شاركوني برنامج دراستكم اليومي

[marambest]

السلام عليكم :D:mh92: وصباح الخير والفل والياسمين والجوري
صباح معطّر بذكر الله، مبعوث لأحلى خلق الله، ينوّر دربك ويبارك يومك بإذن الله.
اما بعد الموضوع باين من عنوانو كل واحد يشاركنا برنامجو اليومي
انا شخصيا كي نروح لعشية على 5 نريح شوية ونصلي ومبعد توصل 6:00 نبدى نراجع الدروس لي قريتهم في هداك اليوم ونحل تمارين في المواد العلمية ومبعد نحضر الدروس تاع غدوة باش نشارك في الكلاصة :rolleyes::rolleyes: ومبعد كان بقالي الوقت نحفظ كاشي درس ولا زوج بالنسبة للمواد الادبية و توصل 10:00 نطبق كلش :D:D
شاركوني

[الدكتورة]

الله يبارك مام انا راني نقرى براسك كيما نتي نراجع وش قريت هاداك نهار و نحضر تاع غدوة مي الحفظ نخليه في weekend
ونهار نقرى الدعم كي نولي للدار نعاود كلش هادا ماكان و بالتوفيق اختي و زيدي اقري مليح في الصيف باه كي يقرب الباك تكوني واجدة

[m83]

Bonjour , moi je ne fait jamais de programme parce que je sais beli jamais nteb9o hhh , ça dépends des jours , des fois je ne fais rien newsel l dar nseli et je passe la soirée sur face et je dors :p

[Rahil65]

أنا تاني ندير كيما نتي من 5 ل6 نريح من 6 ل8 نراجع وش درنا في هداك النهار و نحل تمارين و 8 ل9 نحضر الدروس أنا نرقد بكري خخ

[marambest]

ايييه حاجة باينة اختي Arwitta roka لازم نوجدو للباك
ايييه عندك حق اختي m83 مانقدروش نطبقو طول بروغرام انا ساعات نروح تعبانة ولا كي نعوود مريضة نرقد ديركت
عند حق اختي Rahil65 ارقدي بكري باش تنوضي بكري

[- ريناد -]

ههههههــــ انا كل يوم برنامج معنديش برنامج محدد

نهار نقرا ونهار منقراش
يعنى على حساب المادة مثلا مادة الرياضيات وفيزيا والعلوم عندهم اكبر وقت لانهم يتطلبوا التركيــــز
أما باقي المواد نقراهم في نهاية الاسبوع

[marambest]

لازم نركزووو على المواد العلمية ونتهاونوش في المواد الادبية

[Blanca]

السلام عليكم ورحمة الله وبركاته
اهلا ، كيف حالكم ؟! :)

انا بصراحة مش نستخدم في حتى برنامج
ضيعت روحي ذا العام من نروح و انا جالسة نحس بالتعب و الملل و الكسل ......... :(
الا كي يوصل يوم الفرض ولا اختبار نبدأ نراجع :( و النقاط كارثية خصوصا في المواد العلمية

لكن الان قررت ان شاء الله كل يوم نقرا درس نراجعوا

عندي مشكل في المواد كامل منقدرش نتعامل معاهم خصوصا الادب و اللغات


بالتوفيق للجميع :)

[الفتاة كوزيت]

السّلام عليكم و رحمة الله تعالى و بركاته ... ،
الله يباركــ
و أنا راني نقرى كيفك تقريبا نراجع واش درنا في هاداك النّهار و نحضّر تاع غدوة و و مواد الحفظ نخليهم في نهاية الأسبوع أحيانا ...
بالتّوفيق أختي ، إلى النّجاح إن شاء الله .