الى الهام 07

[مرام 92]

السلام1
اختى اولا بارك الله فيك على ماتقدمينه لنا من وصفات و افكار و جعله الله في ميزان حسناتك و شكرا كذلك على الرد بخصوص البسبوبسة المحشية ممكن تزيدي تشرحيلي اكثر لان صاحبة الوصفة لم تفصل اكثر يعني قولولي كي تسقوها بالشربات تسقوها بالطبقات يعني قبل لا تحطي الكريمة تسقي الطبقة الاولى و بعد ما تطيب الطبقة الثانية الي تجي وراء الكريمة تسفيها بللييييز فهميني لانى سالت الاخوات و مكانش اللى جاوبتني من غيرك انتي

و ثانيا شفت في تطبيقاتك الرائعة تطبيقك لصابلي الكاوكاو لمقدسية بنتو كي دايرة كيما الصابلي العادي و لا احسن منو و ممكن ادا عاودتي طبقتيه تحطيلنا الوصقة بالصور لان موضوع مقدسية راحو التصاوير
سمحيلي كثرت عليك الاسئلة و شكرا مرة اخرى

[إلهام07]

السلام عليكم اختي

عندك الزهر مانيش مالفة ندخل لقسم التطبيقات يعني شفت موضوعك صدفة فقط :)

قبل مانجاوبك مشكورة اختي على الثقة والعفو واش تحتاجي سقسي ماتحشميش ;)

نبدى على زهري نجاوب في اسطول الاسئلة اللي حطيتي هههههههههههه :D راني غير نضحك معاك بلاكي تزعفي :cool:

1- لالا البسبوسة حتى تكمليها كامل خلاص وطيبيها خلاص خلاص باش تسقيها ماشي تسقي كل طبقة وحدها :sdf: حذاري لوكان تسقي الطبقة الاولى وتحطي الكريمة ومن بعد تحطي العجينة الثانية ودخليها للفرن تتحرقلك من تحت من السكراللي في الشاربات تتحصلي على كاراميل :D.
فقط كيما قتلك انا درت كاس كبير ( شوب نتاع حليب ) شاربات حنا نحبوها مسقية مليح فقط تسقيها بالشاربات باردة والبسبوسة تكون سخونة وخارجة من الفرن باش تتشرب مليح.
ماتخافيش درتها قداش من مرة انا واختي تلقايها مشربة مليح من تحت ومن فوق عادي جدا ;) حتى انا حرت من قبل مانجربها خفت جي ناشفة من تحت بصح لقيتها مسقية الحمد لله.

اعتقد هنا راهي واضحة .


2- صابلي الكاوكاو :
- البنة نتاعو أكيد بنين اكثر من صابلي عادي لأنو فيه شامية وكاوكاو محمص ويجي طري بزاف من داخل ومع الشوكولا يجي مليح
للامانة انا طبقة الصابلي درت الوصفة نتاعي ماشفتش وصفة مقدسية ودرت في العجينة شوية كاوكاو محمص
أنا كي درتو مع انو طبقة جينواز وطبقة صابلي بصح كي تاكلي وتعضي بسنيك عليه تحسي الطبقات في زوج جينواز يعني نفس الطراوة
طبعا الناس اذواق كاين اللي مايحبش طعم الشامية او طعم الكاوكاو محمص كل واحد وذوقو بصح انا اللي ذاقوه عندي كامل عجبهم فقط انا درت في خليط الجينواز شوية عسل وكملت لميت بالمعجون نتاع المشمش باش مايجيش حلو بزاف وننصحك تستعملي للحلويات فقط فقط معجون المشمش ماركة ''نقاوس " الاخرين كامل ماشي ملاح حتى طعم الحلوايات يفسدوه.

- الصور : انا صورت غير زوج مراحل فقط هاهم :
http://cdn.top4top.net/i_7e60a8e5161.jpg
http://cdn.top4top.net/i_7e60a8e5162.jpg

اما إذا حبيتي الصور اللي حطتهم مقدسية تفضلي راني محتفظة بيهم مع الوصفة في الميكرو نتاعي تفضلي حملي الرابط تلقاي الوصفة مع الصور :
http://up.top4top.net/downloadf-top4top_5e062a2b511-doc.html

أما إذا ماعرفتيش تحملي الملف هاكي الوصفة مصورة من شاشة الميكرو :
http://cdn.top4top.net/i_57eb67ce971.jpg


على العموم الوصفة بسيطة جدا لاتحتاج الكثير من الصور .

النصائح :
- الصابلي ماتحمريهش بزاف باش يبقى طري
- عجينة الجينواز تكون طرية بصح ماشي جارية
- اطرحيها ( سواء عجينة الصابلي او عجينة الجينواز ) فوق بلاستيك باش تخدمي براحتك وماتلصقش
- طبعا كي تطبعي الصابلي وطيبيه رايح يزيد شوية في الحجم وكي تقصي عجينة الجينواز بنفس الطابع مايجيوش قدقد فهمتيني ؟ لذلك كي تدهني الصابلي بشوية نتاع معجون (وماتكثريش بزاف المعجون ) كي جي تحطي الجينواز من فوق حاولي كأنو تقرصيها بيدك باش ترجع بنفس الحجم نتاع قطعة الصابلي اللي تحت وخلاص الباقي واضح .


باختصار الوصفة مليحة وبنينة وزاكية فقط متعبة شوية كي ديري الشوكولا لانو الطبقة الفوقانية طرية ماتقدريش تهزي بالحبة وتغطسي في شوكولا لازم تحطيها على مشبك وتصبي فوقها الشوكولا وانا درت 100 حبة تعبتني خاصة الشباك نتاعي صغير وواحد ماحب يعاوني وكنت صايمة في هذاك اليوم كان عرفة واش نقولك تعبت بزاااااااااااااااااااااااااااااااااااااااااااااااا ااف ( جبتها من 8 نتاع الصباح للربعة نتاع العشية واقفة معاه ) خاصة انو درت القاطوات كامل وحدي وخدامة واش نقولك خرجو عينيا :D كي نتفكرها ندوووووووووووخ قوليلهم يعاونوك إذا رايحة ديري بزاف:D


اتمنى نكون وضحتلك كلش وأي سؤال انا في الخدمة :)

[مرام 92]

واش نقولك يا الهام اختي روحي ربي ينولك كل ما في بالك را كفيتي ووفيتي و الله كي شفت الرد تاعك بلا منقراه دعيكلت و زدت كي قريت فرحتيني اختي بزاف http://www.up.djelfa.info/uploads/142920435871181.jpg
http://www.up.djelfa.info/uploads/142920440265931.jpg
http://www.up.djelfa.info/uploads/142920446722951.jpg

[koky 07]

ربي يباركلك اختى الهام ويحفظك من كل شر

[lewan]

عيدك مبارك صوم مقبول وذنب مغفور ان شاء الله لكي وللعائلة الكريمة أحبك في الله يا الهام :-) ربي يعطيك واش متمنية

[إلهام07]

عيدك مبارك صوم مقبول وذنب مغفور ان شاء الله لكي وللعائلة الكريمة أحبك في الله يا الهام :-) ربي يعطيك واش متمنية

عيدك مبارك اختي أنت أيضا وبارك الله فيك اختي :mh31:

[nariman77]

روووووووووووووووعة

[nardjess199]

:1::1:Merci bcp

الله يباركككك