استفسار يخص العمرة

[sunshine2013]

السلام عليكم
أخواتي حابة نروح للعمرة لأول مرة (كنت رايحة للترك و بطلت) بصح ماعندي حتى فكرة و أي معلومة نرحب بيها بخصوص
واش لازم نلبس يعني حجاب و اللون مهم أو لا
واش ندي معايا يعني واش نحتاج كي نكون تم الأساسيات قصدي
واش لازم ندير من يوم الرحلة إلى غاية الوصول و المناسك بشكل سهل
و الهدايا أعطوني فكرة على الاسعار شحال لازملي راكم عارفين العايلة
بارك الله فيكم

[sunshine2013]

175 مشاهدة و لا رد سبحان الله

[خيط الروح]

السلام عليكم
اولا نهنيك على القرار اللي اتخذتيه
ربي يباركلك ان شاء الله
عندي فاميلتي غير كيما راحو للعمرة
راح نحاول نفيدك و لو بالقليل

[خيط الروح]

ولو اني نفضل انك تحطي الموضوع في قسم دردشة البنات
ربما كاين اخوات راحو للعمرة يفيدوك اكثر
لان ماشي كلهم يدخلو لهذا القسم
اناوشفت موضوعك بالصدفة

[sunshine2013]

بارك الله فيك أختي دوك نحاول نحطو في القسم اللي ذكرتيه

[بوسماحة 31]

السلام عليكم
أخواتي حابة نروح للعمرة لأول مرة (كنت رايحة للترك و بطلت) بصح ماعندي حتى فكرة و أي معلومة نرحب بيها بخصوص
واش لازم نلبس يعني حجاب و اللون مهم أو لا
واش ندي معايا يعني واش نحتاج كي نكون تم الأساسيات قصدي
واش لازم ندير من يوم الرحلة إلى غاية الوصول و المناسك بشكل سهل
و الهدايا أعطوني فكرة على الاسعار شحال لازملي راكم عارفين العايلة
بارك الله فيكم

لازم وواجب شرعي تلبسي حجاب اسلامي من أجل أداء مناسك العمرة
وتدي معاك بعض الضروريات الخاصة و المأكولات التقليدية التي لا تفسد )كسكس واجد +تمر .......)
الرحلة تكون مع وكالة سفر سياحية منظمة للعمرة هي التي تشرح لك الامور
اما المناسك لا بدى من تعلمها اما من كتيبات خاصة بدلك
اما في مايخص الهدايا هناك هدايا خاصة لأقرب المقربين وهدايا رمزية للأخرين (المبلغ من 10مليون سنتم -20مليون سنتم ) باضافة مياه زمزم ؟؟؟

[sunshine2013]

ربي يجازيك كل خير أختي

[rose de sable s]

سلام والدي راحو عمرة
البسي حجاب طوبل لكن اذكرك انه يجب ذهاب مع محرم لا تصدقي من يقول ان وكالة تحرم عليكم
هداي اشتري من طاولات البيع لاتها اقل سعر
اشتري خمرات كاين لي يبعهم جملة قنادر رجال زرابي صلاه

[sunshine2013]

بارك الله فيك أختي
راني رايحة مع زوجي حفظه الله

[همسات ايمانية]

السلام عليكم

اهلا اختي مبارك عليك ، افضل ما فعلت اختي

اليك هذا الرابط اقرئي http://www.djelfa.info/vb/showthread.php?t=1739330

ما فيه للاخر

اما الهدايا فمن الافضل ان تشتريها من المدينة المنورة من سوق الجملة هي معروفة هناك والثمن ارخص من المتاجر ، كما ستجدين امام المسجد باعة متجولين يمكن ان تجدي هناك يعض الاشياء الجميلة ، لكن في مكة الاسعار غالية جدا خصوا في المناطق المحيطة بالحرم ولكن يمكن كراء طاكسي والذهاب الى مكان يسمى العزيزية ، هناك بازارات رائعة والاثمان بها على حسب السلع ، نحن تسوقنا من باوارث بلازا ، و بازار العائلة ,,,,,,,,,,انصحك بالشراءمن هناك هدايا كالملابس اما الباقي كالسبحات والمسك وغيرها فمن المدينة افضل

امور اخرى الاثمان غالية جدا فيما يخص الاكل ،وكل ما يتعلق بلوازمه سواء خضر او فواكه لذا لو تفاهمتم مع الوكالة واضفتم مبلغا وكان الاكل من طرفهم احسن لان الفنادق لم تعد مجهزة بفرن ، اما ان كنت تريدين الطبخ فمن الافضل اخذ ( ريزيستونس ) واشياء للطبخ وبعض المواد الغذائية التي لا تفسد

بالنسبة للملابس عن تجربة لا تاخذي االا اشياء خفيفة لان الحرارة هناك مرتفعة ، اما لباسك فطبعا حجاب شرعي وخمار ساتر

وان اردت اي معلومات اخرى انا في الخدمة اختي

[ام البنتين]

اللباس الشرعي عادي و من الاحسن يكون خفيف لان الجو ساخن من الاحسن تدي معاك الاكل لي ما يفسدش لان الماكلة غالية وما تعجبش كلها الهدايا و الله صدقيني نعرف تاس اشراو زرابي و هدايا من بلادنا و كذلك خمارات ووفرو عليهم المصاربف ة التعب بامكانك شراء العبايات و كذا قمصات الرجال فهي متوفرة بكل الاسعار حسب الجودة اما المصاريف فانت وامكاتياتك فاتا في تقديري ل شخص واحد دون الاسراف في شراء الهدايا 300 اورو تكفي خاصة اذا اديتي معاك الاكل اي راح تنقصي المصروف انا ما ننصحكش تدي معاك رزيستونس لاتو ممكن ينحيوهالك من الاحسن تشريها من هناك ......
بامكاتك اخذ براس صغير للقهوة و الملاعق و القهوة و السكر و الملح و التوابل و الطماطم المعلبة و ووو كل شيء ما يفسدش حليب الغبرة و ان كان عنهم حليب رائع لا بيري غبرة خذي معاك قارورة تاع فينيقغات الواجدة راه تنفعك للسلطة لان عنهم خيار بنين لان اغلب اكلاتهم بالروز اي من الافضل شراء الفراخ و الباقي دبري حالك اما اذا عندك الدراهم كاين كل شيء عليك و على دراهمك اما اذا حالتك على قدك راح تنقصي عليك كل ما اديتي كذلك ادي الدواء تاع الراس تاع الحمى تاع الاسهال و الامساك و ننصحك ما تكثريش الالبسة لان الحال سخون شي خفيف لي تقدري تغسليه و يشيح ليه ليه و ما تنسايش ازيس و الصابون و الحذاء يكزن خفيف و مريح اما لون حجابك من الاقضل ما يكونش ابيض باش ما يتوسخش ليه ليه . المهم كاش سؤال راني في الخدمة

[sunshine2013]

ربي يحفظكم أخواتي و يجازيكم كل خير
أفدتوني كثيرا ربي يجعلها في ميزان حسناتكم

[mariana1]

السلام عليكم ورحمة الله وبركاته مبروك عليك القرار الزين ، أنا بإذن الله سأفيدك عندي أسبوع ملي رجعت من السعودية وربي يتقبل منا ومنك أولا قوي إيمانك قدر المستطاع و إذا قدرتي أحفظي بعض الأدعية
أما للملابس من الأفضل لو حجابات مافيهاش لا دوبلور أو عباءة ماهيش مطرزة أي شرعية وتكون خفيفة على الغسيل و الشياح خذي الملابس شيء قليل ما تكثريش و2أو3 خمارات شرعية
بالنسبة لحجز الغرفة إذا كان بإمكانكم كي عدت أنت وزوجك خذو غرفة خاصة بيكم برك
بالنسبة للأكل أدي معاك الأكل غالي عندهم ادي السكر القهوة الكسكس باط طماطم صغير ، التوابل القاطو المبرجة المواعن ومن ألأحسن يكونو إنوكس أو بلاستيك حتى ما يتكسروش في لادوان والموس والمقص باش تقصري شعرك حطيهم مع البقاج وزيدي ريزيستونس
بالنسبة للأورو راه طايح في السومة بزاف أي 100 أورو تجيبلك من 390 ريال سعودي إلى 400 ريال ولازم تتعرفي علي عملتهم كاين 1 ريال يدير عندنا 50 دج أو أكثر على حساب الصرف ويجيب باط يايورت ،.كيلو موز مثلا ب10 ريال كيلو خوخ ب20 ريال أي 1000 دج عندنا هذا من الجانب المالي
وكاين 5ريال وكاين 10 ريال و50و 100 ريال
بالنسبة للمشاعر أدخلي للنت وأكتبي كيفية أداء العمرة راه كاين فيديوات مصورة ومشروحة وكاين مواقع يعطوك الأدعية ووجدي روحك ما تتكليش على الوكالة السياحية.
أدي معاك رولو سكوتش أبيض عريض وماركور (سيال فاتر خشين) تحتاجيه تكتبي بيه على السكوتش وحطيه على حقائبكم حتى يسهل تمييزها

الهدايا من ثمة جيبي العباءات والأقمصة للرجال أما الباقي فكاين عندنا وهو صناعة صينية ومن الأحسن من المدينة مكة مغليين بزاف
كاينة قناة القرأن الكريم يعرض فيها الحرم المكي 24 سا على 24سا وكاين قناة السنة يعرض فيها الحرم المدني 24 سا على 24سا
وأدعينا معاك بالشفاء
و أي أسئلة راني في الخدمة

[sunshine2013]

السلام عليكم ورحمة الله وبركاته مبروك عليك القرار الزين ، أنا بإذن الله سأفيدك عندي أسبوع ملي رجعت من السعودية وربي يتقبل منا ومنك أولا قوي إيمانك قدر المستطاع و إذا قدرتي أحفظي بعض الأدعية
أما للملابس من الأفضل لو حجابات مافيهاش لا دوبلور أو عباءة ماهيش مطرزة أي شرعية وتكون خفيفة على الغسيل و الشياح خذي الملابس شيء قليل ما تكثريش و2أو3 خمارات شرعية
بالنسبة لحجز الغرفة إذا كان بإمكانكم كي عدت أنت وزوجك خذو غرفة خاصة بيكم برك
بالنسبة للأكل أدي معاك الأكل غالي عندهم ادي السكر القهوة الكسكس باط طماطم صغير ، التوابل القاطو المبرجة المواعن ومن ألأحسن يكونو إنوكس أو بلاستيك حتى ما يتكسروش في لادوان والموس والمقص باش تقصري شعرك حطيهم مع البقاج وزيدي ريزيستونس
بالنسبة للأورو راه طايح في السومة بزاف أي 100 أورو تجيبلك من 390 ريال سعودي إلى 400 ريال ولازم تتعرفي علي عملتهم كاين 1 ريال يدير عندنا 50 دج أو أكثر على حساب الصرف ويجيب باط يايورت ،.كيلو موز مثلا ب10 ريال كيلو خوخ ب20 ريال أي 1000 دج عندنا هذا من الجانب المالي
وكاين 5ريال وكاين 10 ريال و50و 100 ريال
بالنسبة للمشاعر أدخلي للنت وأكتبي كيفية أداء العمرة راه كاين فيديوات مصورة ومشروحة وكاين مواقع يعطوك الأدعية ووجدي روحك ما تتكليش على الوكالة السياحية.
أدي معاك رولو سكوتش أبيض عريض وماركور (سيال فاتر خشين) تحتاجيه تكتبي بيه على السكوتش وحطيه على حقائبكم حتى يسهل تمييزها

الهدايا من ثمة جيبي العباءات والأقمصة للرجال أما الباقي فكاين عندنا وهو صناعة صينية ومن الأحسن من المدينة مكة مغليين بزاف
كاينة قناة القرأن الكريم يعرض فيها الحرم المكي 24 سا على 24سا وكاين قناة السنة يعرض فيها الحرم المدني 24 سا على 24سا
وأدعينا معاك بالشفاء
و أي أسئلة راني في الخدمة


بارك الله فيك أختي
ربي يشفيك و يعافيك و يحقق أمانيك

[chifawahab]

روحت انا وزوجي رمضان الفارط انصحك انك تاخذي معكم مبلغ لاباس به من الاورو فاليزة ديري فيها القهوة الطعام رفيس تشيشة الشربة راس الحانوت حليب غبرة وبراس برمة وكسكس اوالباقي راه يتباع كلش وديري صاك فيه مقص الاظافر اجوندة وقلم مصحف صغير وسجادة وخذي كابة ديري فيها زوج تبديلات خفاف راه السخانة وتقاشر سرابت درا وغلاف مخايد وبلغةوصاك توالت ولوازمها نوصيك مقص ديريه في البقاج انادرتو في الصاك نحوهلي في المطار نحكيلك على المناسك وصلنا لمنطقة الاحرام تهبطي من الحافلة وتاخذي معك حوايجك انتاع الدوش تدخلي تدوشي خفافي وتتوضي وتصلي ركعتين وتبدي تلبي في الحافلة لبيك اللهم لبيك بصوت منخفض حتى تصلي الى مكه تتجه الى الفندق تحطوا قشكم وتتجه الى الحرم عند دخولك المسجد تقراء الدعاء ومباشرة الى الكعبة تبدا من الحجر الاسودسبعة اشواط وتنتهي عنده مع الكثير من الدعاءبعد ذلك تتجهي وراء المقام وتصلي ركعتين الركعة الاولى تقراءسورة الكافرون بعد الصلاة تشربون ماء زمزم والى الصفة والمروة مع قراءة الادعية سبعة اشواط وعند عودتك الى الفندق يقوم زوجك بقص شعرك قد راس الاصبع وهكذا تنتهي عمرتك اما عن الاسواق انصحك باسواق جدة او مولات العزيزية رخيصة شوية انصحك ان تستغلي اكثر وقتك في الحرم لانك لن تشبعي منه ابدا رغم اننا بقينا شهر وكانه منام وكي تحبي تاكلي برا ننصحك بابراج الصفوة شوي رخيصة وميزان القش مايفوتش 80كيلو وادعيلنا معك انحجوا هذا العام وعمرة مقبولة ان شاء الله

[sunshine2013]

روحت انا وزوجي رمضان الفارط انصحك انك تاخذي معكم مبلغ لاباس به من الاورو فاليزة ديري فيها القهوة الطعام رفيس تشيشة الشربة راس الحانوت حليب غبرة وبراس برمة وكسكس اوالباقي راه يتباع كلش وديري صاك فيه مقص الاظافر اجوندة وقلم مصحف صغير وسجادة وخذي كابة ديري فيها زوج تبديلات خفاف راه السخانة وتقاشر سرابت درا وغلاف مخايد وبلغةوصاك توالت ولوازمها نوصيك مقص ديريه في البقاج انادرتو في الصاك نحوهلي في المطار نحكيلك على المناسك وصلنا لمنطقة الاحرام تهبطي من الحافلة وتاخذي معك حوايجك انتاع الدوش تدخلي تدوشي خفافي وتتوضي وتصلي ركعتين وتبدي تلبي في الحافلة لبيك اللهم لبيك بصوت منخفض حتى تصلي الى مكه تتجه الى الفندق تحطوا قشكم وتتجه الى الحرم عند دخولك المسجد تقراء الدعاء ومباشرة الى الكعبة تبدا من الحجر الاسودسبعة اشواط وتنتهي عنده مع الكثير من الدعاءبعد ذلك تتجهي وراء المقام وتصلي ركعتين الركعة الاولى تقراءسورة الكافرون بعد الصلاة تشربون ماء زمزم والى الصفة والمروة مع قراءة الادعية سبعة اشواط وعند عودتك الى الفندق يقوم زوجك بقص شعرك قد راس الاصبع وهكذا تنتهي عمرتك اما عن الاسواق انصحك باسواق جدة او مولات العزيزية رخيصة شوية انصحك ان تستغلي اكثر وقتك في الحرم لانك لن تشبعي منه ابدا رغم اننا بقينا شهر وكانه منام وكي تحبي تاكلي برا ننصحك بابراج الصفوة شوي رخيصة وميزان القش مايفوتش 80كيلو وادعيلنا معك انحجوا هذا العام وعمرة مقبولة ان شاء الله
ربي يحفظك ختي ويعطيك ما تتمناي و يحققك أمانيك

[sunshine2013]

السلام عليكم
اربي ايسهل انشالله
آمين يا رب
ربي يحفظك