مشروع تربية الدواجن

[Mahboub_222]

السلام عليكم
اخواتي الكرام ...روداتني فكرة انشاء مشروع تربية الدواجن
نملك قطعة ارض مناسسبة جدا ..
و سوف ادخل مع شريك له دراية واسعة في المجال
استفساري لذوي الخبرة ...كم يلزم المشروع لتجهيزه فقط يعني بناء البيت يكون ب: parpin
هو قالي حوالي 120 مليون لتجهيز المكان فقط
او اريد ايضا ان ياخد المشروع شكله القانوني و هل يمكن ان اجد الدعم من الدولة ..طبعا لا اقصد اونساج و اكناك ...
و هل لمشروع ناحج مع العلم ان شريكي هو ناجح جدا ...

[alcapone19661]

بالنسبة للمشروع ناجح جدا لكن بشرط ان تقوم بمراقبة الشريك لان الشراكة في وقتنا اصبحت خطيرة جدا حتى و لو كان اخوك يجب ان تقوموا بمحاسبة يومية و كل ما يباع يجب ان يسجل و التعامل يكون بالفواتير لا تترك الادارة و العمل للشريك و تكتفي باخذ الارباح

باختصار حاول ان يكون كل شيء بوثائق قانونية و ان تقوم بالمحاسبة اليومية

[chouchaoui16]

عندو الحق صاحبنا انا درت كوري مع وليد عمي نتاع الجاج هو كان يديريجي
كلاني في 66 مليون

[HAMADAT]

بالتوفيق إن شاء الله أخي

[Mahboub_222]

بارك الله فيكم على الرد صحيح لازم يكون كلش بالوثائق

[derski]

السلام عليكم
اخي الكريم تربية الدواجن هي مرهقة جدا ومربحة جدا.و قد تكون خسارة100/100 عند موت الدجاج مثلا لقدر الله
عندي صحابي مربين دواجن الربح على حسب السوق (سعر الدجاج) +الاكل(ماكلة الدجاج) كل يوم يبقى عندك الدجاج راهو خسارة عليك
لكن مادمت راك شريك مع خبير في الميدان اتكل على الله و حداري منه.مثل مانصح به الزملاء

[TASSIN]

شكور على مجهوداتك واصل تألقك

[fay84archi]

موفق إن شاء الله ....

[yousfi youcef]

االسلام عليكم
أخي الكريم لقد درست جيدا هذا المشروع قبلك وكنت على وشك أن أبادر فيه لأن نسبة الأرباح كبيرة بمعدل 195 بالمئة يعني في ضرف عام و 8 أشهر تسترجع رأس مالك و تبدأ في الفايدة و لكن ...
كم عدد الدجاج الذي تريد تربيته أولا
ثانيا تذكر أن الدجاج لا يلد في اليوم الأول يعني لازملو حوالي شهر و انت تغذي في الدجاج بدون مدخول
ثالثا سعر الدجاج 45 ألف أي 450 دينار جزائري يعني لازملك راس مال كبير حق الدجاج فقط
رابعا يلكن في علمك أن 65 بالمئة من هذا المشروع هي أعلاف فقط و الأعلاف غالية جدا
لقد قمت بدراسته جيدا و قررت أن أبدأ ب 10000 دجاجة فوجدت أن التكلفة الإجمالية تفوق المليار و نصف طبعا مع ضمان المبردات المائية للدجاج في الهنقار لكي تبقى محافظا على درجة الحرارة 25 حتى ولو كان في الخارج 50
يعني بإختصار إذا أردت أن يكون المشروع مربح فعليك تطبيق كل وسائل الحماية و لا يوجد مشروع دجاج بياض بسعر 120 مليون فهذا كذب في كذب
أقل واحد يلحق سعره المليار بكل بساطة
أي إستفسار أنا هنا

[Mahboub_222]

االسلام عليكم
أخي الكريم لقد درست جيدا هذا المشروع قبلك وكنت على وشك أن أبادر فيه لأن نسبة الأرباح كبيرة بمعدل 195 بالمئة يعني في ضرف عام و 8 أشهر تسترجع رأس مالك و تبدأ في الفايدة و لكن ...
كم عدد الدجاج الذي تريد تربيته أولا
ثانيا تذكر أن الدجاج لا يلد في اليوم الأول يعني لازملو حوالي شهر و انت تغذي في الدجاج بدون مدخول
ثالثا سعر الدجاج 45 ألف أي 450 دينار جزائري يعني لازملك راس مال كبير حق الدجاج فقط
رابعا يلكن في علمك أن 65 بالمئة من هذا المشروع هي أعلاف فقط و الأعلاف غالية جدا
لقد قمت بدراسته جيدا و قررت أن أبدأ ب 10000 دجاجة فوجدت أن التكلفة الإجمالية تفوق المليار و نصف طبعا مع ضمان المبردات المائية للدجاج في الهنقار لكي تبقى محافظا على درجة الحرارة 25 حتى ولو كان في الخارج 50
يعني بإختصار إذا أردت أن يكون المشروع مربح فعليك تطبيق كل وسائل الحماية و لا يوجد مشروع دجاج بياض بسعر 120 مليون فهذا كذب في كذب
أقل واحد يلحق سعره المليار بكل بساطة
أي إستفسار أنا هنا


بارك الله فيك اخي الكريم

[yousfi youcef]

بلا مزية خويا أنا من واجبي إني نوجهلك نصيحتي لأنك جزائري و ولد بلادي
و أي إستفسار آخر في أي مشروع آخر أنا هنا
بالتوفيق إن شاء الله

[kelan22]

بارك الله فيك

[عبد الله 34]

بارك الله فيك الأخ يوسف

[djalalskull]

انا مربي دواجن و هاته هي المشاكل التي ستواجهها خاصة اذا كان عندك رأس مال قليل :
- العلف غالي بزاف انا نشري في نتاع سنجاسني (الشلف) يوصلني 4600 دينار للقنطار غالي بزاف بصح سلعة الله يبارك
- في فصل الصيف لازم تجهز المستودع بمعدات التبريد
- في الشتاء تحتاج النشارة تقريبا كل يوم تفرشها ل الدجاج حتى لا يمرض و نزيدك لازم فرن كاين نتاع المازوت يخدم كل شيء اتوماتيك و كاين العاديين نتاع قارورات الغاز
- و في الاخير انت و زهرك مع السوق لكن انصحك بالتجريب كاين ناس لحوايج لي قتلك عليهم كامل معندهمش بصح كي حب ربي ربحو الله يبارك
حظ سعيد

[benisafcom]

يوسف عندك دجاج عرب ؟؟؟ البياض

[asmaa.1990]

شكرا............................

[asmaa.1990]

شكرا...............................

[mehri21]

حسب علمي هو مشروع مربح و الله يعلم

[عبدالرحيم75]

يأخي الكريم ،هل تقبل نصيحتي ؟؟؟
أنا منذ سنة 1975 و أنا مربي للدواجن لكن في 2003 أقلعت عنها نهائيا والحمد لله
راهي خدمة نتاع وسخ وهملة وميزيرية وتكسار الراس وكل يوم وأنت واقف ليل ونهار والخدامة يهبلوك والعلف ماشي مليح والكتاكيت مريضة وراثيا والدواء غير ناجع وفي الاخير السعر نتاع الكيلوغرام لست أنت من يحدده بل المشترين لي يباتو راقدين ،وهو الفائدة نتاعو مضمونة أما أنت المربي راك محتم تبيع حتى بالخسارة ،لذلك اخي الحاجة لي فيها الروح كامل بعد على تربيتها حاشى مشروع تربية الخرفان
أما الدجاج والأرانب والحجل والديك الرومي والعجول والأبقار والسميانة أخطاك منهم عن نصيحة يأخي الكريم
وأنت شوف واش يساعدك وربي يسهل

[Turbo.boost]

سلام عليكم
عندي ارض فلاحية 20 هكتار و اريد وضع هونڨار تاع الدجاج البياض ب 80000 دجاجة مجهز باحدث الوسائل المتطورة في هذا المجال من شركة المانية كلش اوتوماتيكي (الاكل الماء الحرارة و التقاط البيض ) كلش بلكمبيوتر و ماعندي خبرة في هذا المجال. هل من الممكن نستثمر فيه بدون خبرة ؟ مشروع عندي اشهر و انا نعمل عليه لي عندو تعليق يتفظل و شكرا.

[ورود ياسمين]

بالتوفيق أخي

[omarolhaj]

بارك الله فيكم ...........

[abdnour tahlaiti]

مشروع جيد لكنه صعب ربي يثوفقك