تحضيرا لرمضان ان شاء الله

[هبة الله26]

لبنات تعيشوا لي عندها أفكار حول تحضيرات لرمضان تفيدنا مثلا طرق تجميد الخضروات والحبوب و العجائن لي نقدروا نحضروها ونخبوها والأفكار لي تعتمدوها نتمنى يكونوا هناك تفاعل وتجاوب من العضوات

[هبة الله26]

ولا رد 61مشاهدة ولا حياة لمن تنادي شكرا للجميع والله تفاعل كبير منكن

[زهرة الريف*]

كل وحدة كيفاش وحسب الظروف
انا مثلا وجدت عصير الليمون و البرتقال والباقي نحب كلش جديد
وزيد عايلتي ماتكلش بزاف في رمضان ربي يبلغنا صيامو ويتقبل منا عبادته

[عبودة44]

رائع شكرا لكي

[*وردة الشرق*]

بالتوفيق اختي انا والله ما نحضر والو بخلاف نحضر الفريك وشوية مخللات فقط والباقي جديد في جديد هدا ماكان ربي يوصلنا ليه بخير يارب

[hayette82]

انا الحق حابة نرحي التوم قيمة 4 بطات زبدة كل اسبوع نرحي باطة والطماطم تاني نرحي ونعملهم في مول السليكون الفردية وكي يجمدو نعملهم في ساكة صغيرة صفراء ونشري الفرك وراس الحانوت وعين بقرة وزبيب ولقيت في النات كاين وحدة قالت نطيب العين بقرة ونعملها في بطات في الكونجلتور وكل مرة نجبد وحابة نعمل الشباح السفرة جامي عملتها بصح المرة هادي نشاله نعملها ونخبيها في الثلاجة

[*وردة الشرق*]

انا الحق حابة نرحي التوم قيمة 4 بطات زبدة كل اسبوع نرحي باطة والطماطم تاني نرحي ونعملهم في مول السليكون الفردية وكي يجمدو نعملهم في ساكة صغيرة صفراء ونشري الفرك وراس الحانوت وعين بقرة وزبيب ولقيت في النات كاين وحدة قالت نطيب العين بقرة ونعملها في بطات في الكونجلتور وكل مرة نجبد وحابة نعمل الشباح السفرة جامي عملتها بصح المرة هادي نشاله نعملها ونخبيها في الثلاجة

مساء النور اختي التحضيرات اللي هدرتي عليها كلها مليحة لكن تاع لعوينة ما نصحكش لانها تدير فيها الريحة مبعد لما تجبديها مش رايحة تجي متل اللي طايبة جديدة والشباح الصفرا لما يتحطو في المجدمد يدير فيهم الماء يعني شوفي ادا كنت ناوية تخبيهم اقليهم وغلفيهم في ورق الالمنيوم لما تحتاجي حطيهم في اخر لحظة في المرق وربي يوفق حنونة

[sara mouhamed]

شوفي درك كنت نقرا في المنتدى ولقيت هاد الموقع : تقريبا اندير كيما هكا:


http://www.djelfa.info/vb/showthread.php?t=1786286
انشاء الله تستفيدي

[ام فراس اصيل]

اختي انا نخدم الطماطم والتوم والعصير المجمد والخضروات وهاجوك يكونوا جدد اختي ننصحك بالعين اخدمي طاجين العين عادي بصح قيمة 15 يوما ولا 10ايام خبيه في بلارة تكون عريضة وكبيرة وكي تحبي تجبدي سخنيه هذا مكانا وما تخبيهش الفوق ديري في لثلاجة التحت برك ما يصرالوا والوا كيما نخبو المعجون انا في رمضان اليوم الاول ندير قيمة 15 يوم يبقى جديد ما تخافيش

[oum fadoua]

السلام عليكم
انا كنت النحضركلش قبل رمضان الطماطم.جلبنة.قرعة.كسبرمعدنوس..................... .....الخ
كانت المواد الغدئية (فريشكة ) اي طازجة
اما الان تشرها في يومها وياربي تطلعلك مليحة. لذالك نقولك كل واحد و ضروف .
انا نشري غير لفريك لشوربة .

[ام فروحة]

راكي في قلبي حتى انا نفسي نديروا كل طبخات رمضان ان شاء الله يدخل علينا بالصحة والهنا طلبت من ام انس ذلك ان شاء الله يتفاعلوا مع هذا الموضوع يعني باه مايكون اكل عشوائي يعني يكون صحي ومتنوع على مدار الشهر مع تدابير حراير المنتدى

[kadery2085]

https://www.youtube.com/watch?v=E8Bg4E2SyRE

[أم الحبايب 26]

انا عليا واجدت عصير قارص وجينا ولجالبنا مازالت طوماطيش وكاشمنزيد الله يداخلو علينا بصحا ولهنا
ويخالينا دايما مجتامعين

[rafika.31]

السلام عليكم انا راني حاب العجينة المورقة نحطها في التلاجة وخفيت متصلحليش الي عندو الوصفة يعطيني

[الناقة]

ان شاء الله ربي بلغنا رمضان برك و كل بوم و رزقو اكيد لو عشتو لذاك اليوم مش رايحين تبقاو بلا افطار ركزو فقط على العبادة وادعو ربي يوصلنا لهذاك النهار و يقدرنا على كثرة العبادات و يتقبل منا ومنكم امين

[أم شاهين]

مساء الخير
ربي يبلغنا الشهر الفضيل يا رب ونصوموه بالصحة ولهنا بصح انا من نظري لازم نوجدولو من درك ربحا للوقت وتوفير الوقت والجهد للعبادة
بديت بالطماطم رحيتها وطيبتها وقسمتها ومازال نزيد نوجد شوية ونقسمها في الصاشيات الصفر
شويت الفلفل وقطعتو وكمية من الحار قليتو ودرتلو زيت وخل وملح وحطيتو في بلارة زجاج
شريت الثوم مازال ما قشرتو والقارص مازال ما عصرتوش ومازال ما شريتش لفريك للشربة
شريت الجلبانة فصصتها وغسلتها ودهنتها بالزيت وحطيتها في لي ساشي وشريت شوية نتاع الدجاج نقيتو وقسمتو
ما عرفش طريقة لحفظ السلق لي تعرف فيكم تنورني
وبارك الله فيكم

[Rati Ne]

كل وحدة كيفاش وحسب الظروف
انا مثلا وجدت عصير الليمون و البرتقال والباقي نحب كلش جديد
وزيد عايلتي ماتكلش بزاف في رمضان ربي يبلغنا صيامو ويتقبل منا عبادته

سلام اختي حبيت نسقسيك كيفاش درتي الليمون عندي منو وراهو يفسدلي

[smahi_hb]

ولا رد 61مشاهدة ولا حياة لمن تنادي شكرا للجميع والله تفاعل كبير منكن



ما دام لا توجد ردود وخاصة ان شهر رمضان الكريم على الأبواب ، هذا يعني أن كل واحد داير حسابو واش ياكل في هذا الشهر:

.
.
.
.
.
.
.
.
.
.
.
.
.
.
.
.
.



http://www.foxpic.com/V1cXxEGm.bmp

[أم شاهين]

اختي rati ne نقوللك على طريقتي في حفظ الليمون حتى ترجعلك الاخت لي سالتيها انا نغسلو مليح ونبرشلو لقشور نسحقهم في القاطو ولا بسبوسة ولا ومن بعد نعصرو ونحطو اما في هادوك لي كاري نتاع لفريجيدار ولي يبقى عصير نفرغو في زجاجةمن بعد كي يجمدو نحطهم في ساشي ونزيد نحط من هاديك الزجاجة مرة اخرى وهكا حتى نخلص كمية العصير
ودرك لقيت فكرة عملية خير وهي اني نلم لي بوات نتاع بتيسويس نغسلهم مليح ونحط فيهم وبنفس الطريقة غير يجمدو ننحيهم ونحطهم في ساشي كل ما نسحق نجبد قيس ما نسحق
ان شاء الله نكون افدتك

[ام حمزة22]

http://www.djelfa.info/vb/showthread.php?t=1618760
السلام عليكم
اختي الكريمة انا ما نحضرش نخلي كل يوم وبراكتو
وهاد الرابط للمشرفة الغالية فيفي ان شاء الله يفيدك
تحياااااتيييييي

[Rati Ne]

اختي rati ne نقوللك على طريقتي في حفظ الليمون حتى ترجعلك الاخت لي سالتيها انا نغسلو مليح ونبرشلو لقشور نسحقهم في القاطو ولا بسبوسة ولا ومن بعد نعصرو ونحطو اما في هادوك لي كاري نتاع لفريجيدار ولي يبقى عصير نفرغو في زجاجةمن بعد كي يجمدو نحطهم في ساشي ونزيد نحط من هاديك الزجاجة مرة اخرى وهكا حتى نخلص كمية العصير
ودرك لقيت فكرة عملية خير وهي اني نلم لي بوات نتاع بتيسويس نغسلهم مليح ونحط فيهم وبنفس الطريقة غير يجمدو ننحيهم ونحطهم في ساشي كل ما نسحق نجبد قيس ما نسحق
ان شاء الله نكون افدتك

شكرا جزيلا اختي طريقتك عجبتني بزاف يعطيك الصحة و راني عملت بيها وفعلا افدتيني ربي ينورك اختي ام شاهين

[Rati Ne]

فيما يخص تجميد السلق ا كنت فيما سبق نجمدو لكن نصحون بعدم تجميده لانه يتاكسد و يصبح ضار بالصحةوالله اعلم انا كنت نغليه و نقطرو من بعدفلي صاشي دو كونجيلاسيون