مشكلتي الخيانة

[مشكلتي]

السلام عليكم ، ندخل فالموضوع مباشرة حنا في دارنا 2 بنات ووولد ، عايشن لباس علينا الحمد لله
اختي الكبيرة متزوجة وعندها ولد ، واخي تم انا المدللة
علاقة ابي وامي مع بعض عادية مع انه في بعض الاحيان يضاربو على الدراهم وعلى القضيان
لكن عادي ككل العائلات الجزائرية
المشكلة بدات من حوالي شهر لما هزيت هاتف ابي وبالصدفة نتبهت لرقم مكتوب اسم رجل فيه
عدد المكالمات معه كانت كثيرة ، يعني النميرو هداك يبيبيلو بزاف ووجدت اخر مكالمة عدد دقائقها 20
دخلني الشك لانه الرجال عادة مايطولوش في حكايات التلفون ، هزيت النميرو وعيطت لقيتها طفلة وتبان صغيرة
لقيت روحي كل مرة نشوف هاتف ابي بالسرقة عليه مع انه رجع ميحطش هاتفه في اي بلاصة كما الاول
اصبح ماينحيهش من لجيب حتى لما نقوله اعطيني نهدر بيه يكون قريب ليا
المهم مع الايامات تأكدت انه على علاقة مع هدي الطفلة خاصة انه لديه محل انفورماتيك مع الجامعة
تكون وحده من تاع الجامعة لانه مرات نلقى النهار كامل غير يبيبيو لبعضهم ومكالمات خفيفة
يعني اكيدة تجي عنده للمحل ، من قهري حكيت لاختي الكبيرة تصدمت خاصة انه علاقتنا مع ابي هايلة
ولا مرة حسينا يكون من هدا النوع من الرجال ولا ممكن في يوم يخون امي مع وحده أخرى
والكارثة البارح بيبيتلها بالماسكي لقيتها اوكيبي رحت نعيط لابي كان برا فالليل قبل ادان العشاء
لقيت هو الآخر اوكيبي بمعني معها ، لمدة ساعة وهما يحكيو بعدها ادنت العشا دخل للدار صلى وعاود خرج
لما خرج بقى قلبي حاسسني عاودت بيبيتلهم للزوج لقيتهم اوكيبي ، وانا ابي مش من النوع لي يسهر برا يعني مورا الصلاة بالشوي خرج ولما طليت على انافدة وجدته فالسيارة ومش باين غير الضو تاعها من الداخل
لانها كانت الظلمة وماشفتش مليح ، لكن الاكيدة انه كان يحكي فالسيارة ، وبعدها دخل للبيت ماقدرتش نشوف حتى معاه هو يهدر معايا حسيت روحي رايحة نطرطق ، ياخاوتي من البارح وانا منقدرش نشوف فيه وهو بحكم اني المدللة ينوض يتمسخر معايا وكدا وانا الدموع يجوني ، مالقيتش حل واختي الكبيرة قالتلي نهدر معها قلتلها من الاحسن نعرفوها اولا شكون ولوكان نتلقاوها ونحكو معها وجها لوجه خير
مع العلم انه امي معلبالهاش واش راه صاري ومش حابين نقلقوها لانها رايحة تعمل عملية على المرارة مش حابين نقلقوها أكثر ، وتاني معلومة هاد الطفلة نبيبيلها فالليل نلقاها اوكيبي شحال من مرة
يعني مش راها تهدر معاه برك على حساب مافهمت
فهموني ياخاوتي راسي رايح يطرطق ولقاولي حل ، خايفة الامور تطور وتخرج من يدينا
كفاه ندير ؟؟ كفاه نتصرف ؟؟ نواجهو ؟؟ وواش راه يحوس من الطفلة هدي؟؟
الله يجازيكم عاونوني في اقرب وقت بحل مناسب خابفة تديلو عقله بما انه رجع يخرج من الدار ويحكي معها بالسرقة لمدة ساعتين اي كارثة ياخاوتي ، والله قلبي رايح يتقطع وغير نبكي من البارح وماما تسقسي وش بيك
سمحولي طولت عليكم قلبي معمر مالقيت لشكون نفرغ

[دروب الحياة]

أولا أختي الكريمة راني والله حاسة بيك لكن حبيت فقط نبهك لنقطة ممكن إنتي غفلتي عليها بحكم إنك أعدمتي عقلك وراكي تحكي بعاطفتك برك ومع ذلك مانيش لايمة عليك
حبيت نقلك برك إنك تبقي والدك وهذيك الطفلة أوكيبي لما تبببيلهم بالماسكي ماهوش دليل قاطع إنهم يحكو مع بعضهم لأنو يمكن يكون والدك حاطط الماسكي في قائمة الحظر وبذلك لما تتصلي عليه بالماسكي تخرجلك أوكيبي وهي ثاني ممكن عاملة هاذي الخاصية
لذلك قبل ما تتصرفي أي تصرف ممكن تندمي عليه تروي وتأكدي أولا من هاذي النقطة من هاتف والدك على الأقل
نكتفي بهذا القول مبدئيا وبعد ما تتأكدي ونظن إنك راح تلقي كلامي صحيح فيها كلام آخر بإذن الله
تحياتي

[ام مهدي 03]

اختى اولا اياكى تواجهى اباك لانك راح تخلقى مشكل كبير فى البيت وتانى ادا القصة صحيحة الرجل يعمل الخيانة فى السر لانو عارف بلى هدى حاجة غالطة لما تواجهيه راح السر ادا كل شىء يولى عادى ويزيد يتمسك بالفتاة اكثر واكثر
حاولى تعرفى الفتاة وتحكمى عليها ادلة بلى تتمسخر ويساعدك واحد مثلا صديق والدك او عمك.....ويوريلو حقيقتها

[mohamed cherie]

الله يجيب الخير و قيل ما تقومي باي خطوة حسبيلها مليح مليح
اذا قدرتو تتصلو بالطفلة و تعرفوها شكون احسن و قاابلوها شخصيا و انصحوها اننها تترك هذا الامر
ربي يكون معاكم

[ام النجمين]

صح تصرفك متخبروش امك ابدا خليها وشوفي قولي لخوك كبير ولا خالك واحكيلو وهو يتبع ويراقب ويعرفها ويعرف دارها وبعد روحي انتي وخوك وهدوها في دارها خرابت لبيوت وقلولها بعدي عليه ولا نفضحوك هي كان عدت تحشم راه تخاف هكا من بعيد حلو المشكل وحافضو على الوالدة ربي يشفيها

[NIGHTINGALE]

ما كان عليك التجسس على محمول أبيك
هذا أمر منهي عنه في عقيدتنا الإسلامية
ثم مواصلة تجسسك عليه ومتابعة كل تحركاته ليس بالأمر اللائق
هو ليس مراهق أو ساذج حتى تضعي نفسك مسؤولة عن سلوكاته
عليك أن تعي ذلك جيدا وتلزمي حدودك مع والدك

أما فيما يتعلق بتلك العلاقة فأغلب الظن أنها نزوة عابرة
يعني الظاهر أن والدك أصيب بسهم من أسهم ابليس وهو الآن لا يعي جيدا ما يفعل
وسبب كل ذلك التساهل في ما أوصانا به المولى عز وجل من غض البصر والتزام الحدود الشرعية في التعامل مع الجنس الآخر
ولكن إذا كان والدك مواضبا على الصلاة كما قلت ومخلصا فيها فلابد له أن سيستفيق من تلقاء نفسه ويتوب إلى الله ويستغفره
لقد حدث لقريب لي نفس الحكاية بسبب كثرة الاختلاط في عمله وانحراف بعض النسوة هداهم الله
ولكن انتهت الحكاية بعد فترة وتلقى ذلك القريب ضربة عنيفة ( أهين إهانة يستحقها ) وعاد إلى سالف عهده مع عائلته
الآن إن أردت النصيحة فمن رأي ألا تشغلي بالك كثيرا بتلك الأمور
حتى تحافظي على علاقتك الطيبة مع والدك وتداومي على احترامه وبره
فلا تبحثي عما يشوه صورته ويفسد عليك صفاء بنوتك
أنت منذ كنت صغيرة كانت علاقتك مع والدك علاقة فتاة مع وليها يعني ما تعرفينه عن والدك هو ذلك الرجل الذي يلعب دور الأب
ولكن بتجسسك عليه تكونين قد غامرت بالبحث عن وجه آخر لوالدك وهو وجه لا يليق بالبنت على حسب رأي أن تطلع عليه
لأنه سيفسد لا محالة صورة الأب ... وهذا ما يفسر دموعك عندما كان يمازحك
فأنت كنت ترثين لنفسك وفاة الأب الذي تحطمت صورته بعد ما عرفتي عنه عن طريق التجسس
ولكن بداخلك هناك شيء كان يرفض ذلك ولا يزال متعلقاً بتلك الصورة الأصيلة صورة الأب
لذلك أنصحك بأن تنسي القضية وتكتفي بالدعاء فالله هو المدبر وهو مقلب القلوب عسى أن ينسيه تلك الفتاة
ويعيده إلى رشده إن شاء الله
ولتعلمي أن ما تمرين به من حزن وحسرة راجع لكونك قد ارتكبت خطأ جسيما
فتعديت على حقوق والدك وتدخلت في شؤونه الخاصة بتجسسك عليه
فاستغفري الله ولا تضنيه هينا ولا تعودي إلى مثله أبدا

[ماريـام]

وضع محير صراحة اين هي الام ؟؟ الام لازم تعوض على الزوج و تشغل كل تفكير اكيد الاب يعاني و يحتاج حنان زوجة ممكن هي مقصرة هذه اولا

ثانيا حاولي تخبي هاتف الاب لايام اعلم انه صعب لكن حتى تتلهى هي بشخص اخر لانو هاذا النوع تاع لبنات خاصة صغار تستغل واحد كبير و لما تلقاه مش مهتم تروح لشخص اخر

الاحسن تخبري اخ ليك اذا عندك و تحاولو تعرفو من هي هذه البنت تروحو للمحل او شئ من هاذا القبيل

لا تواجهي الاب اطلاقا

طالما انتي مدللة في البيت حاولي تشغلي تفكير الاب قدر المستطاع باش ميعيطلهاش ابدا مع الوقت هي تمل صدقيني و تنساه

بالتوفيق

[رميسة الجزائرية]

ربي يكون معاك وكوني دكية في تصرفك ولا تتسرعي ابدا فتكوني سببا في خراب بيت ابيك
الحل الوحيد هو الدعااااااااااااااااااااااااااااااااااااااااااء ارجوووك لا تتسرعي اياكي والتسرع قبل اي خطوة فل يكون 10000 حساب ديري في بالك اي تصرف غالط تكون نتيجتو بايخة احدري واهتم بامك التي ستعمل عملية وادعي ربك فهو سيهدي ابيك دون ان تعلم امك لك كوني قوية حاولي انت واختك ان تتعاملو معه بلطف حتى تحسسه بالدنب دون ان يشعر انكما تعرفان الموضوع يعني امزحووو معه المهم كونو كانكم لا تعرفون شيء

[*سيرين نور عيني *]

ما كان عليك التجسس على محمول أبيك
هذا أمر منهي عنه في عقيدتنا الإسلامية
ثم مواصلة تجسسك عليه ومتابعة كل تحركاته ليس بالأمر اللائق
هو ليس مراهق أو ساذج حتى تضعي نفسك مسؤولة عن سلوكاته
عليك أن تعي ذلك جيدا وتلزمي حدودك مع والدك

أما فيما يتعلق بتلك العلاقة فأغلب الظن أنها نزوة عابرة
يعني الظاهر أن والدك أصيب بسهم من أسهم ابليس وهو الآن لا يعي جيدا ما يفعل
وسبب كل ذلك التساهل في ما أوصانا به المولى عز وجل من غض البصر والتزام الحدود الشرعية في التعامل مع الجنس الآخر
ولكن إذا كان والدك مواضبا على الصلاة كما قلت ومخلصا فيها فلابد له أن سيستفيق من تلقاء نفسه ويتوب إلى الله ويستغفره
لقد حدث لقريب لي نفس الحكاية بسبب كثرة الاختلاط في عمله وانحراف بعض النسوة هداهم الله
ولكن انتهت الحكاية بعد فترة وتلقى ذلك القريب ضربة عنيفة ( أهين إهانة يستحقها ) وعاد إلى سالف عهده مع عائلته
الآن إن أردت النصيحة فمن رأي ألا تشغلي بالك كثيرا بتلك الأمور
حتى تحافظي على علاقتك الطيبة مع والدك وتداومي على احترامه وبره
فلا تبحثي عما يشوه صورته ويفسد عليك صفاء بنوتك
أنت منذ كنت صغيرة كانت علاقتك مع والدك علاقة فتاة مع وليها يعني ما تعرفينه عن والدك هو ذلك الرجل الذي يلعب دور الأب
ولكن بتجسسك عليه تكونين قد غامرت بالبحث عن وجه آخر لوالدك وهو وجه لا يليق بالبنت على حسب رأي أن تطلع عليه
لأنه سيفسد لا محالة صورة الأب ... وهذا ما يفسر دموعك عندما كان يمازحك
فأنت كنت ترثين لنفسك وفاة الأب الذي تحطمت صورته بعد ما عرفتي عنه عن طريق التجسس
ولكن بداخلك هناك شيء كان يرفض ذلك ولا يزال متعلقاً بتلك الصورة الأصيلة صورة الأب
لذلك أنصحك بأن تنسي القضية وتكتفي بالدعاء فالله هو المدبر وهو مقلب القلوب عسى أن ينسيه تلك الفتاة
ويعيده إلى رشده إن شاء الله
ولتعلمي أن ما تمرين به من حزن وحسرة راجع لكونك قد ارتكبت خطأ جسيما
فتعديت على حقوق والدك وتدخلت في شؤونه الخاصة بتجسسك عليه
فاستغفري الله ولا تضنيه هينا ولا تعودي إلى مثله أبدا


سلام
انا هاد البنت بانتلي شاطرة ماشاء الله عليها
اولا لانها فاقت ب باباها و قليييل لي يدير ف بالو باباه يقدر يدير هاد الشي
هي بالاك غلطت ف الاول كي تجثت بصح كي فاتت شافت وش كاين لازم تتبع و تحاول تنقذ العلاقة تع باباها و ماماها
و ثانيا ماتسرعتش و ماقالتش لماماها ربي يحفضها و يشفيها
و كيفش حبيتيها تتجاهل الامر
سييها في روحك تقدري تتحملي تشوفي باباك يخون ماماك و تنقاي تتفرجي ??? اواه انا مينداك ندوخ ف ردود كيما هادو
الله يدديك اختي مايحس بالجمرة غير لي كواتو

[*سيرين نور عيني *]

وضع محير صراحة اين هي الام ؟؟ الام لازم تعوض على الزوج و تشغل كل تفكير اكيد الاب يعاني و يحتاج حنان زوجة ممكن هي مقصرة هذه اولا

ثانيا حاولي تخبي هاتف الاب لايام اعلم انه صعب لكن حتى تتلهى هي بشخص اخر لانو هاذا النوع تاع لبنات خاصة صغار تستغل واحد كبير و لما تلقاه مش مهتم تروح لشخص اخر

الاحسن تخبري اخ ليك اذا عندك و تحاولو تعرفو من هي هذه البنت تروحو للمحل او شئ من هاذا القبيل

لا تواجهي الاب اطلاقا

طالما انتي مدللة في البيت حاولي تشغلي تفكير الاب قدر المستطاع باش ميعيطلهاش ابدا مع الوقت هي تمل صدقيني و تنساه

بالتوفيق




اختي راكي غالطة الرجل كي يحب يخون يخون
المراة لوكان تكون قمر و متهلية في روحها ماشي هاداك الشي لي يشدو يشدوه المبادئ دياولو و الشيطان واعر و البنات تع دوكا والاو ....ماايهمهم لا متزوج و لا اب ولا جد
وراهي تقول ماماها راهي مريضة مسكينة ديريها في روحك كي تكوني مريضة
بلاغريب برك تكرهي حياتك ولالالا?? يعني هدا ماهوش تقصير
الله غاللب و ربي يهدي الرجال

[*سيرين نور عيني *]

اختي اولا نحييك على الذكاء ديالك و رزانتك
و نوصيك حذاري بالاكي تواجهي باباك
كيما قالو الاخوة لي قبلي رايحة تخربي كلش شوفي شكون يعاونك بش توصلي ليها و لا قولي لخوك و هددوها و قولولها هادا بابانا و بالاكي حلي عينك نسمعو بيك زدتي درتي بيه هي تجبد روحها وباباك ربي يهديه وماماك ربي يشفيها امين

[رقة قلب]

السلام عليكم و رحمة الله و بركاته

يا ختي الخيانة هادي ولات في اغلبية البيوت وشنو الواحد يجوز مالازمش ديري حاجة تندمي عليها باباك (الغربال يغربل يغربل و يولي لمولاتو) يعني هو ماراحش يفرط فيكم و مادامو مصلي صلاتو هي لي تنهيه و ماكاش لي ما يغلطش تاخدي راي اصبري يامات و تشوفي كيفاش يجبد روحو عاونيه انتتيا بدعاء و معنيلو مين داك بفيديو تاع دين عن الزنا و مكالمة الاجنبيات شريلو يفهم بلي عندك فكرة على واش راه و بتالي يفيق لعمرو و ربي يخليهعولكوم ان شاء الله و باباك خلي علاقتك معاه كي لبارح كي ليوم ما خسريش علاقتك بباك المراة هادي تعيا تزول من حياتو لكن انت و باباك تبقاو دايما على صلة و انا راني ندعيلك

[صُبح الأندلس]

أرجو أن تحكمي عقلك لا عاطفتك
هذا أبوك و ليس زوجك فكيف تريدين مواجهته ؟ من يربي من ؟ مهما فعل يبقى أبوك و لا دخل لك في هذه الأمور سوى الدعاء له بالهداية ثم أكبر خطأ هو تجسسك و لهذا حرم الله التجسس لأننا أحيانا أن لا نعلم خير من أن نعلم و نبقى نعيش في جحيم الشك و هذا ما تعيشينه فعلا

[bravo1]

افضل حل التوجه لله الاحد الصمد بادعاء للوالد بالهداية و الرجوع الى جادة الصواب و ربي يصرف على كل واحد هدا النوع من المشاكل
وخصوصا اقرب الناس اليك في العائلة الله يهدينا لما فيه الخير

[صُبح الأندلس]

الله يجيب الخير و قيل ما تقومي باي خطوة حسبيلها مليح مليح
اذا قدرتو تتصلو بالطفلة و تعرفوها شكون احسن و قاابلوها شخصيا و انصحوها اننها تترك هذا الامر
ربي يكون معاكم

لا أنصح بهذا لأن الطفلة ستخبر الأب و سيزداد غضبه لأنه يكتشف أنهم تجسسوا عليه و يتصرفون كأوصياء عليه فيعاند أكثر

[NIGHTINGALE]

سلام
انا هاد البنت بانتلي شاطرة ماشاء الله عليها
اولا لانها فاقت ب باباها و قليييل لي يدير ف بالو باباه يقدر يدير هاد الشي
هي بالاك غلطت ف الاول كي تجثت بصح كي فاتت شافت وش كاين لازم تتبع و تحاول تنقذ العلاقة تع باباها و ماماها
و ثانيا ماتسرعتش و ماقالتش لماماها ربي يحفضها و يشفيها
و كيفش حبيتيها تتجاهل الامر
سييها في روحك تقدري تتحملي تشوفي باباك يخون ماماك و تنقاي تتفرجي ??? اواه انا مينداك ندوخ ف ردود كيما هادو
الله يدديك اختي مايحس بالجمرة غير لي كواتو

أنا أعلم أنك لم تفهمي وجهة نظري
وهل هناك خير من الدعاء في مثل هذه الحالات ؟

[bravo1]

الامر الاخر انكم تحاولو تتقربو من الوالد اكتر يوجد بعض المشاكل سببها الروتين العائلي
متال في يوم عيد ميلاده تقدمون له هدايا بما فيه الوالدة تقومو بكسر هدا الروتين او تنظيم خرجات عائلية الى
اماكن في نهاية الاسبوع ممكن هد الامور تساعد في كسر الروتين و الله المستعان

[*سيرين نور عيني *]

أنا أعلم أنك لم تفهمي وجهة نظري
وهل هناك خير من الدعاء في مثل هذه الحالات ؟



ف الدعاءراني معاك
بارك الله فيك اختي

[Widad Hmd]

وعليكم السلام

يا طفلة واش نقولك ربي يفرج عليكم ماشي حاجة ساهلة، يتزوج بيها وما يروحش للحرام، نتيا ما تخسريش باباك ما تقوليلو ما تواجهيه كي تبان لحكاية ساهلة مبعد، والطفلة هاذي اللي دور بواحد قد باباها باين على جال الدراهم والطمع

نقولك حاجة باش يرجعلكم باباكم كيما بكري لازم زوج حوايج

اولا :: يعرف قيمة عايلتو والنعمة اللي راهو فيها
لازم توفرو جو أسري يخليه يحب يريح معاكم كي يجي لعشية ,, وبحكم يماك مريضة الله يشافيها، أكيد مارحش يدي حقو كامل من عندها، بصح ماشي تخليه طول ما تريح معاه ما تقصر معاه ، ويولي مبعد يبصبص في جيهة اخرى، ونتيا بركاي من التشناف والبكا كوني فحلة، احمدي ربي او مازال يتمسخر معاك وما خلاكمش وراح، ما تخسريش علاقتك مع باباك على جال بنت الزنق

ثانيا :: يعرف باللي الحرام مايدومش
سجلي محاضرة دينية على العلاقات المحرمة، وكي يكون فالدار ديريها ف التلفزيون، قال ما قال خاطيك نتيا ، بدات وحدها ،، بشرط الشيخ يكون اسلوبو مليح ويعرف يوصل المعلومة ماشي يجيب ساعة وهو حدثنا فلان عن فلان عن ابي فلان حتان يموت الواحد وما يعرفش الحديث واشي هو ,,,,,
ولا احكي بالكذب ليماك على واحد خان مرتو مع طالبة وكي فاقو بيه اهل الطفلة قالولو غررت بطفلة صغيرة مالا تتزوج بيها ولا الحبس مثلا ، وخلي باباك يسمع ,,,,,,, المهم الميساج يلحق بلا ما طيحي القدر لباباك

والطفلة هاذيك نهارها وحدو، روحي نتيا ولا ختك مع خوكم بصح وفهموها بلي الراجل عندو عايلة واطونصيون تقرب ،، بشرط تكونو تعرفو حاجة من الماضي نتاعها باش تخاف

ربي يفرج عليكم

[*سيرين نور عيني *]

وعليكم السلام

يا طفلة واش نقولك ربي يفرج عليكم ماشي حاجة ساهلة، يتزوج بيها وما يروحش للحرام، نتيا ما تخسريش باباك ما تقوليلو ما تواجهيه كي تبان لحكاية ساهلة مبعد، والطفلة هاذي اللي دور بواحد قد باباها باين على جال الدراهم والطمع

نقولك حاجة باش يرجعلكم باباكم كيما بكري لازم زوج حوايج

اولا :: يعرف قيمة عايلتو والنعمة اللي راهو فيها
لازم توفرو جو أسري يخليه يحب يريح معاكم كي يجي لعشية ,, وبحكم يماك مريضة الله يشافيها، أكيد مارحش يدي حقو كامل من عندها، بصح ماشي تخليه طول ما تريح معاه ما تقصر معاه ، ويولي مبعد يبصبص في جيهة اخرى، ونتيا بركاي من التشناف والبكا كوني فحلة، احمدي ربي او مازال يتمسخر معاك وما خلاكمش وراح، ما تخسريش علاقتك مع باباك على جال بنت الزنق

ثانيا :: يعرف باللي الحرام مايدومش
سجلي محاضرة دينية على العلاقات المحرمة، وكي يكون فالدار ديريها ف التلفزيون، قال ما قال خاطيك نتيا ، بدات وحدها ،، بشرط الشيخ يكون اسلوبو مليح ويعرف يوصل المعلومة ماشي يجيب ساعة وهو حدثنا فلان عن فلان عن ابي فلان حتان يموت الواحد وما يعرفش الحديث واشي هو ,,,,,
ولا احكي بالكذب ليماك على واحد خان مرتو مع طالبة وكي فاقو بيه اهل الطفلة قالولو غررت بطفلة صغيرة مالا تتزوج بيها ولا الحبس مثلا ، وخلي باباك يسمع ,,,,,,, المهم الميساج يلحق بلا ما طيحي القدر لباباك

والطفلة هاذيك نهارها وحدو، روحي نتيا ولا ختك مع خوكم بصح وفهموها بلي الراجل عندو عايلة واطونصيون تقرب ،، بشرط تكونو تعرفو حاجة من الماضي نتاعها باش تخاف

ربي يفرج عليكم





bravooooooooooooo :19::19::19::19::19::19:

[7anine 87]

ربي يطفي نارك تاكدى قبل ما ديري حتى حاجة وتانى حاجة ماعندكش الحق تحاسبيه ومتقدريش تحيري امك وانك تحكى مع هدى الطفلة تخافى تقولو وتصبحى فى حل واربط مع باباك يعنى ادعي واستغفرى لانو ماعندكش حل اخر ومتحتقريش باباك لانو انسان وممكن يضعف ويغلط قادر ربي يبدل حالو بين يوم وليلة ويتوب عليه ويرجع كيما كان ويبقى بيتكم امن مستقر اخر شئ عندك الغلطة قادر تهدم بيت مالا ردي بالك وربي معاك

[h_hakima08]

أولا أختي الكريمة راني والله حاسة بيك لكن حبيت فقط نبهك لنقطة ممكن إنتي غفلتي عليها بحكم إنك أعدمتي عقلك وراكي تحكي بعاطفتك برك ومع ذلك مانيش لايمة عليك
حبيت نقلك برك إنك تبقي والدك وهذيك الطفلة أوكيبي لما تبببيلهم بالماسكي ماهوش دليل قاطع إنهم يحكو مع بعضهم لأنو يمكن يكون والدك حاطط الماسكي في قائمة الحظر وبذلك لما تتصلي عليه بالماسكي تخرجلك أوكيبي وهي ثاني ممكن عاملة هاذي الخاصية
لذلك قبل ما تتصرفي أي تصرف ممكن تندمي عليه تروي وتأكدي أولا من هاذي النقطة من هاتف والدك على الأقل
نكتفي بهذا القول مبدئيا وبعد ما تتأكدي ونظن إنك راح تلقي كلامي صحيح فيها كلام آخر بإذن الله
تحياتي


اختي، كفيتي ووفيتي انا متفقة معاك تماما
لازم تكوني متاكدة 100 ب 100 لانه ممكن وش حكتيه يكون صدف لاغير

[غير هام]

السلام عليكم

هذا مهما كان راه بوك وما يقبلش على روحو تنتاقديه فما بالك تروحي تواجهيه راح تخسري مكانتك عنده ويصرا مشكل كبير بينه وبين امك

حاولي تدعي ربي ان شاء الله يبعد عليه هاديك البنت