وجبات رضيعتي

[ام فروحة]

السلام عليكم اخياتي في الله ارجوا ان تساعدوني بنتي فب عمرها 9 اشهر ممكن تساعدوني وتقولوا واش هي الوجبات التي تاخدها طيلة اليوم او في الاسبوع انا في الصباح نعطيها الحليب وفي الظهر حساء وفي الحشية حليب ببسكويت وفي الليل الحليب لكن مازاد فيها والوا قليلة لكل ام عندها خبرة بوجبات الرضع ان كان في الامكان تساعدني ومشكورين

[*أم جابر*]

السلام عليكم ورحمة الله و بركاته
راهي 9 اشهر الله يبارك لازم تبداي تعشيها و تنوعيلها ديريلها فارميسال .لابلامين .دشيش .كومبوت تع فواكه .ما شي كل يوم حساء و ثاني الحساء ثقليه شوية يعني ارحي الخضرة وحدها ما تزيديش الماء الله يحفظها و يجعلها من الصالحات يا رب

[إشراااقة شمس]

راهي كما بنتي ربي يحفظهم كااااامل

ديريلها حساء ونوعيلها فيه وضرك تقدري ديريلها فيه مورصو تاع الجاج أو لحم البقر أو الكبد و ايضا دون ننسى السمك مرة في الاسبوع ........

وتقدري ديريلها لابيري مع فرماج أو صفار البيض المسلوق.....
وديريلها بسكويت ماشي حلو بزاف مع حليب في المساء بعد القيلولة
وديريلها الفارميسال و العصيدة و مديلها بتي سويس

و الفواكه خصوصا التفاح والإيجاص و الموز والخوخ

ولا ننسى ماتمديلهاش الملح والسكر في الأكل إلا بعد عمر السنة


ومنعرف كشما نسيت راني نزيد نقولك

وربي يكون معاك حبيبة و يحفظلك بنتك

[amani38]

السلام عليكم اختي ..
عمر 9 شهور من المفروض فيه 4 وجبات ملح كي تلتزمي بيهم و بأوقاتهم هاكاةخير الصباح عنها بيبرون حليب وقت الغداء عصيدة خضر مع قيس ملعقة كبيرة صدر دجاج مطبوخ او سمك ابيض او لحم او صفار بيض مسلوق يعني كلىمرة نوعي زائد التحلية ليﻻتكونوعبارة عن فاكهة او مشتقاتةحليبﻻيعني بتيسويس و تقدري تزيدي من الآن ملعقة صغيرة زبدة حرة او ملعقة كبيرة زيت زيتون للعصيدة تاعها و بالبنسبة للفواكه المطبوخة تقدري تزيدي عليها لوز مطحون ناعم او بذور الكتان او زيت الجوز و هاد الاضافتةمن شأنها زيدة الوزن و القيمة الغذائية تبعتها من كتابﻻقيم جدا اسمه كيف اغذي طفلي
نرجعو للجدول وقت اللمجة فاكهة طازجة او مطبوخة او مشتقات حليبية او فرماج ابيض او قاطو مغمس في الحليب او قطعة خبز عنك الخيار و يبقي الليل بيبرون حليب 240 زائد فرينة بليدينا او تحبي حساء ،، انا اخر وجبة نمد بيبرون حتى عمر السنة يرجع البيبي يتعشى عادي
و بعد كل هاد الشرح بقي ان اقول انو كاين اطفال شهيتهم ناقصة و مهماةحاولتي راح يبقى وزنهم متوسط كيما اللي راه عندي ههههه يعني اجتهدي في اطعامها جيدا بصح متتقلقيش من وزنها و تقارنيها مع بيبيات اخرين مبطبطين هههه لانك حتتعبي ،، المهم صحتها جيدة و وزنها يكون ضمن الوزن الطبيعي
عذرا على الاطالة و ربي يحفظهالك

ملاحظة مسحوق بذور الكتان و زيت الجوز اضافات لم اجربها نقلتها لك من كتاب كيف اغذي طفلي ل الان ميلر فصل تغذية الرضيع من الشهر التاسع حتى الشهر الثاني عشر