ليرة إدا ماعندكمش الحقائب بزاف من الأفضل في الميترو و الترام

بالنسبة للأكل جانا غالي المهم شرينا جاجة ب6 ليرة معاها بطاطا ، الما ديفوا ب2 ليرة و ديفوا ب2 ليرة و نص قالونا طلعو الأسعار علاجال أزمة البترول ، شوارما ب6ليرة و هي رايحة ، هادي أول تجربة لينا و الأخت اللي ذكرتنا فندق أوزبكلر و المطعم رخيص السعر أفادتني بصح متأخر كنا راجعين
جولة البوسفور مادرناهاش، رحنا لجزيرة الاميرات ب6 ليرة للشخص ذهابا فقط يعني 12 ليرة ذهابا و إيابا للشخص الواحد ، و ماركبناش في الكاليش، 70 ليرة غالي تمشينا و فطرنا و ننصحكم ماديروش على اللي يقولكم أرواحو تفطرو في المطعم و فيه تخفيضات و مبعد كي تاكلو و تطفر الشخص يختفي و يقولكم صاحب المطعم ماكانش تخفيضات شكون قالكم

الفندق منخفض الثمن يعني شحال بالتقريب ؟؟؟ و عدد الأشخاص؟؟؟
حنا رحنا فندق 3 نجوم 4 ليالي ب 3 ملايين أنا و أمي، الفندق فيه الإفطار و القهوة نتاع العشية مجان ، نظيف ، مريح ، الاستقبال كان جيد و التركي اللي استقبلنا يعرف كلمات عربي و ساعدنا قليلا و الموقع جيد خاصة بالنسبة للمواصلات و هذا المكان هو لالي
إن شاء الله أفدتك و لو بالقليل
بارك الله فيك اختي علئ التوضيح .. لكن عندي سؤال/هل يوجد محل يعني اشتريتوا منوا الكرت في المطار !! !! !! و المترو هل يوجد بعيد عن المطار او كم يبعد تقريبا..و بخصوص السفر لجزيرة الاميرات فماهيا الوسيلة النقل اللي رحتوا فيها و هل النقل متوفر في جميع الاماكن وكل الاوقات !! !! !! - وماهيا طريقة الحصول علئ الفيزا و بكم التكلفة!!! وبالنسبة للفندق هل حجزتي بالعملة الوطنية يعني بالدينار الجزائري!!! وهل خلصتي بعدها بالعملة الوطنية او عملة اخرئ !! !! !! .. وادا كان هدا فماهو سعر التحويل!! !! .. وعفوا علئ الاطالة.. وشكرا علئ التوضيح مرة اخرئ.

[loganess]

شكرا sunshine حجزت في فندق آخر. اﻻسعار في ارتفاع. لو تأخرت لليوم كانت زيادة 100 اورو

ممكن اسم الفندق لو سمحت .. .. وهل هو دو سمعة جيدة !! !! !!

[xpuser2014]

ممكن اسم الفندق لو سمحت .. .. وهل هو دو سمعة جيدة !! !! !!

لقد قمت بالغاء الحجز بعد ان اكتشفت من خلال تعليقات زبائن الفندق على بوكينغ انه يقع فى اعلى ربوة رغم قربه من المسجد اﻻزرق. رايت انه ﻻ يناسب اطفالي. اذا كنت ﻻ تعرف الفندق فيجب التفكير جيدا في موقع الفندق

[sunshine2013]

بارك الله فيك اختي علئ التوضيح .. لكن عندي سؤال/هل يوجد محل يعني اشتريتوا منوا الكرت في المطار !! !! !! و المترو هل يوجد بعيد عن المطار او كم يبعد تقريبا..و بخصوص السفر لجزيرة الاميرات فماهيا الوسيلة النقل اللي رحتوا فيها و هل النقل متوفر في جميع الاماكن وكل الاوقات !! !! !! - وماهيا طريقة الحصول علئ الفيزا و بكم التكلفة!!! وبالنسبة للفندق هل حجزتي بالعملة الوطنية يعني بالدينار الجزائري!!! وهل خلصتي بعدها بالعملة الوطنية او عملة اخرئ !! !! !! .. وادا كان هدا فماهو سعر التحويل!! !! .. وعفوا علئ الاطالة.. وشكرا علئ التوضيح مرة اخرئ.
وفيك بركة أخي
بالنسبة للكرت كاين موزع يعني آلة شرينا منها الكارت ب20 ليرة و اغير تخرج من المطار تلقا المترو
جزيرة الأميرات ركبنا من إمينونو و رحنا في العبارة ب6 ليرة للشخص دهابا فقط و النقل متوفر و كي تروح تم تلقا قائمة المواقيت
الفيزا من القنصلية مباشرة و ﻻزم تبكر الصباح و تدفع الملف فيه جواز السفر 5300 دج و الاستمارة و صورتين 5/5 fond blanc هدا وااش طلبونا و يمدولك الفيزا غدوا من داك على الرابعة تاع العشية
الفندق حجزت بماسترد كارد غير مفعلة يعني ريسكيت بصح قبلو الحمد لله و ما دفعت والو حتى وصلت الفندق كنت صرفت في ﻻلي 100 اورو ب 290 ليرة و خلصتهم بالأورو
أي استفسار أخر انا في الخدمة
ادعولي برك يحقق واش في بالي

[mrmilano1984]

عندك الزهر يازينب انو قبلوك في الفندق المرات الجاية احجزي من قبل وطبعا بكارت مفعلة ومؤكدة اني قتلك من قبل اتصلي بيا مي ماعليش دبري راسك لول

[sunshine2013]

الحمد لله ربي كان معانا و الفندق نظيف و الموقع مليح و اللي يخدمو فيه ماعندي مانقول
الدراهم برك اللي خانونا كلش غالي

[mrmilano1984]

الدراهم بارتو الدنيا هادي كل شيء دراهم اختي زينب حتي في الجزائر كل شيء دراهم لول

[loganess]

وفيك بركة أخي
بالنسبة للكرت كاين موزع يعني آلة شرينا منها الكارت ب20 ليرة و اغير تخرج من المطار تلقا المترو
جزيرة الأميرات ركبنا من إمينونو و رحنا في العبارة ب6 ليرة للشخص دهابا فقط و النقل متوفر و كي تروح تم تلقا قائمة المواقيت
الفيزا من القنصلية مباشرة و ﻻزم تبكر الصباح و تدفع الملف فيه جواز السفر 5300 دج و الاستمارة و صورتين 5/5 fond blanc هدا وااش طلبونا و يمدولك الفيزا غدوا من داك على الرابعة تاع العشية
الفندق حجزت بماسترد كارد غير مفعلة يعني ريسكيت بصح قبلو الحمد لله و ما دفعت والو حتى وصلت الفندق كنت صرفت في ﻻلي 100 اورو ب 290 ليرة و خلصتهم بالأورو
أي استفسار أخر انا في الخدمة
ادعولي برك يحقق واش في بالي
.ربي يبارك فيكي اختي وربي يسهلك ويسرلك امرك. الله يحفظك
عندي سؤال / كم يكلف الاكل و التحواس هناك تقريبا لمدة 08 ايام لشخصين!!!

[loganess]

لقد قمت بالغاء الحجز بعد ان اكتشفت من خلال تعليقات زبائن الفندق على بوكينغ انه يقع فى اعلى ربوة رغم قربه من المسجد اﻻزرق. رايت انه ﻻ يناسب اطفالي. اذا كنت ﻻ تعرف الفندق فيجب التفكير جيدا في موقع الفندق

شكرا اخي الله يسلمك.. وبالنسبة لفندق اوزبكر اللي دكروه من قبل هل هو جيد ارجوا الافادة من الجميع او الاخت صاحبة الموضوع!!! وكم سعر الغرفة لشخصين!!!

[sunshine2013]

.ربي يبارك فيكي اختي وربي يسهلك ويسرلك امرك. الله يحفظك
عندي سؤال / كم يكلف الاكل و التحواس هناك تقريبا لمدة 08 ايام لشخصين!!!
آمين يا رب
الأكل والتحواس أخي عﻻ حساب نانقدرش نقولك بالضبط حنا كلينا على قدنا و التحواس ما حوسناش بزاف شوية منطقة السلطان احمد جزيرة الأميرات و شوية إمينونو مع سوق الأربعاء و الغراند بازار و حديقة جولهانة
المهم 4 ليالي و 5 أيام ب8 مﻻيين مع الفندق في زوج أنا و أمي بصح لوكان كلينا مليح و حوسنا مليح تستقام أكثر يعني مادخلناش للقصور ما ركبناش في الكاليش ما شريناش حاجة كبيرة فقط هدايا بسيطة جدا و مارحناش جولة البوسفور وﻻ مدينة االمﻻهي يعني رحلة اقتصادية على قدنا هادي بﻻ 10 مﻻيين نتاع التداكر و الفيزا
موفقين أخي

[loganess]

آمين يا رب
الأكل والتحواس أخي عﻻ حساب نانقدرش نقولك بالضبط حنا كلينا على قدنا و التحواس ما حوسناش بزاف شوية منطقة السلطان احمد جزيرة الأميرات و شوية إمينونو مع سوق الأربعاء و الغراند بازار و حديقة جولهانة
المهم 4 ليالي و 5 أيام ب8 مﻻيين مع الفندق في زوج أنا و أمي بصح لوكان كلينا مليح و حوسنا مليح تستقام أكثر يعني مادخلناش للقصور ما ركبناش في الكاليش ما شريناش حاجة كبيرة فقط هدايا بسيطة جدا و مارحناش جولة البوسفور وﻻ مدينة االمﻻهي يعني رحلة اقتصادية على قدنا هادي بﻻ 10 مﻻيين نتاع التداكر و الفيزا
موفقين أخي
.شكرا اختي ربي يبارك فيك ربي يسرلك امرك.

[sunshine2013]

.شكرا اختي ربي يبارك فيك ربي يسرلك امرك.
آمين
بارك الله فيك
عطلة سعيدة و بالتوفيق

[TASSIN]

بارك الله فيك

[mrmilano1984]

بصحتك العطلة الاخت

[oum abderhmane]

بصحتك السفر و الله تروحي ولايات شمالية جزائرية اغلى و الاكل اغلى في صيف شفتي تركيا مع امك الغالية ربي يحفظها انا شفت كامل المواقع عجبوني الشقق للانه عندي ثلاث ااولاد ماشاء الله و مع زوجي و والدتي ربي يسهل حابة نفرحهم اولادي
راكي تقولي مازلني سهرانة راني مع فاليزة زوجي مسافر للعمل دخلت و قريت موضوعك ربي معاك

[loganess]

السلام عليكم الى الاخت صاحبة الموضوع او اي شخص له خبرة
ماهيا العملة التي تدفع بها للفندق مثلا على البوكينق يكلف ١٠ايام =٤٠٠ اورو هل حين تدهب الى تركياممكن ان تدفع بالدينار الجزائري او التركي الليرة ، وهل مبادلة العملة من الاورو لليرة تحسب بسعر صرف البنك او سوق السوداء و مثلا ١ اورو كم يساوي بالليرة عندماتستبدلها
وهل من الاحسن ان اخد معي اليورو او الدولار!!!!
وشكرا