ابحث عن اجابة

[مشكلتي]

السلام عليكم و رحمة الله و بركاته

مشكلتي هي عبارة عن سؤال محيرني :

الرجل اذا كان يربطو عقد شرعي مع المرأة منذ اقل من عام بقليل و لم يحاول بل لم يفكر اصلا في الكلام معها

او حتى رؤيتها جيدا او سماع حتى صوتها مع العلم انه راها مرة واحدة (رؤية شرعية) لـ5 دقائق لا اكثر :(

هل هذا شيئ طبيعي ام هناك كلام بين السطور؟

[مراد سابقا]

لا يا اختي ليس شيء طبيعي

سيقول لك الأعضاء يجب الحدود الشرعية وانا احذرك

اسالي عليه جيدا فلربما هو معقد او به مرض نفسي او يتناول الأدوية النفسية

الكثير من العائلات تخفي مرض ابنائها احذري

[ماريـام]

ردي بالك منو ثم كيف عام وانتم على العقد الشرعي لماذا طولتو بزاف

[عين الصقر]

عام منذ عقد القران أعتقد أن هناك شيء غامض أو ربما هو خجول جدا
إن بعض الظن إتم لكن ليس كله
عليك محاولة الحديث معه والتماس جزء من عقليته وشخصيته
الله يوفقك وإياه

[محمد جديدي التبسي]

اذا كان الرجل سليم ومستقيم السيرة فالأمر عادي ربما هو خجول أو لا يريد أن يستبق الأمور
ويدخل في متاهات (الكلام الفارغ) هو في غنى عنها... والله أعلم

[عائشة 88]

السلام عليكم
حاولي تتأكدي من عقليتو والاسباب اذا هو خجول ممكن ابوك او اخيك يجمع معاه . لانو انا نعرف بنات كثير تخدعو ربما راه مريض حذاري

[زبدة ذايبة]

شوفي الخلفية الأسرية انتاعو

إذا كان من عائلة محافظة وعندها عقلية زمان ممكن مايشوفش علاش يهدر معاك

وإذا كان غير ذلك

حاولي انت تجسي النبض ومايهمكش واش يقول فيك لأنك زوجتو شرعا

وحتى ما تفسديش على روحك زواجك

أوقفي على حقيقة الرجل بنفسك بما أنك شكيتي فيه

وهذا يتوقف على عدة أمور هذا الراجل يخدم ولا مايخدمش

يخرج من الدار ولا مايخرجش

عندو اصحاب ولا ماعندوش

انتوما كي سقسيتو عليه الناس واش جاوبوكم

كل هذه الأسئلة مهمة إذا تبينلك بلي طبيعي

جسي النبض من ناحية الدوافع للزواج

هل هو : قال متزوج وخلاص سعيدة ولا فريدة ولا جديدة كامل كيفكيف هنا انت وشطارتك.

رب يوفقك

[ابتسام smile &hope]

يااختي زيدو سقسو عليه
كاين وحدة صرالها كيما نتي 6 شهر حتى عرفو بلي مختل عقليا
وحدة حتى راحت باش فاقت بلي مريض نفسيا ويمشي بالكاشيات ذاقت المر قعدت عندو شهر واحد وطلقت وضرك عندها طفلة
واحد ثاني زعمة يحشم ونهار الخطبة ماقدرش يرفد راسو باش يشوف الطفلة نهار خوها راح يسقسي صابوه عندو علاقات نسائية و عندو طفل فالحرام

[ابتسام smile &hope]

وحدة نعرفها زوجها امام الله يبارك مور اللي دارو العقد والفاتحة كان كل يوم يعيطلها ويعطيها النفقة كل مرة شحال مرة 6000دج مرة 7000دج حتى راحت عروسة

[happy luck butterfly]

انا صراتلي من 10سنين
خطبني واحد جا شافني مرة واحدة في الدار وامبعد درنا الفاتحة من هاداك النهار ما بان عليه حتى خبر
حاولت ولد خالي يعطيني الهاتف انتاعو بما انو اخو صديقو حاولت الاتصال بيه بدون جدوى وكانو يحوسو يديرو العرس في اقل من شهرين الا انو ظرروفي ما كانتش تسمح
ربي سترني منو
كي توسوست وليت نشنش لقيت بلي كان يخطب ويبطل
كي زدت حوست مليح لقيتو مريض نفسي فمباشرة فسخنا الفاتحة
ربي الستار

[houda_jijel]

يقدر يكون خجول جدا انا شفت حالتين مثل حالتك
الاولى الرجل كان يخجل كثيرا من اخوة الزوجة لانهم اصدقاؤو
و التاني كان انسان عادي جدا و الاثنين تزوجوا و في سعادة تامة
لكن انتي زيد اسالي و متقعديش في المتاهة تاعك

[~أمة الله~]

وعليكم السلام ورحمة الله وبركاته
الصراحة لا أظنّه أمر طبيعي لأنّ معظم الشباب يسعون للحلال والعقد وتسريعه غير باش يهدرو وأعرف الكثيييييرات جدا من صديقاتي أزواجهنّ مستقيمين والحمد لله وكامل هدرو معاهم عادي من الأيام الأولى للعقد ، لذلك نظن من حقّك تستفسري على الأمر أختي وما ترقديش على روحك على الأقل تنحي الوسواس من راسك

موفقك بإذن الله
والله أعلم

[غير هام]

السلام عليكم

كل الاحتمالات وا ردة في زوجك هدااااااااا قادر انو عندو مبدأ حتى يديك عروسة ويبدا معاك حياته من أول يوم العرس وقادر كيما قالو الاخوة الامر فيه ان

[chouchou w]

انا. سراتلي كيفك لعيد وميعيدش عليا هههههه مي خرج مليح عرفنا بعضانا بعد الزواج ماتشوكيناش في بعضانا كيما ليعرفو بعضلهم قبل اومن بعد الزواج يتشوكاو مي انا زوجي اكولي من بعيد وماماه وباباه ولاد عموم بابا علاهذيك كونت مدايرر تيقة فيه وانت علي حسب معريفتك بعايلتو ربيكملك علي خير سلام

[بنت لبحر]

راي من راي الاعضاء ليس امر طبيعي

حاولي تعرفي واش كاين

[نورالهدى بيولوجيست]

من المفروض راه زوجك لازم تسقسي عليه مليح و حاولي تعرفي الظروف لان الامر غير مطمئن على ما يبدو

وفقك الله

[تاجر حر]

لا شيء غير عادي هو زوجك على سنة الله و رسوله فكيف لم يقم باي شيء سوى الرؤية الشرعية عليك محاولة التحدث معه و معرفته جيدا فانت تقولين انه يربطكم عقد شرعي يعني لا يوجد اي شيء يمنعه من مقابلتك او التحدث معك

[بنت النخيل]

بالمختصر المفيد المشكلة هذه ما كانت لتطرح هنا لأنها حلها في يدك أنت وببساطة اختاري أحد المقربين إليك وأخبريه بالأمر وسترين النتيجة بسرعة وينتهي المشكل.

[نورانيات]

انا صراتلي من 10سنين
خطبني واحد جا شافني مرة واحدة في الدار وامبعد درنا الفاتحة من هاداك النهار ما بان عليه حتى خبر
حاولت ولد خالي يعطيني الهاتف انتاعو بما انو اخو صديقو حاولت الاتصال بيه بدون جدوى وكانو يحوسو يديرو العرس في اقل من شهرين الا انو ظرروفي ما كانتش تسمح
ربي سترني منو
كي توسوست وليت نشنش لقيت بلي كان يخطب ويبطل
كي زدت حوست مليح لقيتو مريض نفسي فمباشرة فسخنا الفاتحة
ربي الستار

ربي يستر والله سراتلك كيما واحدة صحبتي تخطبت وفتحت في نفس الوقت شافتو مرة واحدة، وكانو أهلو هما اللي يجيبولها الأعياد دون حضوره طبعا تصوروا مدة 6 أشهر من الفاتحة لم يتصل بها ولم تره وكانت محتارة فعلا والعجيب أن أمه وأخته وسلفها جابولها العيد الصغير وبعدها بيوم عاودوا جاوها للدار وقالوللها نفضو الحكاية والسبب غير معروف وبعدما سقسات الناس عرفت أنه موالف يديرها مع البنات يخطب وما يكملش لأنه مريض نفسيا ربي يستر على بنات اللمؤمنين ويقينا شر الخديعة.

[khaoula khouloud]

اختي هناك امرو غامض حاولي بنفسك الوصول إليه
بانه هناك عقد الشرعي فماهو السبب في عدم التكلم معاه فانت يجب عليك ان تعلمي مع من سوف تتكملين يقية حياتك
فحاولي ان تكتشفي السبب............

[ام براء عبيدة]

لا يا اختي ليس شيء طبيعي

سيقول لك الأعضاء يجب الحدود الشرعية وانا احذرك

اسالي عليه جيدا فلربما هو معقد او به مرض نفسي او يتناول الأدوية النفسية

الكثير من العائلات تخفي مرض ابنائها احذري
انا رايي من راي الاخ اسالي وابحثي في سيرته استعيني بشخص من العائلة لمسعداتك اسال الله ان يوفقك لما يحبه ويرضاه

["راجية الجنة"]

سلام عليكم

محتارة في الامر
اين اخوتك الراجال و ابوك
الحل بيدهم هما
احكمي يماك و قوليلها وش يجول بخاطرك الزواج ليلة تدبيرتوا عام متضربيش النح
من داك يماك تخبر الرجال و هما اضبروا روسهم فيه و يجيبولك الرسمي نتع الرسمي
ربي يكمللك بكل خير

[حبيبة زوجها]

تبان مش نورمال عااام بزاااف ...والله اعلم

[mouslemkhirouni]

لا حول و لا قوة إلا بالله