هل الاهتمام الزائد يقتل الحب؟

[bello angel]

يا خاوتي مند مدة عايشت حكاية عن قرب حبستلي راسي
وحدة تحب راجلها تموت عليه و مهنياتو تحملت معاه الفقر و الغربة و كانت تخدم و تعاون فيه عمرها ما طلبت منو حاجة العكس كانت تستخسر في روحها كلشي على جالو و في الاخير تعرف على وحدة نعرفها لعبت بيه خلى مرتو و خلى ولادو ع جالها ولي حيرني يصرف عليها و يجيبلها غير اغلى و اثمن الهدايا غير باه ترضى عليه و هيا تدلل و مش عاجبها رايح يهبل عليها و هي كلمة حلوة ما تقولهالوش العكس تكدب عليه و تفوت بيه في الوقت

و حكايه اخرى لقريبتي تركها زوجها لانها من كثرة ما تحبو و مهنياتو ولا يشوف روحو عليها و مل منها
و ما اكثر هده الامثلة
قولولي يا خاوتي هل غالطة المرا لي تطيع راجلها تصون له مالو و تشفق عليه؟
هل القدر الزائد و الاهتمام يقتل الحب ؟
واش رايكم

[baalache]

طاعته واجبة اما عن الافراط في الاهتمام فاجل يمكن ان يكون سببافي قتل الحب لكن ليس هو السبب للبحث عن اخرى

[chouchou w]

صح كاينا منها انا وحدة من الناس نحب راجلي لدرجة فاللول نحب نحكي معاه بزاف طول وقت ون عمري نحبك شتو بدا ازيد فيها عاد اجيني كلي متكبر قتلو في قلبي جيت عندي اوحاب تتقلش ضور نعتلك وليت جابدا عليه شوية ماشي بزاف هههه كينحب انرو ح لصحباتي نعدل ونبيلو بلي منيش نعدلو ليه كعاد فلول كيكونت نعدل روحي ايقولي حتروحي للعرس المهم احب افشلني .وليت منعطيلوش اهمية كبيرة مي متهليا فيه لكن تاع انبالغ نحيتها مشي مليحة سلام

[bello angel]

صح كاينا منها انا وحدة من الناس نحب راجلي لدرجة فاللول نحب نحكي معاه بزاف طول وقت ون عمري نحبك شتو بدا ازيد فيها عاد اجيني كلي متكبر قتلو في قلبي جيت عندي اوحاب تتقلش ضور نعتلك وليت جابدا عليه شوية ماشي بزاف هههه كينحب انرو ح لصحباتي نعدل ونبيلو بلي منيش نعدلو ليه كعاد فلول كيكونت نعدل روحي ايقولي حتروحي للعرس المهم احب افشلني .وليت منعطيلوش اهمية كبيرة مي متهليا فيه لكن تاع انبالغ نحيتها مشي مليحة سلام


هههههههههه مليحة هادي
مي كيفاه تعرفي و كتاه تثقلي روحك تخافي تجبدي يقلك مراكش متهلية فيا

[بنت ابوها~]

واش نقولك حسب الراجل كاين الي ايقدر واش تعمل معاه مرتو و يرد ليها الخير بالخير و بالمقابل كان نوع الي كي شوف مرتو لاهية بيه ايولي مغرور و يشوف روحو عامل مزية عليها الاحسن هو الاعتدال لا افراط و لا تفريط لانه قلة الاهتمام تقتل الحب

[*نآدرة~]

سبحان الله،،كاين صح،،كل راجل وكيفاش،،كاين لي يموت على مرتو كي تتهلا فيه وتحبو وكاين لي مافيهش الخير

نعرف واحدة مسكينة كانت دايرتلو كيما يبغي،،كان هو يخدم بعيد يبعثلها دراهم تتقشف وتخلي منهم،،وقت لي جا يكمل دارو لقاها مخبية مبلغ لاباس بيه،،داه بنا بيه الدار وقالهم والله غير ختها لي نجيبها عليها تسكن في هاذ الدار خاطر هذي دار ميش تاع وجهها

للعلم فقط مسكينة هاذ المرأة ما تعدل روحها ماتتسقم لراجلها،،حتى التلفون قالها نشريه نهدر معاك ونطمن عليك ما بغاتش

عقليات،،الله يلاقينا بلي يهنينا ويزيد يبغينا كي نبغوه ونتهلاو فيه

[chouchou w]

هههههههههه مليحة هادي
مي كيفاه تعرفي و كتاه تثقلي روحك تخافي تجبدي يقلك مراكش متهلية فيا


فلول كنت نعدل ونسقم روحي كي جي لدار نبدا انقولو شوف بدلت لوك جامليح ولا لا كشتو ميهتمش وليت نقعد ايانات منبالغش فاللعديل كي نعدل منبيلوش بلي عدلت علي جالتو كينطيب منعطيش القيمة لواش طيبت ونبالغ ونقولو كول راهي ليك فالاول كنت انبالغ في كل شي القت بلي الرجال ميحبوش المبالغة بزاف تبالهم المراة تافهة هذاك مايهمها ولام المراة تعرف وكتاه تحب و تتحب ميلا ماشي الراجل هذاك وين دخل من الخدمة ولمرا احبي اعمري لا الراجل في هذا الوقت احب لمراة الكالم تهدري بشوي تحطيلو الماكلة الهدرة بزاف لا لا وضحك وكينوض تاني من الرقاد لازم هدرا لا تقلي روحك اذا امد الراجل حاجة لمراة تتقبلها لاشتا حاجة بصيطة و تحاول اتكون خفيفالظل سلام

[أم اسحاق]

السلام عليكم ورحمة الله وبركاته
اختي الفاضلة قد تكون المبالغة في الحب تنعكس سلبا على صاحبها ولكنك لاتستطعين التحكم في احاسيسك وحبك لانك لو تحكمت في ذلك لا يسمى حبا

[زرقـآء اليمآمـة]

السلام عليكم
اصلا هو اهتمام زائد ...... يعني زاد عن حده وبالتالي سيتولد عنه نفور لا تلقائي ....... يجب ان يتعلم الزوجين ان الاهتمام المفرط يشعر الاخر بعدم الحرية حتى في تفكيره ومجالسة نفسه ....... اذن كل شيء بمقدار ....... والله المستعان

[amel03l]

يقول المثل .اذا اكرمت الكريم ملكته و اذا اكرمت اللئيم تمرد..و اتقي شر من احسنت اليه...وكاين بزاف لحكايات من هذا النوع ...

[محمد جديدي التبسي]

الحياة الزوجية تحتاج إلى حكمة وصبر
وقبل هذا وذاك الأمور مرتبطة بتوفيق الله عزوجل

[*سندوسة*]

السلام عليكم

خير الامور اوسطها الرجل مايحبش لمرا لي تلغي شخصيتها على جالو يبغي لمرا لي تكون شخصيتها قوية وتكون تعرف تتصرف في كل موقف تعطيه الحاجة لي تناسبوا كاين لمرا كيما راكي تقولي بصح بلاك اهملت جانب هو كان بحاجة اليه فليس دائما ارضاء الاخر يسعده
الرجل يحب لمرا القوية الواثقة في روحها وفي نفس الوقت الانثى رقيقة لي تكون ضعيفة قدامه


فأحيانا التمنع يلعب دور كبير ولكن لكل موقفردة فعل المناسبة له

وكاين رجال الله يهديهم نكارين العشرة
وكاين بنات لحرام لي الله يهديهم يحوسو يخربو ويهدمو بيوت ناس بالحرام

وربي يوفق الجميع

[(( هبة الرحمن ))]

ليس مع الرجل فحسب
النية مليحة
إن الله لايضيع أجر المحسنين
الإنسان لابد أن يصدق النية حتى ولو خانه الناس والله والله والله سيعوضه الله خيرا
المشكل أننا فقدنا الثقة بالله ........
أمي دائما تقول لي كل الناس لازم تاكليهم ببنيتك .............وصح حقيقة .

[YASMINE SILA]

اذا زاد الشيء عن حده انقلب الى ضده
يا اختي على حسب علمي الراجل يحب الانثى الرقيقة و في نفس الوقت ذات شخصية قوية يعني كوني انثى لانك انثى قبل ماتكون انتى ليه وحدو و لا افراط و لا تفريط

[عمروش توفبق]

شكرا على الموضوع الرائع بارك الله فيكم

[seridz]

انا لا اره قاتل للحب بل بالعكس لكن احذري الغيرة اهتمي كما يحلو لك لكن اياكي و الغيرة المذمومة فهي التي تقتل الحب

[خديجة إحسان]

السلام عليكم.يقولو أنو الشيء كلما تجري موراه بززاف وتجعلوا كل حياتك يهرب منك كاين مثل جزايري يقول:"أطلقوا يهدى",الأساس هو التعامل بالإحسان أكيد الزوجة يجب أن تحب زوجها وتحسن إليه لكن في نفس الوقت لا تجعله محور حياتها للأسف هناك بعض النساء كل حياتها زوجها فقط لا تهتم بتطوير ذاتها ولا تطوير علاقاتها الاجتماعية ولا حتى ثقافتها ولا معلوماتها حول الحياة وتربية الأطفال كل ما في حياتها كيف ترضي سي السيد وياربي يرضى عليها,أكرر طاعة الزوج واجبة وخدمته وحبه من أرقى الأشياء ما أود قوله أن الرجل في حد ذاته تعجبه المرأة التي لها كيانها الخاص وشخصيتها ورأيها يعجب بذلك الكبرياء تعجبه تلك الأنفة في المرأة حتى لو كانت زوجته لأنها تحفز فيه رجولته تحفز المنافسة لديه .وأحيانا الزوج عندما يجد زوجته تهتم بنفسها لنفسها ليس لأجله لا تعطيه حجما أكبر فهذا يثيره فيسعى إلى رضاها.هذا والله أعلم

[brc]

لا الرجل يبحث عن المرأة التي تهتم به لكن هذا الرجل لم يقدرها

[sabah archi]

الإهتمام بالزوج واجب و فرض على الزوجة لكن عليها أن تهتم بنفسها أيضا وتدلل نفسها حتى يراها زوجها ويشعر بحاجة كل منهما للآخر

[*ام عبد الكريم*]

نعم الاهتمام الزائد يقتل الحب و خير الامور اوساطها لا افراط و لا تفريط شكرا لك