اريد خطبة فتاة

[مشكلتي]

يا اخواني عندي 22 سنة تعرفت على فتاة من نفس منطقتي وأحببتها .
ومانيش حاب ندير لحرام معاها وحاب روح نخطبها انا العام هادا وين بدديت حياتي يعني ماعندي والو هادا وين خلصت الجامعة عندي غير الدار خلاهالي الوالد الله يجازيه والخدمة اني معول في هاد الصيف نبدا نخدم ومالقيت كيفاش نقول للوالدة تاعي والوالد تاعي كيما يقولوها حشمت منهم بصح قاصد لحلال وخايف يحطوني مازلت صغير بصح بصح نحب الطلفة بشكل جنوني الله غالب فطرة الانسان من قبل حبيت نبعد عليها وماقدرتش كيما يقولوها هادي ولا مكانش وطول عمري ماراح نشوف معا غيرها ورافض فكرة الزواج من غيرها ولو بعد 100 سنة
كيفاش ندير

[كلنا راحلون]

تقدملها وزين نية وبعد هاتف قدر مستطاع

هادي ولا مكانش وطول عمري ماراح نشوف معا غيرها ورافض فكرة الزواج من غيرها ولو بعد 100 سنة.................44444444




الله يسهل

[انغام المنى]

التوكل على ربي وصارحهم بلي حاب تتزوج

[Red Ańgel DŽ]

السلام عليكم اخي الكريم
ما دامك ناوي الحلال احكي مع والديك ما فيها حتى عيب ولا حشمة اخي الكريم و اذا قالولك ما زالك صغير و ما راكش خدام سيي كيفاه تقنعهم باه على الاقل تدير شوفة و كيما نقولو تحط الكلمة على الطفلة حتى توجد روحك مليح و تولي قادر باه تخطب
ربي يسهلك اخي

[سميرة3940]

احكي مع والديك ما فيهاش عيب

[رة بنت الاحرار]

الصراحة يا أخي حتى عائلة ما تمد بنتها لواحد ماشي خدام ياك قلت بلي في الصيف تبدا الخدمة ان شاء الله , اصبر شوية للصيف وتقدم ليها وقولهم يصبرو عليك حتى تلم شوية دراهم والدير العرس . ان شاء الله ربي يوفقك انتا دير النية والله راح ربي يسخرلك . أخي اذا تحبها صح ديرها في عينيك و متزعفهاش

[محمد جديدي التبسي]

لازم تملا عيني والديك وتحسسهم انك رجل يعتمد عليه وهذا بخدمتك وشخصيتك وطاعتك لهما
الخطبة الآن يظهر أنها صعبة بعض الشيء يمكنك مشاركة هذا الموضوع مع أحد أفراد العائلة ممن له مكانة لدى والديك وهو يكون طريقك لاقناعهما
المهم أن تبتعد عن العلاقة المحرمة سواء بالهاتف أو غيره واستخر الله وربي يوفقك

[zahra souf]

ســلام ... توكل على ربي خويا وروح احكي مع يماك وقلها بلي راني حاب نخطب طفلة .. بصح نصيحه زيد اصبر شوي لين تبدا تخدم لانو ممكن يرفضوا

[زايدي أمحمد]

أخي في الله في منظوري انا من أحسن كي تولي خدام وتكون تلكل على روحك عاد روح لوالديك لانو غير معقول انت بدون العمل ان تتحمل المسؤولية الناس خدامة وراها ماقدرتش على مسؤولية

[djamel123]

أنا في رأيي الراجل يبقى صغير في نظر أهلو
حتى يبدى يخدم
بعد الخدمة تروحلهم بلا أي عقدة
ومن الأحسن تقول للوالدة أولا

[لحن الحياة.]

يا سلاااااام روح طوووووووووووووووووووووووووووووووووووول للأم تاعك قولها راني شايف وحدة و ابداو تحكو في الموضوع
الله يجيب الخير

[حبيبة زوجها]

توكل على ربي وخبرهم

[رقة قلب]

يا اخي مادامك انت ناوي الحلال غير اتقدم و خليها على ربي لانك تركت الحرام لوجه الله قادر تحكي معها لكن رحت لحلال ربي يعني اكيد ربي يسهلك فيها و هادا امر عادي جيك صعيبة لانك اول مرة راح تحكي مع والديك في امر مثل الزواج فيه حشمة صح لكن لا حياء في الدين دير كوراج و كلم والديك و ربي يجمعك بيها في خير

[bravo1]

مادا تتنظر اخي اتكل على ربي وروح خير ما يسبوقك ليها ربي يوفقك ان شاء الله

[ayy1994]

ربي يسهلك امورك ان شاء الله

[*سيرين نور عيني *]

الصراحة يا أخي حتى عائلة ما تمد بنتها لواحد ماشي خدام ياك قلت بلي في الصيف تبدا الخدمة ان شاء الله , اصبر شوية للصيف وتقدم ليها وقولهم يصبرو عليك حتى تلم شوية دراهم والدير العرس . ان شاء الله ربي يوفقك انتا دير النية والله راح ربي يسخرلك . أخي اذا تحبها صح ديرها في عينيك و متزعفهاش




نفس الرأي ربي وفقك

[غير هام]

السلام عيليكم

ابا الخدمة واحكم روحك ميح فيها حتى كي تقنع امك بالزواج وكي تروح تخطبلك اهل العروسة ما يشوفو فيك حتى عيب

[mojab]

تقدملها وزين نية وبعد هاتف قدر مستطاع