هل من معلومات حول ثكنة بلعباس للمشاة ؟

[أبحث عن النجاح]

السلام عليكم
متوجه ان شاء الله لثكنة المشاة بلعباس للعلم رتبتي :ط ,ص,ض,أ
هل من معلومات حولها من حيث :
الملف الطبـي ؟
الايواء والتدريبات والمعاملة ؟
وبارك الله فيكم

[أبحث عن النجاح]

ولا معلومة ؟

[houhou92]

غير اخطيك وشوف ادا تقدر تصبر للوردبال الجاية اسوء ثكنة في الجزائر وزيد نتا غادي تولي ظابط والسلاح مشاة يعني غادي تقاسي وخلاص والطبيب سمعت بلي ما يستعرف بحتى واحد

[أبحث عن النجاح]

بارك الله فيك
بصح قتللتني هههههههههه
المهم لا رجوع ان شاء الله وربي يجيب الخير

[liverpoolfc]

Salam alikoum

smahli gadi entayahlek el morale mais la vérité el caserne hadi maken hala

dossier médical: imedolek sursis kanet 6 mois f septembre darwak ma3labalich

mo3amala kanet mliha el makla machi mliha kima ga3 les casernes mais el haja li machi ga33 mliha hiya les conditions de vie maken hala ,ni l'eau 'kayen sebala wahda pr tt le monde ^^'ni toilette nki 'hachek 'ni douche!!

el bnadem li mwalef inaki rohah gadi ihess rohah vré chekla tema !!


mais matkhafech normalment meme ana normalement gadi yersloni tema

!!

[أبحث عن النجاح]

هههههههه تبا تبا تبدو ايـام عصيبة
انا اعتمد على ملف طبي لكن ليس قـوي مرض الصدفية بتقرير طبي وفقـط :'(

[19younesmadrid]

aucune idée

[mouh kabyle]

سلام .انا ثاني بعثوني لبلعباس ل 15 ماي.راني معول ندير روطار اسبوع او اكثر.

[moh0977]

نا ثاني بعثوني لبلعباس ل 20 ماي اين تقع الثكة ومنين تركب كي تلحق وشحل بعيد علي المدينة بلعباس

[souar]

ربي يوفق اخي

[sam pikso]

نا ثاني بعثوني لبلعباس ل 20 ماي اين تقع الثكة ومنين تركب كي تلحق وشحل بعيد علي المدينة بلعباس
هاد الثكنة la late عندي صاحبي هاد الايام راح يكمل الستاج نتاعه المنكان مش بعيدة على بلعباس يعني حاجة 3 كيلو برك من لاجونس تقدر تروح ليها نورمال اما الظروف تما عادية كاي ثكنة لكن المطاسيون نتاعها توقع كلش لانها مدرسة مشاة

[moh0977]

بارك الله فيك

[moh0977]

المطاسيون نتاعها وين تكون وماهي الولايات اللي يبعثك ليهم وبرك الله فيكم

[sam pikso]

المطاسيون نتاعها وين تكون وماهي الولايات اللي يبعثك ليهم وبرك الله فيكم

كاين ملاحظة باش لي رايح لتما مايخسرش دراهمه على جماعة الطاكسيات لما تلحق لاجونس حوس على البيس رقم 14 ولا سقسي على البيس لي يروح من جيهة طريق معسكر هاكا باللفظ هادا راح تحبس عند فندق بني تالة من تما حكم طاكسي وروح اما بالنسبة للبلايص لي ترسل ليهم على حد علمي اغلبها وحدات قتالية وايضا على حساب التخصص يعني التخصصات الادبية احتمال كبير الصحراء هاد المرة اغلب الناس لي من الشرق والعاصمة بعثوهم للغرب واي استفسار اخر راني هنا

[sam pikso]

الروطار لي رايح تما يدير حسابه مايروحش مع الاولين ومايروحش تاني ف الاخير يعني 24 23 اقصى تقدير لانهك تلحق روطار تما حتى واحد مايستعرف بيك ومايعطولكش حتى سورسي البرطابل مسموح نورمال

[moh0977]

شكرا اخي نزيد نسقسيك علي المطسيون ان عندي تخصص ليسانس اللكترو نيك وين تكون ... السؤال الثاني هل البيس رقم 14يحطك قدام الثكنة

[souar]

شكرا اخي نزيد نسقسيك علي المطسيون ان عندي تخصص ليسانس اللكترو نيك وين تكون ... السؤال الثاني هل البيس رقم 14يحطك قدام الثكنة
نتا و زهرك ممكن صحراء

[moh0977]

كاين ملاحظة باش لي رايح لتما مايخسرش دراهمه على جماعة الطاكسيات لما تلحق لاجونس حوس على البيس رقم 14 ولا سقسي على البيس لي يروح من جيهة طريق معسكر هاكا باللفظ هادا راح تحبس عند فندق بني تالة من تما حكم طاكسي وروح اما بالنسبة للبلايص لي ترسل ليهم على حد علمي اغلبها وحدات قتالية وايضا على حساب التخصص يعني التخصصات الادبية احتمال كبير الصحراء هاد المرة اغلب الناس لي من الشرق والعاصمة بعثوهم للغرب واي استفسار اخر راني هنا

شكرا اخي نزيد نسقسيك علي المطسيون ان عندي تخصص ليسانس اللكترو نيك وين تكون ... السؤال الثاني هل البيس رقم 14يحطك قدام الثكنة

[sam pikso]

شكرا اخي نزيد نسقسيك علي المطسيون ان عندي تخصص ليسانس اللكترو نيك وين تكون ... السؤال الثاني هل البيس رقم 14يحطك قدام الثكنة

لا يا اخي مش قدام الثكنة يقلع من لاجونس يفوت على الطريق لي تدي للثكنة امام فندق بني تالة ولا اسمها هاد البلاصة طريق معسكر من تما يبقى لك حاجة كيلو برك احكم طاكسي وروح

[sam pikso]

لا يا اخي مش قدام الثكنة يقلع من لاجونس يفوت على الطريق لي تدي للثكنة امام فندق بني تالة ولا اسمها هاد البلاصة طريق معسكر من تما يبقى لك حاجة كيلو برك احكم طاكسي وروح الكترونيك ممكن احتمال كبير للمعتمديات وراح نزيد نسقسي لك

[moh0977]

الكترونيك ممكن احتمال كبير للمعتمديات وراح نزيد نسقسي لك

بارك الله فيك وربي يحفضك وزيد سقسلي لا يحكم كبار السن انا عمري 29 سنة

[sam pikso]

بارك الله فيك وربي يحفضك وزيد سقسلي لا يحكم كبار السن انا عمري 29 سنة

والله في هادي اطلب زهرك الدفعة لي فاتت صح خرجو منها بزاف لكن اغلبهم عرف وكانو يحوسو يسلكو الناس غير بالسورسي وانا نظن تلبس احسن ماتروح سورسي 4 اشهر اخرى ضايعة

[liverpoolfc]

salam alikoum

ana jatni f le 15 kayen li jateh f le 22 ??

[tekk]

السلام عليكم خويا انا مازال ماجاتني مي فالدوزيام ريجيو قالولي بعثوك لبلعباس م/ا/م نع2 هل هذه هي الثكنةمع العلم اني زايد في وهران ونسكن في وهران ههه و قاسوني في بلعباس .....واش معناتها مين يكتبولك oa

[liverpoolfc]

salam alikooum

Normalment hiya rak m3ana magalolekch winta la date ?? ana jatni f el 15 w rani bagi enrouh wra el 22 m3a shab el 22 !!

mais manich sur la rahoum dayrin 2 dates le 15 et le 22 !!? wala gir wahda

[tekk]

لا ماعلاباليش لادات وينتا ؟؟؟ بصح قولي واش معنتها oa

[liverpoolfc]

wallah ma3labali sahbi

ana tani katbilii OA ...ma3labalich cha ma3netha .....w ma3labalich la idiroha ll shab wahren wala ga3 el nass!!

[zouzoudj3]

السلام عليكم خاوتي جاني استدعاء لبلعباس مشاة 15/05 و تيح بالجمعة ...انا قلت نروح ب الجمعة و نكون مع الاوائل بالاك تكون عندي فرصة انكون مع الفائض اذا كان ....واش تنصحونا يا جماعة الخير

[sam pikso]

wallah ma3labali sahbi

ana tani katbilii OA ...ma3labalich cha ma3netha .....w ma3labalich la idiroha ll shab wahren wala ga3 el nass!!

على حد علمي يا خويا oa تعنيorder appel وكاين oar يعنيorder appel rout امر استدعاء هل جات معاها ورقة بيضاء ولا لا؟؟؟؟؟؟؟

[sam pikso]

ممكن هادي هي الورقة الاخيرة لي من بعدها لو ماتروحش راح تطلع روشارش والعلم لله

[Madridista270]

هل من معلومات حول مدرسة ضباط صف العتاد ن ع 2 عين وهران مرسي

[zouzoudj3]

السلام عليكم خاوتي جاني استدعاء لبلعباس مشاة 15/05 و تيح بالجمعة ...انا قلت نروح ب الجمعة و نكون مع الاوائل بالاك تكون عندي فرصة انكون مع الفائض اذا كان ....واش تنصحونا يا جماعة الخير ........................اجابة خاوتي

[mouh kabyle]

حاب نعرف وقتاش تغلق الكازرنة 25 او 28 ماي

[moh0977]

كتبولي في لوردبال الدخول علي الساعة 8 صباحا هل استطيع الدخول علي سبيل المثال علي الساعة 17

[liverpoolfc]

Ana el mara li fatet wsalt jwayah el 13:00 w zado dalo moraya wahdin


madirech el rotar bezzaf tbenli el 17:00 maydakhlokech igololek wali demain

w allah a3lam

[bob000]

wach rayk khouya f ain lamgal tamnrasset???????????

[salehovich]

سلام انا عندي استدعاء ل 15 ماي كم هواقصى اجل للتأخر ؟؟

[ma-vie]

الصحة العسكرية بلبعباس .... اتصلو بنا

[أبحث عن النجاح]

السـلام عليكم
الا كتب ربي الاربعاء نروح , الجماعة البورطابل ندخلو نورمال ؟

[lotfi166]

تخصص بيولوجي وين ميتاسو نتاعهم