**نتـــــــــــــــــــائج ملــــــــــــــــــــــــكة الفنــــــــــــــــــــــــون**

[fifiarch]

http://download.mrkzy.com/e/2715_9bf084d2c5512.png


مساااء الخير...تمنياتي اني نكون لقيتكم على خير

تحياتي للجميع واحدة واحدة.....سواء مشتركات معنا...مشرفات....مارات بلمتنا هذه

تحية خاصة لكل من ثابرت واجتهدت طيلة ايام الدورة فابدعت وجادت اناملها بتحف فنية الكل يشهد بروعتها

اما التحية المعطرة بماء الورد فهي من نصيب استاذاتنا ...هن كن الشموع التي اضاءت الدرب ووصلت بنا لتعلم الكثير والكثير
فالشكر كل الشكر لكن....جازاكن الله خيرا على كل ما بذلتموه

كما اود ان اشكر شكرا جزيلا اخواني المشرفين على ما قدموه لي من يد العون
ام كوثر
كرونو
وطبعا المشرف المبدع اخي**صاحب الامل** على ما قدمه لي من تصاميم رائعة للاوسمة والفواصل

ايامنا عشناها بحلوها ومرها...كنا فيها عائلة واحدة ويد واحدة والحمد لله

اكيد بالدورة اتعرفنا على بعض وصارت بيننا مودة ورحمة

فما واجب الاحباب الا لمة تليق بمقامهم وجمعة تكون خير على الجميع بحول الله....

نعم اليوم نلتقي ...نسدل الستار على اخر المواضيع بدورتنا...تغلق الدورة لكن يتواصل الابداع ولنا فيه لقاء قريب ان شاء الله

الكل متشوق ...متحمس....وممكن على الاعصاب

طبعـــــــــأ هو الموضوع الذي انتظرناه جميعا
http://download.mrkzy.com/e/2715_56f1f190e8151.png

نتائج ملكة الفنون

ولانكم غاليين علينا ومقامكم عالي ومعزتكم اكيد خاصة....راح يكون موضوعنا حفلة ومتعة تنحي على بالنا شوي
توصلنا للنتائج من باب كلو مرح
اولا اكيييد نستقبلكم بالورد والياسمين....كما كان مشواري معكم كلو ورود عطرة

هيا ام حمزة شديتي بلاصتك؟؟؟ وكرونو وينها توصي على بلاصتها؟؟؟موني تعيشي قوميلي بالاولاد ....
حب ووصال ...ام صابرين...نور الاسلام....مرحبااا بيكم
كيكا وزينب رانا نستناو ....
ام عبدو طولت الغيبة لكن نتمنى تكوني حاضرة...بنت الطيب كذلك
كااامل كاااامل اهلا وسهلا .....حتى اللي من وراء الستار الدار داركم ونتمنى في المستقبل القريب تشاركونا

واش رايكم في الصالة عجبتكم

http://assets.arabiaweddings.com/sites/default/files/Atrium_Ballroom_formatted_606x381.jpg

وطبعا لازم الحلوى والمشروبات

http://yebab.com/sites/default/files/images/img_%D8%B5%D9%8A%D9%86%D9%8A%D8%A9_%D8%B9%D8%B1%D8 %B3.preview.jpg

https://encrypted-tbn1.gstatic.com/images?q=tbn:ANd9GcSwR8zJGmH13-g4Jk7rNnl3S_Y6pLa0H0VWDvtp86t9_2tQzYq3

والمشجعينكاينين .....كل وحدة عندها كمشة يشجعوا فيها

وقييل خلاص راكم واجدين....نبدا نهدر؟؟؟؟

ضك يقولولي فيفي واش بيه اراها من الصباح تحكي وزادت ضرك تستاذن باه تحكي

ياااااو راني نقصدر شوي هدوووووء من فضلكم....هههههه......ما صدقتو اتلاقيتو

توشوشو كي الاولاد في المدرسة كي يتلاقو بعد العطلة
طبعا كيكا عندها خبرة في المجال....وتعرفوا عقاباتها كيفاه مدايرة ....مالا ماكلاه تضطروني نجيبها جنبي

ممتاز ....كلو تمام الان ورانا مستعدين نبداو في تقديم النتائج....عفوا السهرة
من برايكم ستكون ملكة الفنون بمنتدى الجلفة
من كان ابداعها رقم 1 في كل الفنون
من كانت المشتركة الاكثر اصرارا على الفوز والتحدي
**طبعا الملكة تتوفر العديد من الخصال..روح المنافسة...الروح الرياضية...الابداع...اللمسة الفنية ...الاتقان....

http://download.mrkzy.com/e/2815_346176ee981b1.png

الان نبدا سهرتنا....نبدا جو المرح والترقب ....ونقوم من خلالها بطرح النتائج....وبعدها تجدن النتائج كلها عند نهاية السهرة هنا


كبداية وافتتاح فخورة انا بالمشاركة التي تلقيتها من اخت غالية علينا جميعا

صراحة كانت مفاجئة جد رااائعة.....كلمات رقيقة.....ومشاعر شفافة صادقة

صدقوني من خلال هذه الكلمات رايت شريط دورتنا كله يمر امامي

انها ابيات شعرية خطتها انامل

**حب ووصال**

إلى ملكات الفنون
بسم الله النقول على نبينا الرسول
ربي يبارك لمتنا لي فيها بنات الأصول
في 24 أكتوبر بدات دورتنا
مع الحبيبة فيفي هي لي نشطتنا
وكانت كل أسبوع تزيد في همتنا
من موضوع لموضوع تقوى أعمالنا
يارب أحفظ فيفي و تقبل دعواتنا
أم حمزة يا محلها كي النحلة تلقاها
تخدم و تنشط و تعاون بكل ما عندها
ميمي الحبوبة و طيبتها و كلامها الزين و دعاها
ربي يشفيها و ينوللها لي في بالها
ليلى و همتها مع السيراميك وفنها
هدوئها وجمال أعملها
كيكا المشاغبة ما أطيبها
تلعب بالحاشية و تتحفها
معها دايمن خفت دمها
نهال لتعلمنا الكرات السحرية معها
كانت كل سؤال تزيدنا من خبرتها
و قبل ما نختم هذ القول
من قلب حب و وصال مرسول
الله يدوم لمحبة و يبارك بكل شئ بيديكم معمول
هذ اللمة لمتنا و نختم بالصلاة على نبينا الرسول
صلى الله عليه و سلام



http://xm.tl/a1044443

تفوز معنا بجائزة لقب ملكة الفنون...المبدعة الراقية بلمستها الفنية المتقنة دوما

حب ووصال

وتتحصل على وسام الملكة

http://xm.tl/a1044414

اما الوصيفة الاولى فكانت من نصيب الروح المرحة والطيبة صاحبة الابداع اللامتناهي والانامل الذهبية

KIKA85

ولها وسام الوصيفة الاولى

http://xm.tl/a1044433

الوصيفة الثانية هي روح الدورة طيلة ايامها...عملت فابدعت....وكل اعمالها كانت قمة في الروعة والجمال

ام حمزة

http://download.mrkzy.com/e/2715_6a215046f3e12.png

وطبعا كل المشتركات الباقيات كن ملكات على عرش الفنون....لكن قانون المسابقة هكذا

طبعا انتن مبدعات....رائعات...وذوات انامل ذهبية ما شاء الله

MIMIMOUNI

نور الاسلام 26

OM SABRIN

اكيد لكن من الطيب نصيب وكنتن اميرات الفنون

لذا تفوز كل واحدة منكن بوسام اميرة الفنون

http://download.mrkzy.com/e/2715_1b6a91f294b12.png

اما المبدعة المتميزة....والتي اظهرت مدى تفاعل الجميع مع ابداعها....مدى انبهارهم بعملها

اختنا زينب 83

فهي تفوز بوسام المشاركة المميزة

http://download.mrkzy.com/e/2715_3983b7a13a773.png

اما غالياتنا الاستاذات اللاتي منحننا من وقتهن وجهدهن فلهن فائق الاحترام والتقدير ويشرفني ان اقدم لهن هذه الشهادة التقديرية

نهال 13

نور الاسلام 26

kika85

http://download.mrkzy.com/e/2715_8e55ae81c3c34.png

وبالنسبة لغالياتنا ام عبدو وبنت الطيب للاسف المشوار لم يكتمل معنا نتمنى المرات القادمة يكونو معنا طول الدورة

*
*
*
*
هكذا غالياتي نسدل الستار على دورتنا

ملتقانا في القريب العاجل ان شاء الله مع اعمال اخرى

دعواتكم لاختكم fifi arch

تحيااااااتي للجميع

http://download.mrkzy.com/e/2715_0c5de87292303.png

[ام حمزة22]

سلاااااام
راني جيت انا الاولة باه ندي البلاصة
يله بنات وينكم
فيفي واش نقلك على هاد الحفلة ماشاء الله متولة من كلش لعقوبة لحفلت زواجك ان شاء الله
ويعطيك الصحة على الكلام الزين ربي يزين ايامك

حب ووصال واش نقلك على داك الشعر بصح راكي تخدمي فالخفاء ما قلتيليش عليه بصح ما عليش راكي مسامحة ربي يحفضك ويهليك ويعطيك ما راكي تتمناي

[fifiarch]

اهلييين ام حمزة نورتينا

البقية مازال ما بانو

ان شاء الله مانع الغياب خير

كيكا خليتها اتحزمت وماظهرتش

[ام حمزة22]

اشكر صاحبالامل وام كوثر وكرونو عى مساعدة مشرفتنا الغالية فيييييييفييييييييي




كما اشكر اساتدتنا نهال و ليلى و كيكا بارك الله فيكم وجزاكم كل خير


والشكر موصول للغالية فيفي على هاده الدورة لي خلاتنا من خلالها نتحدى الكسل ونقوم باعمال جميلة تحفنا بيها منازلنا


تحياتي لكل زميلاتي العزيزات

وتحية لكل من يحضر معانا هاد الحفل

[mimimouni]

السلام عليكم
اهلين وسهلين باختي الغالية فيفي واش هاذ الحطة واش هاذ الخير لي حطيتيه
ربي يزين ايامك كيما زينتيلنا السهرة والقعدة باينة روعة

[fifiarch]

الله يخليك ام حمزة على كلامك الطيب دايما

واكيد الدورة ما كانت راح توصل هنا لولاكم ولولا حماسكم ونشاطكم

على ما يبدو وحدة ما بانت من الاخوات

[mimimouni]

اختي الغالية وصال
يسلمك فمك على هاذ الكلام الزين والرزين واللي يعمر القلب بالفرح والسرور
راكي ماشاء الله عليك شطارة وخدمة وشعر جميل
ربي يحفظك من العين
راني نتعلمت نهدر كيفك ههههههههه
ربي ينولك ما تتمناي

[mimimouni]

الغالية ام حمزة
واش نقولك عليك خدمتك متقونة وزينة وحضورك ديما يزهينا
ربي يخليك لينا
ويحفظلك اهلك ويفرحك باولادك ديما

[mimimouni]

كنت غايبة رجعت محرشة على الكتيبة ههه
وينهم البقية باه نقولهم واش في قلبي
سهرة فرغ قلبك ههه

[fifiarch]

اهلين موني
يا سلام عليك وعلى الكلام العسل كيفك

وانا وينو نصيبي؟؟؟؟؟

[أم أسرار]

بسم الله الرحمان الرحيم
يويويويويويييييييييي أهلين فيفي و الله الصالة روعة و التقديم أروع
أهلا بالجميع كيف الأحوال
حبيبتي فيفي أنتي الغالية و تستهلين كل خير
و الكلمات لي كتبتها خرجت من القلب
و هاني جيت و معيا باقة ورد

http://www6.0zz0.com/2015/04/04/22/823181889.jpg

[fifiarch]

مرحباااا بيك حب ووصال والله انت الارووع

اعشق اللون البنفسجي والورود البنفسجية

هاذ الورود ليا مانخليهم لحتى وحدة

هههههه

[أم أسرار]

أم حمزة كي العادة أنتي الأولى ما شاء الله
أما الكلمات و الله درت لا سياست و نضت جاتني الفكرة يعني الكلمات راهم سخونين هذا وين خرجو :1::1::1::1:

[fifiarch]

والان بنات نبدو كلامنا بالافضل


http://i.ytimg.com/vi/I1GbLQTtuog/maxresdefault.jpg

وعلى بركة الله تكون لمتنا دايما خير

[أم أسرار]

ميمي ربي يحفظك أنت كذالك
أنا من عادتي نكتب كي نكون فرحانة ولا العكس
و الكلمات جاو وحدهم و تستهلو كل خير
أهلين الحبيبة فيفي يا مولات العرس هذا أقل واجب ندخل بباقة ورد وخيرت اللون لي يعجبني و الحمد لله أنو عجبك و معليش
راه ليك و علابالي لبنات ما يزعفوش :1::1::1::1:

[أم أسرار]

خيرا ما بدأتي كلام الله
ربي يطرح البراكة في لمتنا و يبقي ستر على كل واحد

[fifiarch]

واش رايكم بنات نلعبو لعبة بسيطة

نمدلكم صور وتقولولي نتاع واش

على فكرة هي صور عواصم عالمية

[أم أسرار]

كيكا المشاغبة وين راكي زعما نتي dj
نور الإسلام وين راك دوري
أم صابرين أين أنت

[أم أسرار]

يا لا حبيبتي فيفي رانا في الإنتضار
مع أني منسلكهاش لكن بالاك نقدر نقرعج من ولا من :1::1::1:

[fifiarch]

http://mediastream.jumeirah.com/webimage/heroactual//global/destinations/london/destinations-london-history-hero.jpg

[أم أسرار]

يمكن تكون إنجلترا :rolleyes::rolleyes::rolleyes:

[ام حمزة22]

لبنات راهي النت مهبلتني
ميمي حت نتي بديتي تشعري ربي يحفضك ويخليك ويعطيك ما تتمناي

حب ووصال علمن تقرعجي هههههههه


كيكا وينك وقيل رقدتي مصبح ونتي تقارعي في صاحب الاعمال يادرا ولا قدرتي تبعتي تطبيقك


ام صبرين وقيل ما زلتي مع تدواش نتاع دراري بصحتهم

[fifiarch]

حب ووصال هاذو عواصم ماشي دول

يعني ننتظرو اسم العاصمة

بقية البنات وين غطسو

[ام حمزة22]

يا فيفي يا الغالية زدتي حطيتي الصور راحلي كلش
ماعليش كملي اللعبة بالاك يهديها ربي النت وتخف شوية

[ام حمزة22]

هادي لندن عاصمة انجلترا

[fifiarch]

هههه ام حمزة راهم وحدة ما بانت البنات وقيل هوما تاني مع مشاكل الانترنت

[fifiarch]

ممتااااز ام حمزة جبتيها

الصووورة الثانية

http://www.al-jazirahonline.com/news/sites/default/files/20140104t28.jpg

[ام حمزة22]

ان شاء الله يكون المانع خير



غاليتي هادي اليمن والله اعلم

[أم أسرار]

أم حمزة عطيتلك الفكر و أنت كملتي معليش بصحتك
الصورة الثانية القاهرة

[أم أسرار]

أم حمزة روحي عايطي لأم صابرين و قيلة راهي راقدا

[fifiarch]

لالا البنات ماهيش اليمن

وماهيش القاهرة

ام حمزة رانا نحوسو على العواصم ميش الدول

على فكرة هاذي عاصمة دولة عربية عندا حدود مع تركيا

[أم أسرار]

بغداد حبيبتي فيفي

[fifiarch]

ممتاااز حب ووصال جبتيها

طيب البنات لانو الانترنت ثقيلة وراكم مش حاضرين كاملين راح نختصر بقية الصور ونحط صورة واحدة

http://media-cdn.tripadvisor.com/media/photo-s/00/12/bb/ea/berlin-cathedral-and.jpg

[ام حمزة22]

ما عرفتهاش للاسف

حب ووصال ام صبرين درك تدخل راهي دوش لدراري



والله راني في صراع مع النت

[mimimouni]

رحت ورجعت نلقا النشاط الله يبارك
اهلين اختي ويصال واشراكي

[mimimouni]

هاذي برلين بالمانيا

[kika85]

هااااني جييييييييت
يا ستوتات رحتو للخارج تحوسو وخليتوني

[أم أسرار]

يمكن تكون برلين

[ام حمزة22]

كيكا طليتي ههههههههههه انا عنبالي رقدتي

[kika85]

يا فيفي وعلاه هكدا وعلاه....خليتيني جيت بالتالون وحالتي حالة وبديتي تدي فيا من بلاد لبلاد ههههه
اسمحولي دخلت من الباب نداوس...ما سقسيتش حتى عليكم كيفاش راكم حبوباتي توحشتكم كامل
ام صابرين ياو بلعقل على نسيبي بالاكي تروحلو الشامبوا في عينيه تان يولي يشوف في بنتي فلو ...خلينا ترونكيل مشي كي لحقت الحفلة جاك الدوش هههه

[أم أسرار]

أهلين ميمي أنا الحمد لله و أنتي حبيبتي يسقسي عليك الخير

:1::1::1::1: أهلين يا المشاغبة واش رالك كيكا

أواه موحال نروحو الخارج و ما نديوكش

[fifiarch]

اهليييين كيكا نورتينا

[kika85]

كنت نعمر في كريشتي ام حمزة هههه....راني عيانة من مخي كي راني حنبدا الخدمة غدوة ديت سمانة عطلة

[أم أسرار]

كيكا راكي متهليا في نسيبك الله الله
أنت نسيبة ولا خلي :1::1::1:

[oum sabrin]

راني جييييييييييييييت

[ام حمزة22]

بصحتك كيكا انا اليوم تعشيت بكري وقعدت نقارع فالحفل

[kika85]

يسلمك حب وويصال انتي بالدات علابالي ما تروحيش بلا بيانلصقلك في الروضة تع الطوموبيل هههه
فيفي ربي يخليك منورة بيك حبيبتي والله احلى لمة يا الغالية....تعرفي??? ماديريش النتائج ونقعدو كل يوم نتلايمو وخلاص ههههباش نحكو شوي

[oum sabrin]

واش نقولك كيكا نسيبك ولا يشعل هههههههه ما تخافيش راهو يشوف ملييييييييييييييح
بلاكي برك تبدليلي السلعة:1::1:

[أم أسرار]

أهلا و سهلا أم صبرين واش راكي

[fifiarch]

ممتاز حب ووصال جبتيها

هيا يا سيدي كي جات كيكا نديها لبلاصة انا عن نفسي حابة نشوفها

http://upload.wikimedia.org/wikipedia/commons/d/db/Beirutcity.jpg

[ام حمزة22]

نور ما بانتش وحتى كرونو وام كوكو ان شاء الله المانع خير

[oum sabrin]

فيفي يعطيك الصحة على الحفلة والقاطو كلشي بالطبع الله الله

[kika85]

خفت على راس بنتي مع الي بنتي عاقلة كيما ماماها هيهيهيهيه

[نور الإسلام26]

بسم الله ما شاء الله
يويويويويويييييييي بسم الله ندخل برجلي اليمنى سامحوني جبت روطار هادا وين قعدت قعدة بالطبع والشان اممممم
واش نقول واش نخلي القعدة زينة على حسابها اليوم مكانش رقاد
نسلم عليكم كاملين يا نحلات وحدة بوحدة وخصوصا اخت كانت متمنية تشارك من اول مسابقة لكن كانت تشجعنا بالردود نسلم عليها بزاف بزاف تعرف روحها
نسلم عليك اختي فيفي على التنظيم ولينا عايلة وحدة
واخيرا اكبر تحية توجه الاخت حب ووصال على الشعر الراقي كيما خبر ام حمزة ماقلتيلناش عليه ونسلم عليك ايضا

[oum sabrin]

واش راكم لبنات حب و وصال يسال عليك الخييييييير
البقية وينكم

[kika85]

ام صابرين بوسيهولي الفقوس بصحتو العاقبة لحمام التعرويس انشا الله

[fifiarch]

اهلييين ام صابرين ونور الاسلام

تبانلي العائلة اتجمعت ما شاء الله

[نور الإسلام26]

يا بنات واش راكم مع الصحة

[kika85]

هادي حومتي فيفي ههههههه

[نور الإسلام26]

ايه عندك الحق
كي كنا فالمسابقة اللي تدخل ترد وتروح امام هاد المرة رانا خفا ف شوية

[أم أسرار]

فيفي ميمي هي لي صابتها الأولى و قالت برلين
الصورة هذي الله أعلام كوالالمبورعاصمة ماليزيا

[أم أسرار]

نورالإسلام على سلامتك

[نور الإسلام26]

ام حمزة واش راكي من رجلك سلامتك راسك حبيبتي
البنات عودة موفقة للاولاد في المدرسة

[fifiarch]

صح حب ووصال موني لي جابتها

راكم تعرفو مع ثقل الانترنت هبلتني

الثالثة ماهيش كوالالامبور هي عاصمة عربية

[mimimouni]

اهلين اختي ام صابرين وكيكا العزيزة والغالية نور
مرحبا بيكم
وينهي زينب يادرا وكرونو غابت علينا

[نور الإسلام26]

الله يسلمك حنونة وصلت مدقدقة
ولا داك القط الكحل اللي قابلناه خرجت فينا مرة وحدة مي سالامات

[mimimouni]

هاذي بيروت لبنان

[kika85]

هاديك حومتي فيفي ههههههه

[mimimouni]

راني تشغلت شوية علابيها لقيتكم فتوني

[fifiarch]

ممتاز موني

هاذي بيروت عاصمة لبنان

صااااار كيكا هاذي حومتكم....خلاص مالا نولي صيف وشتاء وربيع وخريف عندك طبعا انا والبنات الكل

[نور الإسلام26]

راكم تحكو راني مثل الاطرش فالزفة
فهموني قصة ديك الصورةعلى حساب مابانلي تجيبوا الاسم

[fifiarch]

حقاااا لبنات على بالي راكم كامل كيما هاذي ضرك

مع الاولاد الصغار يجرو هنا ولهيه

http://img.el-wlid.com/imgcache/2013/11/734439.jpg

[نور الإسلام26]

ههههههههه من بعدى
الحمدلاه ولادي كامل كبار
كل واحد فيهم يعرف طريق فراشو

[أم أسرار]

لا لا فيفي أنا راني في سوسطا راجلي مبرونشي مع الماتش و أنا معاكم :1::1::1::1:

[mimimouni]

انا راني مع الكريات السحرية
خدمت طقم هدية لجارتنا راحت للعمرة
ماتت على لي خدمته درتلها واحد تحطه فالسني نهار ترجع ان شاء الله

[نور الإسلام26]

عمرة مقبولة ليها انك شاء الله وربي يكثر خيرك حتي
حب ووصال راكي لهيه طولتي باش رديتي

[fifiarch]

موني و حب ووصال و نور الاسلام متهنيين

اللي اتخبو ام حمزة وام صابرين وكيكا كرهوهم الاولاد.....

انا نقول نبدو في الصح واش رايكم

مي قبل ما نبدو في النتائج كل وحدة تقوللنا انطباعاتها على الدورة

على المشرفة.....كاشما نبدل في روحي ....كاشما زعفتكم مني.....:1::1::1:

[oum sabrin]

باينة الصورة انا هي
جبتها هههههههه

[أم أسرار]

ممممممممممممتازة و حبوبة و بالك واسع ربي يحفظك و نتمنا أني في يوم نتلاقاو كامل

[kika85]

فيفي مرحبا بيك ارواحي انتي وكامل لبنات مرحبا بيكم.....

[أم أسرار]

ميمي ربي يعاونك و عمرة مقبولة و لعقوبة لينا كامل أمين يا رب العالمين
ميمي روحي غير بلاعقل على صحتك موفقة

[mimimouni]

الدورة رائععععععععععععة دروس متنوعة وفي القمة تعلمنا بزاااااااف منها
شكر كبييييييييييير للغالية فيفي والاستاذات ولاخي صاحب الامل وكرونو الحبيبة
شكراااااااااا لكم في ميزان حسناتكم
للاخت فيفي واش ماعجبناش فيك ؟ ؟؟؟؟؟؟؟؟؟؟
انك تروحي وطولي الغيبة بلا مانطمنو عليك
هذا مكان نحبه ديما طلي علينا وتروحي
ربي يهنيك وينولك ماتتمناي
واخواتي الغاليات كنته كامل في القمة وابدعته كامل
الحمد لله لي جمعنا في هذه الدورة نتمنى نبقاو ديما هكذا

[fifiarch]

مشكوووورين البنات على الكلام الرااائع

[oum sabrin]

بدون مجاملة مشرفة رائعة حنينة متفهمة فصيحة لسان كلماتك عسل تنحط على الجرح يبرا
والدورة واش نقولك فكرة ممتازة انا شخصيا بدلتلي حياتي تعلمت بزاف حوايج و عرفتني بصديقات طيوبات مثلكن
اتمنى ربي يلاقينا عاجلا غير اجل

[kika85]

بنتي راهي جات بصح ما هبلتنيش باستني وقاتلي نني باش غدوة نقرا عند ماني هههههه مسكينة نحطها عند ماما كي نروح نخدم عندبالها هاديك هي القراية ههه
فيفي لو كان غير جاو الناس كامل كيما انتي الله يبارك ويزيد...والدورة والله احلى مافيها بالنسبة ليا معرفتي بيكم.....ناس الطبع والشان والقلب الطيب

[نور الإسلام26]

الحمدلله كامل تستاهلو الخير
كاين اللي جمعتنا وكاين اللي علمتنا صنعة اليدين وكاين اللي تعلمنا منها الرزانة وكاين بزااااااف حوايج مانقدرش نقولهم في سطور بيسك مايكفيش
الحاجة الوحيدة اللي نقدر نقولها ربي يحفظكم ويحميكم من عين ااحساد

[oum sabrin]

كيكا ويلا هاديك حومتك واقيلا الاسبوع الجاي نجي نحط اليد و نحوس شويا ههه

[kika85]

تعلمت الرسم والسيراميك وحببتني في الكريات السحرية خاطر كنت نكرههم في الدم هههه بصح درك وليت نحبهم ونحبكم كااااملين

[oum sabrin]

ميمي و نور و حب و وصال اتمنى تكونو بالف خيييييير و العائلة

[kika85]

ام صابرين الدار دارك نديرك?في عينيا صدر الدار ليك والعتبة ليا

[زينب 83]

وااااااااع راكم مزهيينها و انا ماعلاباليش

فيفي انا نقولك حاجة انت إنسانة بدون تعليق صراحة كرم اخلاق و حلاوة لسان و تواضع ربي يحفظك و يخليك ، انا احبك في الله

حبيباتي انا صح ماكنتش معاكم في كامل الدورة لكن مع الوقت تعرفت على كل وحدة فيكم ، ربي يحفظكم و يخليكم طيبة و حسن خلق و قلوبكم مليئة بالمحبة ربي يبارك فيكم يا رب

[oum sabrin]

موني يعطيك الصحة على الهمة و على الطقم و مبروك على جارتكم العمرة ان شاء الله ترجع بالسلامة

[fifiarch]

الف الف شكر ليكم اخواااتي

وانا ايضا جد جد سعيدة بمعرفتي بيكم

وان شاء الله ايام اخرى واعمال اخرى قريبة جدا

وااااش رايكم نحطو النتائج؟؟؟؟؟؟؟

ما تحاوزونيش برك..


انا بالنسبة ليا راكم كااااامل ملكات

الاختيار كاااان جد صعب

[mimimouni]

اهلين اختي زينب واشراكي
كنا نستناو فيك وين كنتي ؟؟

[oum sabrin]

الله يسلمك كيكا

[أم أسرار]

http://www6.0zz0.com/2015/04/05/00/136229598.jpg

[زينب 83]

واااااااع انا نسيت نهائي كون غير بعثاتولي رسالة خسارة فاتتني حفلة هايلة عععععععععع هبط لي المورال

[kika85]

مرحبا زينوبة كيفاش احوالك واحوال زوجك. ووليداتك

[oum sabrin]

اهلا اهلا اختي زينب لحقت في الوقت المناسب كيفك

[oum sabrin]

لوكان غير تلتحق بينا كرونو

[kika85]

كرونو ونهال تاني

[زينب 83]

الحمد لله حبيباتي و انتوما كيف أحوالكم ، الصراحة و الله اللمة معاكم خير من اي ألقاب ، كل وحدة فيكم تستأهل تكون ملكة ، ملكة الطيبة و المحبة

[نور الإسلام26]

الحمد الله ام صبرين السوالف عليك وعلى اللي ساكنة تحتك مابانش حسها راحت مرة وحدة قوليلها ترجع ودتزهي الحالة بالحس
هيا اختي فيفي ماتزيديش علينا والله راني ميتة بالعيا كنت في رحلة كثر من عشر سوايع جبت غير في خاطركم

[kika85]

فيفي راهي سكتت يا درا واش رايحة تقووللنا

[fifiarch]

اهلييييين اختنا زينب

ربي يخليك على الكلام الطيب حبيبتي

وانا احبكم كلكم في الله

ربي يحفظكم كاااااملين


هاااااااااااااااااه نحطو النتائج؟؟؟؟؟؟؟؟؟؟؟

مانعرفش ندير السوسبانس ونلعب بالاعصاب

هياااا في رايكم شكون كانت الملكة

رغم انكم كلكم ملكات

[fifiarch]

خلااااص البنات راح الحال

النتائج بالصفحة الاولى

الف مبرررروك للملكة تستااااهل

الف مبروك للوصيفات كنتو مبدعات

الف مبروك للاميرات على التالق الدائم

الشكر كل الشكر للاستاذات بالدورة

ومبروك اختنا زينب التميز

اطلعوا على النتلئج وقولولنا الارااااء

[نور الإسلام26]

انا نقول كيما نتيجة كامل يستاهلو طبعا معاهم انا احم احم.....

[ام حمزة22]

:mad::mad::mad::mad::mad::mad:
لبنات وين وصلتو كاش جديد
راني نشوف وصلتو لصفحة 7 بصح مارلنيش نشوف ردود وما نقدرش ندير رد
طلت عليا كلمت رد على الموضوع قلت هادي فرصتي باه نقوللكم راني هنا بصح الله غالب النت دارتها بيا
يادرا واش راه صاري:o

[أم أسرار]

و الله غير ما أمنت أني ملكة الفنون والله دموع تخونوني
كونت ديرا حسابي ثالثة أو لرابعة
حبيباتي والله أهذي تتويجي أولا للحبيبة فيفي ربي يباركلها و يهنيها و ثانيا ليكم الكل
والله تستهلون تكونو ملكات و بالفعل كنتن أجمل ملكات بروحكم الطيبة ألف شكر
و ماننساش أختاي أم حمزة و نور الإسلام لي شجعوني بزاف للدخول هذه المسابقة ألف شكر ليهم

[زينب 83]

الف مبروك لكل الفائزات كلكم تستاهلوا متعتونا و استمتعتوا ، شكرًا الصحبة الطيبة ، شكرًا للحبيبة فيفي، شكراا للجميع

[kika85]

الللف الللف الف مبروك حب وويصال انشا الله العاقبة لاوسمة اخرى.....تستاهليها وام حمزة و ميمي وام صابرين كامل كنتو في المستوى الله يبارك.....بصحتكم كاملين الاوسمة العاقبة لدورات اخرى انشا الله
تصبحو بالف خير

[oum sabrin]

الف الف الف مبروك حب و وصال لقب الملكة
الف مبروك كيكا و ام حمزة لقب الوصيفات
مبروك علينا كامل التتويجات
اختي فيفي كنت في القمة
ننتظر منك لقاءات اخرى في القريب العاجل

[نور الإسلام26]

ايه اختي زينب والله طبنا سير تو مع السخانة اللي كانت
الف مبروك حبيبتي حب ووصال كنتي مبدعة طوال المسابقة الدعاية حقا
شكرا لكن جميعاشكرا لصاحبة الدورة موفقييين باذن الله ايا
البنات انا نروح تهلاو في صحتكم بزاف
تصبحو بالف خير انا شاء الله

[نور الإسلام26]

ايه اختي زينب والله طبنا سير تو مع السخانة اللي كانت
الف مبروك حبيبتي حب ووصال كنتي مبدعة طوال المسابقة الدعاية حقا
شكرا لكن جميعاشكرا لصاحبة الدورة موفقييين باذن الله ايا
البنات انا نروح تهلاو في صحتكم بزاف
تصبحو بالف خير انا شاء الله

قصدي مبدعة حقا راني نخدم بالبورطابل ونصحح سامحوني

[أم أسرار]

ألف شكر ليكم يا ملكات ملتقانا في منفسات أخرى إن شاء الله ربي يحفظكم و يباركلكم

[fifiarch]

مشكوووورين اخواتي كاملين على الكلام الرائع

تمنياتي ليكم بالتوفيق في كل مكان وزمان

سيتم رفع الطلب للادارة من اجل تقديم الاوسمة على ملفاتكم

تحياااااتي وتصبحو بالف خير

الحمد لله الذي بنعمته اتمننا لمتنا بخير وعلى خير

[mimimouni]

الف الف مبروك للملكة ويصال لعقوبة لتتويجات اخرى
والف مبروك للوصيفات
والف مبروك للاميرات احم احم
والف مبروك لضيفة الشرف زينب

[أم أسرار]

تصبحون على ألف خير و ليلة سعيدة

[mimimouni]

تصبحون على خير
ليلة سعيدة

[oum sabrin]

ليلة سعيدة حبيباتي

[ام حمزة22]

لحقت متاخرة بصح ماعليش نبارك ونروح نرقد

الف مبروك لاختي العزيزة حب ووصال والله كنت حاسة انك انت الملكة وان شاء الله لتتويجان اخرى ابقاي برك بقرب المنتدى وما تغادريش
لبنات والله كلكن ملكات وتستاهلو كل خير ربي يخليكم ويحفضكم ويبعد عليكم البلاء والمصاءب
غاليتي فيفي مسكورة مرة 2 على هاده الدورة اتعبناك معانا حبيبتي ربي يحفضك ويخليك ويحققلك كل امانيك
ودرك نقوللكم تصبحو بالف خير
احلاااااااام سعييييييدة
واقيلة راكم تشخرو
خخخخخخخخخخخخخخخخخخخخ

[ام حمزة22]

موني و حب ووصال و نور الاسلام متهنيين

اللي اتخبو ام حمزة وام صابرين وكيكا كرهوهم الاولاد.....

انا نقول نبدو في الصح واش رايكم

مي قبل ما نبدو في النتائج كل وحدة تقوللنا انطباعاتها على الدورة

على المشرفة.....كاشما نبدل في روحي ....كاشما زعفتكم مني.....:1::1::1:

راني روطار بصح انا تان نقول كلامي
غاليتي ما تبدلي واااااااالو اقعدي مثل ما راكي انسانة طيوبة ودخل الفرحة لكل واحد يدخل مواضيعها ربي يفرحك كيما راكي تفرحي الغير
ربي يرزقك الصحة والعافية ويرزقك الزوج الصالح ويلاقيق غير بالناس لي ملاح
ورانا نستناو في دورات ومسابقات اخرى تجمعنا فالخير والهناء

[أم أسرار]

صباح الخير أم حمزة كيف حالك
يعطيك الصحة و يباركلك أمين يا رب العالمين
والله النت البارحة. كانت ثقيلة في كل جيها
حبيبتي ألف شكر ليك لإعطائي الدافع للتواصل معاكم

[oum fadoua]

الف الف مبروك ملكةالفنون حب و وصال

ولا انسى الاخريات الاواتي ابدعن

[ام كوكو]

الف مبروك وصال على تتويجك ملكة الفنون و الف مبروك على كامل الملكات تستاهلو
يعطيك الصحة فيفي قمتي بالمسابقة و خرجت ما شاء الله تحفة اكيد لانها تحت اشرافك و عقبال مسابقات اخرى
الصح بسم الله ما شاء الله عليك ما فيك حتى حاجة تتعاب ربي يحفظك يا الحنونة ابقاي هكذا على طول ما تتغيريش واحد ما يقدر يزعف منك اصلا راكي عاقلة

[fifiarch]

الف شكر اختاي ام فدوى وام كوكو

ربي يخليكم ان شاء الله

تحيااااتي لكل المارات من هنا

[أم أسرار]

الف الف مبروك ملكةالفنون حب و وصال

ولا انسى الاخريات الاواتي ابدعن

ألف شكر ختيتو لعقوبة ليك ربي يفرحك

[أم أسرار]

الف مبروك وصال على تتويجك ملكة الفنون و الف مبروك على كامل الملكات تستاهلو
يعطيك الصحة فيفي قمتي بالمسابقة و خرجت ما شاء الله تحفة اكيد لانها تحت اشرافك و عقبال مسابقات اخرى
الصح بسم الله ما شاء الله عليك ما فيك حتى حاجة تتعاب ربي يحفظك يا الحنونة ابقاي هكذا على طول ما تتغيريش واحد ما يقدر يزعف منك اصلا راكي عاقلة

ألف شكر ليك أختي أم كوكو ربي يفرحك
و بالفعل المسابقة كانت ممتازة و الحمد لله وبفضله و بفضل حبيبتي فيفي ربي يجازيها كل خير أمين يا رب العالمين

[أم أسرار]

الف شكر اختاي ام فدوى وام كوكو

ربي يخليكم ان شاء الله

تحيااااتي لكل المارات من هنا

صباحك سعيد حبيبتي فيفي كيف الحال

[crono]

السلام عليكم

البنات عودة موفقة للاولاد في المدرسة

راني روطار لحقت متاخرة والله راني في صراع مع النت

بصح ماعليش جيت نبارك:D

أختي فيفي كيف حالك ربي يرزقك الصحة والعافية ويرزقك الزوج الصالح

توحشتكم كامل

خسارة فاتتني حفلة فيفي يعطيك الصحة على الحفلة والقاطو كلشي بالطبع الله الله:19:

واش نقول واش نخلي القعدة زينة :19:تحية نوجه الاخت حب ووصال على الشعر الراقي و مضكرتينيش:mad:

والف مبروك بجائزة لقب ملكة الفنون وان شاء الله تتويجات اخرى :19:

لبنات والله كلكن ملكات وتستاهلو كل خير ربي يخليكم ويحفضكم

الصراحة و الله اللمة معاكم خير من اي ألقاب

نتمنى نبقاو ديما هكذا يد واحدة :19:

و عقبال مسابقات اخرى تجمعنا فالخير والهناء
http://kingsof3rb.com/wp-*******/uploads/2015/02/ps-i-love-you.jpg

[ام حمزة22]

الف شكر اختاي ام فدوى وام كوكو

ربي يخليكم ان شاء الله

تحيااااتي لكل المارات من هنا

يافيفي انا ردي كان قبل من ام فدوى وام كوكو ربي يحفضهم هما رديتيلهم وانا لالا :1:
درك نزعف ولا كي خلاصت المسابقة نسيتيني هههههه

[ام حمزة22]

السلام عليكم

البنات عودة موفقة للاولاد في المدرسة

راني روطار لحقت متاخرة والله راني في صراع مع النت

بصح ماعليش جيت نبارك:d

أختي فيفي كيف حالك ربي يرزقك الصحة والعافية ويرزقك الزوج الصالح

توحشتكم كامل

خسارة فاتتني حفلة فيفي يعطيك الصحة على الحفلة والقاطو كلشي بالطبع الله الله:19:

واش نقول واش نخلي القعدة زينة :19:تحية نوجه الاخت حب ووصال على الشعر الراقي و مضكرتينيش:mad:

والف مبروك بجائزة لقب ملكة الفنون وان شاء الله تتويجات اخرى :19:

لبنات والله كلكن ملكات وتستاهلو كل خير ربي يخليكم ويحفضكم

الصراحة و الله اللمة معاكم خير من اي ألقاب

نتمنى نبقاو ديما هكذا يد واحدة :19:

و عقبال مسابقات اخرى تجمعنا فالخير والهناء
http://kingsof3rb.com/wp-*******/uploads/2015/02/ps-i-love-you.jpg

اهلين بالغالية كرونو والله خصيتي فالحفل انا كانت مهبلتني النت وكنت معاها في صراع
ان شاء الله تكون دورات مثل هادي و يتلم شملنا من جديد
كرونو ان شاء الله تدخل حب ووصال و جيبلك شعر على خاطرك ما تزعفيش برك ما نرضاش على زعلك ياغالي:d

[أم أسرار]

السلام عليكم

البنات عودة موفقة للاولاد في المدرسة

راني روطار لحقت متاخرة والله راني في صراع مع النت

بصح ماعليش جيت نبارك:d

أختي فيفي كيف حالك ربي يرزقك الصحة والعافية ويرزقك الزوج الصالح

توحشتكم كامل

خسارة فاتتني حفلة فيفي يعطيك الصحة على الحفلة والقاطو كلشي بالطبع الله الله:19:

واش نقول واش نخلي القعدة زينة :19:تحية نوجه الاخت حب ووصال على الشعر الراقي و مضكرتينيش:mad:

والف مبروك بجائزة لقب ملكة الفنون وان شاء الله تتويجات اخرى :19:

لبنات والله كلكن ملكات وتستاهلو كل خير ربي يخليكم ويحفضكم

الصراحة و الله اللمة معاكم خير من اي ألقاب

نتمنى نبقاو ديما هكذا يد واحدة :19:

و عقبال مسابقات اخرى تجمعنا فالخير والهناء
http://kingsof3rb.com/wp-*******/uploads/2015/02/ps-i-love-you.jpg

ألف ألف شكر ليك حبيبتي كرونو و سامحيني أني مدكرتكش وهذا دون قصد
لكن نوعدك و بإذن الله نكتبلك شعر على كيف كيفك أنت تستهلين كل خير

[نهال13]

الف مبروك لبنات فعلا ملكات خسارة فيفى معرضتنيش للحفلة بصح معليش مبروك لكل المشاركات كلكن ملكات فقد رفعتن التحدى ونجحتن شكرا اختى فيفى على الاتفاتة ولوحة التقدير

[غزالة الصّحراء]

ألف ألف مبروك للجميع عامّة وللأخت حبّ ووصال خاصّة على ماحقّقته من نجاح. ومزيدا من التألّق .

[أم أسرار]

الف مبروك لبنات فعلا ملكات خسارة فيفى معرضتنيش للحفلة بصح معليش مبروك لكل المشاركات كلكن ملكات فقد رفعتن التحدى ونجحتن شكرا اختى فيفى على الاتفاتة ولوحة التقدير

أهلين نهال على سلامتك هذي غيبة
ألف شكر على كل ما قدمتيه من أعمال ربي يجازيك كل خير عنا أمين يا رب العالمين
ألف شكر على المرور الطيب

[أم أسرار]

ألف ألف مبروك للجميع عامّة وللأخت حبّ ووصال خاصّة على ماحقّقته من نجاح. ومزيدا من التألّق .
مشكورة غزالة ربي يعطيك ما تتمناي و يوفقك كذالك و ألف شكر على المرور الطيب

[fatma1977]

تحياتى للغالية فيفى أرش متعة دائمة ونشاط مزدهر مع الاستاذة فيفى نتمنى لو تخبرينى على الخاص بمثل هذه الدورات والمسابقات رانى ما ندخلش بالزاف ربى يبارك فيك
مبروك لحب ووصال الملكة وللوصيفات خاصة أم حمزة والباقيين ربى يزيدكم من الابداع والنجاح الدائم