لحظات حرجة ...من عمر المطبخ

[ويناروز]

http://store1.up-00.com/2015-03/1425668511762.gif


يقال ان المطبخ هو عالم المرأة
وانا أقول ان المطبخ هو حقل تجارب المرأة
فمنها الناجحة ومنها الفاشلة
نفرح كثيرا عندما ننجح في تطبيق وصفة معينة
ونحب سماع كلمات الاطراء من العائلة
ماذا عن التجارب الفاشلة التي شهدها مطبخك
هل سمعوا بها ام انك اخفيت كل أثار الجريمة الفاشلة من الوصفة
اخر تجربة ليا كانت في كواليس المشاركة في السفرة المميزة هنا المنتدى
شفت وصفة اسمها اسفنج السيليكون
اتبعت الوصفة لكن عندما ادخلتها
هبطت والمشكلة الوقت الي اعطوهولي احترمته
لما اخرجتها كانت شبه فحمة
الصراحة اخفيت اثار الجريمة
ولم يعلم بها احد سوى اختي مساعدتي في المطبخ
ولم يبق الا ايام قليلة جدا....حكمتني القنطة
وماعرفت كيف ندير .....لكن عودت الكرة وكانت ناجحة
وحطيت مشاركتي في المسابقة
لكن الله يعلم عدد التجارب الفاشلة المعلن عنها والمخفيةhttp://emoticoner.com/files/emoticons/onion-head/embarrassed2-onion-head-emoticon.gif?1292862502
لكن الان راني ناجحة هههه
ماذا عنكم

[سجود نور الايمان]

السلام عليكم اختي يسرني ان اكون اول من ترد عليك
عندي تجااااااارب فاشلة لا تعد و لا تحصى قبل زواجي و افضعها هي كعكة جبت الوصفة من عند الجارة اسمها عش النحل و كان اخي صغيير هداك الوقت مسكيييين قعد يستنى حتى وجدت المصيييبة كانت عبارة عن كتلة متحجرة حتى العسل ماحبش يدخل لداخل الكعكة :mad:
اخي مسكين عياا معاها باش يقسمهااا والووووو:confused:
شافها حتى ابي و رجعت اضحوكة في البيت:sdf: و لحد الان كي يجيني خويا يقولي تسكتي و لا نحكي لراجلك على عش النحل:o

شكراااا على الموضوع

[مريم الصابرة]

السلام عليكم اختي راحيل
اليوم نحب فنانات المطبخ يحكونا فشلهم ولو كن محترفات كم من مرة نخطئ في امر بسيط يروح كل شي
راح نحكيلك ديت تجربة نتاع البغرير وقلت اليوم نفرج امي لانو هي تحبو و بلا دليك لاني مريضة ما نقدرش المهم درتو وتبعت الوصفة
ويا ريتني صورتها لو الآن كل القنوات تحب دير معايا مقابلة
شوفي اول خبزة لصقت ما طارت قلت نورمال مريم كرطيها عادي قالونا الاولى دايما تروح
الثانية ما تثقبتش قلت زعفت على ختها الاولى
الثالثة ميلت المقلى خرجو اصابع شفت بغرير رجع كانو يد بخمس اصابع نعم بغريري انا بخمس اصابع دهشت واش هذا الفن او العفن اللي انا درتو
وبديت قلت بلا جدو اليوم يخرج بغرير او بغرور المهم نديرو
وبقيت وراها وهذي نرميها وهذي نخفيها ونقول جريمة إنتحار
واخيرا يا نيروزتي خرجلي البغرير وحسيت روحي مجاهدة مشات يدي فالمقلى وتعلمت نتحكم فيه ولما جات امي ولقاتو طارو عينيها من الفرحة قتلها في قلبي لو تشوفي الجثث اللي راني قاتلتها ومخبيتها الحمد لله نظل وحدي نقتل وندفن وعادي جدا
ومرتين نجرب بريوش وااااااااااااااااع راكي عارفة واش رجع كركاسة نتاع نوكيا 3310 وماكان لاه تجربي تذوقيه لانو ما يسماه حاجة صالحة للاكل وانما كادر نتاع صور
ههههههههه

[*سندوسة*]

السلام عليكم

اختي رحيل انا شفت فالنت وصفة نتاع بطاطا عش الطائر
هاهي الوصفة

http://www.ouarsenis.com/up//uploads/images/ouarsenis-88c7ec23bb.jpg
http://www.ouarsenis.com/up//uploads/images/ouarsenis-d7e9aa3986.jpg
http://www.ouarsenis.com/up//uploads/images/ouarsenis-8d3a4ae643.jpg
http://www.ouarsenis.com/up//uploads/images/ouarsenis-6d53dc5cef.jpg
http://www.ouarsenis.com/up//uploads/images/ouarsenis-933bab794e.jpg
http://www.ouarsenis.com/up//uploads/images/ouarsenis-639ffbba42.jpg

كي درتها فزيت كلش تزربع هههه
وفقدت السيطرة عليها

[مريم الصابرة]

السلام عليكم

اختي رحيل انا شفت فالنت وصفة نتاع بطاطا عش الطائر
هاهي الوصفة

http://www.ouarsenis.com/up//uploads/images/ouarsenis-88c7ec23bb.jpg
http://www.ouarsenis.com/up//uploads/images/ouarsenis-d7e9aa3986.jpg
http://www.ouarsenis.com/up//uploads/images/ouarsenis-8d3a4ae643.jpg
http://www.ouarsenis.com/up//uploads/images/ouarsenis-6d53dc5cef.jpg
http://www.ouarsenis.com/up//uploads/images/ouarsenis-933bab794e.jpg
http://www.ouarsenis.com/up//uploads/images/ouarsenis-639ffbba42.jpg

كي درتها فزيت كلش تزربع هههه
وفقدت السيطرة عليها
اختي هذي قرنونة او واش :1::1:
تشبه للقرنون لما نحلولو قشور :1:

[*سندوسة*]

اختي هذي قرنونة او واش :1::1:
تشبه للقرنون لما نحلولو قشور :1:



لالا هادي لباطاطا راهي على شكل لي تاغتولات
والخطوات راهي موضحة فالصور انا كي جيت نجربها لباطاطا مالصقتش مع بعضاها انتشرت فالزيت وكلش فسد :1:

[مريم الصابرة]

لالا هادي لباطاطا راهي على شكل لي تاغتولات
والخطوات راهي موضحة فالصور انا كي جيت نجربها لباطاطا مالصقتش مع بعضاها انتشرت فالزيت وكلش فسد :1:
السلام عليكم
هههههه معليش جربي المرة الجاية انا نبقى ورا الحاجة حتى نكملها

[*سندوسة*]

نحكيلك على ضحايا الفلفل حلو

بابا كان يشريلنا فالصيف بزاف وحنا الفلفل حلو نشووه فالفرن ونخلوه يبرد ونحوله لقشور ونقطعوه ونديروه فالكونجيلاتوغ

وانا كي نبقا نحيله فالقشرة نتاعه يجيني بزاف وكاين لي تكون معوجة ماتتشواش غاية ههه ايا كنت كل مرة نرمي وحدة هههه

[سجود نور الايمان]

نحكيلك على ضحايا الفلفل حلو

بابا كان يشريلنا فالصيف بزاف وحنا الفلفل حلو نشووه فالفرن ونخلوه يبرد ونحوله لقشور ونقطعوه ونديروه فالكونجيلاتوغ

وانا كي نبقا نحيله فالقشرة نتاعه يجيني بزاف وكاين لي تكون معوجة ماتتشواش غاية ههه ايا كنت كل مرة نرمي وحدة هههه

هههههه باينة من 2 كيلو تخرجي 2 حبات و الباقي كاااامل:mh31::mh31:

[ibtihal18]

اهلين ...........كيف الحال ان شاء الله بخير
والله واش نحكيلك اختي ...........في دارنا يا ويلها اللي تجرب حاجة و تخفق فيها عندنا وحد الخاوة تندمي على النهار اللي جربتي فيه حاجة والله غير سدي ودنيك بالكيثمان و مشي
اما في بيت الزوجية جربت حوايج بزاف كاين اللي ينجحوا و كاين اللي يفشلو
من بين التجارب الفاشلة مرة جربت كسرة محشية و رحت حطيت فيها الخميرة ياخاوتي واش نقولك ولات مخدة و كيحطيتها فالطاجين تفتحت كامل و يا ويلي جا راجلي كيشافها فرح و قالي وش هذا الانجاز و المفاجئة لكني قلتلو في قلبي ذقها و مبعد عبرعلى الشعور ...............و المسكين كي ذاقها نحسو الريق خلصلو باش يبلعها لوكان ريزرفوار تاع القازوز و ما تفكهاش ..................و لكن لحسن حظي انو ما فشلنيش و قالي معليش راهي مليحة و علابالي المرة الجاية تجيبيها
لكن انا السبة ديما نلعبها فاهمة و نبدل شوية المقادير ........شوف الفهامة هههه
بارك الله فيك اختي

[أثر]

السلام عليكم ورحمة الله وبركااته
مرحبا اختي رااحيل
ضحكت حتى سالت دموعي
مآسي المطبخ.....لاتنتهي:1:
اتدرين في حياتي لم يحرق لي الاكل:)
منذ مدة قصيرة......خليت الغداء على النار...ودخلت للمنتدى على اساس اني نخرج في ساع
موضوع يجيب موضووووووع...والغداء الله الله....ولّا.... فحمة:1::1:
هههههههههه جامي ننسى هذاك اليوم......على زهري.....شريتلهم الغداء من برااا:d

[*سندوسة*]

لبنات نصيحة لي تجرب مثلا في حاجة نتاع لغدا ولا لعشا ديما دير حسابها وتوجد حاجة اخرى من قبل باش يلا فشلت التجربة تلقاو البديل خير من لي تتبهدلو

وخاصة لي عندهم لي مايحبش التجارب النووية فدار ههه

[ام آدم]

:لبنات ما نكدبش عليكم كي كنت مع عجوزتي ما نتجراش ونجرب حاجة ما درتهاش من قبل:sdf:نخاف تفسد وتبقى سيرتي على كل لسان:D
حتى لي مالفة نديرهم ويتبحرولي كي تقعد قدامي:1:
مي درك راني بداري وحدي جربت كل لي نفسي فيه واكيد التجارب الفاشلة تبقى في طي النسيان واحد ما سمع بيهم حتى المسيو اششششششششششششششش

[أم شروفة]

أنا صراتلي مواقف ....مرات نخبي لكن وين نخبي....................دار الشيخ عندك ما تسمعي والحادثة نتاع 3 دقائق نبقى نسمعها 3 أسابيع ......او حتى العمر كله ههههههههه مرة الرشتة وكانت من النوع الرقيق لو نقلكم غير نحطها تفور تلصق وتصبح مثل العجينة تبهدلت يومها وغير رميناها

[faithfulgirl]

أنا بصفتي الكبيرة فالدار كي ما تكونش ماما أنا نطيب و بابا و خويا فئران تجارب مرة درت المسفوف و نسيت الفول حتى خلاص الما فالقدرة ولا فيه ريحت الحريق كان راح الحال باش نطيب حاجة أخرى حطيتهلم و قلتلهم اللبن هادا فيه ذوق ماشي مليح مساكن كلاوه بالسيف..وكي تكون ماما عندي ما نسمع ولات تقولي عيشة مو الزبايل ماعنديش بزاف درت مايونيز بلا بيض و ماحبتش تطلع و أنا غير نزيد فالزيت مع اللحر رميتها

[وسيمツ]

)"]السلام عليكم
مرحبـــــــا أختي نيروز ، أتمنى أن تكوني بخير ،
أول ما أريد أن أبتدِأ به هو عدد من ال"هـ" يقترب من 10 أو 11 هاءا :1:
لكن تذكّرتُ أن الضحكات الإلكترونيّة تمّ منعها و لكم تعجّبت من هذا أنا و فأرةُ حاسوبي و كذا زرّ حرف الهاء في لوحة المفاتيح ... http://www.djelfa.info/vb/images/icons/icon10.gif
أظنّ أنّ اخفاء آثار الجريمة و النجاح في ذلك يعطي نخوة انتصار و ابتهاج أكثر من أن تنجح الوصفة حتى المرحة الأخيرة .. هذا عن تجربة
أذكر مرّة أني صنعتُ كسْرةُ ، و أكثرت الزيت فيها ... ولك أن تتخيّلي عندما هممت بتقليبها في الطاجين كيف صارت ، ما ان امسكها من جانب حتى يتفتت و ينفصل عن القرصة... : (
أمّا عن تاريخي "القـــاطووِيّ" فكل أنواع القاطو المعدودة التي صنعتُها نجحت و الحمد لله
الله يعونكم في مختبرِكُم اللذي أراه صندوق مفاجئات ما ان تقترب منه ، حتّى تفاجئك الرائحة بمقابلة صحفيّة بالمكروفون عن مدخل البيت، و انت تجيب في داخلك .. :
كيف هي الأجواء؟ "رااااااائعة بشمّك، عفوا برؤيتك"
ماذا تتوقّع أنّك ستأكل اليوم ؟ "حسب ما أشمّ ، عفوا حدسي اللذي لا يخطئ كذاكذاذكاذاكذ"
هاا ، قد أصبت إذن كلمة أخيرة لماما .. "أشكر ماما و كل من ساهم في هذا من قريب أو من بعيد و أهدي هذا إلى أخي و أختي و الكتكوت جدّي و .." http://www.djelfa.info/vb/images/icons/icon10.gif
شكراا لمقاسمتك يومياتك معنا
معـَ السلامهْ~

[أثر]

)"]السلام عليكم
مرحبـــــــا أختي نيروز ، أتمنى أن تكوني بخير ،
أول ما أريد أن أبتدِأ به هو عدد من ال"هـ" يقترب من 10 أو 11 هاءا :1:
لكن تذكّرتُ أن الضحكات الإلكترونيّة تمّ منعها و لكم تعجّبت من هذا أنا و فأرةُ حاسوبي و كذا زرّ حرف الهاء في لوحة المفاتيح ... http://www.djelfa.info/vb/images/icons/icon10.gif
أظنّ أنّ اخفاء آثار الجريمة و النجاح في ذلك يعطي نخوة انتصار و ابتهاج أكثر من أن تنجح الوصفة حتى المرحة الأخيرة .. هذا عن تجربة
أذكر مرّة أني صنعتُ كسْرةُ ، و أكثرت الزيت فيها ... ولك أن تتخيّلي عندما هممت بتقليبها في الطاجين كيف صارت ، ما ان امسكها من جانب حتى يتفتت و ينفصل عن القرصة... : (
أمّا عن تاريخي "القـــاطووِيّ" فكل أنواع القاطو المعدودة التي صنعتُها نجحت و الحمد لله
الله يعونكم في مختبرِكُم اللذي أراه صندوق مفاجئات ما ان تقترب منه ، حتّى تفاجئك الرائحة بمقابلة صحفيّة بالمكروفون عن مدخل البيت، و انت تجيب في داخلك .. :
كيف هي الأجواء؟ "رااااااائعة بشمّك، عفوا برؤيتك"
ماذا تتوقّع أنّك ستأكل اليوم ؟ "حسب ما أشمّ ، عفوا حدسي اللذي لا يخطئ كذاكذاذكاذاكذ"
هاا ، قد أصبت إذن كلمة أخيرة لماما .. "أشكر ماما و كل من ساهم في هذا من قريب أو من بعيد و أهدي هذا إلى أخي و أختي و الكتكوت جدّي و .." http://www.djelfa.info/vb/images/icons/icon10.gif
شكراا لمقاسمتك يومياتك معنا
معـَ السلامهْ~
السلام عليكم ورحمة الله وبركااته
وسيم ...ماتقوليش درت الكسرة:1:
متخيلة الكسرة تفتت..وانت اصبت بانهياار ونزلت هاذيك الدمعة تاع .........ماروكو:d
اضحكتني كثيرااااا...

[وسيمツ]

السلام عليكم ورحمة الله وبركااته
وسيم ...ماتقوليش درت الكسرة:1:
متخيلة الكسرة تفتت..وانت اصبت بانهياار ونزلت هاذيك الدمعة تاع .........ماروكو:d
اضحكتني كثيرااااا...


و عليكم السلام و رحمة الله و بركاتُه ،و مغفِرتُهُ
(هـ × 10)
نعم أثرْ ..بالفعل كانت دمعةُ ماروكو حاضرة فكانت كالصدمة خاصّة أني لم أتوقّعْ هذا مطلقا.. http://www.djelfa.info/vb/images/icons/icon10.gif
كان ذلك و أمي نائمة ،فكّرت في طلب مساعدتها، خطوت عدّة خطوات لذلك، لكن ما ان ارتسمت في مخيّلتي صورة عود تنقية الصوف ذاك، حتّى تراجعت فزعا ،و قلت في نفسي: "عليّ أن أجد حلاّ" :1: عندما أيقنت مطلقا الفشل الذريع قسمت الكسرة إلى أجزاء صغيرة مثل البراج حتّي يُمكنني تقليبُها :1:
و لإخفاء ما تبقّى من آثار الجريمة المطبخيّة ، دعوتُ أختي الصغرى لتأكُل معي ، أو بالأحرى لنخبئتها سويّا في بطوننا ، و الحمد لله فقد كانت لذيذة كفاية
بسبب الزيت لأكلها كلّها ... :1:

[sarra95]

هههههههههه عندي ما نحكي انا الجرائم كل مع البطاطا
مرة جيت نقلي بطاطا شعلت على الزيت و رحت نحكي مع خويا و نسيت الزيت حتى رحت نشرب نلقى الزيت ولا احكل والدار كل دخان جيت نخفي اتار الجريمة ساحلي الزيت فالكوزينة
و مرة قليت البطاطا كنت صغيرة تم نحيتها و هي ماهيش مقليا ولات عجينة
ومرة درة الكسكسي مسوس نسيت الملح

[sawsanafleur]

مرة جيت ندير المقروط بسست مليح وشكلت وجاو شكلهم شباب ولكن كي حطيتو فى المقلة راح مع الزيت وتفتح كامل والمشكل كنا في ليلة العيد خبيت المقلة بيها بللى فيها وباقى المقروط درت فى الكوشة والنتيجة ماكانتش كما حبيت وليت خبيته وماحطيت منه ولا حبة .بصح الان تعلمت الطريقة اللي تخليه شاد روحو .

[ويناروز]

بارك الله فيكم على تدخلاتكم القيمة
شكرا لكل من مر
لي عودة للرد
شكرا لكم

[ام براء عبيدة]

انا لي تجارب فاشلة وناجحة في بيتي الزوجية مرة حطيت كباب جلبانة يطيب وتكيت شويي داتني عيني هاكك نص ساعة كي فطنت ورحت نجري باش نشوف درت شوية امل لقيت تحرق هو والكسرونة ولاااا فحم امزيا راجلي ما فطرش في الدار كون ديت تبهديلا الكسرونة حصلت وانا نظف فيها ومرة حطيت البطاطا طيب وقلت نقعد شوية في الميكرو نسيت روحي لقيت البطاطا ولات شيبس ما عليا غير عودت درت اخرى على سعدي وخلييي ............................اللي ماحكيتهمش وراني نسعى باش نولي بارعة باذن الله