ما وجدته في هاتف خطيبي اصابني بالاكتئاب

[مشكلتي]

السلام عليكم

باختصار ان مشكلتي هي كالاتي قبل ايام قليلة جا خطيبي يديني من الخدمة وفالطريق نزل يشري قرعة ماء كان تيليفونو في يدي

وانا بحسن نية فتحتو ونشوف بعدها دخلت لل galerie مانكذبش عليكم تشوكيت لقيت فيه افلام اباحية

ومن الخلعة طاحلي تيليفون والطريق طول وانا ساكتة حسيييت روحي رايحة ننفجر واحتقرتو وكرهتوووو

مع العلم انو ميبانش خلاص تاع هاذو الصوالح وعمرو ولا قلل من احترامي ولا تجاوز حدودو وحتى عمرو لا شاف فيا بشوفة

تبين بلي هو انسان هكا العكس عاقل و رزين وحتى النسا برا ما يخزرش معهم انا مقدرتش نتحمل ومقدرتش نقولو وش شفت

وكيما حكيت مع اختي كبر مني ومتزوجة قالتلي بلي الرجال كامل هكا وماكانش الراجل لي ماشافش الشي هذا وبلي هاذا مش معناه بلي

هو مش متربي ولا انسان ناويك غير على هذاك الشي بصح انا دارلي اكتئاب ومانيش قادرة ننسى وخااااااااااااايفة بزاااف

قولولي وش تنصحوني خاوتي راني نتعذب

[المتمرّد]

علاه خطبك و ليتي تركبي معاه في طونوبيل طول
وزيد علاش عليك تتجسي في خوصيته ثم تقولين اصبت باكتئاب
و من وقتاه لشوف الافلام الاباحية يعني واحد مش متربي ؟

[كلنا راحلون]

اولا خطيبك انت معاه فسيارة

ثانيا حتى نساء يشاهدو الي بالي بالك

[chouchou w]

السوال هو تقوليلو ولا لا انا من رايي متقوليلوش كيما قالو الاخوة الرجال كامل اشوفو مي بعد الزواج حاولي تهدري معاه التم الخطوط الحمرا لبينكم اتكون اتمحات انا عن نفسي منقدرش نهدر حوايج كيما هكذا مع انسان يعتبر لحد ما غريب سلام

[غزلانْ]

سمحيلي أختي راكي مخطوبة و تركبي معاها في السيارة هدي ماشي مليحة ليك و ثاني ثقتك به منعدمة تماما و دليلك أخدك لهاتفه وهدا ايضا خطأ.

[الحزين المبتسم]

السلام عليكم

الخطأ الكبير أختي أنك لم تلتزمي بضوابط الخطبة ...

الشيء الذي أؤمن به أن لكل شخص نقائص وأخطاء كما لخطيبك كما لك أيضا لو تأملت

والأحسن من ذلك أختي أن تكوني سبببا في ابتعاده عن كل الذنوب والخطايا

[seridz]

لا يخلو انسان على وجه الارض من العيوب اذا كان هو عيبه انه يرى هذا الامور (الله يهدي ما خلق) ممكن انت فيك عيب اخر اشد لا احد معصوم اختي كلنا لدينا عيوب و كلنا نخطأ الحمد لله الذي شرع التوبة و جعل المغفرة من صفاته اتفهم اكتئابك و لكن لا تدعي الشيطان يدخل بينكما لانه هو من اشار عليك بفتح الهاتف و هو سبب اكتئابك و نصيحة اختي مني ليك قليلي من هذا الخرجات مع خطيبك و اذا قدرتي تتفاهمي معاه باش متزيدوش تخرجو مع بعض فهذا احسن فهميه انكم حابين تبنيو اسرة على اساس متين اللي هو سنة الله و رسوله اكيد و احجة اخرى مهما بلغ الفضول بك لا تتدخلي في خصوصيات خطيبك الا بإذنه فهذا من الادب و احترام الاخر و الله يفتاح عليكم و يبارك في خطبتكم و يكملكم بالخير و تبنو اسرة صحيحة اساسها المودة و الرحمة

[سفير الأيام]

مداااااااااام راك تقولي ناس ملاح وعمره ما غلط معاك يعني ناوي الصح ( الحلال)

والشي اللي يعاني منه تنجمي تغيريه بكلمة طيبة منك غير بالعقل والحكمة

الحاجة الصعيبة
راك غير مخطوبة وركبتي في السيارة

هو زوجك لما يكون عاقد عليك وضرك راه براني ماشي من حقل تمشي معاه

[naamane3]

لا يخلو انسان على وجه الارض من العيوب اذا كان هو عيبه انه يرى هذا الامور (الله يهدي ما خلق) ممكن انت فيك عيب اخر اشد لا احد معصوم اختي كلنا لدينا عيوب و كلنا نخطأ الحمد لله الذي شرع التوبة و جعل المغفرة من صفاته اتفهم اكتئابك و لكن لا تدعي الشيطان يدخل بينكما لانه هو من اشار عليك بفتح الهاتف و هو سبب اكتئابك و نصيحة اختي مني ليك قليلي من هذا الخرجات مع خطيبك و اذا قدرتي تتفاهمي معاه باش متزيدوش تخرجو مع بعض فهذا احسن فهميه انكم حابين تبنيو اسرة على اساس متين اللي هو سنة الله و رسوله اكيد و احجة اخرى مهما بلغ الفضول بك لا تتدخلي في خصوصيات خطيبك الا بإذنه فهذا من الادب و احترام الاخر و الله يفتاح عليكم و يبارك في خطبتكم و يكملكم بالخير و تبنو اسرة صحيحة اساسها المودة و الرحمة
ما شاء الله
كلام رزين وموزون
بارك الله فيك على نصحك المميز
الاخت السائلة هاذا ما تحتاجينه بالضبط
وازيد عليه اكثري من الاستغفار فمعه يأتي الحل

[غير هام]

السلام عليكم

الله يهدينا ويهديه

[روح مراد]

أنا عن نفسي نضن راكو كيف كيف
كي الخلوة و ركوب السيارة و توصيلك كي مشاهدة ..... نفس التحريم
علاش ركوب سيارة مادارلكش اكتئاب و الأمر الآخر دارلك اكتئاب
باش تصححي خطيبك أولا لازم ـنتي تصحي نفسك أولا و منبعدها يدي القدوة منك
(هذا الكلام في حالة وين ماكانش لا عقد و لا فاتحة بيناتكم)

[محمد جديدي التبسي]

الخطاب رطاب ومنافقين الا ما رحم ربك
ربما أختك يكون عندها حق لكن ليس كل الرجال يفعلون ذلك
صحيح الشارع والمجتمع وتبرج النساء ما خلاش عقل في شباب اليوم
لكن يبقى كاين اللي يخاف ربي خاصة من يعيش بعيدا عن ترهات الانترنت
اذا كان هذا خطيبك فقط وليس زوجك فيحرم عليك الخروج معه او الخلوة به
أنت شوفي لايجابياتو قبل واحرصي على تعلم دينك والالتزام به وبعد ذلك ستجدين التوفيق في حياتك
ربما هو طيش شباب وبعد الزواج ينتهي كل شيء المهم أن يجد فيك الزوجة المطيعة الناصحة والله يهدي الجميع..

[ام رضوان]

يا اختى يديرلك اكتآب برك ؟

هذا تدمير للنفس واللى يقلك عادى الرجال كلهم بشوفو نقلهم ربي يهديكم .

وانتى اختى واش من حق واش من دين يسمحلك تركبي معاه وتوقبى على تلفونو راكى كينتي كي هو .

ونزيد نقلك والله غير رايحة تعيشى هذا الكابوس طول حياتك معاه ورايحة تشكى فيه كل مرة حتى ولو تاب ويحلفلك على المصحف.

راجعى نفسك مليح وربي يجيبها في صواب.

[أم تغاريد]

السلام عليكم ورحمة الله وبركاته
آسفة إن قلتُ أنّك قد شاركت في الخطأ ، إذ كيف تختليـــن برجل لازال أجنبيا عنك !
كوني عونًا له على الطّاعة!!!
-----
كيف تتعاملين مع المشكلة الآن؟
-إيّاك أن تواجهيه بما رأيتِ لأنّ ذلك سيجعلك في مشكلة أنتِ في غنى عنها وستسوء دون شكّ علاقتكما
-أكثري من الدّعاء له
-لاتعودي إلى التجسّس عليه
-لا تُضخّمي الأمر وبدل ذلك احرصي على دعوته بتقديم أقراص مضغوطة أو كتيبات صغيرة فيها نصائح عامة لا تخص الموصوع (...)

-------
أسأل الله أن يجمع بينكما على خيـــر

[G I R L]

ماكانش انسان كامل ومع انو عمل عمل لا يرضاه الله وهو الزنا بالعين واللي قالوا الرجال كامل هكا كاين ناس يخافوا ربي
المهم انا مانزيدش عليك ونعطيك نصائح مهمة
ادعي لربي يصلحوا ويبعدوا على هاد الامور وتجنبي التجسس الذي نهانا عنه الرسول صلى الله عليه وسلم وكي نشوفوا واش صرالك نعرفوا علاش الرسول صلى الله عليه وسلم نهانا عن هذا الفعل
وكيما قالولك عندك تقوليلوا على اللي شفتي باسكو راحة ديري لروحك مشاكل كتر من اللي راكي فيها وماراحة تستفيدي والو كون تصارحيه
الوغ حاولي تنساي اللي شفتيه وماتفكريش في هاد الشي بزاف

[رمزي فارس]

لا تغطي الشمس بالغربال، أطلبي منه أن يفتح ملف الصور والفيديوهات في هاتفه أمامك فإذا رفض أو تهرب فاعلمي أن زواجك منه مغامرة خطيرة، وإذا كانت له الشجاعة وفتح هاتفه وظهرت لك الفيديوهات حينها تكونين قد فزت برجل، والفيديوهات يمكن محوها ويعهد لك بعدم العودة لها وستكونين له نعم الزوجة التي تملأ فراغه

[الفاتحة]

ابحثي جيدا عن أخلاق هذا الشخص لربما كان شاذ أو شيء من هذا القبيل

[knives66]

شوفي عيوبك برك وحتقي نفسك

هو خطبك ضورك يتفرج إباحة ولا لا

خلي بير بغطاه

[younes29]

هو يشوف (.......) و انت ركبتي مع انسان غريب في السيارة انا ارى كلا الدنبين كيف كيف
اللهم اصلح حالنا يا رب

[anfal10]

الطفلة بنيتها قالت سيارة راحوا كامل يفتوا جاوبوها على الافلام الاباحية ؟؟؟كامل اشوفوها ؟؟؟؟
كاين ناس جامي شافتها او ما تتمناش اشوفها رجال و لا نساء هذي هي الوخدة الكبيرة في الشباب تاعنا ولا يهرب من الحلال و يحب الحرام
انا نقولك زيدوا سقسوا عليه مليح يا اختي يكذبوا عليك كي يقولوا نورمال كي يتزوج يتبدل لي فيه فيس جامي يتبدل نعرف زوجات جميلات متهليات في روحم بزاف لكن الازواج تاعهم مدمنين على تفراج تاع لخماج ردي بالك اغلطوك

[beldjilali.guellil]

استخيري الله فما خاب من استخار

[عائشة07]

ماتغطوش الشمس بالغربال الي يشوف مثل هداه الامور يدمن عليها ويولي يفضل الخيال على الحقيقة يعني المشكل الي ستاشرتكم فيه خليتوه ولهيتو بركوبها السيارة معه !!
يعني لو كان شاب وتجسس على هاتف خطيبته ووجد ماوجدت هل كانت نصائحكم على هذا النحو ؟؟؟؟ اكيد راكم خرجتو عيوب الدنيا فيها وقلتو له ماتصلحش زوجة و ووووو مالهيتوش كامل فالخلوة
نعم هي اخطئت في التجسس على هاتفه وكذالك اخطئت لما ركبت معه اذا كانو فقط مخطوبين وما فيهش فاتحة
لكن هي تسال على ماوجدت وكيف تتصرف
اختي نقولك حاجة زيدي سالي عليه مليح و هل هو يصلي ولا لا ومعندوش علاقات محرمة
لان هدا الشيء ادمان وانتي راك مخطوبة ووجعك قلبك ادن قيسي على هدا وانتي متزوجة معه ودايرا جهدك باه ترضيه
فكري مليح مليح واستخيري