الزواج مساعدة

[مشكلتي]

السلام عليكم الخراير
بغيت نسقيكم ادا نوغمال تتزوجو ب واحد صغير عليكم
انا بروبلام لي يبغي يجي لدار يكون صغير عليا يا بعمين يا ربعة سنين بختو انا 26 سنة صغيرة ومام طويلة منبانش صغرونة راكم فاهمين
مي نخاف ندي واحد صغير يدور عليا رايو عليا حمبوكم راني حاصلا

[ام مهدي 03]

يا اختى صعيبة بزاف فى وقتنا .علابالى الرسول تزوج السيدة خديجة كبيرة عليه لكن الواقع ذرك حاجة اخرى وزيد المراة اصلا مع تجيب الاولاد تكبر بسرعة على الراجل
انا نعرف واحدة طبيبة مختصة واية فى الجمال زوجت واحد قل منها ومايخدمش ومكرهلها الحياة غير كيعاد صغير عليها وكان زعما ميت عليها من قبل ودرك راهو ميت على الدراهم وماشى عاجبو الحال

[رميسة الجزائرية]

والله عادي مايهمش الفرق يهم ادا رح تعيشوووو في سعادة عاااااااااااادي بزاف هنا عندنا يديو رجال قل منهم والله عايشين كي مانعرف واشيه المشكل ماهوش فلعمر المشكل في التربية والاخلاق ربي معاك ويهنيك ويرزقك بولد الحلال

[*سيرين نور عيني *]

ربي يوفقك أختي نظن عادي و انت ادرى

[غير هام]

السلام عليكم

ربي يرزقك بولد الحلال

[الصديق قروف]

عادي و لانك تباني سغيرة يقصدوك يعني كي تزوجي واحد قل منك ميبانش الفرق بلعين
يبقى المشكل في الاخلاق وادين

[زبدة ذايبة]

رانا صغار عليهم ويشنفو علينا

إذا شفت بلي المخ انتاعو مافيه والو غير اخطيك منو يجيبلك ربي اللي خير منو

وإذا كان راجل مولا كلمة وعندو النيف تاع الرجال مبروك عليك

[hadjer]

العقلية هي اللي تحكمي عليها
عندي طفلتي في 89 و زوجت واحد في 91
كان عاجبها و واعدها بكلش
لكن بعد الزواج لقات عقلية أخرى
هي جلبابية و هو مولا الجينز و الجال و كل يوم في الفايسبووك مع البنات
و في البلاد يعود غير يتبع فيهم
مع انه دووكا عندو زوج دراري
لكن مش شابع من الدنيا
وحاس روحو قصب روحو بالزواج


القصة أختي مش معناتها أنك ماتديش الصغير عليك
لكن أول شي كلشي بالمكتووب
و ثاني شي شوفي العقلية و الرزانة
و يعوود قد المسؤولية


و الله يكوون معاك أختي

[ولد حمد الباتني]

اخطاكي ماتقبليش

[ام نهوله]

بعيدا عن احتمالية نجاح هذا الزواج انصحك بعدم القبول لانه مع مرور الوقت ستدركين ان قرارك خاطئ يبقى هذا رايي الشخصي وما انا مقتنعة به

[magister]

يا اختي انا لا ارى فارق السن سببا خصوصا بوقتنا الحالي ......انا عندي بنات عمي كامل تزوجوا من شباب اصغر منهم باريع سنين والحمد لله متهننين معاهم المشكل يكون عقله كبير مشي سنه يا اختي وادا كان هو متقبل وانتي متقبلة وراكي مقتنعة بعقله وتفكيره حتى مشكلة ما رح تكون في فارق السن
ربي يهنيك