تسجيل الدخول

مشاهدة النسخة كاملة : وشكون لي جربت كرواصون ام انس تفهمني

jojo dj
2015-04-04, 10:43
صباح نور لحراير حبيت نجرب وصفة ام انوس مي مافهتهاش لي جربتها تقولي انا عندي مشكل في عجينة التخمير le levain مافمتش ام انس قالت ندير 250غعجينة تخمير ونحي منها 50غونزيدها للفرينة لي هي 500غولاراني غالطة فهموني ربي يخليكم
jojo dj
2015-04-04, 10:44
واذا زادت 50غ برك الباقي وين ديرو هههههه والله مافهمت ياريت تفهموني وصفات ام انس كامل ناجحين راني حابة نجربها في اقرب وقت
إلهام07
2015-04-04, 11:46
انا ماجربتهاش بصح نقدر نعاونك
اختي هذا وين كنت نقرى في الوصفة مالقيتش حتى كلام على عجينة التخمير إذا ممكن الرابط باش نعاونك
jojo dj
2015-04-04, 11:54
www.djelfa.info/vb/showthread.php?t=1243744
jojo dj
2015-04-04, 11:55
يعطيك الصحة الهام حنونة ربي يعطيك ماتتمناي منين نحتاج نلقاك فحلة انتاع الصح
إلهام07
2015-04-04, 12:12
حبيبتي راهي واضحة
روحي للوصفة الاصلية في الرابط اللي حطاتز ام انس تفهمي
http://www.djelfa.info/vb/showthread.php?t=1151151 (http://www.djelfa.info/vb/showthread.php?t=1151151)
تخدمي كمية مليحة نتاع عجينة التخمير le levain وتخبيها في الثلاجة وكل يوم تنحي منها المقدار اللي في الوصفة وتخلطيها للعجين وديري بيها كرواسون
هذي الطريقة نتاع المخابز لانو يخبزو كرواسون كل يوم
ام انس دارت 250غ فقط وليس 500غ كيما في الوصفة الاصلية لانو كمية كبيرة بزاف

انا ننصحك ديري كمية صغيرة فقط لانو رايحة تعمليه مرة او 2 والباقي نتاع عجينة التخمير ممكن يفسدلك
ياخي اكيد ماكيش رايحة تفتحي مخبز ههههههههههههههه


على بالي راهي مخلظة شوية طريقة عجينة التخمير إذا مافهمتيش راني في الخدمة
jojo dj
2015-04-04, 12:38
ياالهام راسي خشين ههههه مافهمتش زيدي فهميني شوفي ندير عجينة التخمير فيها 1ملعقة كبيرة خمارة مع زوج مغارف فرينة ونخليها تخمر ولغدوة نزيدلهاا 500غ فرينة كيمادارت ام انس واش رايك وزيدي فهميني نزيد ملعقة اخرى خمارة ولا هاذي تكفي هههههه راني حابسة انتاع صح
إلهام07
2015-04-04, 12:52
معاك اليوم غير لاكان فهمتي :mad::mad::mad: راسي خشين أكثر من راسك :D

اولا : تحضري عجينة التخمير هذي عجينة أخرى ماعندها حتى علاقة بالمقادير الباقيين في الوصفة ديري كمية صغيرة برك :
هي قالت : 500غ فرينة 10غ ملح 10 غ خميرة 60غ ماء
انت ديري الربع او خمس الكمية فقط ماعندك ماديري بهذيك الكمية كاملة راهي بزاف تحتاجي منها غير شوية تخلطيها للمقادير نتاع عجينتك فهمتي ؟
هذي العجينة تحضريها من قبل بيوم وتخليها تخمر .

ثانيا : ناتي الآن للعجينة نتاع الكرواسون انا عن نفسي لعايلتي ندير 250غ فرينة تكفي إذا عايلتك كبيرة وياكلو ديري 500غ
مقادير عجينة الكرواسون ل1كغ فرينة ( انت استعملي نصف الكمية ) :
1كغ فرينة
450غ ماء
30غ بودرة الحليب
20غ ملح
25غ خميرة الخبز
160الى180غ سكر
5غ محسن
30غ زبدة
100غ عجينة تخمير = 4 ملاعق كبيرة من عجينة التخمير اللي كنتي من قبل حضرتيها والباقي نتاع عجينة التخمير خبيه في الثلاجة اذا حبيتي تزيدي ديري كرواسون كل مرة تجبدي تستعملي منها )
حبة بيض
2مغارف قهوة فانيليا
500 غ زبدة او مارغرين توريق



اعتقد راهي واضحة ضرك ؟ إذا مافهمتيش أسألي ماتحشميش ;) معظم الناس مايفهموش الوصفات اللي فيهم عجينة التخمير
jojo dj
2015-04-04, 13:33
ياالهام يا عمري ربي يريحك ويفرحك ويعطيك ماتتمناي كيما ريحتيني ضرك ضرك فهمتها ملبح مليح ربي يحفضك ان شاءالله
إلهام07
2015-04-04, 14:03
الحمد لله أنت فهمتيها وانا دارتلي الذبانة نلبز هذي الوصفة ماشي لوكان فهمتيها وحدك من الاول خير وععععععععع:d
عندي قنطار وصفات حابة نجربهم راني كل يوم تلباز ومالحقتش :d