مشكلتي والواقع

[مشكلتي]

السلام عليكم اخواني

اريد منكم نصائح حياتي في هده الفترة جد مضطربة أصبحت جد عاطفي وليت ندير علي اتفه الأشياء ..

المهم ادخل في الموضوع الدي يقلقني الان فهموني خاوتي في المكتوب فهموني في هدا الزمان لي راني عايشين فيه الان

الانسان الدي كنت معجب بيه مند الطفولة فتاة تقربني من نفس العائلة لم اعد اهتم لها لعدة أسباب واصطدامي بالواقع

أولا اخلاق الفتاة

لم اعد اعرف هل اخلاقها تربيتها جيدة أولا أصبحت الناس تحكي عليها كتيرا بالسوء و اصدقائها لي دور معاهممهومشعاجبيني ممكن أقول انها فترة مراهقة الفتاة الان عمرها 18 سنة اما امامي فهي جد خجولة انا جد محتار .

تانيا فارق العمر بيننا عامين

انا الان عمري 20 عاما اما هي فعمرها 18 انامزالني صغير علي الزواج نكون في روحي الدراسة.. والفتاة تدرس أيضا

وقادر تزوج صغيرة في العمر .

ممكن تتسائلون اين هو المشكل هنا المشكل اني قسوت عليها بعض الشئ لم اعرها اهتمام للأسباب السابقة لا اريد ان أكون علاقة غير شرعية معها ولا استطيع التقدم اليها او ان اعدها بالزواج والفتاة معجبة بي من تصرفاتها ... والقصة طويلة

راني كرهت من التخمام لم اكن اعلم ان من الصعب فقدان او التفريط في شخص كان عزيزاا علي في الماضي

والمشكل الأخير علاه هدا الموضوه محبش يخرج من تفكيري

[يونس معبدي]

السلام عليكم ورحمة الله
اخاف ان يخرج هذا الموضوع من تفكيرك بعد فوات الآوان
خذها نصيحة
والله سيأتي يوم ستقول : واش كنت ندير انا وستضحك على نفسك
اهتم بدراستك وفكر في الزواج حين تريد ان تتزوج
لانو وحدة عمرها 18 سنة في اي لحظة ستتزوج
اما انت مازال عندك مشاريع تنجزها
واولها الدراسة
ربي يوفقك اخي

[الصديق قروف]

انا مع قول يونس

[NIGHTINGALE]

استبداد العواطف بالمرء مؤشر غير مريح
ذلك أن الإنسان السوي والمعتدل هو الذي يتعاطى عواطفه - حتى وإن كانت إيجابية - بقدر ضئيل ومعتدل
وذلك لأنها تفسد العقل وتخل بأدائه حتى يصير الإنسان غير منطقي ومبالغ في أرائه
الآن إن كنت توافقني فيما قلت وتريد أن تضبط عواطفك فعليك بأن تزيد وعيك بطريقة تنفسك
يعني تراقب أنفاسك متى تزيد ومتى تنقص وتحاول دائما أن تحافظ عليها في حدها الطبيعي
عن طريق ممارسة التنفس المنتظم الواعي - والذي تجد معلومات أكثر عنه في اليوغا
وصدقني عندما تزول عنك العواطف الشديدة سترى الأمور بشكل مخالف
يكون أكثر عقلانية وأكثر واقعية
وإن شاء الله تتيسر لك الأمور وتخرج من الحالة التي أنت فيها

[ايه الرحمان]

السلام عليكم
اخي الكريم . اعلم بان الزواج قسمة ونصيب وانت. الان لم تكمل دراستك .الدنيا هذي عندها اولويات وباش متضيعش بين كل هذه المطبات تمسك بحبل الله .
وانا اشجعك على ما فعلته كونك لا تريد المحرم احسنت . اما عن مايصيبك فالامر عادي جميعنا يمر بمراحل صعبة في حياته ولنقل فترات احسن لانه يمكن تجاوزها وذلك باتخاذ القرارات الصائبة و الابتعاد عن كل ما يؤدي بك لالى ما سبق

يعني ركز حاليا على دراستك وعملك ومكانتك الاجتماعية في نفس الوقت انت تمنح الفتاة الفرصة لاصلاح نفسها ( لانو وعلى حسب خبرتي شخصية الفتاة تبنى في هذه المرحلة )والحقيقة رايتها بعينك .


ولما تبني نفسك اولا فكر في مايخب بعد ذلك فان رايت ان الفتاة لاباس به فالحمد لله وان تاكدت من شكوكك فليست نهاية العالم .وقل ربي لا تجعلني لمن يستحقني (ولتكن حقا ذلك الشخص )

ربي معاك

[sara_h]

انت قلت انو الجماعة لي تمشي معاها ماشي عاجباتك

وقلت ثاني الناس راهم يحيو عليها

"مكاش دخان بلا نار" معناها الناس كي يشوفو طفلة تمشي فالطريق وحاطة راسها عمرهم ماي عدرو عليها
الا وهدرتهم مبنية علا حاجة صح

واليك يعود القرار

[ام نهوله]

انا اظن ان فكرة الزواج في سنك بعيدة نوعا ما لانه امامك مستقبل يجب ان تعمل على تحسينه حتى عندما تريد ان تفتح بيت تكون قادر على تحمل مسؤولياته ومن كل الجوانب
اما هي فكما قال الاخ يونس فتاة في سنها يمكن لها ان تتزوج في اي لحظة انصحك بالتفكير في هذا الامر جيدا وستغير رايك لمحالة

[tayeb@@@@@]

أسمع أسمع كمل القراية وما زال باقي قدام العسكر . وتبني الدار و و و و و و ... خطيك من هذا الأفكار . أنا كنت كيفيك نخمم وقتاش نتزوج وإلى حد الآن في عمري 30 سنة راني حاصل غير في الدار وقتاش نكملها . أما العرس ما نعرف ؟؟؟؟؟؟؟؟

[lachiche]

السلام عليكم
خويا نصيحة من خوك
أحطيك من هاذا التخمام و شوف غير في قرايتك و والديك و ربي و خلي حياتك تمشي عادي البس مليح و حوس و عيش حياتك كأي انسان
مع الوقت راك تكبر و تكون روحك و تلقا الطفلة لي توالمك

[زبدة ذايبة]

ياوليدي !!!!!!!!!!!!!!!!!!!!!!!!!

ألتهى بقرايتك

وهذا الشي اللي راك تحس فيه ماهو إلا نتيجة البلوغ الجنسي وهو مرحلة طبيعية في الحياة.

بالاك لوكان نشوفو هذا الطفلة باش نخطبوهالك مانلقاو فيها مايعجب ؟؟؟؟؟؟؟؟؟؟؟؟؟؟؟؟؟؟ّ!!!!!!!!!!!!!!!!!!

ولوكان نخطبوهالك بعد ثلاث سنين ولا ربعة تقوللنا غشيتوني مالقيتو ماتجيبولي غير هاذي !!!!!!!!!!!!!!!!!!!!!!!!!!!

واحنا نقولولك انت اللي حبيت هذ الطفلة

انت تجاوب : كنت صغير ومانعرفش صلاحي واش تستناو من واحد عمرو 20 سنة؟؟؟؟؟؟؟؟؟؟؟؟؟؟؟؟؟؟؟

إذا

التهى بقرايتك وبعد على طريق الشيطان وكي تكبر شوية وتزيد تعقل تولي تعرف من المرأة الصالحة من غيرها هنا روح لديار الرجال ودي بنت الرجال

ماشي دمية اللي جا يلعب بيها وهي من فاسق إلى فاجر ماتحبسش ومن يد ليد !!!!!!!!!!!!!!!!!!!!!!!!!!!!!!!!!!

[كلنا راحلون]

حب مراهقين تسلية.................سؤال مع نفسك وين حاب توصل مع بنت ولا تنسى السن

انا الان عمري 20 عاما اما هي فعمرها 18 انامزالني صغير علي الزواج نكون في روحي الدراسة.. والفتاة تدرس أيضا ............


دراستك قبل حب وابتعاد عن مسلسلات وافلام رومنسية

[aminazy]

السلام عليكم
كيما قالوا الاخوة اخطيك ياوليدي ولتهى بقرايتك .......كي تكبر وتتفكر تضحك على روحك لانوا هذا حب المراهقة ما يدومش ..........وقرب من الله يهديك وانشاء يهدينا معاك

[غير هام]

السلام عليكم

حبيتها صح ما راحش ننكرو الحب وبعده الزواج ومن بعدد الزواج تبدا امشاكل الحياة والروتين الدار والمصروف لي ما يخلاصش من بعد نت تهرب بجلدك واذا قدرت تتحمل المسؤولية

[yassefe]

الدراسة اولا يااخي
+ مكانش دخان بللا نار

[رندة نهاد]

السلام عليكم اخواني

اريد منكم نصائح حياتي في هده الفترة جد مضطربة أصبحت جد عاطفي وليت ندير علي اتفه الأشياء ..

المهم ادخل في الموضوع الدي يقلقني الان فهموني خاوتي في المكتوب فهموني في هدا الزمان لي راني عايشين فيه الان

الانسان الدي كنت معجب بيه مند الطفولة فتاة تقربني من نفس العائلة لم اعد اهتم لها لعدة أسباب واصطدامي بالواقع

أولا اخلاق الفتاة

لم اعد اعرف هل اخلاقها تربيتها جيدة أولا أصبحت الناس تحكي عليها كتيرا بالسوء و اصدقائها لي دور معاهممهومشعاجبيني ممكن أقول انها فترة مراهقة الفتاة الان عمرها 18 سنة اما امامي فهي جد خجولة انا جد محتار .

تانيا فارق العمر بيننا عامين

انا الان عمري 20 عاما اما هي فعمرها 18 انامزالني صغير علي الزواج نكون في روحي الدراسة.. والفتاة تدرس أيضا

وقادر تزوج صغيرة في العمر .

ممكن تتسائلون اين هو المشكل هنا المشكل اني قسوت عليها بعض الشئ لم اعرها اهتمام للأسباب السابقة لا اريد ان أكون علاقة غير شرعية معها ولا استطيع التقدم اليها او ان اعدها بالزواج والفتاة معجبة بي من تصرفاتها ... والقصة طويلة

راني كرهت من التخمام لم اكن اعلم ان من الصعب فقدان او التفريط في شخص كان عزيزاا علي في الماضي

والمشكل الأخير علاه هدا الموضوه محبش يخرج من تفكيري

الزواج موش نهار ولا زوج راهي حياة كاملة مزلت صغيييييييييييير بزاااااااااااااااااااااااااااااااااااااااااف على تحمل المسؤولية والوع والويع كمل دراستك اخدم والبنات كثر من الهم على القلب

[خولة سكيكدة]

أخي كمل قرايتك وابني مستقبلك خمم في روحك ولا تعلقها بك مزال امامك مشوار طويل حافظ على صلواتك واستمتع بحياتك حتى يكتب ربي وتتزوج من هي مكتوبة لك