مساعدة بسرعة ارجوكم

[عاشقة الانجليزية]

السلام عليكم ممكن مساعدة غدوة المدرسة اللي نقر فيها ( دروس خصوصية) قررت باه تدينا رحلة و قالونا جيبو معاكم الماكلة معاكم و انا قلت ندير les souflet و راني حابا ندير حاجة واحدوخرا مي محدودة على حساب القدرة للشخص البسيط و شكرا و ممكن تكون تاني عفسة حلوة

[(( هبة الرحمن ))]

شوفي أختي هذا الرابط
http://djelfa.info/vb/showthread.php?t=1773066&highlight=%C8%D1%ED%E6%D4+%C7%E1%E6%D1%CF%C9
العجيمة راني جربتها راااااااااااااااائعة
ديري عجينة كيما الوصفة حلوة وشكليها كينا تحبي
وعاودي خلطي وحطي مكان السكر ملعقة صغيرة ملح ونصف ملعقة صغيرة سكر .....هذي تصلح ساندويشات عمليها خبيزات صغار

[عاشقة الانجليزية]

يعطيك الصحة مي هاديك تاع الخبيزات مافهمتهاش وشكرا مرة اخرى

[(( هبة الرحمن ))]

أقصد تصنعي خبوات صغار كيما الهمبرغر ...........

[oum souhaib]

حبيت نقولك على لعجينة نتاع السوفلى ديري نتاع نينافرات هايلة.وحاجة اخرى ديري فطيرة الشوارما نتاع ام امانى مشي مكلفة بزاف

[oum rania]

سلام اختي ديري خبيزات بطبوط يجو كمية كبيرة و تقدري تحشيهم باه تحبي على حساب الموجود تقدري فرماج و كشير او تون تاع زيت مع بيض مغلي مقطع رقيق و زيتون اخضر منزوع نواة مقطع رقيق او سلاطة بطاطا مفورة ماييس تون بيض مغلي يعني لمايوناز يعطي بنة كبيرة لكن الحال سخون من الافضل تتفادايه ولا ادي قرعة جديدة من اامحل لما توزعي الساندويشات كل واحد ديريلو شوي احسن ماتتفاعل فااطريق وتخسر نعطيك مقادير خبز بطبوط 250غ سميد 200غ فرينة ملح 3 مغارف زيت دوبي ملعقة اكل خميرة خبز في فنجان حليب دافي مع مغرف اكل سكر حركيهم خليها تطلع و دير فقاعات حكي زيت مليح في سميد و الفرينة اضيفي الخميرة المدابة شمخي بما دافي او حليب دافي اعجني شوي حتى تحصلي على عجينة طرية غطيها خليها تخمر شوي كتطلع عاودي اعجني ديري فرينة او سميد حليها قطعي دوائر غطيهم خليهم يخمرو لازم يطلعو مليح خاطر حليناهم رقاق من المطلوع باش ينتفخو و ينفتحو كطيبيهوم و تقدري تحشيهم لما يطلعو بعد ساعة و نصف تقدري طيبيهم في مقلاة او طاجين او في الفوغ زيدي شوفي فيديو في يوتوب راه يخرج كمية كبيرة و يشبع