ساعدوني الله يجازيكم خير

[m!ss mimi]

السلام عليكم اخواتي العزيزات راح نسقسيكم ابنتي عندها 5 اشهر ونصف نرضع فيها غير من صدري والطبيب قالي كذلك ما تمديلها والو حتان تولي 6اشهر مي البارح كي درتلها التلقيح لقيت نسوة قالولي بنتك ضعيفة ابداي وكليها.خلاصة الموضوع سؤالي هل نبدا نوكلها وماذا نوكلها وشكرا مسبقا.

[ياربي اني راضية]

انا على 6اشهر ابديتلوا لا فغين انت على حساب واش تشوفي بنتك كاين على عام ويرصع غير من صدرها وادا كانت بنتك ضعيفة ولا ماتشبعش سييلها لافغين

[*أم جابر*]

السلام عليكم ورحمة الله و بركاته
اختي صح 5 اشهر غير صدرك ما تشبعش
معليش رانا كامل نتعلمو
المهم انا ولادي 3 او4 اشهر نبدا نوكلهم ديريلها بويون يكون ما ثقيل ما خفيف شوية شوية اعطيلها بالملعقة و لا ما حبتش ديريهولها في البيبرون لازم تساعفيها و ثاني اشريلها لابلامين راهي متوفرة بعدة اذواق ديريلها كومبوت تع التفاح مديلها ثاني بتي سويس راه كاين واحد يتباع حلو وسمو علاء الدين كاين دانينو ما تشريهولهاش ما شي مليح علاء الدين خير
ربي يحفظهالك و يجعلها من الصالحات

[m!ss mimi]

تعيشو ربي يحفظكم جزاكم الله خيرا

[asmanour19]

سلام اختي أنا الطبيب قاللي في 4 أشهر ابداي تمدي الماكلة لابنتك خاصة الخضر المطحونة كالجزر البطاطا الكوسة . الفواكه كاتفاح الموز . لكن متتقلقيش اختي خاطر بزاف اللي يقولوا بللي الرضاعة من صدر الأم وحدها تكفي حتى ل 6 أشهر . نزيد ننصحك الخضر متخلطيهملهاش من أول خطرة انما اعطيلها أول مرة مثلا الجزر وحدو ثم المرة الموالية مديلها البطاطا وحدها...... ربي يسجيهالك انشاءالله

[m!ss mimi]

شكرا اختي ربي يخليك