تعيشو تعيشو ...شكون متعودة تخدم الحلويات للاعراس

[amel03l]

تعيشو تعيشو ...شكون متعودة تخدم الحلويات للاعراس
حابة نخدم لعرسي بقلاوة و مخبز و قطايف في الدار ..و ماشي موالفة نخدم كمية كبيرة و اول مرة راح نخدم مخبز ..شفت موضوع ام اماني قلت نخدمو ...مي راح نخدمهم بالكاوكو
تعيشو تعيشو ربي يخليكم شكون تقولي شحال لازم المكونات ..خاصة الكاوكاو و الفرينة و لعسيلة و قطايف باش ندير 270 حبة في كل نوع ...و لي عندها رابط للبقلاوة و القطايف تحطولي و قولولي شحال من نهار نقدر نديرها قبل يعني نقدر ندير المخبز قبل باسبوع

[ام كوكو]

كل شيء مبروك اختي شوفي البقلاوة اعملي 2 سنيوات نتاع ميترة و راهي تجيك اكثر من 27 حبة بالزيادة خير و العدد يزيد على حساب شكل التقطاع نتاعك
مخبز 2كلغ لوز بعلو 1.5 سم ديرلك 140 حبة بشكل مربع
القطايف واش من قطايف اشرحي مليح واش تحبي

[amel03l]

صحيتي اختي على الاجابة ..القطايف حبيت هاوك لي نديروهم في علب صغار باش نوزعم مع الشاي ..تعيشي قوليلي عادي نخدم مخبز بالكاوكاو ولا مايجيش مليح ..يعني واش فهمت لازم 4 كيلو لوز او كاوكاو ل 250 حبة مخبز....و تعيشي اختي شحال لازم من كيلو كاوكاو للبقلاوة و القطايف و لعسيلة شحال لازم نشري

[ام كوكو]

مخبز الكاوكاو مع القلاساج بذوق الليمون يجي ما شاء الله يهبل و كاوكاو البقلاوة تجيك 3كلغ للسنيوة الوحدة و 5كلغ عسل للسنيوة الوحدة و على القطايف ما نقدر نقولك غير اخدمي مبدئيا زوج كلغ قطايف و شوفي واش خرجولك و كملي و ان شاء الله افدتك و ربي يعينك اختي يجعل كل شي مبروك

[amel03l]

ربي يعطيك ماتتمناي ام كوكو و ربي يخليك للي تحبيهم ..سلكتيني ..

[sirila]

في عرس بنت خالتي اليامات الي فاتو دارت 8 كيلو لوز في مقروذ اللوز و دارلها حوالي 350 حبة وثاني المخبز 8 كيلو


يعني نتي وحسب العدد نتاعك

بالنسبة للبقلاوة دارت 2 بلاطوات كبار تاع المقروذ خلطت جوز و لوز الكمية مانعرفش

[أم امتنان]

هاهو الرابط تع لمخبز بالكوكاو ان شاءالله ينجحلك كيما انا (http://www.djelfa.info/vb/showthread.php?t=1324055)http://www11.0zz0.com/2015/01/05/22/857068361.jpg (http://www.0zz0.com)

http://www.djelfa.info/vb/showthread.php?t=1324055

[sabine 1988]

محبز حرة لغواطيات راهم يشكرو فيه كل اللي جربوه انا مازال ما جربتوش وهي قالت في الوصفة قداش من حبة يحط

[sabine 1988]

والحلويات عندي قريبة ليا كان موعد عرسها محدد في تاريخ معين و تم التاجيل تقريبا لمدة شهرين فكونجلات الحلويات و حنا ضحكنا عليها و قلنا ذرك يجي القاطو يبهدل بما انو قدم ولكن لقيناه في الاخير زاد طرا وهشاش اكتر و اللي معلابالوش بالحكاية يبانلو جديد
اما اشكال المخبز شوفي في الانترنات هناك اشكال و الوان عصرية رائعة حوسي اكتر

[جيجلية]

انا جربت في عرس مقروظ اللوز بالكاوكاو مع القارص متعرفيهش خلاص يلي بالكاوكاو جا هايل

[amel03l]

ya3tikom el sa7a khiyati o kol wa7da radet 3liya

[mojab]

محبز حرة لغواطيات راهم يشكرو فيه كل اللي جربوه انا مازال ما جربتوش وهي قالت في الوصفة قداش من حبة يحط