انظروا ماذا حدث لي بالامس

[دورصاف جوجو]

السلام عليكم ورحمة الله وبركاته
ياا الخاوا حبيت نحكيلكم واش صرالي البارح فليل ...
انا كل ليلة كعادتي بعد العشاء نحكم بلاصتي وندخل طول للجلفة اكيد وبالضبط قسم يومياتي
وكل ما ندخل نقرا قصص الجن والمواضيع المتعلقة بهذا الامر المكتوبة في هذا القسم ....
ومن كثرة ما تعلقت وتاثرة بهذه المواضيع البارح فليل حلمت حلم روعنيييييي باتم معنى الكلمة
نهضت على 4 صباحا ولقيت روحي مبلولة من كثرة الخلعا وليت نخايلل بهذه القصص وهذه الامور
وبقيت نترعد وحدي ونتعوذ من الشيطان الرجيم ونقرا القران حتا 7 صباحا نظت باش نروح نقرا
وفوت اليوم هذا قاسي جدااا لاني مرقتش مليح ومن 8 تاع الصباح لل 7 ونصف تاع الليل باش دخلت للدار
خاطر نقرا حتا على برا
صراحة هذه القصص راني والله مرضت بيها عدت نخاف نرقد باش منخايلش وليت نخاف نقرا القران كون كشما يصرالي
والله هذا كثييير راني نشوف فروحي راح نتهلك نتمنى بعد ما نكملو نقراو قصة اخونا زيدون ذكره الله بالخير
نديرو مواضيع يسليونا شوي ويثقفونا ويحمسونا شوي باش منزيدوش نتاثرو هكا وانا والله من النوع لي نحب نقرا قصص الناس
خاطر نحس بيهم ونحب ندعيلهم بظهر الغير لعل الله يستجيب لي ويخفف عنهم وباش ندي العبرة ونتجنب الفواحش وكامل
نتمنى تواسيوني قليلا لاني وليت نخاف نرقد باش ما تتعاودش ليلة امس

[مريم الصابرة]

السلام عليكم اختي
اولا إستغفري وإستهدي بالله
ثانيا مش كل قصىة تقرايها تتأثري بها يعني وحدة تجي تقول طلقت تروحي تطلقي وانت حتى مش متزوجة لالا شوفي صح ما ننكرش انا اول ما قريت قصة الاخ راحت امي للعمل بكري بزاف قبل الفجر بقيت وحدي طار النوم تفكرت قصتو ولكن انا شفت الامر هذا مع بنت خالي يعني عادي ومرات تحدث لي امور نحس انو الجن موجود في بيتنا كثرتها لاني نبقى وحدي ولكن نسمع القرآن نشعل تلفاز وندير قناة المجد حتى نلقى روحي رقدت وعادي الىن ما نخممش نهائيا
الاخ وضع قصتو حتى تكون لنا عبرة وانت مش ملامة لانك خفت لكن مديتي للأمر فوق حقو م لازمش تخافي وتتوسوسي
وهناك مواضيع رانا بديناها مسلبة تبعينا
إن شاء الله خير يا خوافة

[دورصاف جوجو]

والله يا مريم تاثرت بزاف خلاص وانا اصلا خوافة من بكري وزادلي شوي ربي يهديني برك ويبعد عليا هذ الامور

[ضعيف.]

السلام عليكم ورحمة الله وبركاته
ياا الخاوا حبيت نحكيلكم واش صرالي البارح فليل ...
انا كل ليلة كعادتي بعد العشاء نحكم بلاصتي وندخل طول للجلفة اكيد وبالضبط قسم يومياتي
وكل ما ندخل نقرا قصص الجن والمواضيع المتعلقة بهذا الامر المكتوبة في هذا القسم ....
ومن كثرة ما تعلقت وتاثرة بهذه المواضيع البارح فليل حلمت حلم روعنيييييي باتم معنى الكلمة
نهضت على 4 صباحا ولقيت روحي مبلولة من كثرة الخلعا وليت نخايلل بهذه القصص وهذه الامور
وبقيت نترعد وحدي ونتعوذ من الشيطان الرجيم ونقرا القران حتا 7 صباحا نظت باش نروح نقرا
وفوت اليوم هذا قاسي جدااا لاني مرقتش مليح ومن 8 تاع الصباح لل 7 ونصف تاع الليل باش دخلت للدار
خاطر نقرا حتا على برا
صراحة هذه القصص راني والله مرضت بيها عدت نخاف نرقد باش منخايلش وليت نخاف نقرا القران كون كشما يصرالي
والله هذا كثييير راني نشوف فروحي راح نتهلك نتمنى بعد ما نكملو نقراو قصة اخونا زيدون ذكره الله بالخير
نديرو مواضيع يسليونا شوي ويثقفونا ويحمسونا شوي باش منزيدوش نتاثرو هكا وانا والله من النوع لي نحب نقرا قصص الناس
خاطر نحس بيهم ونحب ندعيلهم بظهر الغير لعل الله يستجيب لي ويخفف عنهم وباش ندي العبرة ونتجنب الفواحش وكامل
نتمنى تواسيوني قليلا لاني وليت نخاف نرقد باش ما تتعاودش ليلة امس
على الإنسان أن يأخذ الأمور بإيجابية فإن أخذتها بسلبية فتلك مشكلة حاولي إذا العمل بإيجابية مثلا:
ما دام كيد الشيطان ضعيف فلا أخشى من الشياطين.
ما دامت الأذكار تحصن الانسان إذا علي بالأذكار
ما دامت الدنيا بهذا الشكل من الفناء فعلي بالآخرة.
تقبلي ردي ومروري.

[دورصاف جوجو]

والله قبل ما نرقد ديما الذكار وسورة الملك حتا نرقد واذا التخطفة اية الكرسي ديما فقلبي بصح البارح يا خويا والله حالة خاصة مننساهاااااش

[ماريـام]

والله قبل ما نرقد ديما الذكار وسورة الملك حتا نرقد واذا التخطفة اية الكرسي ديما فقلبي بصح البارح يا خويا والله حالة خاصة مننساهاااااش

عادي اختي الواحد يتأثر بهاذي القصص كأنك شفتي فلم رعب
انساي القصة و استغفري صدقيني كيدهم ضعيف

[ضعيف.]

والله قبل ما نرقد ديما الذكار وسورة الملك حتا نرقد واذا التخطفة اية الكرسي ديما فقلبي بصح البارح يا خويا والله حالة خاصة مننساهاااااش
لعله بداية لنهاية الخوف إن شاء الله.
يقال أن الجنود يجدون صعوبة في بداية أول معركة فالخوف كبير ولكن بمجرد أن يبدأ الجندي بإطلاق النار يتعود حتى يصبح يحارب والرصاص يمر أمام رأسه وهو لا يخاف.

[سدرةالمنتهى]

يا اختي لو جيتي كيما انا كنت في الاقامة وصرات قصة كيما نتع الاخ زيدون

الطفلة اللي تلبست جنها ماقبلنيش انا وصحبتي يعني حبت تقتلها

عشنا معاناتها نتوقعو كلشي

والله غير عااااااااااااام كامل و انا نرقد وحدي في لاشومبر و البنات قع تلظو لبعضاهم من الخوف يبتو راقدين في 6 في 2 اسرة

وانا وحدي وعااااااااادي نرقد بالنوم الثقيل حتى صحاباتي تخلعو فيا

ماتنسايش ديفوا تروح تريسيتي ونهارات ينوض الريح يباتو التواقي يخبطو واصوات الريح مانحكيلش
فيلم رعب

ونووووووووورمال مادرتش في بالي الجنون ندير ربي في بالي و نرقد نوض لاباس عليا

[تينا ماريا]

و الله ياختي صرالي نفس الشيء الاجزاء الاولى كنت نبات ميتة بالخوف و الليل كامل و انا نشوف في الكوابيس و كل دقيقة نفطن لكن الان شوية رتحت رجعت نحصن نفسي قبل النوم و ما نخممش في النوضوع بزاف

[الصفحة البيضاء]

عدوك هو الخوف عادي ماكاين حتى حاجة و مايصرالك والو ماتخافيش غير راكي متأثرة برك

ماتزيديش تقراي هاد المواضيع مادامك هاك

تفكري روحك قبل ماتقراي هاد المواضيع كي كنتي ترقدي عادي

هدا دليل بلي ماكاين والو غير توسويس

[سجود نور الايمان]

يااا سلام نفس ما حدث لي
لي عودة للموضوع ان شاء الله

[*سندوسة*]

السلام عليكم

نتوما قريتوها وصرالكم هكذا وواش نقولو على اخونا زيدون
اختي ماديريش في بالك وكيما نقولو حنا ماتتحسيش للامور ومثلا حتى لو سمعتي كانش حس ولا حاجة اقراء المعوذتين واية الكرسي
وخلي تلفاز مشعول هكدا باش ماتخميش في هادوك صوالح بزاف وتقعدي تستناي وقتاش لباب يتبلع ووقتاش تتحرك حاجة

اشغلي روحك وبالتوفيق

[دورصاف جوجو]

لا لا ميش غير قصة اخي زيدون برك قريت قداااه من قصة اخرى وتخلطت عليا
بارك الله فيكم على مواساتكم لي اظن كيما قلتولي راني غير توسوست برك

[sonia32]

انصحكي اختي العزيزة نصيحة اذا انت لم تكوني قوية لمتابعة هذه القصة فلا داعي لان تقرائيها لانها فعلا قصة مؤثرة وصعبة فهي لاقوياء القلوب

[sawsanafleur]

مرحبا اختى الكريمة ماتمرين به لا يعدو كونه وسوسة ناتجة عن الخوف الشديد ماحصل مع الاخ شفاه الله وعفاه ليس معناه ان الجن الذين هم خلق مثلنا تمامايتربصون بنا في كل حين هناك ظروف يجب ان تتوفر حتى يتمكنوا منا وهي وجود السحروالنقص في الذكر والتحصين .لقد قرات كل اجزاء القصة وتاثرت بما حدث للاخ الكريم ولكننى لم اخف ابدا فالمؤمن يجب ان يكون قويا موقنا بان الله وحده من بيده الملك وهو على كل شئ قدير.

[ام آدم]

يا ختي (ان كيد الشيطان كان ضعيفا)
حصني نفسك باذكار الصباح والمساء ونامي على طهارة وما تخافي من والو راهم يعودو هوما يخافوك;)
وكلما جاتك وساوس تفكري هذه الآية

[دورصاف جوجو]

لالا والله نكمل نقراها للأخر ان شاء الله خاطر وعدت أي زيدون بهذا بصح واش راح ندير الخلعة قتلتني لبارح برك أنا راح نرقد ومقابليني الدرج وفيه حاجا هكا طل كي شفتها مت حسبتها مانعرف واشيهيا ساعا ظهر مطرح هههه وليت نحيتو وقريت القرأن ورقدت
كرا على المرووور وراني كل يوم ندير بنصائحكم

[محبّة الخير]

ما تخافيش مدام تحطي في بالك بلي ربي اقوى منهم ومنا والله ما يمسوك وما تنسايش انهم مثلنا تماما يعيشون ويتزاوجون ولهم عائلات انا احترم كل مسلم منهم قد يبدوكلامي غريبا لكنها الحقيقة ففيهم المسلمون والخارجون عن دين الله وكلنا نحاسب كنا انسا او جانا اقرئي ايةالكرسي فهي تمدني بالطمانينة ان خفت مثلك احيانا هههههه ربي معاك

[أماني بلعلى]

السلام عليكم
أمالا نقولك يوميا نعاني من هذي القصة وضك و \انا نكتب مخنوقة ، بضح بالله نغلبوا والصبر
في الأول لقيت صعوبة ماي ضك زوجي واقف معايا وميخلينيش نضعف لأن الضعف نقطة حساسة يستخدموها ضدك ، واعلمي أن الجن أصعب مرحلة في حياتو حين يقترن بالإنسان ،أمالا صلاة الفجر موراها أذكار الصباح ولا إله إلا وحده لا شريك له له الملك وله الحمد وهو على كل شيء قدير وغيرها من الأذكار وأنا صابرة واثقة بلي هذا الشيء قدرولي ربي يعني ابتلاء بمعنى ربي يحبني وثقتي في الله أقوى من المعاناة ( منحكيلكش باش متخافيش ....كاين أشياء تبان عادية ولكن مع هذو المخلوقاة عليهم لعنة الله تبان كبيرة ) زوجي كي نحكيلو يقولي ياك راكي راضية بالابتلاء وأنا نقولو نعم وكي نقولو مقدرتش يقوي يعني مكيش حابة ترضاي بحب الله .... يطلعلي في المورال وينسيني شوية ، بصح المسكين صابر أكثر مني ربي يعطيه الجنة والخمد لله والخمد لله والحمد لله والحمد لله

[..بسمة أمل ..]

اختي حاولي تتجنب هذو القصص ومتقرايهمش

لانك راحت توسوسي منهم

[medou medou]

يا ختي (ان كيد الشيطان كان ضعيفا)

[منى المسيلة]

........................

[sara_h]

ديري ربي في بالك ومتخافيش وان شاء الله ترجعي ترقدي نووورمال

[red-line]

اختي اذا كان تتاثري اجتنبي القراءة
ثانيا عليك بالاذكار الصباحية والمسائية
اخيرا
اذا اردت المتابعة فعليك بتقوية ايمانك وهذا درس لنبيل العوضي
http://ar.islamway.net/lesson/200/%D9%83%D9%8A%D9%81-%D8%AA%D9%82%D9%88%D9%8A-%D8%A5%D9%8A%D9%85%D8%A7%D9%86%D9%83

[أميرة أخلاقي]

اكثري من الاستغفار و القرآن أخيتي

[hamza islam]

يجب أن تخرجي هذه الأفكار المرعبة من رأسك و سترتاحين

[نورة نوال]

الله يفرج عليك اختي

[دورصاف جوجو]

الله يفرج عليك اختي

مشكورة حنونتي شكرا على الرد العبق

[بشرى التيسمسيلتية]

و الله انا تاني يا اختي لكن المشكلة مش من القصص
و لكن ملي كنت صغيرة نوم نفس المنام
نحس حاجة تحكمني و تزير عليا حتى تخبطني وليت نخاف الى نرقد و نوم نفس المنام عييت بزاااااااااااف
وليت نخاف حتى من كلمة جن نخاف من كلش خاصة في غرفتي و ماما خطرات تقولي يا بشرى بنتي و الله شمبرتك نخاف منها بزااف عفايس صراااو وليت نسهر بزاااف باش كي نرقد نرقد عيانةو ما نحس بوالو و الله القران ما يخطيني
و قبل ما نرقد نقرا المعوذتين و آية الكرسي و مع ذلك نوم نفس المنام ولين نخاف من كلش لانو هاد الحدث ترسخ في ذاكرتي
الخوف قتلني ادعولي يا خاوتي

و الله يا اختي حاسة بييييييييييييييك
ربي يفرج ان شاء الله

[دورصاف جوجو]

شفتي كيفاه مايحس بالجمرة غير لي تكويه واصلي على القران برك لاني راني رتحت الحمد لله
وربي يشفيك حبيبتي

[بشرى التيسمسيلتية]

شفتي كيفاه مايحس بالجمرة غير لي تكويه واصلي على القران برك لاني راني رتحت الحمد لله
وربي يشفيك حبيبتي

آمين اختي لا تنسيني بدعوة في ظهر الغيب
بارك الله فيك

[دورصاف جوجو]

راكي فبالي لحبيبة ربي يفرج علينا كامل

[a5r mdak]

صراحه انا لا افهم اللهجه الجزائريه المحليه بس بحاول افهم قصتك

[a5r mdak]

من الواضح انك خفت من الجن ي اخي الجن كائن ظعيف نحن نخافهم لأننا لانراهم فقط شيء مبهم او غريب بالنسبه لنا