مشكلتي ابني

[malak mimi star]

سلام عليكم عاونوني ربي يستركم عندي طفل عمرو تقريب ثمنيه مهبلني ميحبش ياكل و اش هيا الماكلات تاع هذا العمر و شكرا

[فاطمة فؤاد]

السلام عليكم اختي
قبل ما تعلمي ابنك الاكل لازم عليك تتعلمي انت الصبر
ديري في بالك كل ما تصبري معاه رايحة تعرفي تقنعيه بالاكل
و متحيريش روحك الاكل غريزة بشرية رايح ياكل اليوم و لا غدوة

[فاطمة فؤاد]

انا نصحوني بالجزر قالولي هو احسن من البطاطا و الجريوات من ناحية الفيتامينات
و الأطفال يحبو الجزر لان حلو
دريه المرة الأولى جاري بزاف و بعد أيام دريه عاقد بالتدريج
و خليه يكون جائع على الأقل ساعتين بعد الرضاعة
ربي يكون في عونك اختي

[malak mimi star]

شكرا اختي علي النصايح

[جوميجو]

قاع ما تتقلقيش لازم تعوديه غي بشوية . البطاطا مليحة لكن قالولي الاكثار منها يديير الغازات والجزر والكوسة؟مهروسين تاني اغلي البيض واعطيه فقط الصفار والعصائر كما عصير البرتقال المخفف و الفواكه كيما الموز. تنجمي تعطيه حبة بسكويت ...

[ام براء عبيدة]

ان تاني عندي نفس المشكل ان شاء الله يعاونوك

[صُبح الأندلس]

ربما بدأت له الطعام في وقت متأخر و هو تعود على الحليب فهو أسهل
غالبا الذين يرضعون أمهاتهم يرفضون الطعام أكثر من غيرهم
نوعي له الطعام و الأكل ليس فقط خضر أعطيه مشتقات الحليب من جبن و يايورت الأطفال و الكومبوت
عوديه على الملعقة و بعدها سيتعود على الأكل

[malak mimi star]

شكرا لكم راني استفدت من النصايح

[mimo20]

استفدت من النصايح

[*عاشق الحياة*]

أعطله الخضر غليها واعطلو كذالك الفاكهة ( الموز) ..