كيف اتخلص من الميديتي

[ام مؤمن]

السلام عليكم

اخواتي عندي مشكل نتاع الميديتي عندي غرفة كل شتاء لما تنزل الامطار يصبح سقفها اسود اللون و ايضا الحيطان راني كنت كل ربيع نعاود نصبغ الغرفة و هذا السنة ماتقدرتش نصبغ قررت ننظفها و جربت مسحوقات كثيرة لكن السقف مايطلعش مليح خصوصا ان البقع جفت م نشفت

ارجوكم من عندها طريقة او منظف او مسحوق فعال تنصحني بيه ليرجع السقف ابيض ناصع

اكون شاكرة لكم اذا نصحتموني ربما توجد من تعاني من نفس المشكلة و وجدت لها الحل

[ام مؤمن]

كارثة يبدو ان المشكل ماعندوش حل نعاود تنظيف بالجافيل و ايزيس و نهني روحي شكرا

[ام مؤمن]

طيب ممكن تمدولي اسماء ماركات منظفات فعالة و عندها تاثير قوي
:sdf: :sdf: :sdf: راني نزيد شوية :30::30::30:

[شوشو 11]

ربي يعينك اختي ...الميديتي تمرض وتعب

ادا ممكن زوجك يزيد طبقة عازلة للسطح تتهناي من مياه الامطار وما تتسرب للداخل

[ام البنتين]

ما دام هي غرفة واحدة هناك في الاسواق صبغة خاصة بهذا المشكل تصبغ بها ارضية سطح الغرفة من الخارج اي من فوق اي الدالة و تصبغ مرتين اي2 couches اما التنظيف من الداخل لا اظن ان مواد التنظيف تنفع من الافضل اعادة صباغتها و تهوية الغرفة دائما .

[ام مؤمن]

ربي يعينك اختي ...الميديتي تمرض وتعب

ادا ممكن زوجك يزيد طبقة عازلة للسطح تتهناي من مياه الامطار وما تتسرب للداخل

رانا عملنا كذا طبقة عدة مرات و اخر مرة عملنا كارلاج فوق السطح و النافع ربي راهي عادتت تتشرب اكثر من الاول حتى لما يتوقف المطر تبقي يومين او ثلاث تقطر حتى نشفها من الداخل مع الاسف المشكل في البناء و الغرفة عريانة و الحيطان مقابلة للريح

شكرا عزيزتي على المداخلة اظن اني ساصبغها و خلاص حتى نجوز رمضان في النظافة و النقي

شكرا جزيلا

[ام مؤمن]

ما دام هي غرفة واحدة هناك في الاسواق صبغة خاصة بهذا المشكل تصبغ بها ارضية سطح الغرفة من الخارج اي من فوق اي الدالة و تصبغ مرتين اي2 couches اما التنظيف من الداخل لا اظن ان مواد التنظيف تنفع من الافضل اعادة صباغتها و تهوية الغرفة دائما .

هي غرفة و قليل من سقف الكوروار المؤدي اليها بالنسبة للصبغة اا عملنالها السيمة البيضاء للسطح من فوق و كي مانفعتش عملنالها كارلاج و مازالت كيف كيف

على كل الحال رايحة ننظفها عادي و نعاود نصبغها 2 كوش كيما نصحتيني واخلاص

انا كنت فكر نبني فوقها غرفة اخرة و نداليها باش هكدا مايوصلهاش الماء خلاص و لكن الموقت غير مناسب حاليا حتى نهار يكتب ربي ان شاء الله

بارك الله فيك على الرد و النصيحة

شكرا جزيلا اخياتي

[ام البنتين]

اختي يظهر ما فهمتنيش بالنسبة للداخل لازم الصبيغة ما فيهاش هدرة لكن انا كنت اقصد صبغة خاصة بالسطح توضع فوق الدالة اي تصبغي ارضية الدالة ب2 كوش من المفروض تنفع على حسب معلومات تتباع البدون ب 600 الف و يدير حوالي 100 م مربع اي ممكن تشري بيدون صغير اذا متوفر و تجربي و لكن انت درتي الكرلاج مع العلم انه موش حل الكرلا ج بالعكس يبقى المشكل مطروح

[أم أيوب 11]

شوفي اختي مادام راكي تقولي بلي السقف فيه الكرلاج المشكل راح يبقى يتكرر كل عام لانه يمتص الماء ويمنع اشعة الشمس من الدخول

نفس المشكل كانت تعاني منه اختي الحل يكون بصباغة السقف بلون شوية فونسي مثلا ازرق هاك الميديتي ماتبانش ادا بغيتي

بصح التنظيف صعيب نتاع الميديتي الله يعينك

[ام مؤمن]

اختي يظهر ما فهمتنيش بالنسبة للداخل لازم الصبيغة ما فيهاش هدرة لكن انا كنت اقصد صبغة خاصة بالسطح توضع فوق الدالة اي تصبغي ارضية الدالة ب2 كوش من المفروض تنفع على حسب معلومات تتباع البدون ب 600 الف و يدير حوالي 100 م مربع اي ممكن تشري بيدون صغير اذا متوفر و تجربي و لكن انت درتي الكرلاج مع العلم انه موش حل الكرلا ج بالعكس يبقى المشكل مطروح

شكرا على التوضيح اخيتي
و الله ماكان عندي علم بهذا الضبغة و الا كنت درتها من زمان و لكن الان نظن فات الاوان الصبغة ماتصلحش فوق الكارلاج نورمالمون و ماظنيتش زوجي يعاود ينحيه هو كي نقلقوا يقولي خليها كيما راهي و احنا النساء نحبوا النقئ واش تحبي
شكرا جزيلا على نصائحك و بارك الله فيك

ضيفة الرحمان شوفي اختي مادام راكي تقولي بلي السقف فيه الكرلاج المشكل راح يبقى يتكرر كل عام لانه يمتص الماء ويمنع اشعة الشمس من الدخول

نفس المشكل كانت تعاني منه اختي الحل يكون بصباغة السقف بلون شوية فونسي مثلا ازرق هاك الميديتي ماتبانش ادا بغيتي

بصح التنظيف صعيب نتاع الميديتي الله يعينك

نعم اخيتي احنا غلطنا كي درنا كارلاج كنا حاطينوا هو الحل بصح زاد الطين بلة و لكن و الله فكرة مليحة نصبغ الصقف بلون غير اللون الابيض ديما ديما ماتبانش فيه الاوساخ بزاف
بارك الله فيك على النصيحة نروح نجري نخبر زوجي راني نهار كامل و انا ندبر عليه;) و هو :mad:و انا نقولوا :sdf:

و نقولكم حبيباتي :1:

[غزالة الصّحراء]

السلام عليكم

اخواتي عندي مشكل نتاع الميديتي عندي غرفة كل شتاء لما تنزل الامطار يصبح سقفها اسود اللون و ايضا الحيطان راني كنت كل ربيع نعاود نصبغ الغرفة و هذا السنة ماتقدرتش نصبغ قررت ننظفها و جربت مسحوقات كثيرة لكن السقف مايطلعش مليح خصوصا ان البقع جفت م نشفت

ارجوكم من عندها طريقة او منظف او مسحوق فعال تنصحني بيه ليرجع السقف ابيض ناصع

اكون شاكرة لكم اذا نصحتموني ربما توجد من تعاني من نفس المشكلة و وجدت لها الحل

خذي قطعة قماش نظيفة وغير مبلّلة . ضعي عليها ماء الجافيل فقط. ثمّ امسحي بها المكان. . وبعدها خذى الماء والصابون واغسلي المكان. ثمّ نظفي بالماء النقيّ. رايح اتشوفي نتائج مرضيّة.

[ام مؤمن]

خذي قطعة قماش نظيفة وغير مبلّلة . ضعي عليها ماء الجافيل فقط. ثمّ امسحي بها المكان. . وبعدها خذى الماء والصابون واغسلي المكان. ثمّ نظفي بالماء النقيّ. رايح اتشوفي نتائج مرضيّة.

بعد مانصحوني الاخوات بالصبغة زوجي قالي زيدي شوية حتى يسخن الحال و يروح المطر نهائيا و نصبغهالك و لكن انا ماصبرتش نشوف الغرفة متسخة و نظفتها و تهنيت رغم التعب الشديد لكن الحمد لله

بارك الله فيكي اخيتي و الله تقول دخلتي في قلبي انا بالفعل قمت من يومين بتنظيف الغرفة و حطيت ماء جافيل و ايزيس و نقعت اسفنجة و مسحت كامل البقع و خليتهم في الرغوة شوية و من بعد عاودت غسلتهم بالشيتة بصابون و جافيل و شللت مليح بالماء و الحمد لله تحصلت على نتائج مرضية يعني تقريبا هي نفس الطريقة التي نصحتني بها ربي يحفظك اختي غزالة الصحراء

[غزالة الصّحراء]

بعد مانصحوني الاخوات بالصبغة زوجي قالي زيدي شوية حتى يسخن الحال و يروح المطر نهائيا و نصبغهالك و لكن انا ماصبرتش نشوف الغرفة متسخة و نظفتها و تهنيت رغم التعب الشديد لكن الحمد لله

بارك الله فيكي اخيتي و الله تقول دخلتي في قلبي انا بالفعل قمت من يومين بتنظيف الغرفة و حطيت ماء جافيل و ايزيس و نقعت اسفنجة و مسحت كامل البقع و خليتهم في الرغوة شوية و من بعد عاودت غسلتهم بالشيتة بصابون و جافيل و شللت مليح بالماء و الحمد لله تحصلت على نتائج مرضية يعني تقريبا هي نفس الطريقة التي نصحتني بها ربي يحفظك اختي غزالة الصحراء

العفو حبيبتي. وآىسفة لأنّ ردّي جاء متأخرا. لأنّه من الأحسن والأفضل إذا استعملتي الطريقة ألي سبق وذكرتها لك. لاقتصاد الوقت. وتجنب التّعب. المهم الحمد للّه أنّك اتخلصتي من الميديتي. وتحصلتي على نتيجة مرضيّة. وعندك الحّق أحنا النسا دائما مانحملوش أنشوفوا الحالة غير نقيّة. مانستناو ا حتّى واحد. أنشمروا على يدينا ونبداوا العمل. أكيد أنت شاطرة. ربّي يحميك ويحفظك.
النّظافة من الإيمان. :19:

[لينة نور]

بعد مانصحوني الاخوات بالصبغة زوجي قالي زيدي شوية حتى يسخن الحال و يروح المطر نهائيا و نصبغهالك و لكن انا ماصبرتش نشوف الغرفة متسخة و نظفتها و تهنيت رغم التعب الشديد لكن الحمد لله

بارك الله فيكي اخيتي و الله تقول دخلتي في قلبي انا بالفعل قمت من يومين بتنظيف الغرفة و حطيت ماء جافيل و ايزيس و نقعت اسفنجة و مسحت كامل البقع و خليتهم في الرغوة شوية و من بعد عاودت غسلتهم بالشيتة بصابون و جافيل و شللت مليح بالماء و الحمد لله تحصلت على نتائج مرضية يعني تقريبا هي نفس الطريقة التي نصحتني بها ربي يحفظك اختي غزالة الصحراء

السلام عليكم

التنظيف أختاه لا يغيرمن الوضع شيئا واللعب بالالوان لايمنع تواجد المشكل ، يداريه لبعض الوقت لاغير ...

المعنى أن ذلك يأثر على صحتكم جدا أهل البيت ، ابتعدي عن الطلاء وابحثي عن المشكل الاساسي وعالجيه

لكل مشكل حل

الى ذلك الحين أكثري من تهوية الغرفة وأنصح بتقليل التواجد فيها ما أمكنكم ذلك ....

[غزالة الصّحراء]

السلام عليكم

التنظيف أختاه لا يغيرمن الوضع شيئا واللعب بالالوان لايمنع تواجد المشكل ، يداريه لبعض الوقت لاغير ...

المعنى أن ذلك يأثر على صحتكم جدا أهل البيت ، ابتعدي عن الطلاء وابحثي عن المشكل الاساسي وعالجيه

لكل مشكل حل

الى ذلك الحين أكثري من تهوية الغرفة وأنصح بتقليل التواجد فيها ما أمكنكم ذلك ....

معك الحقّ أختي لينة نور. فقط بما أنّ الأخت لاتحتمل المنظر المرعب كان الأحسن تنظيفه أولا في انتظار أن يقوم زوجها بطلاء الغرفة. وفعلا لابدّ من تهويّة الغرفة . لكن ماذا إذا لم تكن هناك الكثير من الغرف؟ عليها كما قلتي بالبحث عن المشكل ومعالجته. واكيد يعود إلى وجود فتحات أو تشققات تتسرّب منها الأمطار . ياربّ تلقى الحلّ في أقرب وقت ممكن.

[ام مؤمن]

بارك الله فيكم ربي يخليكم على النصائح القيمة و الله افدتوني كثيرا

بالنسبة لحل المشكل نهائيا هو اننا نبني الطابق الثالث و هذا غير متاح حاليا ربما السنة القادمة ان شاء الله

الصبغة تنقي بصفة جيدة و لو مؤقتا و ايضا زوجي قام بالتاجيل لاسباب تخص عمله

و انا انسانة موسوسة بالنظافة ماقدرتش نصبر على الاوساخ و راني نظفتها على مرتين اي في يومين حتى اتجنب الارهاق الشديد و الان كي ندخل ليها ينشرح صدري بالنسبة للتهوية راني نهويها دائما

يعطيكم الصحة على مشاركتي في الموضوع و تقديم النصائح بارك الله فيكم

[لينة نور]

بارك الله فيكم ربي يخليكم على النصائح القيمة و الله افدتوني كثيرا

بالنسبة لحل المشكل نهائيا هو اننا نبني الطابق الثالث و هذا غير متاح حاليا ربما السنة القادمة ان شاء الله

الصبغة تنقي بصفة جيدة و لو مؤقتا و ايضا زوجي قام بالتاجيل لاسباب تخص عمله

و انا انسانة موسوسة بالنظافة ماقدرتش نصبر على الاوساخ و راني نظفتها على مرتين اي في يومين حتى اتجنب الارهاق الشديد و الان كي ندخل ليها ينشرح صدري بالنسبة للتهوية راني نهويها دائما

يعطيكم الصحة على مشاركتي في الموضوع و تقديم النصائح بارك الله فيكم

السلام عليكم

العفو اختي ، لكن المشكل أكبر من أن يكون مسألة أثار مزعجة على الجدار أو السقف بقدر ما هو سبب غير مرئي لمشاكل صحية .

على الاقل ان أمكن تثبيت شباك تهوية اسفل الباب ...بالنسبة للشتاء أما مع بداية الحر فلا أبواب ولانوافذ تغلق :)

http://www.blindagesdefrance.fr/images/grilles-aeration-persiennes.png

يجب تجنب نشر الغسيل في البيت و عدم غلق باب الغرفة ساعة النوم، تنفس الانسان و تبخر ماء الغسيل وغيرهم يضاعف من المشكل ...

...........

معك أخيتي غزالة الصحراء في مسألة التنظيف ..لابد من ذلك .

[ام محمد اصيل]

السلام عليكم اختي والله قريت المشكلة تاعك وراني نعاني منها مثلك تماما رغم كل المحاولات لكن لا نتيجة مرضية والمشكل عندي في حيط واحد فقط في الغرفة ومؤخرا نصحونا بتركيب pierre taillé انه حل فعال لهذه المشكلة ارجو التفاعل لمن سمع بهذا الحل واجركم على الله فعلا سئمنا الحياة مع الميديتي.

[ام مؤمن]

السلام عليكم اختي والله قريت المشكلة تاعك وراني نعاني منها مثلك تماما رغم كل المحاولات لكن لا نتيجة مرضية والمشكل عندي في حيط واحد فقط في الغرفة ومؤخرا نصحونا بتركيب pierre taillé انه حل فعال لهذه المشكلة ارجو التفاعل لمن سمع بهذا الحل واجركم على الله فعلا سئمنا الحياة مع الميديتي.

اخت لينا نور شكرا على حرصك و نصائحك القيمة

الغرفة غير مستعملة كمكان للنوم نهائيا و الغسيل جامي ننشروا في البيت عندي شرفة كبيرة

نتمنى الاخوات يفيدونا ام محمد انا ماعنديش معلومات على pierre taillé

[susette]

اختي انا تان عندي هد المشكل لاخاطر بنيان قديم و الكوزينة و الحمام يولو كحولة مي انا عندي حل سريع وفعال جدا
جيبي قرعة بخاخة فارغة
عمري نصها ماء ونصها جافال اي ماركة تحبي من الاحسن تاع التوب تاع بكري
رجي مليح وبداي ترشي على المنطقة وخليها عشر دقايق تولي تسعل وتشدلك حتا شهرين متدورش بيك الميديتي
جربيها انا دايمن موجدة هد العفسة غير تبدا تكحال شوية نرش و نخليها و مبعد كامل ساعة زوج نجوز شيفونة و مينداك منجوزش لاخاطر تكون نشفت

[ام مؤمن]

اختي انا تان عندي هد المشكل لاخاطر بنيان قديم و الكوزينة و الحمام يولو كحولة مي انا عندي حل سريع وفعال جدا
جيبي قرعة بخاخة فارغة
عمري نصها ماء ونصها جافال اي ماركة تحبي من الاحسن تاع التوب تاع بكري
رجي مليح وبداي ترشي على المنطقة وخليها عشر دقايق تولي تسعل وتشدلك حتا شهرين متدورش بيك الميديتي
جربيها انا دايمن موجدة هد العفسة غير تبدا تكحال شوية نرش و نخليها و مبعد كامل ساعة زوج نجوز شيفونة و مينداك منجوزش لاخاطر تكون نشفت

و الله عفسة مليحة بزاف و غير متعبة و فعالة ايضا

واش نقولك يا اختي الله يعطيك ماتتمناي و الله يبارك فيك و في صحتك

و انا من غدا ان شاء الله نعمل قارورة سبيسيال كيما تاعك

يعطيك الصحة

[ام نرر محمد]

اختي بالنسبة للميديتي وهذيك الكحولة في الحيط انا مجربتها استعملي الجافيل في قرعة نتاع فابوغيزاتوغ ورشي بيه الحائط عندك .بدون اظافة اي شيء وبدون ما تحكي الحائط ضرك تلاحضي بلي يبياض خلاص وتتنحا هذه المشكلة ودائما كرري هذه العملية اذا ظهرت المديتي وربي يعاونك اختي.

[ام مؤمن]

اختي بالنسبة للميديتي وهذيك الكحولة في الحيط انا مجربتها استعملي الجافيل في قرعة نتاع فابوغيزاتوغ ورشي بيه الحائط عندك .بدون اظافة اي شيء وبدون ما تحكي الحائط ضرك تلاحضي بلي يبياض خلاص وتتنحا هذه المشكلة ودائما كرري هذه العملية اذا ظهرت المديتي وربي يعاونك اختي.

بارك الله فيك اختي الكريمة ربي يحغظكذ